رواية انا و بنت خالتي الفصل الخامس 5 - بقلم وعد حامد

كوثر بغضب: لا علي فكرة ورد وافقت على كلامي وهتتجوز أحمد كمان أسبوعين. كاميليا بشماتة وحقد: لما نشوف. يلا أقفل دلوقتي. حاضر يا حبيبة ماما جاية أهو. عملتي الغداء؟ ربنا يخليكي ليا. كوثر بغضب وهي بتقفل التليفون: أنتِ يا بت. أنا سيرتي بقت على كل لسان عشان سيادتك مش عايزة تتنيلي وتتجوزيه.

ورد بحزن: ماما أنا موافقة على إني أتزوج بس ده متزوج وماماته باين عليها مش كويسة وأنتِ كده هترميني. مش معقول أول مين يدق الباب لازم نجوزه. هو كويس وربنا يوفقه بس مش مناسبني. أكيد في غيره.

كوثر بغضب: هو إحنا لسه هندور على غيره. وبعدين أنتِ فاكرة نفسك مين ياسمين صبري. دا هو الوحيد اللي اتقدملك وبصلك. إنما بنت خالتك كل يوم في بيتها عريس شكل وهي بتختار ومخليّة أمها مرفوعة الرأس وشايلة شغل البيت كله. وعريس إيه مقولكيش. مهندس بترول شغال بره مصر وبيقبض بالدولار وبيقبض فيها. وقال يتبقي ليا يا مش هتبقي لغيري. أنتِ بقى الوحيدة اللي اتقدملك وأنا مش ضامنة إن رفضتيه مين هيدق الباب غيره وهتبقي عانس وقاعدة جنبي وكلام الناس مش هيرحمني وأنا أهم حاجة عندي سمعتي. لو أنتِ مبتخافيش عليها أنا بخاف.

ورد وهي تنظر لمامتها بحزن: دايماً بتقارنها ببنت خالتها. ذنبها إيه هي مختارتش شكلها ولا اختارت الناس اللي تحبها. ذنبي إيه أنا. وغير ده كله عايزة ترميني زي الكلبه لأول واحد يدق الباب. بس أنا هريحها وهنفذلها طلبها برغم إني عارفة النتيجة في الآخر. ورد بصوت مخنوق: حاضر يا ماما اللي تشوفيه. كوثر: طبعًا اللي أشوفه. يلا البسي.

ورد لبست فستان أسود بيشبه حياتها اللي طول عمرها وحشة. بس مقارنتها الدايمة ما بين بنت خالتها وخالتها اللي بتحاول توقع ما بينهم بأي سبب. لبست الطرحة وطلعت. ولسه بتلبس الكوتشي وهتنزل. وقفها صوت كوثر بغضب: إيه اللي أنتِ لابسة ده. ليه أسود. إحنا رايحين عزا. ادخلي غيري. والبس حاجة فرايحي كده. ورد بهدوء واستسلام غريب: حاضر يا ماما.

ودخلت غيرت فستانها الأسود لفستان أبيض سادة بحزام بسيط من على الوسط. وخرجت هي ومامتها رايحين لأقرب محل هدايا. كنوع من أنواع الاعتذار للعريس ووالدته. راحوا المحل وجابوا شوكولاتة وورد. وراحوا بيت العريس وخبطوا. ولاقوا صوت والدته بغرور. حسنات: مين؟ كوثر بلهفة: افتحي يا أم أحمد. دا أنا. حسنات وهي بتفتح وبتبص لورد بقرف: اتفضلوا. وادخلت كوثر وورد وقعدوا. نغزت كوثر بنتها في دراعها عشان تتكلم. ورد بتقطع وحزن بسبب الإهانة

اللي بتتعرضلها دلوقتي: أنا آسفة يا طنط حسنات عشان… ورد: أنا آسفة حضرتك على اللي حصل مني آخر مرة وعلى الكلام اللي قولته. ودي شوكولاتة وورد حاجة بسيطة عشان الموقف اللي حصل. حسنات وهي بتأخدهم ببرود وتحطهم جنبها: أنا مش هنسالك الكلام اللي قولتيِه وهعرف أحاسبك عليه كويس أوي. بس بمناسبة الاعتذار فرأي ابني من رأي. هو عند مراته. لما يرجع هبقى أقوله وأشوف رأيه. يلا بقى من غير مطرود. ورد بصدمة: أنتِ بتطردينا!!!!!!!!