رواية انجبته بالخطأ الفصل الرابع والعشرون 24 - بقلم همس حسن

كريم: تتجوزيني يا إيمان؟ إيمان اتصدمت وبرقت، لسانها تقل وعينيها نزلت في الأرض من الصدمة والكسوف. مروان: اوبااا، دا الموضوع طلع كبير بقا وأنا آخر من يعلم. رهف: أنت بتتكلم بجد يا كريم؟ كريم: أه بتكلم بجد. أنا بحب إيمان من زمان جداً، يمكن من أيام ما كانت بسمة لسة على ذمتي، ويمكن دا حصل بسبب تقصير بسمة معايا في كلللللل حاجة وكرهها ليا ولظروفي ولحياتها معايا.

بس أنا كنت بحاول أبعد الفكرة عن تفكيري عشان أنا متجوز ولازم أكون مخلص 100%. بس من ساعة ما طلقت وبقيت أعزب وحصل كل المصايب اللي حصلت دي، قربت من إيمان أكتر وحبيتها أكتر بكتييير ما كنت أصلاً بحبها. بصي يا إيمان.. أنا عارف إنك لسة بنت وطبيعي ممكن جداً متوافقيش على واحد كان متجوز قبل كدا.

بس أنتِ لو لفيتي الدنيا دي كلها كعب داير مش هتلاقي حد يحبك ربع حبي ليكي، وأنا لو لفيت نفس الدنيا مش هلاقي ضفرك. ومع ذلك بردو أنا هسيبك تفكري وتاخدي قرارك وأياً كان القرار تأكدي إني مش هزعل وهفضل بردو بحبك. إيمان تعبيرات وشها اتغيرت، قامت وقفت. إيمان: طيب أنا هروح بقا يا رهف عشان الوقت اتأخر، تصبحوا على خير. فتحت الباب ونزلت. كريم: هي اتدايقت؟

رهف: لا هي اتحرجت بس عشان أنت عارف إيمان بتتكسف أوي. عموماً يا كريم أنت شاب محترم جداً وأنا أكيد مش هلاقي أحسن منك لأختي، بس للأسف دلوقتي الموضوع مش في إيدي أنا. لازم الأول إيمان توافق وقبلها بابا وماما وبعدين حازم.. وهكذا. كريم: خدوا راحتكم على الآخرررر ومعاكوا من يوم لسنة تفكروا براحتكوا. *حازم واقف مادد الخاتم الدهب لأسماء* أسماء بصدمة: جايبلي خاتم دهب!! حازم: والبسهولك كمان.

مسك إيديها لبسها الخاتم. أسماء بصاله مصدومة من اللي بيعمله. حازم: بصي بقا ياستي، أنا مجهزلك حتة سفرية إنما اااايه.. هتخليكي تنسي الولادة والتعب والمشاكل وتنسي اسمك كمان. هنزل بس أجهز لها شوية حاجات كدا دلوقتي عشان نسافر بكرة الصبح. أسماء: تمام. سابها حازم وفتح الباب ونزل. أسماء رجعت قعدت على الكنبة. 🔥فلاش باك اليوم اللي قبله 🔥

قالها زياد على الخطة وقام نزل على تحت. بعدها نفذت كل حاجة ونزلت خطفت ابنها من الحضانة وبدأت تنزل ع السلم الخلفي عشان تدخل الجراج. بتنزل سلمة وتطلع سلمة. وقبل الجراج بـ 3 سلالم بالظبط بصت في وش ابنها اللي بيعيط. شافت فيه وش حازم. شافت فيه كل حاجة مرت بيها الفترات اللي فاتت وكل حاجة تخص حازم. كل نظرة، كل كلمة، كل لمسة، كل موقف، حتى المواقف الوحشة.

فجأة اتلفتت وطلعت تجري على فوق. لفت ونزلت من السلم الأساسي على تحت. قعدت تحت شجرة هي وابنها تفكر هتعمل إيه. 🔥رجعت أسماء من الفلاش باك على صوت خبط الباب 🔥 قامت تفتح الباب. ملقتش حد قدامها، بتلف يمين تشوف مين ع السلم. جه شخص من ورا حط إيده على بوقها بمنديل خدرها وشالها ونزل على تحت. حطها في العربية. لف قدام ركب عند الدريكسيون. قفل الباب. طبعاً إحنا عارفين مين الشخص ده. زياد 🤦🏼‍♀️ دور العربية ومشي بيها. 💎💎💎💎💎💎💎💎💎💎💎💎

*في بيت مروان* رهف: أنا هقوم أريح شوية، مطبقة من امبارح منمتش. مروان: ماشي يا حبيبتي، نوم الهنا. دخلت رهف على الحمام الأول. دخل مروان أخد الخاتم الدهب من الدرج ونزل في الخباثة على تحت. خرجت رهف من الحمام ملقتش مروان في الشقة. فكرته نزل يجيب حاجة وطالع، دخلت أوضتها ونامت. 💎💎💎💎💎💎💎💎💎💎💎💎 حازم طالع عالسلم وفي إيده علبة شوكولاتة وفرحان إنه هيفاجئ أسماء تاني ويفرحها. قرب من باب الشقة. حازم: إيه ده! باب الشقة مفتوح ليه.

