رواية انقذتني الفصل الحادي عشر 11 - بقلم يارا احمد

عشق: المهم عندي إن نغم معايا. (تبتسم) عشق: شكرًا على سؤالك. غرام: إحنا مفيش بينا شكر. (تكمل بمرح) غرام: إيه رأيك نبقى أصحاب؟ عشق: معنديش مانع طبعًا. نغم: أنا عندي. (تحتضن عشق وكأنها تخبئها) نغم: عشق ملكي أنا وبس. غرام: نـاه، عشق أختي. نغم: إمتى لحقتي تبقي أختك كمان؟ أنا أختها الوحيدة. عشق، قولي لها إنك أختي السندريلا. عشق: ماشي، بس سيبيني آخد نفس الأول يا نغم. غرام تضحك: أختها السندريلا؟

إيه ده، إنتي وبابا سيبتوا عشق معاكم عشان تتنمروا عليها؟ عشق تضحك: آه صح، بجد. غرام بحب: ضحكتك حلوة أوي. نغم بغيرة: عشق، متضحكيش قدام حد غيري. عشق تضحك على غيرة نغم، بعدها تبص على غرام وتبتسم: مش بتيجوا بربع جمالكن. نغم تتضايق. غرام تبتسم: أنا هروح أشوف عمو أدهم وأطلب منه يستأذن لنا من جدو عشان نروح السوق مع بعض. خالتي كانت جاية عشانك يا نغم بس قالت إنها مش عايزة تزعج عشق، فروحي شوفيها. نغم: مامي عايزاني؟

طب ماشي، هروح أشوف عايزة إيه. (تبص على عشق) نغم: إحنا هنروح مع غرام؟ عشق: إنتي ليه بتستأذني مني؟ إنتي مش عارفة إنك 18 سنة، كبيرة ولازم تاخدي قراراتك بنفسك؟ نغم: ولزومه إيه أتعب مخي وإنتي موجودة؟ هنروح ولا لأ؟ عشق بيأس: هنروح. غرام تنبسط: تمام، اجهزوا وأنا هروح أقول لعمي يستأذن لنا. إن شاء الله جدو يوافق. نغم: لو موافقش، سيبوني أكلمه. هعمل حرب عالمية معاه يوم دا، متحكم أوي.

غرام: لا، إنتي سيبك برا الموضوع يا نغم عشان ما توقعيش الفأس على الرأس. نغم بضيق: اممم، ماشي. غرام تذهب. نغم تطلع وتروح غرفة أدهم وسيرين. وعشق تروح تجهز. نغم تدخل وتقول بمرح: صباح العسل على العسل. سيرين وأدهم بابتسامة: صباح الورد. نغم تقعد جنبهم. أدهم بحب: عاملة إيه؟ الوضع عجبك؟ نمتي كويس؟ عشق عاملة إيه؟ نغم: الحمد لله، كله تمام. آه يا بابا، أنا وعشق ارتحنا، المهم إننا مع بعض. سيرين: هي عشق أهلها فين يا نغم؟

أنا بحد نفسي مش عارفة، بس اللي فهمته من كلامها إنهم كانوا بيعذبوها فهي هربت وقررت تعتمد على نفسها من ساعتها. نغم تذكر أن عشق وجاسر اتفقوا يقولوا لكل إن أهل عشق ميتين عشان يتجنبوا القصص اللي ملهاش لازمة. نغم بحزن: هما ميتين يا مامي. سيرين بحزن: ربنا يرحمهم يا حبيبتي. أنا مش هفرق بينكم في المعاملة وعشق بنتي من اليوم. نغم تنبسط أوي وتحضن أمها: بجد يا مامي؟

إنتي مش متخيلة كلامك دا بسطني إزاي. شكرًا يا مامي، عشق محتاجة حنية الأم بجد. أدهم: شكلك بتحبيها أوي. نغم بابتسامة: أوي أوي. أدهم: ربنا يحفظهالك يا حبيبتي. نغم بفرحة: آمين يارب. صح، أنا هروح عشان هنخرج أنا وغرام وعشق. أدهم: غرام قالتلي، بس أنا لسه مش استأذنت من بابي. نغم: لو رفض، تعال قولي وأنا بتصرف معاه. سيرين: صح، ذكرتيني. إنتي إزاي بتكلمي جدك كدا؟ دا عيب على فكرة يا نغم. نغم: بسس يا مامي، جدو معندوش مشكلة في دا.

