رواية أميرة بقلب سجان ..الجزء 1..2.. الفصل الثاني عشر 12 - بقلم Shaimaa Gonna

  الفصل الثانى عشر من رواية .. أميرة بقلب سجان 💝💝💝 

دخلت سعاد للجدة
سعاد .. صباح الخير يا ست صفية
الجدة بأقتضاب .. صباح الخير يا سعاد ، لو جاية ترجعي الحيوانة دي ،فمتتعبيش نفسك
سعاد بلوم ... انتي ظلمهاها اووي ،وهى ملهاش ذنب فى اللي بيحصل ده كله
صفية بتعجب .. انتي صدقتيها بجد ؟ هى عرفت تاكل عقلك ،لا فعلا برافو عليها
سعاد .. انا اتكلمت معاها كذا مرة وشوفت كل تصرفاتها وتحركاتها ،وكل حاجة اكدتلي أن البنت دي بنت ناس ،ومش زى مانتي فاهمة خاالص
صفية بعند .... بنت ناس ولا بنت قروود مش عايزاها خلاص هنا
سعاد .. طب والعقد ،هتعملي فيه ايه ؟ أنا شايفة انك تديهولها او ترميه لانه ملوش لازمة بعد كدا
صفية ... لا طبعا انا هشتكيها بيه عشان أربيها وأعرفها إن الله حق ،انتي ما تعرفيش إيه اللى هببته امبارح بليل
سعاد ..لا عارفة وشاهدة كمان
صفية بدهشة .. عارفة منين ،هى قالتلك ؟! يابجاحتها
سعاد بدفاع .. حرام بقى ،ماتظلميهاش اكتر من كدا ، البنت مااتكلمتش أصلا ولا نطقت بحرف حتى
صفية .. اومال عرفتي منين ؟
نظرت سعاد لها بقوة ،واكملت
امبارح بليل أنا كنت نازلة اشتري حاجة من برا ، لأن الحرس كانو مع ادهم بيه فى الشركة ،وهو اتأخر شوية عشان الشغل
فنزلت انا ، لكن وانا خارجة من الشقة كان ادهم وصل وطالع من الاسانسير ،فكان بيسألني رايحة فين ، وقولتله،وخلى جمال الحارس يطلع يشترى اللازم من برا بدالي
وفجأة ،سمعنا صوت حد بيصرخ ، ادهم بيه طلع لفوق جري عشان يشوف مين اللى بيصرخ
سكتت سعاد بحرج .
نظرت لها صفية بشك وقالت ... كملي ،ايه اللى حصل
اكملت سعاد
لقى وليد بيحاول يمسك أميرة وهى كانت بتبعده عنها و
صدمت صفية مما قالته سعاد ....
صفية .. مش معقول!! ،وليد يعمل كدا ؟
سعاد .. اظن انا ماليش مصلحة اني اكدب ،ولو عايزة تتأكدي ممكن تسألي ادهم وهيقولك بنفسه

