رواية انت ملكي الفصل الرابع 4 - بقلم شيماء صلاح

أنا مش عايزة أدخل الأوضة يا يوسف، أنا عايزة أشم شوية هوا. يوسف: معلش يا قلبي، لازم ترتاحي شوية. زينب: أنا مش عارفة مش عايزة تدخلي ليه. رهف: مش عارفة حاجة خالص. يوسف: افتح الباب، يلا ادخلي. مفيش حاجة غير إنك ترتاحي شوية. زينب: أيوه، أنا هروح أعمل فطار، هعمل حسابك على فكرة، أوعي تمشي. يوسف: أوه. رهف: أنا بحبك يا يوسف. يوسف: وأنا موت فيكي يا قلب يوسف. رهف: بجد؟ يوسف: أه بجد، إنتي أختي يا هبلة. رهف بدموع: أختي؟

يوسف: أه، أختي وحبيبتي. بقي ربنا يسامحه، تخيلي يا رهف بعتلي مسدج بتقولي إنها سافرت ومش هترجع تاني، وإنها ومش بتحبني، وكل همها الشركة وبس. رهف بتمثيل: سيبك منها، أنا موجودة يا روحي. يوسف: ليه إبراهيم ضربك على دماغك؟

رهف بتمثيل: ممكن سالي قالت له إنها رايحة عند واحدة اسمها رهف، وأنا أصلاً مش شفتها ولا أعرفها حتى. جه وقالي إنتي السبب في اختفائها، وضربني على راسي. بس أنا سمحته بعد ما قولتيلي إنها بتعمل مسدج. يمكن هو ما يعرفش إن أخته سافرت. يوسف: يمكن خالص، بقي هي مبقتش في دماغه. رهف: هو إنت ممكن تحب تاني؟ يوسف: مش عارف، ممكن أتزوج جواز صالونات. أنا أخدت إيه من الحب؟ رهف بزعل: طيب افرض يعني إني بقيت مراتك، هتعمل إيه؟

يوسف بضحك: مراتي إيه يا رهف، إنتي أختي وأمي وأبويا كمان. أنا بحبك، أنا لو أخت مش هتعمل كده. رهف بتحاول تسيطر على نفسها: وأنت أحلى حبيبي. يوسف: طيب أنا همشي. رهف: مش هتفطر؟ يوسف: سيبتك يا عمري، هاتي بوسة بقي. ونزل من الأوضة. زينب: رايح فين؟ مش هتفطر معانا؟ يوسف: عندي شغل، مرة تانية بقي. رهف بزعيق: مش تقولي إنك مسحتي الدم، كان قلبي هيقف. إنتي واحدة غبية. زينب: أيوه مستحيل. طيب ما أنا قولتك ادخلي يا رهف الأوضة.

رهف بعصبية وعياط: سيبك من ده كله، بعد ما موت الاتنين وجاي يقولي إنتي أختي؟ ولما أفكر أتزوج هتزوج جواز صالونات؟ طيب وأنا يا زينب؟ هو لازم يحبني زي ما أنا بحبه؟ لازم، هو لو مبحبنيش أنا هموته، لأنه هيبقي ليا أنا وبس، حتى لو محبنيش. زينب: طيب ما هو بيحبك. رهف بزعيق: حب أخوه يا زينب، هو لازم يبقي ملكي أنا وبس. هو المفروض يقولي الكلام، مش أنا اللي أقوله. زينب: طيب اهدي، هو قالك حاجة بخصوص إبراهيم وسالي؟

رهف: لا. أنا كنت عاملة حسابي، قبل ما أدفن سالي، أخدت الموبيل بتاعها وبعت مسدج ليوسف وقلت له إنها بتكرهه وكده يعني، وإنها سافرت. وأخوها إبراهيم شكله كان فاهم غلط. زينب: يعني قصة سالي وإبراهيم خلصت، ومفيش قاتل تاني صح؟ رهف: في القتل، ما أوعدكيش إن مفيش تاني. لو حب بنات الدنيا كلها، هموتهم كلهم. زينب بضحك: طيب يلا نفطر بقي. *********************** يوم تاني. زينب: إنتي رايحة الشركة؟ رهف: أيوه.

