رواية انا على صواب بقلم اسراء ابراهيم | كاملة

كانت بتطبخ، والباب خبط. راحت تشوف مين. لقيت سلفها، وكانت لوحدها في الشقة. هو: السلام عليكم، ازيك يا ضحى، طبختي ولا لسه؟ ضحى وهى لسه عالباب قالت: لسه نص ساعة وهكون خلصت. هو: طب دخليني أقعد أرتاح لغاية ما تخلصي. ضحى: مش هينفع يا حاتم، أخوك مش هنا ومفيش غيري في الشقة. هو: أيوا وفيها إيه؟ أنزل أقعد في الشارع يعني؟ مرات عمي مش تحت ومش معايا المفتاح. ضحى: ما هو أنا أعمل إيه؟ روح أقعد عند أختك أو بنت عمك. بيتها مش بعيد يعني عن هنا، أو اتصل على ماما يمكن تكون عند حد من الجيران وتيجي تفتحلك. حاتم بعصبية: أنتِ بتطرديني من بيت أخويا يعني؟ ضحى: أنت هتغلطني ليه يا حاتم، بقولك حرام نبقى أنا وأنت في الشقة لوحدنا، وأنا مش هدخلك طالما لوحدي، فين بقى الغلط في كلامي؟ حاتم بعصبية: طب أنا بقى هقول لجوزك، إما أشوف إزاي تطرديني من بيتي، مفكرة نفسك قاعدة في بيت أبوكي...