دخل يجري على جوا بسرعة. البيبي محطوط ع الكنبة بيعيط لوحده وأسماء مش جنبه. رمى علبة الشوكولاتة من إيده، شال إبنه بسرعة وقعد يدور على أسماء في الشقة كلها وينده بعلو صوته "اسماااااء". ملقاش ليها أثر. رايح سايب إبنه على الكنبة تاني. طلع تليفونه واتصل بيها، تليفونها رن جنبه. تلفت بص ع الفون. وشه احمر وملامحه اتغيرت راح رازِع التليفون في الأرض. بيشيل السفرة يرزعها: وبعديييييييين.. آخرتها ااااااايه في أم العيشة دي.

هفضل لحد إمتى بدور.. شهور عايش بدور وبس أنا تعببببببببت. روحتي فييييين تاني يا أسماء فيييين، ما كنا كويسين وأخيراً هنعيش أيام عدلة. هتختفي تاني ليه.. دا إحنا لسة حتى مسميناش ابننا. لسة ملحقناش نطلع شهادة ميلاد. صالح وماجدة طالعين مخضوضين على صوت زعيقه. دخلوا من باب الشقة. ماجدة: فيه ااايه يا حازم بتزعق ليه. صالح بيبص ع البييي: إيه دا!! هو مش ده ابنك؟ هي أسماء رجعت إمتى؟

زقهم ونزل على تحت من سكات. راحت ماجدة شالت البيبي اللي عمال يعيط من بدري. 💎💎💎💎💎💎💎💎💎💎💎💎 إيمان راكبة العربية راجعة على البيت. مخها واقف مش قادرة تفكر ولا مستوعبة اللي حصل. كريم بيتقدملي؟ كريم بيحبني! دا من إمتى؟ وازاي أنا محسيتش طول الفترة اللي فاتت؟ طب إزاي كنت بتعامل معاه طبيعي جداً كأننا أخوات ومش واخدة بالي إن في باب لحاجة زي دي. طب ياترى أنا كان ليا يد في اللي حصل ده!

ياترى أنتِ كمان اتشديتيله يا أسماء وإنتي مش حاسة؟ طب إمتى.. وازاي؟ ياخوفي لا تكوني أنتِ السبب في طلاقه!! بتحط إيديها على دماغها: مخي هيقف، أقسم بالله هيقف. 💎💎💎💎💎💎💎💎💎💎💎💎 زياد وصل بأسماء شقة. فتح الباب ودخل بيها شايلها. دخل نيمها ع السرير ورجع قفل الباب وراهم. دخل جاب كوباية ميه من المطبخ وخرج على أسماء، رش نقطتين ميه على وشها عشان تفوق. اتحركت وبدأت تفتح عينيها. أول ما شافته قدامها قامت اتنطررررت من مكانها.

أسماء: زيااااد؟!! أنت عايز مني إيه؟ زياد: مفاجأة صح ☺️. كنتي فاكرة لما تغيري اتفاقك معايا وتهربي زي العيال في آخر لحظة مش هقدر أجيبك!!! أسماء باستغراب: زياد أنت بتتكلم كدا ليه؟ لا لا مش ممكن تكون زياد اللي كان بيساعدني الفترة اللي فاتت! أنا حاسة إني قدام واحد تاني. زياد: أيوون، دي حقيقة. زياد اللي كان معاكي طول الوقت وبيكلمك دا كان وش بريء لابسه عشان أجر رجلك وعشان إنتي مالكيش ذنب في حاجة.

لكن لما تغدري بيا لازم تدخلي معاهم في القايمة. أسماء بتبعد: قايمة إيه وهما مين أصلاً؟ وانت ليه خاطفني وجايبني المكان ده! زياد: جايبك المكان ده عشان نصفي كل الحسابات القديمة والجديدة وكل واحد ياخد حقه، وإنتي حقي يا أسماء. وهاخد من بوق الدنيا حتى لو إيدي هتتقطع. أسماء: زياد أنا متجوزة، أنت مجنون!!!!! زياد: أه أنا مجنون.. مجنون بيكي وبحبك يا أسماء. ومن زمان اووووووي بس للأسف أنتِ لا حاسة ولا دريانة.