سيرين: برضه عيب. نغم: لا، دا أنا بحاول أفك عنه التكشيرة دي مش أكتر. صدقيني، أنا بجد معنديش مشكلة مع جدو لأنه بجد استحق احترامي بعد العملة امبارح. أدهم: سيبها على راحتها يا سيرين. بابا معندوش مانع، وإنتِ شفتي امبارح. (يبتسم) أدهم: هو مش ابتسم من 5 سنين؟ سيرين: إلهوي! إزاي دا؟ 5 سنين! دا أنا مقدرش أتخيل في يوم إني مضحكش. إزاي 5 سنين؟ أدهم: ماشيين. نغم: أنا هروح. (تذهب ماشية في الفيلا، ترى عدي، تقرب منه)

نغم: صباح الخير. عدي بابتسامة: صباح العسل على أختي العسل. نغم تبتسم: هيهيء، عارفة إني عسل أوي. عدي يمسك نغم من قفاها: اسمها شكرًا. نغم بألم: إيه دا؟ إنتَ وعشق توأم صح؟ أنا كنت شاكة أصلًا. عدي: مش فاهم. نغم: هفهمك، بسس بعد الأول. (عدي يبعد يده) نغم: عشق كمان بتعمل الحركة دي اللي بتوجع دي وبتريق عليا زيك؟ دا إنتوا شبعتوا عليا تنمر وتريقة. عدي: الفرق إني بحبك. نغم: وعشق بتعشقني، عارفة.

عدي: لا، أنا بحبك أكتر ما هي بتحبك. نغم: لا طبعًا. المهم، كنت عايزة أطلب منك تشتريلي فون. عدي بصدمة: ماعندكيش فون؟ نغم: وأنا هعمل إيه بالفون وأنا عمياء يا أهبل؟ عدي يسكت بضيق. نغم: متضايقش مني، بس سؤالك غبي الصراحة. عدي: مش مضايق منك يا نغم، أنا مضايق من نفسي إني مش قادر أحميكي. نغم: المهم إني قدامك يا عدي ومحدش هيفرقنا تاني. هو صح، إيه موضوع الشركة بتاعتك دي؟ إزاي بقيت منافس لشركات الكيلاني وإنت ابنهم؟

أنا مش مستغربة إنك تعاديهم طبعًا، بس مستغربة إنك عايش معاهم بنفس السقف وجدو مش طردك لسه.

عدي يتنهد: دي حكاية طويلة، مختصرها إن الشركات كلها باسم قصي، وأنا عملت اسم لنفسي وصعدت السلم من الصفر عشان أثبت لهم إني مش بحاجة لحد. وبالنسبة إني عايش معاهم تحت سقف واحد، معاك حق في إنها غريبة، بس أنا مكنتش عايش هنا وكنت ساكن في شقة مع شريف، بس ماما وبابا أصروا أبقى لما جدو تعب. وكنت هرجع الشقة اليوم، بس شكلي هطول في القعدة شويا. نغم: إزاي قصي وهو محدش غيره ياخد شركات الكيلاني؟