اجفلت صفية وظهرت الحيرة على وجهها ،،واكملت
صفية .. انا فعلاً لازم اقابل ادهم ، عايزة اتكلم معاه ضروري
سعاد .. وقبل كل شيء ،لازم تعتذري لأميرة عن معاملتك ليها
كل الفترة اللى فاتت دي
صفية بأصرار .. يمكن كانت مظلومة فى موضوع وليد ،، بس مش مظلومة فى موضوع چودى
نظرت لها سعاد مستغربة ... انا حاسة انك مش عايزة تصدقي إن البنت دى مظلومة وخلاص !!،، انا كدا رضيت ضميري قدام ربنا
ونهضت استعداداً للذهاب
صفية .. هو ادهم هيجي امتى؟؟
سعاد .. مش عارفة حسب الشغل ،،ساعات فى مواعيده وساعات متأخر
صفية ... لما يجي ابعتيهولي ،، عايزاه فى حاجة ضروري ،وهى خليها عندك مش عايزة اشوفها
سعاد ... بردوا !! بعد الى حكيتهولك ده كله !!!
عموماً انا قلتلها اقعدي عندي ما رضيتش وطلعت فوق فى الروف
صفية .. خليها فوق احسنلها واحسنلي
.......................
خرجت سعاد من شقة الجدة متوجهة لأميرة
ركضت أميرة نحوها متسائلة
أميرة .. قالتلك ايه ؟؟
سعاد .. مافهمتش منها حاجة ، بس هى طلبت تشوف ادهم
أميرة بتعجب .. طب وطلبته ليه ؟؟
سعاد .. يمكن عشان تتأكد من اللى حصل امبارح واللى عمله وليد
أميرة بحرج .. هى قالت لحضرتك على الموضوع ده
سعاد .. لا انا عارفة لاني كنت واقفة مع ادهم بيه برا الشقة قبل ما يطلعلك لما سمعنا صريخك
أميرة .. يعنى حضرتك عارفة اني مظلومة صح
سعاد بلطف .. ايوة ، وهقف معاكى قصاد أي حد
ابتسمت أميرة بأرتياح .. مش عارفة اقول لحضرتك إيه
نظرت لها سعاد بألم .. قوليلي ياماما
اجفلت أميرة من النبرة الحزينة لسعاد .. حاضر ،ياماما سعاد
احتضنتها سعاد بقوة ونزلت دمعة من عينيها ،ومسحتها بأطراف اصابعها قبل ان تلاحظها أميرة
تذكرت أميرة امر الاستدعاء
أميرة .. فى مشوار مهم لازم اروحه دلوقتي
سعاد ..مشوار ايه ؟؟
ابتسمت أميرة .. أول ما هاجي هحكي لحضرتك كل شيء
حضرتك واثقة فيا ؟؟
سعاد مؤكدة ... ايوة واثقة فيكي
ابتسمت أميرة ثانية ... الحمد لله ، بس أنا عايزة اجيب هدومي من تحت ومش هعرف ادخل عند صفية هانم
سعاد .. ولا يهمك ، هروح اجيبهالك ، وعلى ما تيجي هكون فكرتلك فى حل
احتضنتها أميرة مرة اخرى وهى تشعر أن الحياة تبتسم لها من جديد
ذهبت سعاد لاحضار ملابس أميرة من شقة الجدة
ورجعت لها مرة أخرى ، واستعدت أميرة للذهاب لقسم الشرطة
..........................
كانت تشعر ببعض التيهة ولكن كلما تذكرت ما قاله لها ادهم بالأمس ،تشعر بالأمان
وصلت لقسم الشرطة وسلمت جواب الاستدعاء لأحد العساكر وبعد دقائق ادخلها لغرفة فارغة
وخلال دقائق فتح الباب رجل مظهره مخيف بعض الشيء وملامح وجهه جامدة
الضابط .. انتي بقى البنت اللي كانت مع رجل الاعمال المشهور ادهم المهدي فى الحادثة
تصدقي اخر حاجة توقعتها انك تكوني فى نفس العمارة
أميرة بتوتر .. هو حضرتك ليه محسسني اني متهمة،، المفروض اني شاهدة على اللى حصل وبس
الضابط بنظرة ماكرة .. انتي صح ، مش متهمة ، بس ممكن أعرف سبب وجودك فى وقت الحادثة بالضبط ، يعنى مجرد صدفة ولا
أميرة .. انا بشتغل مرافقة لست كبيرة فى السن ،وشقتها قصاد شقة ادهم بالضبط ،فى نفس الدور يعني
رد الضابط بقوة .. انتي تعرفيه ؟؟
تلعثمت أميرة وجف ريقها ،ماذا تقول ؟ وما الإجابة الصحيحة ؟؟
ردت بتوتر وخوف .. أيوة أعرفه هو مشهور جداً والناس كلها تعرفه ،
الضابط .. وهو يعرفك ؟
أميرة .. هو شافني يوم الحادثة لما حاولت أنقذه ،فأكيد هو عرفني
الضابط .. لا أنا اقصد قبل كدا
أميرة .. اعتقد لا
الضابط .. تعتقدي!! .. طب لو هو قال يعرفك ؟ هيبقى ردك إيه ؟
أميرة بصدمة .. لو هو قال كدا يبقى كداب ،وبعدين انا مش عارفة أنا جاية هنا على اساس شاهدة ولا متهمة
الضابط .. لحد دلوقتي مش متهمة ،بس كمان مش شاهدة
لان كل شيء بيقول انك كنتي تعرفيه قبل الحادثة
وضغط على زر لتشغيل فيديو لشاشة جانبية
شاهدت اميرة الحادثة من أول ما لفتت انتباهها صورته بالصحيفة حتى دخلت هاربة لداخل العمارة بخفاء
مظهرها هكذا وضعها بمحل شك
الضابط .. إيه رأيك فى اللي شوفتيه ، ولسه فى فيديو كمان
وضغط مرة اخرى وتم تغيير الفيديو لآخر
اتسعت مقلتي أميرة من الصدمة
الفيديو كان عبارة عن محاولة دخول الجنينة بشكل خفي عن الحارس والدخول لغرفة ماكس
الضابط .. الفيديو التاني ده كان بعد الحادثة لما راقبنا البيت كويس
اظن كدا يبقى عندي حق اني اشك فيكي ، يمكن مزقوقة عليه
نزلت دموعها من هول الصدمات المتلاحقة
ولكن استجمعت بعض شجاعتها وقالت .. انا فعلا نزلت الجنينة بس عشان حصلت مشكلة فى شغلي والست اللى بشتغل عندها مرضيتش تخليني ابات فى البيت ،فنزلت الجنينة
الضابط .. وانتي فاكرة اني ماسألتهاش !؟
تفاجئت أميرة ونظرت له بقوة .. سألتها امتى ،أنا ما شوفتش حضرتك خالص ،لأني معاها طول الوقت
ضحك الضابط فى سخرية ورد قائلا......
وانتي فكرك إني هبعتلك ومش هبعتلها ،بس عشان عارف ومتأكد انك مش هتقوليلها على موضوع الجواب ده ،روحتلها انا بنفسي بليل ،بعد انتي ما نزلتي الجنينة
هى بردوا ست كبيرة ومش حمل بهدلة الاقسام
أميرة بتوجس.. طب وهى قالتلك ايه؟
الضابط بخبث..... قالتلي إيه دي بتاعتي انا ، اما بقى اللي يخصك تعرفيه ، إن مافيش حد برأك
أميرة بدموع .. حضرتك بسهولة جداً ممكن تطلب ادهم وهتعرف منه كل حاجة ،وهتعرف اني مظلومة
الضابط باستهزاء .. طب مانا سألته بردوا واللي قاله يدينك اكتر من اللى قالته الست صفية
أميرة بصدمة .. مش معقول
انا شوفته امبارح وقلتله على الاستدعاء وقالي ده إجراء روتيني
وندمت على ما قالته ولكن الغضب كان تملك منها
الضابط ببسمة ماكرة .. اممم شوفتيه وكلمتيه !! مانتي تعرفيه اهو
وبعدين مش يمكن قالك كدا عشان تيجي وماتهربيش!

