رواية اميري المنقذ الفصل الثاني عشر 12 - بقلم جهاد صلاح

في صباح اليوم التالي استيقظت حور وحضرت الفطار. صحت والدها علشان يفطر ويروح الشغل. حور لنفسها: البيت قمر يا ناس من غير الحرباية. محمد: أي النشاط والحيوية اللي على الصبح دي. حور بضحك: علشان الست سماح مش موجودة. محمد: هههههههه. حور: يلا بقى ناكل علشان منتاخرش على الشغل. محمد: يلا. وبعد تناولهما الفطار. محمد: تسلم ايدك يا بت يا حور. حور: الله يخليك يا حاج. وبعد ذلك ارتد كل منهما ملبسه للذهاب إلى الشركة.

حور: يلا يا بابا كده هنتاخرم. محمد: حاضر جاي اهو، يلا بينا. ووصل الاثنان الي شركة مهران بيه وكل منهما ذهب إلى القسم الذي يعمل فيه. حور: صباح الخير يا لوكة. ملك: صباح النور حبيبي، تعالي ياختي فيه شغل قد كده. حور: الناس بتصبح على الناس بأخبار سعيدة، وانتي بتصبحي عليا بالشغل. ملك: مش عايزة رغي كتير، اخلصي يابتي. حور: حاضر يختي. وبعد حوالي ساعة. ملك: خدي الورق ده انا راجعت عليه، روحي خلي البشمهندس أمير يمضي عليه.

حور: حاضر. دق دق دق. أمير: اتفضل. حور: ممكن حضرتك تمضي على الورق ده. أمير: ماشي هاتي. مضيت اهو، بس ممكن طلب. حور: طبعا اتفضل. أمير: عايز فنجان قهوة ممكن. حور: حاضر، عن اذنك. خرجت حور من مكتب أمير ولسه رايحة تعمل فنجان القهوة. ملك: انتي يا بت رايحة فين. حور: رايحة اعمل فنجان قهوة للبشمهندس أمير. ملك: حاضر لما نشوف اخرتها. حور: انا هروح ادخل فنجان القهوة ده للبشمهندس، وجايةلك. ملك: روحي ياختي. في مكتب بشمهندس أمير.

حور: تفضل حضرتك، تؤمر بحاجة تانية. أمير: شكرا تسلم ايدك. حور: الشكر لله، عن اذنك. خرجت حور بينما أمير ظل ينظر إلى فنجان القهوة بابتسامة. وبعد حوالي ساعتين. حور: كفاية كده انا تعبت مش قادرة. ملك: وانا كمان تعبت خالص، واصلا موعد انصرافنا جه، فلو عايزة تروحي عادي. حور: ايوه انا تعبت خالص عايزة انام، اشوفك بكره بقى ان شاء الله. ملك: ان شاء الله. وذهبت حور إلى منزلها، وكانت سماح قد عادت من عند والدتها.

حور لنفسها: الحرباية نورت البيت، انا ادخل انام على طول علشان مش ناقصة اصلا. وبالفعل دخلت إلى غرفتها وغرقت في النوم.