رواية انا والعملاق الفصل العاشر 10 - بقلم فيروزه

بعد ساعة، سند قام من النوم على صوت صراخ شمس. سند قام بسرعة يجري على بره. سند طلع للصالة لاقى شمس بتصرخ. سند جري عليها وأول ما شمس شافته حضنته. شمس بخوف ماسكة في رقبة سند وساكتة. سند بقلق: مالك يا شمس؟ شمس بخوف: صرصار. سند باستغراب: بتقولي إيه؟ شمس بتدفن وشها في رقبة سند: صرصار. سند بضحك: كل ده عشان صرصار؟ شمس بدموع: أيوه صرصار، أنا خايفة. سند حاول يبعدها عنه بس هي ماسكة فيه جامد.

شمس بخوف: موت الصرصار يا سند، أنا خايفة. سند بضحك: طيب ابعدي شوية عشان أعرف أموت الصرصار. شمس بخوف: لأ، خليك حضني، أنا خايفة. سند حضنها. نفسي أفضل حضنك لحد آخر نفس طلع مني، وأنتي في حضني حاسس إن قلبي بيرفرف من الفرحة، كأني طاير بين السحاب. خليكي في حضني لحد ما الدنيا تخلص والناس تخلص، وقلبي يشبع من دفء حضنك. نفسي راحتك تفضل جنب قلبي، كأنها أكسجين الحياة. شمس اتكسفت وحاولت تبعد عن سند بس شعرها ماسك في سلسلة سند.

شمس حاولت تفك شعرها ما عرفتش. سند بهدوء: اهدي وأنا هفكها. حاول سند بس ما عرفش. في الآخر فك السلسلة من رقبته. شمس مسكتها وهو فكها من شعرها. لما السلسلة اتفكت فضلت في إيد شمس. سند بابتسامة: هاتي السلسلة. شمس بضحك: اتفضل. شمس وهي بتدي سند السلسلة شافت اللي مكتوب على السلسلة: "شمس العملاق". شمس بابتسامة: هو أنا ممكن آخدها؟ سند استغرب الطلب بس وافق: هي ليكي أصلاً. شمس بضحك: أصلاً؟ سند بضحك: أصلاً. ممكن ألبسك السلسلة؟

شمس بضحك: ممكن. سند بضحك: أمّال فين موسي؟ شمس بضحك: لما شوفت الصرصار... موسي لما افتكر صرخ ونط في حضن سند. سند ضحك بصوت عالي: تصدقي حبيت الصرصار. موسي بضحك: وأنا كمان حبيت. سند بضحك: شقي، شقي يعني. موسي بضحك: ادعيلي. ها؟ سند بضحك: ليه؟ موسي وطي أخد الصرصار من الأرض وقال بضحك: لعبة يا بابا لعبة. شمس بعدت عن سند بكسوف: بجد لعبة؟ سند قرب من موسي وحضنه واتكلم بصوت واطي: جدع يا واد من يومك، راجل كده وقفت جنب أبوك.

موسي بضحك: حبيبي يا كبير. سند بضحك: أمر يا شقي، وأنا أديك عيني عشان الخدمة دي. شمس بكسوف: بتقولوا إيه؟ سند بضحك: ولا حاجة يا شموسة. شمس بكسوف: طيب أنا هحضر الأكل. وجريت شمس من قدام سند وموسي. بعد أسبوع. سند وهو في الحمام: موسي يا موسي. موسي بابتسامة: نعم يا بابا. سند بضحك: هات الهدوم من على السرير أحسن نسيت آخدهم معايا. موسي بضحك: تؤمر يا كبير. موسي بخبث راح لشمس: بقولك يا ماما. شمس بضحك: قول يا حبيبي.

موسي بضحك: حبيبتي، بابا نسي ياخد معاه هدوم ونده عليه بس أنا نزلت السوبر ماركت، ممكن تنولي بابا الهدوم؟ شمس بضحك: لا روح أنت. موسي وهو بيقول الباب: روحي أنت. سند بصوت عالي: موسي. شمس بكسوف: موسي نزل. سند بغضب: من غير ما يقولي. وبعدين أنا كنت عايزة... شمس بكسوف: في حاجة أقدر أسعدك فيها؟ سند بابتسامة: ممكن بس تنوليني الهدوم من على السرير. شمس بكسوف: ممكن. شمس بكسوف خبطت على الباب.