أسماء: أيوة يعني إيه المطلوب مني دلوووقتي؟!!!! زياد: لا ياقلبي أنتِ لحد دلوقتي مش مطلوب منك أي حاجة، المطلوب جاي جاي. كتف إيديها الاتنين. خرج وقفل عليها باب الأوضة بالمفتاح ودخل البلكونة. طلع تليفونه واتصل بحد. زياد: أيوة ياباشا.. Done ✅ خالد: خلصت كل حاجة؟ زياد: خلصت كل حاجة ومستنيك تنفذ الباقي دا. خالد: عفارم عليك ياض يازياد ييجي منك. زياد: يلا ياباشا خلص الباقي في السريع بقا عايزين نخلص المصلحة دي قبل مانتقفش.

💎💎💎💎💎💎💎💎💎💎💎💎 *بعد ساعتين* مروان بيفتح باب الشقة وداخل في إيده حاجة. دخل على أوضة النوم براحة ساب اللي في إيده على الفوتيه قدام السرير. قرب من رهف وهي نايمة. باس دماغها وخدها. فتحت عينيها واتخضت. رهف: فيه إيه، فيه إيه. مروان: بس بس أهدي، أنا مروان. رهف: فيه إيه يا مروان مالك. مروان بيمسك إيديها: قومي معايا كدا. رهف: إيه. جاب الكاڤر الطويل اللي ع الفوتيه. فتحه وطلع منه فستان. مروان: ممكن تلبسي الفستان ده؟

رهف: اشمعنى يعني. مروان: معلش بس اسمعي كلامي 😍. رهف: !!!!! حاضر هلبسه. خدت منه الفستان ودخلت لبسته وخرجت. مروان بيبصلها بابتسامة: زي القمر كالعادة. بيمسك إيديها وبيقعدها قدام التسريحة: تعالي أقولك بقا. خرج برا جاب بوكس كدا دخل بيه: فتح البوكس وطلع منه ميك أب كتير. مروان: أنا بقا ياستي خدت ماشورة حد كدا وقولت أعملك مفاجأة وأجيبلك شوية حاجات جديدة كدا للميك أب. رهف بتتفرج ع الحاجات ومبتسمة: جبت كل ده عشاني!

كلفت نفسك يا مروان والل. مروان: هو أنتِ لسة شوفتي حاجة 😂😂. يلا عايزك تعملي لوك جامد كدا عشان رايحين مشوار مهم. رهف: مشوار إيه؟ مروان: هتعرفي لما ننزل 😍😍. رهف باستغراب: تمام. خرج مروان على برا. طلع تليفونه واتصل بحد. مروان: إيه يابرنس، جهزت الدنيا. = أه خلاص ياباشا كله تمام 😍. 💎💎💎💎💎💎💎💎💎💎💎💎 وصلت إيمان البيت خبطت ع الباب. فتحتلها ماجدة وعلى إيديها البيبي. إيمان: هي رجعت إمتى؟

ماجدة: معرفش يابنتي، رجعت لقيت الواد على صرخة واحدة وأبوه واقف وشه مخطوف وأصفر وبيزعق، زقنا ونزل على تحت ومنعرفش هو فين. إيمان: اممم.. تمام ربنا يصلح الحال. ماجدة: مالك يا إيمان؟ أنتِ كويسة. إيمان: أه أه كويسة، هدخل أريح بس شوية عشان تعبانة جداً. دخلت أوضتها وقفلت على نفسها. جالها رسالة واتس أب من كريم فتحتها. "أنا حلمت حلم حلو، ومتأكد إن تفسيره خير".

ابتسمت لما شافت الرسالة. فجأة فاقت تاني، قفلت الواتس أب وحطت الفون جنبها. حطت إيديها الاتنين على دماغها. 💎💎💎💎💎💎💎💎💎💎💎💎 رهف خارجة من أوضتها. الفستان شكله يجنن عليها مع لوك ميك أب سيمبل تحححححفة. مروان وعيونه بتنط منها السعادة: مش بقولك زي القمر. رهف: ها.. هنروح فين بقا قولي؟ مروان: خليكي متشوقة كدا لحد ما نروح 😍😂. يلا بينا. نزلوا هما الاتنين. ركبوا العربية ولسة مروان هيدور تليفونه رن. مروان بيرد: الو..

خالد: مش عيب بردو تبقى مرات أخو مراتك مخطوفة بسببك أنت وأخوك وأنت واخد مراتك ورايح بيها موعد غرامي 😉. مروان بيبرق... ولعت 🔥🔥.