وقفت أميرة بغضب وشعرت إن الدنيا كلها تتأمر عليها وقالت....
حضرتك أنا قلت كل اللي عندي،، واظن مافيش أي حاجة ضدي ،
الضابط .. اتفضلي امضي على اقوالك ، وبعد كدا تقدري تمشي
واعطاها القلم ، ووقعت أميرة بيد مرتجفة والدموع تملئ وجهها ،، وانصرفت من هذا المكان المليء بالخوف والكأبة
خرجت وهى تلف يديها حولها وجسدها يرتعش
والدموع تأبى أن تتوقف
ولمحت ادهم يقترب من بعيد ، ولولا ما اكتشفته للتو لكانت صدقت تلك النظرة القلقة بعينيه
اسرع إليها بلهفة وسألها بلطف ...
ادهم .. كويس اني شوفتك قبل ما تمشي، انا أسف اني اتأخرت ، عملتي ايه ؟؟
أميرة والدموع والغضب يملأها نظرت له بقوة ولم تشعر إلا ويدها على خده بصفعة مدوية اثارت تساؤل الجميع من حولها
نظر لها بغضب جارف وعدم تصديق لما فعلته
تطاير الشرر من عينيه وأمسك يدها وسحبها للخارج وادخلها سيارته بقوة
وأمر المحامي بأشارة أن يفعل ما اتفقا عليه قبل المجيء