سند فتح الباب ومد إيده: حطي الهدوم في إيدي. شمس بكسوف: حاضر. وحطت الهدوم في إيد سند وغصب عنها مسكت إيد سند ومن كسوفها جريت. بعد مرور شهر. سند بابتسامة: شمس. شمس بابتسامة: نعم. سند بابتسامة: عندي فرح واحد صاحبي النهارده وعايزك تيجي معايا. شمس بكسوف: حاضر، هدخل ألبس. خرجت شمس لابسة فستان كأنها خيال طلع من قصة خيالية. سند وقف وقرب منها وحضنها.

بحبك وعيني بيكي شبعانة عن كل الناس، كل ما بشوفك ببقى كأني مسحور، بحس بقلبي عايزك، عايزك. بحبك وهفضل في انتظارك لحد ما أبقى عجوز وبرضه عايز حبك، حبك دواء قلبي، دواء روحي، دواء نفسي. شمس بكسوف: يلا هنتاخر على الفرح. سند بضحك: يلا يا شمس العملاق. بعد الفرح سند وماشي هو وشمس على البحر. سند بابتسامة: مبسوطة معايا؟ شمس بكسوف: أيوه. سند بابتسامة: عايز أسعدك بس مش عارف إزاي. شمس بضحك: احكيلي حدوتة.

سند بضحك: سهلة. كان يا مكان في قديم العصر والزمان مملكة حكمها كان صالح، والمملكة كان ليها أربعين بوابة، ولكل بوابة حكاية.

أول بوابة مكتوب عليها أمل، وتاني بوابة مكتوب عليها راحة بال، وتالت بوابة مكتوب عليها سعادة، رابع بوابة مكتوب عليها فرصة، خامس بوابة مكتوب عليها صدفة، سادس بوابة مكتوب عليها عبرة، سابع بوابة مكتوب عليها نفسك، ثامن بوابة مكتوب عليها بكرة، تاسع بوابة مكتوب عليها صبر، عاشر بوابة مكتوب عليها أنت. ١١ مكتوب عليها ملاك. ١٢ مكتوب عليها حضن. ١٣ مكتوب عليها فاكر. ١٤ مكتوب عليها نهاية. ١٥ مكتوب عليها فانية. ١٦ مكتوب عليها حب. ١٧

مكتوب عليها تختار مين. ١٨ مكتوب عليها كان زمان. ١٩ مكتوب عليها جبر. ٢٠ مكتوب عليها رضا. ٢١ مكتوب عليها حكمة. ٢٢ مكتوب عليها حزن. ٢٣ مكتوب عليها نظرة. ٢٤ مكتوب عليها صرخة. ٢٥ مكتوب عليها خيانة. ٢٦ مكتوب عليها خوف. ٢٧ مكتوب عليها عايز. ٢٨ مكتوب عليها رمز. ٢٩ مكتوب عليها وشم. ٣٠ مكتوب عليها رعب. ٣١ مكتوب عليها سند. ٣٢ مكتوب عليها عوض. ٣٣ مكتوب عليها أمان. ٣٤ مكتوب عليها ثمرة. ٣٥ مكتوب عليها فقر. ٣٦ مكتوب عليها لغز. ٣٧

مكتوب عليها سر. ٣٨ مكتوب عليها سعي. ٣٩ مكتوب عليها رزق. ٤٠ مكتوب عليها ملكي.

وبكده تكوني عرفتي أسماء البوابات الأربعين. تحبي تسمعي حكاية أنهي بوابة؟ شمس بابتسامة: اسمع حكاية بوابة سند. سند بضحك: حاضر، كان يا مكان، كان في يوم أميرة بس الحزن عنوانه وخايفة دايماً من اللي جاي.