رواية انا لست ضعيفة الفصل الخامس عشر 15 - بقلم هبة أحمد

جاسر: أنا مسافر بعد بكرة فرنسا وهاستقر هنا. سهام: طب وأنا؟ جاسر: عاوز أقول لك إني اتزوجت من شهر وعشرين يوم. سهام: أنت بتقول إيه؟ طب وأنا؟ جاسر: وافقي على العريس اللي متقدملك، أنا مستحيل أتجوز على مراتي. سهام: بس كده خيانة. جاسر: أنا عمري ما وعدتك بشيء ولا قلت لك كلمة تخليني خاين. سهام: بس أنا بحبك. جاسر: وأنا مبحبش ولا هحب غير مراتي. سهام: ده آخر كلام؟

جاسر: يا ريت تفكري في نفسك وحياتك، أنا ضميري مسامحش ليه أسيبك من غير ما تفهمي إنتِ إيه بالنسبة لي. سهام: أنت دبحـتني، حرام عليك. جاسر: أنا كنت بعتبرك زميلة دراسة وأختي، مش مسؤولة عن تفكيرك. سهام: أوكي، بس ليه طلب عندك؟ جاسر: تحت أمرك، اطلبي. سهام: تحضر شبكتي وكتب كتابي. جاسر: من عيني يا أجمل أخت. وقام باس دماغها. سهام: مراتك حلوة؟ جاسر: أيوه، أنت أكيد عارفها، السكرتيرة بتاعتي. سهام: (بصوت عالي نسبيًا) شهد؟

جاسر: أيوه هي، عقبالك. سهام: سلم عليها وبارك لها. جاسر: حاضر، لما ألاقيها. سهام: ليه هي راحت فين؟ جاسر: مع الأسف، بغبائي وقسوتي خليتها سابت البيت ومشيت، ومن ساعتها بدور عليها مش لاقيها. سهام: يااااااه، ده أنت بحر مليان هموم، ربنا معاك. على فكرة أنا بعتبرك زي تامر أخويا، مش أكتر من كده. جاسر: ادعي لي بالله عليكِ، هامشي، خلي بالك من نفسك وافرحي على قد ما تقدري. سهام: حاضر، مع السلامة. جاسر: الله يسلمك، ألف مبروك.

وشاور لخالد، جه هو وتامر. تامر: أشكرك يا جاسر. جاسر: خد أختك في حضنك واقعد اتكلم معاها، حاسسها باهتمامك. تامر: حاضر. جاسر: يلا يا خالد. خالد: عاوز آكل، مليش دعوة. جاسر: تعالي ناخد أي حاجة ونتغدا مع مامتك. خالد: ناخد سمك مشوي. نطييييييييييييير عند شهد. شهد: معلش يا ماما تعباكي معايا. الحاجة نبيلة: ولا يهمك حبيبتي، ربنا يكملك على خير. شهد: اللهم أمين. بقولك إيه رأيك في أسطى ماهر؟

الحاجة نبيلة: والله ماهر ابن حلال وعنده شقته جاهزة. شيماء: خدي مني يا خالتي. الحاجة نبيلة: هاتي، ارفعي شوية كمان. شيماء: إزيك يا مزة، لاقيتي كام عيل ولا مش حامل؟ ودي تهيئات هههههه. رحمة: ليه هي أرنبة قدامك؟ شهد: حامل في عبده. شيماء: حلفتيني بالغالى. أسطى ماهر: هنزل أجيب أكل وأجي. شيماء: جايه معاك. الحاجة نبيلة: لا انزلي يا رحمة معاه، شهد اتهدي ابت. شيماء: حاضر يا أم عتر بس. شهد

حطت إيدها على بطنها وقالت: امشي ابني اسمه آدم. شيماء: طب لو بنت؟ شهد: تبقى فرحة. شيماء: بإذن الله هتجيبي توأم، آدم وفرحة. شهد: اللي يجيبه ربنا كله حلو. الحاجة نبيلة: عاوزين نروح نستلم البطاقة يا شهد. شهد: ماشي يا ماما، هي طلعت؟ الحاجة نبيلة: صاحبة شهد لسه متصلة قايلة لي. شيماء: السجل قريب من هنا، تعالي نروح نجيبها وناجي. الحاجة نبيلة: طيب روحوا وأنا هاكلمها تخلصك بسرعة. شهد: ماشي، يلا قدامي.