أميرة بأنفعال ودموعها ترفض التوقف .. نزززززلني ،ياما هنط من الباب ووديك فى داهية
كانت انفاسه تتسارع من الغضب ويحدق أمامه بعنف ونظر لها نظرة ضيقة عنيفة جعلتها ترتجف
.....................
كانت صفية تجلس فى شقتها تتسائل هل ما فعلته هو الصواب
فلاش باااك
عندما أتت سعاد لتطلب ملابس أميرة ، طلبت منها صفية رقم هاتف ادهم الشخصي لأن الآمر لا يحتمل التأخير ، وطلبت ايضا إن لا تقول لاميرة اي شيء من هذا الحديث
وأخذت الرقم واتصلت هاتفيأ بادهم على الفور ....
ادهم وهو يستعد لكي يذهب مع المحامى لقسم الشرطة ،أجاب
الوو
صفية .. السلام عليكم
ادهم . وعليكم السلام ورحمة الله وبركاته ،، مين معايا ؟؟
صفية .. انا يا ادهم جارتك اللى قصادك فى الشقة
ادهم بتعجب .. اهلا بحضرتك ، فى حاجة اقدر اقدمهالك ؟
صفية .. عايزاك دلوقتي ضروري
ادهم بعجالة.. طب ممكن تقوليلي فى ايه دلوقتي ،عشان انا ورايا مشوار مهم جدا وماينفعش اسيبه
صفية .. انا عايزاك بخصوص أميرة ، انت اللى هتقدر تحل المشكلة بروايتي ي ،لاني خربت الدنيا خالص ،
رد ادهم بقلق فعندما تأتي سيرة أميرة يشعر بالقلق
ادهم . طب انا جيلك دلوقتي ربع ساعة واكون عندك
صفية ...مستنياك
وقفلت الخط وذهبت الى سعاد وطلبت منها الامانة الذي سلمتها لها منذ فترة
................................
وقفت السيارة عند المبنى الخاص به ونزل من السيارة مسرعأ لم ينتظر حتى إن يفتح له السائق الباب
وامسكها من معصمها ،وسحبها الى الداخل وفتح باب المصعد وادخلها بعنف لداخله ، ودخل هو الآخر وضغط على زر الصعود
أميرة ببكاء .. انا مش خايفة منك ، ولا بخاف من حد ،
ومش هسكت لحد تاني ، انا بكرهكوا كلكم وبكررررهك انت كمان،
وكررتها بصوتاً عالي ، بكرهك يا ادهم ، بكررررهك
نظر لها بغضب ، وضرب الحائط الجانبي لها بقبضة يده بعنف
قائلاً ..... اخررسي بقى ،مش عايز أسمع صوتك ده تاني
اكملت بدموع .. مش عايز تسمع صوتي ، بس كدبت عليا عشان تخليني اروح برجلي ، وماقولتش الحقيقة ، وخلتني فى موضع اتهام بدل ماكون شاهدة
كان الغضب تملك منه لدرجة إنه سايرها فى ظنونها التى لا تمت للحقيقة بِصِلة ، ولكنه أراد أن يرد لها صفعتها له أمام الناس
زم شفتيه بغضب وظفر بضيق
وقال ... أيوة كدبت عليكي ، وهردلك القلم ده أضعاف مضاعفة
ونظر لعينيها بقوة ... انتي ماتعرفيش إنتي وقفتي قدام مين