عدي: جدي هو اختاره، وصراحة معاه حق. رحيم مش بيحب يدخل في الشركات وهو ماسك إدارة المطاعم، وهارون ماسك إدارة الفنادق، وأنا قولت له إني هتسلق السلم لوحدي وهو وافق، فمحدش فاضي غير قصي. نغم بعدم فهم: هارون؟ دا مين؟ عدي يبص عليها شوية بصدمة، بعدها يضحك: مش معقولة، إنتي ناسيه ابن عمك عبد العزيز يا نغم؟ نغم: عمي عبد العزيز مين وهارون مين؟ البتكلم عنهم دول؟ عدي: ما تتكلميش بالألغاز ممكن؟

مش أنا عندي عمي أحمد أبو نسمة وبسمة، وعمي أسد أبو قصي، وعمتي فريدة. أمال مين عبد العزيز دا؟ عدي: إنتي بتتكلمي جد؟ نغم: دا عمنا الكبير. هو صراحة كان فيه اختلاف بينه وبين جدو وكان كبير أوي وقطعوا بعض لمدة عشر سنين، فممكن عشان كدا متعرفيهوش، لكن كل الخلافات انحلت. هييجي المساء لحفلة عيد ميلادك وهعرفكم عليهم وقتها. نغم: مش مهم، بس فضول. هم مع أي جهة من العيلة دي؟ الشر ولا الخير؟

ما إحنا مش هنكدب على بعض يا عدي، في ناس هنا بتطاق بالعافية زي نهاد هانم. عدي بضيق: وعمتي فريدة؟ نغم: عمتو؟ ليه؟ هي مش طيبة؟ عدي بسخرية: طيبة إيه؟ إنتي مش شفتي كلامها مع عمي جاسر امبارح؟ نغم: ما إحنا مش بنقدر نكرهها لسبب دا يا عدي. عدي: أنا هكره أي حد بتتكلم مع عمي كدا، حتى لو جدو. (هو عدي لما يقول كدا بقلكم إن عمو جاسر مهم أوي في حياته، لأنه عدي أقرب حد فينا لجدو، هو حفيده المفضل)

نغم: ماشي يا عم عدي، ممكن نخلص وتجبلي الفون؟ عايزاه ضروري أوي. عدي: في إيه يا بنتي؟ ما قولت هجيبه. نغم: عايزة أكلم يمنى وفهد. عدي: دي مين؟ ودا مين فهد دا أصلًا؟ نغم: البيست. إنت مالك؟ هو مين هيكون مين غير أخوها يعني؟ ممكن ما تسألش. عدي بحدة: هو أكبر منك أو أصغر؟ نغم: أكبر مني بسنة. عدي: وعايزة تكلميه إزاي يعني؟ عندك إيه معاه؟ نغم بضيق: عدي، أنا عارفة حدودي كويس. دا أنا تربية عشق.

عدي: نغم، أنا فاهم دا وأنا مش بشك فيك بـ... فريدة بزعيق: إنتي رايحة فين وبإمارة إيه؟ عدي ونغم بيسمعوا زعيق فريدة وبيجروا على الصوت. بيشوفوها بتزعق في غرام. عدي: مالك في إيه يا عمتي؟ فريدة بغضب: الهانم لما تكون عايزة تخرج مش بتستأذن مني وبتروح تستأذن من بابا. غرام بدموع: بس ي عمتو، الكل بيستأذن من جدو وأنا مغلطتش عشان تزعقي فيني كدا. أنا مش فاهمة إيه مشكلتك معايا. (غرام ودموع في عيناها، أكيد هي مشكلة أكبر من زعيق؟!

فريدة بصوت عالي: لااا، وكمان تردي عليا؟ الكل نزلوا على صوتها العالي، ورحيم بينزل وبيشوف دموع غرام. رحيم: في إيه يا أمي؟ مالك من الصبح؟ فريدة: الهانم عايزة تخرج وبدل ما تستأذن مني بتستأذن من بابا من ورايا. عدي بعصبية: إنتي أكيد حصل لدماغك حاجة. ما الكل بيستأذن من جدو، غرام فرد من العيلة دي كمان، والأمر والنهي من جدو. هتستأذن منك ليه؟ تبقي مين إنتي قدام قرار جدو؟ فريدة بعصبية: إنتَ ناسي إني عمتك؟ احترم نفسك لما تكلمني!

