رواية انا و بنت خالتي الفصل الثاني 2 - بقلم وعد حامد

-نعم يا ماما. -تعالي هنا، في عريس متقدم لك ولازم توافقي عليه، انت مش أحسن من بنت خالتك اللي اتخطبت؟ -يا ماما أنا مالي ومال بنت خالتي، أنا مش عايزة أتخطب غير لما أكمل تعليمي. -تكملي تعليمك؟ انت أحسن من بنت خالتك في حاجة؟ هي اتخطبت وبتكمل تعليمها. -يا ماما أنا زهقت، حرام بقى، حرام. -انت بتعلي صوتك عليا؟ ده بنت خالتك مستحيل تعلي صوتها على أمها، ده أنا شكلي معرفتش أربي. تعالي لي بقى.

بدأت تضربها وهي بتستنجد بحد يساعدها. مسابتهاش غير ووشها مليان كدمات وآثار الدم في جسمها كله. جه اليوم اللي هيجي فيه العريس. كانت قاعدة في أوضتها بتعيط ومنهارة وجسمها واجعها من كمية الضرب والإهانة اللي اتعرضتلها لما رفضت العريس. لبست فستان بسيط وحطت خافي عيوب على وشها عشان يشيل آثار الضرب وخرجت عشان تقابلوه. لكن قطعها صوت والدتها بحقد وغل: -دي منظر عروسة إيه يا حبيبتي اللي انت لابسه ده؟

وماشية حاطة وشك في الأرض كده ليه؟ خايفة من حاجة؟ كوثر (والدتها) بتوتر: -انت يا بت، انت إيه اللي لابسه ده؟ معلش يا أم أحمد معندهاش ذوق في اللبس. هتخش تغير حالًا. خشي غيري يلا. ورد بعياط: -حاضر، هغير أهو. كوثر وهي بتدخل أوضتها: -قسماً بالله ليكون حسابك معايا لما يمشوا، ماشي يا ورد. ورزعت الباب وخرجت. وورد قاعدة في أوضتها مرعوبة من اللي مامتها ممكن تعمله فيها. غيرت الفستان وخرجت عشان تقابلوهم. أم العريس (حسنات)

-انت اسمك إيه؟ كوثر: -بصي للست وهي بتكلمك. ورد وهي بتبصلها بخوف: -ورد، اسمي ورد. كوثر: -طب نسيب العرسان مع بعض شوية بقى ونطلع إحنا. حسنات بتكبر: -ماشي، أما نشوف. بعد ما خرجوا، ورد قاعدة بصة في الأرض ومبصتش للعريس أصلاً. أحمد ببرود: -ورد. ورد بصدمة: -إيه!