كانت تنتظر أملاً بسيطا أن ينكر ،يكذب
ولكن ببساطة هو خدعها وكذب عليها ، نظرت له بصدمة
ودموعها تتزايد وسقطت على أرضية المصعد باكية

حول نظرها عنها وقال مجددا
نادين كان عندها حق ، ، هو ده مكانك ،،خدامة
واشار بيده ...
رفعت نظرها إليه بصدمة أخرى ، نعم
فهى صدمت من قوله ، وقفت بكبرياء والألم ينهشها
هتشوف الخدامة دي بكرا هتعمل ايه
ونظر لها باستهزاء زادها الم

وصل المصعد للدور الثالث وفتح الباب اتوماتيكياً
سحبها من يدها مرة أخرى وضغط على جرس الباب بقوة
وفتحت له سعاد وتفاجئت بوجود أميرة على هذه الحالة
دخل ادهم للداخل وبيده أميرة
وفتح إحدى الغرف والقاها بداخلها بعنف
وقفل الباب بالمفتاح
سعاد بصدمة .. فى ايه ؟ إيه اللى حصل ؟ وبتعمل مع أميرة كدا ليه ؟
ادهم بانفعال .. لو حد فتح الباب ،يعتبر نفسه مطرود
ودخل مكتبه بوجه ينفجر من الغضب وقفل الباب ورائه بعنف

اسرعت سعاد لأميرة وهى تكلمها من خلف الباب
سعاد بخوف .. ااميرة ،، ردي عليا ،، اايه اللى حصل؟
وقعت اميرة مرة أخرى باكية وبأعلى صوتأ لها ..صرخت
انا بكرررررررهك يا اادهم ، بكررررهك

سمع صوتها وتنهد بعمق وغضب ، غاضب منها ومن نفسه
سمع دقات على الباب وكانت من سعاد
ضرب بقبضته المكتب بعنف قائلا بغضب
مش عااايز حد يدخلي دلووقتي