زينب: أوعي تعملي مصيبة تانية. رهف: هشوف. زينب: إنتي مريضة، تعالي اتعالجى يا رهف. رهف: بصي، أنا لو مجنونة، هتعالج؟ ولو مدمنة، هتعالج؟ زينب: وده إيه؟ أي نوع المرض اللي عندك علشان تتعالجي منه؟ رهف: هوس يوسف، ده مرض اللي عندي. أنا ماشية علشان مش بحب أتكلم كتير. ومشت. فون زينب رن. زينب: ألو. يوسف: أزيك يا زينب؟ رهف أخبارها إيه؟ زينب: شوية وتلاقيها قدامك. يوسف: هي مشيت؟ زينب: أيوه، منعتها وهي مسمعتش كلامي.

يوسف: أوك يا زينب، إنتي كويسة؟ زينب: أيوه تمام يا يوسف. يوسف: طيب هقفل دلوقتي، باي. زينب: باي. ******************** في الشركه. رهف خبطت على مكتب يوسف. يوسف: إيه؟ مش قولتك ارتاحي يا رهف. رهف: عرفت منين بقي إني جايه؟ يوسف: من زينب، كلمتها أطمن عليها وعليكي، قالت لي إنك جاية الشركة. رهف بتستغرب: تطمن عليا؟ يوسف: أيوه، هي بت، شكلها ظريف أوي ومحترمة زي بنت عمها اللي هي إنتي، طبعاً.

رهف: وانت إيه اللي لقيته في زينب، ملقتهوش فيا؟ يوسف بتستغرب: تقصدي إيه؟ رهف: ولا حاجة يا يوسف. يوسف: طيب عندي خبر حلو ليكي. رهف: قولي. يوسف: عرفة مدحت. رهف: ماله؟ يوسف: عايز يتقدملك. رهف بصدمة: وإنتي؟ يوسف: أنا عن نفسي موافق، وقلت له هكلمك، بس أنا لو منك أوافق. رهف: هفكر بعد إذنك. يوسف: اتفضل. دخلت رهف مكتبها وقعدت تفكر في زينب ويوسف. رهف: زينب يا يوسف، بتطمن عليها قبلي ليه يا يوسف؟ وكمان جايبلي مدحت؟

مين ده اللي أبص له؟ مدحت وزينب، أه منك يا يوسف. رهف: ألو. يوسف: الوه. رهف: قول لمدحت إنه معزوم عندي انهارده، إنت كمان يا يوسف، تعالوا مع بعض. يوسف: تمام يا قلبي. رهف طلعت من المكتب ومشيت. زينب: جاي بدري يعني. رهف: هي بصة في عيونها بتقول لنفسها: إنتي يا زينب، بيفكر يوسف فيكي ليه يعني؟ زينب: بت يا رهف. رهف: ها. زينب: مفيش مدحت ويوسف جايين انهارده عندنا علشان مدحت عايز يتقدملك. رهف: هتعملي إيه؟ زينب: كل خير.

*’*”’************************ بليل. تفضل يا يوسف، إزيك يا مدحت؟ يوسف: فين رهف؟ زينب: جاية أهي. رهف بحضن: إزيك يا يوسف؟ وحشتني. يوسف وهو يخرجها من حضنه: مدحت أهو يا رهف. رهف وهي بصة في عيون يوسف: شايفه. رهف: إزيك يا مدحت؟ اتفضلوا ادخلوا. يوسف قعد جنب زينب، ومدحت قعد جنب رهف. رهف عيونها على يوسف وزينب. مدحت: ألف السلامة عليكي يا رهف. رهف هي بصة على يوسف. زينب: الله يسلمك. لاحظت زينب رهف إنها بصة عليهم.

زينب: طيب يلا ناكل يا جماعة. رهف: يلا يا يوسف ويا مدحت. وقاموا اتغدوا وخلصوا. وبعد شويا قاموا ومشوا، بس متكلموش في حاجة. رهف: إيه رأيك في يوسف يا زينب؟ زينب بتستغرب: ماله؟ شخص كويس ومحترم. زينب: هو كويس أوي. رهف: تمام، هتعقدي لوحدك؟ زينب: لا، هقعد قدام الشاشة. رهف: تمام، وأنا كمان هقعد معاكي. فضلت زينب تقلب في القنوات، ورهف بتبص عليها. زينب: أنا هسيب مسلسل ريا وسكينة. رهف: براحتك. زينب بضحك: ليه منبقاش ريا وسكينة؟

إنتي سكينة وأنا ريا. رهف: وهي سكينة قتلت أختها؟ زينب: مش فاهمة حاجة. رهف: كويس إنك مش فاهمة. أنا طالعة أنام. رهف: متنسيش عندنا مشوار بكرة بليل. زينب: مشوار إيه؟ رهف: تعرفي وقتها. *************” ” ” ‘*****