أدهم اتكلم مع ابنك وسيبه برا مشاكلنا أنا ومراتي أحسن. أدهم بضيق من طريقة أخته، بس بيقول بهدوء: عدي، اهدأ شوية وأنا هتصرف. عدي: تتصرف ليه إنت ي بابا؟ وهو جوزها زيها زي الحيط. (يكمل بسخرية) عدي: ولا دلوع ماما مش قادر يقولها لأ حتى لو هي غلطانة. أدهم: عدي. رحيم: متدخلش بيني وبين مراتي يا عدي. وإنت مالك؟ أدافع عنها مدفعش عنها؟ أحسن تبقى برا الموضوع. عدي بيكون عايز يضربه، بس غرام بتوقفه قدامه.

غرام بحزن: خلاص يا عدي، حصل خير. أنا مش هروح لو عمتو مش عايزني أروح. نغم تتضايق من ظلم عمتها لغرام وبتصدق كلام عدي عن عمتها. نغم بضيق: لا، هنروح مع بعض. وجدو يقرر الحاجة دي، حتى لو رحيم قال لأ، جدو لو قال آه يبقى آه. (تلتفت على أسير اللي نزل أول ما سمع الدوشة) نغم: جدو، هنخرج أو لأ؟ أسير: طبعًا هتخرجوا، أنا مش بغير رأيي ودا شيء معروف عند الكل. (يبص على فريدة بتحذير) أسير: واللي ميعجبهوش قراري يروح الباب.

فريدة بتغاظ أوي وتروح غرفتها. ونغم تبتسم بانتصار وهي مبسوطة إنها رجعت حق غرام. أسير يبص على رحيم: إيه رأيك بكلامي يا رحيم؟ غرام تبص على رحيم، كان عندها أمل صغير يوقف بصفها. رحيم يتنفس بضيق: البت بتشوفه صح يا جدو هو الصح. (يروح) غرام تزعل من طريقته. هي مش مشكلتها إن أمه بتكرهها بدون سبب. بتحس بالإحباط إنه دايماً بيفضل أمه عليها مع إن هي دايماً بتتجنب المشاكل معاها وهي المظلومة، بس هو مش بيشوف كل دا!!

بتشرد في أفكارها وإنها يمكن غلطت واتسرعت بالجواز منه. الحب مش كل حاجة. في النهاية بتفوق على صوت أسير. أسير: غرام. غرام تبص عليه: نعم يا جدو. أسير: متجوعيش دماغك بيهم، وأنا المسؤول عنك تمام. غرام تبتسم لأنها عارفة أسير بيحبها: تمام يا جدو. رهف بأسف: غرام، متزعليش من كلام ماما، ماشي؟ غرام بحب: ماشي يا رهف. رهف تبص على نغم: دي مين؟ عدي: دي مين؟ إزاي؟ إنتي كنتي فين امبارح؟

رهف: كنت نايمة، عارف عليا دروس وأنا مضغوطة أوي بسبب الدراسة. عدي: آه صح، ما إنتِ في آخر سنة في الثانوية. المهم، دي نغم. رهف بصدمة: إيه!! (بيحاولوا يقولوا لها كل حاجة، ورهف بتحضن نغم وهي مبسوطة إنها رجعت. هي كانت فاقداها أوي لأنها الوحيدة بنفس عمرها، بس نغم أصغر منها بشهر) نغم بمرح: ما كفاية حضن يا رهف، أنا خنقتر. رهف تضحك: لسه زي ما إنتي ي نغم، مش بتعرفي تتكلمي حلو أبدًا. غرام: نغم، روحي كلمي عشق. رهف: عشق مين؟

نغم بفخر: أختي السندريلا.