ابتعدت سعاد عن الباب مسرعة ، وهى تشفق على هذه الفتاة
مما ستواجهه
.............................
استيقظت چودي على صوت حازم يضحك بخفوت ويتحدث عبر الهاتف
فتحت عينيها ولم تستوعب إلا بعد لحظات
انتفضت برعب وغطت جسدها العاري تقريبا بملابسها الملقاه بفوضئ بجانبها
صرخت ونادت على حازم واتى بعد دقيقة
نظرت له بكره وغضب ... أنت عملت فيا اايه ؟؟ وإيه اللى جبني هنا ؟
انا كنت معاك امبارح فى المطعم وروحنا بالعربية ومش فاكرة حاجة تاني ،
واكملت بصريخ .. ااااانت عملت فيا اايه ؟
حازم بضحكة .. هكون عملت اايه يعنى ،،
اكيد عملت اللى انتى عايزاه ، اومال سافرتي وجيتي معايا هنا ليه وفسح وخروج ،
صدمت جودى من طريقته ، حتى الآمس كانت غارقة بحبه
اخرس يا حيوان ، انا كنت فاكرة انك بتحبني
ماكنتش فاكرة انك قذر اوي كدا
حازم .. بحبك ؟؟!!! وهو انا لو بحبك هعمل معاكي كدا
ولو انتي بتحبيني هترخصي نفسك كدا ، احنا مش هنمثل على بعض
جودى وضعت يدها على وجهها لتمنع نفسها من الصريخ
حسبى الله ونعم الوكيل ،منك لله
نظر لها بأحتقار ...
انا مخطفتكيش انتي كنتي معايا بمزاجك ، وانتي اللى رخصتي نفسك ، يبقى ازاى انا هغليكي وعمومأً احب اطمنك
انتي لسه زى مانتي ،انا ماقربتلكيش
كل ما فى الموضوع اني اترهنت عليكي وصورتك قبل ما تصحي وبعت الصور لصحابي وكسبت الرهان لكن مالمستكيش ،
اطمئنت بعض الشيء ولكن الجرح ما زال فى قلبها
جودى ببكاء .. بعت الصور لصحابك وفضحتني ،
محدش هيصدق انك مالمستنيش ،منك لله حسبي الله ونعم الوكيل فيك ، عمرى ماهسامحك ابداا ،عمري
حازم .. غيرى هدومك ومش عايز اشوف وشك هنا تاني
والصور محدش يقدر يطلعها ،لكن لو نطقتي بحرف واحد
هفضحك بجد فى الدنيا بحالها
واحمدي ربنا .. اني طلعت شهم ،وماكملتش رهانى للآخر
نظرت جودى له بكره .. شهم ؟؟؟
بس انا اللى غلطانة فعلا ، انا اللي رخصت نفسي وصدقتك
خرج حازم وهو ينظر لها باستخفاف
لم تدري كيف ارتدت ملابسها وركضت للخارج باكية
تهرب من كل العيون المحاطة بها بالفندق
وتعثرت بكتف شخص وهمّ الآخر بالاعتذار ، لكنه نظر لها بعدم تصديق
معتز ... انتي 😁
جودى ووجهها غارق بالدموع ،نظرت له سريعا ثم ركضت ثانية للخارج
معتز بتكشيرة تملئ وجهه .. طب استني طيب 😞
............................
امسكت نورا هاتفها بضيق وتحاول الاتصال على أميرة ولكن هاتف أميرة خارج نطاق الخدمة
نيرمين بشماتة .... إيه يانورا لسه ماردتش عليكي بردوا
نورا بقلق .. أيوة ،لسه ماردتش وكل ما ارن عليها ،فونها غير متاح
نيرمين .. ما يمكن نايمة وقفلته
نورا .. مش عارفة ،، بس انا قلقانة عليها ، والمشكلة اني نسيت طريق البيت ومش عارفة اروحلها
نيرمين .. لما تيجى ليلى اسأليها
نورا ... منا سالتها ،، هى كمان ماركزتش فى الطريق ومحفظتهوش
نيرمين .. خلاص اتصلي بچودى واساليها
تفاجئت نورا ... جودى ؟؟ وانتي تعرفي جودى منين ؟؟

توترت نيرمين وتعلثمت فى الرد .. ما . ماهى ليلى حكتلي على كل حاجة ، مانتي عارفة مش بتخبي عليا حاجة
نورا .. اه عارفة ، وبردوا سألت ليلى وقالتلى إن جودى مسافرة

نيرمين .. ما تقلقيش ، ممكن تكون عملاه صامت ، عشان جدة جودى تعبانة وكدا
نورا .. صح ممكن
............................
دقت سعاد على باب الغرفة التى بها أميرة عدة دقات
ولم تجيب أميرة
انتابها القلق واسرعت لغرفة المكتب وفتحته بدون استأذان
ادهم بوجه منفعل .. أنا مش قلت محدش يدخل عليا
سعاد بقلق .. معلش ،بس عمالة اخبط على أميرة مش بترد
ادهم باستغراب.. مش بترد ازاي !؟؟ وكنتي بتخبطي عليها ليه ؟؟
سعاد بتوتر .. بصراحة كنت عايزة ادخلها اكل ، دى من ساعت ماجبتها الصبح ماكلتش ،،وكمان مافطرتش قبل ما تمشي الصبح ، كانت رايحة مشوار ومستعجلة مالحقتش تفطر
ادهم وبان على وجهه بعض القلق ولكنه أخفاه سريعاً
ورد بعنف .. ماكلتش!!! ، وانتي كنتي مستنية إيه عشان تدخليلها اكل
ردت سعاد معاتبة .. هو مش انت قولتلي اللى هيفتح الباب يعتبر نفسه مطرود ، وبعدين افتح الباب ازاي والمفتاح معاك

زفر ادهم بضيق وقام سريعا وذهب الى غرفتها
وفتح الباب
.............................