شيماء: بس الأكل هيخلص، أعمل إيه ساعتها؟ الحاجة نبيلة: متخفيش يا مفجوعة. شيماء: يلا يا أختي، الأمر لله. شهد: بصي يا بت، أنا عاوزة موز، خدي هاتى لينا كلنا. شيماء: أجيب كام كيلو يعني؟ شهد: هاتي ليكي 2 كيلو، ولينا 4 كيلو، ولأسطى ماهر 2 كيلو. شيماء: نجيب البطاقة الأول وناجي. شهد: ماشي، خد الفلوس معاكي. جابت شهد البطاقة وراحوا.

وتاني يوم أسطى ماهر جاب النجار، ورحمة اشترطت مفيش خطوبة إلا بعد شهر من افتتاح الحضانة، وتمر الأيام وتفتتح الحضانة. شهد: أنا عليا تحفيظ قرآن ورسم. رحمة: وأنا هاعلم القراءة والكتابة. رحمة: وانتي يا زفتة؟ شيماء: أنا هلعب. شهد: نعم يا أختي، تلعبي إزاي بـ؟ شيماء: أقصد ألعب العيال دي، أصعب حاجة. رحمة: لا، هتاخدي الحساب والإنجليزي، أنتِ كنتِ أشطر واحدة في الإنجليزي في الفصل. شيماء: من عيني، بس بشرط.

شهد: مفيش شروط، نفذي يا قمر. شيماء: لا، بشرط. رحمة: اتكلمي، عاوزة إيه؟ شيماء: كل ما تعملوا مكرونة تعملوا حسابي. شهد: هههههههههههه، والله مجنونة. الحاجة نبيلة: حاضر، كل يومين هاعملك كيلو وأحطه في التلاجة تاكلي براحتك. شيماء: ربنا يطول عمرك يا خالتي، بكده أشتغل بجد. رحمة: يكون في عونك يا عبده. نروووووح عند مصنع الملابس. رحاب: سلام يا بنات. ومشت، لقت عربية بتكسر عليها. رحاب التفتت وقالت: هو أنت أعمى؟

هتطلع على الرصيف كمان؟ خالد: ممكن تركبي، عاوز أتكلم معاكي. رحاب: شكلك عاوزاني أشبط لك. خالد: أنا عاوز الحلال بجد. ونزل مسك إيدها ووقفها. رحاب: أنت بتمسك إيدي؟ طب خد، وطاااااااااااااااخ، أنت فعلاً عاوز تتربى. خالد: آآآآه يا بنت التييييييت. رحاب: التيييييت تبقى خالتك يا زبالة، أوعك ألمحك في طريقي بعد كده. واحد ماشى: في حاجة يا آنسة؟ رحاب: لا، متشكرة، الأخ كان بيسأل على عنوان وهو هيمشي بكرامته.

شخص آخر: في إيه يا آنسة رحاب؟ خالد: أنا بعتذر يا جماعة. ولسه هايمشي لقى اللي حط إيده على كتفه وقال: تعالى اركب عربيتك، أنا جاي معاك. رحاب: بـ بابا، والله ما عملت حاجة. الحاج مسعد: روحي يا بنتي، خدي الحاجة دي معاكي، أنا هتأخر شوية. تشكروا يا شباب. شخص واقف: دي أختنا يا عم مسعد. الحاج مسعد: وده العشم برضه. خالد: أفهم، هو في إيه؟ الحاج مسعد: امشي وأنت ساكت.