رواية اميرة الصعيد الفصل السابع 7 - بقلم سما حسين

شوية وسمعوا صوت زعيق جامد. المفاجأة، طلع حازم بيتخانق مع بتاع البطاطا اللي تحت البيت عشان عايز ٤ بطاطا ونص، والراجل قاله دي بتتباع بالكيلو. هند وفيروز شافوه من البلكونة. هند نزلت عشان تحل الموضوع. هند: في إيه؟ حازم: بص يا ستي، أنا كنت عايز بطاطا حلوة. هند: وبعدين؟ حازم: أنا كنت عايز ٤ بطاطا ونصه. هند: كيلو؟ حازم: لا، أنا عايزها بالواحدة. هند: احم، ده من حقه يديك بالجزمة. هند خلصت الموضوع، واخدت منه الأكل ومشيت.

أكلوا وقعدوا يتكلموا شوية. هند: ناوية على إيه؟ فيروز: مش عارفة. هند: يعني إيه مش عارفة؟ انتي لازم تاخدي قرارك دلوقتي. فيروز: أنا خايفة ما أرجعش، بابا يتعب. وبرده خايفة أرجع وأنا مش معايا الحقيقة. أنا متلخبطة أوي ومش عارفة أعمل إيه. هند: بصي، انتي عرفاني صريحة. بصي، انتي لازم تكوني دلوقتي جامدة وقوية وعارفة انتي عايزة إيه ومش عايزة إيه. فيروز: معلش، أنا هتقل عليكي كام يوم كده. هند: لا، انتي آخرك انهاردة.

فيروز: تمام، أوعدك همشي بكرة. هند: اخس عليكي، يعني كل السنين دي وبرضه تفتكري إن أنا أعمل كده؟ فيروز: قصدك إيه؟ هند: قصدي عايزة تمن الإيجار والأكل اللي انتي أكلتيه عندي. فيروز: نعممم! هند: يا بنتي بهزر معاكي، انتي براحتك. فيروز: شكراً ليكي بجد. ممكن سؤال؟ هند: بت هتوجعي دماغي، لا قومي مشي أحسن. وراحت حضناها وقعدت تضحك. هند: اتفضلي. فيروز: هو انتي ليه عايشة لوحدك؟

هند: بصي يا ستي، انتي طبعاً عارفة إن أهلي ناس أغنيا ومعاهم فلوس. فيروز: وفين المشكلة؟ هند: دي أكبر مشكلة في حياتي. فيروز: إزاي يعني؟ هند: عايزني تحت أمرهم في أي حاجة وبيتدخلوا في حياتي، محسسيني إني لسة طفلة، وإن هما يقدروا يعملوا أي حاجة بفلوسهم. فيروز: حبيبتي، العيشة دي أي حد يتمناها. هند: أنا حابة أكون مستقلة بنفسي.

فيروز: تصدقي أنا مغلطتش لما قولت عليكي فقرية. هي صحيح بالنسبالي عيشة تزهق، بس بالنسبة لأي بنت تانية نفسها في العيشة دي. هند: أنا بقا مش حابة العيشة دي. فيروز: واخوكي؟ هند: ده بغل، يأكل ويشرب وينام. فيروز: بس والله طيب. هند: هو صراحة طيب، بس عبيط واهبل. فيروز: صراحة معاكي حق في دي. هند: دي عادتي أصلاً، مش بعرف أقول حاجة غلط. فيروز: يسلام. هند: بقولك إيه، أنا مخنوقة، ما تيجي ننزل شوية نتمشى؟ فيروز: انزلي انتي.

هند: وأنا أسيبك عشان تسرقي بيتي؟ فيروز بضحك: اه. هند: لا قومي بقا يلا، عشان خاطري. وفضلت هند تزن على فيروز لحد ما فيروز وافقت. فيروز: بصي، أنا هنزل آه، بس مش هنتأخر. هند: تمام. هند نزلت هي وفيروز. هند: بقولك. فيروز: نعمة. هند: أنا هجيب حاجة نشربها. فيروز: تمام. هند: أجيبلك آيس كوفي؟ فيروز: آيس كوفي! الله يرحم جدك كان بيشرب العصير بخرطوم الغسالة. هند: ههههههه، تمام هجبلك. لما هند جابت الآيس كوفي. هند: اتفضلي.

فيروز: شكراً. وفجأة شافوا.