رواية انتقام عاجز الفصل الثاني 2 - بقلم نور شريف

ردت ليله بخوف: بس أنا معملتش حاجة يا سي عثمان. فجأة، شدها عثمان من شعرها بقوة: أي حاجة هتحصل في الدار تحت وتقوليها هقطع لسانك. قربت ليله من أمها وحضنتها وقالت: والله يا أمي آخر مرة هعمل كده، بس قولي لي سي عثمان ميعملش فيا حاجة عشان خاطري يا أمي. شدتها أمها في حضنها: متخافيش يا ليله، أنا جنبك ومعاكي، انتي ضنايا يا حبيبتي. قعدت فريدة قدام الدار وسندت تميم على كتفها. هشتغل وهعملك العملية ونرجع نجيب حقك من الدار كلها.

إن شاء الله يا فريدة، طول ما انتي جنبي أنا مطمئن. بس هنمشي ولا هنروح فين؟ قومي وأنا هحاول أمشي، ساعديني. سندته فريدة على ظهرها ومشيت بيه على الرصيف. فجأة وقفت عربية. قال تميم بهدوء: على سوهاج يا أخويا، أول ما أوصل هناك هدفعلك. وليه متدفعش الأجرة دلوقتي؟ انت منين يا راجل انت؟ تميم حس بالعجز وقال بحزن: أنا رايح لأخويا وهو هيدفع حقك. اتوكل يلا. مشي السواق وحضنت فريدة تميم بحب. مالك يا تميم؟

متزعلش، انت عارف عمك، بكرة الصبح يبعت عربية ترجعنا البيت. قال السواق باستغراب: انتي منين؟ لغتك مختلفة. تميم بغيره: وانت مالك؟ هتطلع لها بطاقة سوق وانت ساكت. في الدار. ينفع اللي انت عملته في بنتك ده يا عثمان؟ يا عالم راحت فين ولا هتعمل إيه؟ ظلمتها دايماً، خليك دايماً أب حنين على بنتك. لكن انت! لف ليها عثمان وخلع العباية. ابتسام تلاقيها راحت عند قاسم، مش بيحب أخوه وأنا هرجعها تاني الدار.

والله تميم ده مظلوم في العيلة دي. عمل إيه عشان تعيره فيه إنه عاجز وتقول له طلق بنتي؟ هيروح فين بعد كده؟ انت من كتر خوفك على بنتك قولت له هتعيش في نفس الدار. رد عثمان بصرامة: ولما أخدها وسافر شهر العسل لما مشي من الدار عمل حادثة وبقى عاجز؟ افرض فريدة كانت معاه ساعتها مش هيقدر يعمل حاجة لو حصل لها زيه. الحمد لله ربنا سترها. رجعهم البيت عشان خاطري.

قومي يا مرا، غوري من هنا. أنا مش ناقص زن حريم واصل. اخرجي بره وإلا هقتلك بيدي. خرجت ابتسام بحزن. أوصل ليهم كيف بس؟ الله يسمحك يا عثمان، مش هيرتاح لي بال. هطلع لأمه فوق، ممكن تحس بيه المرة دي. دخلت ابتسام الأوضة بهدوء. ايمان انتي صاحية؟ ردت ايمان بصرامة: عايزة إيه يا ابتسام؟ وإيه جابك هنا عاد؟ جيت أقولك ابنك مشي من البيت هو وبت بطني وقلقانة، مش عارفة أعمل إيه يا ايمان.

تميم راح عند أخوه قاسم هو وفريدة. بس أنا بقى مش هعمل فيهم كده. لا عرفتي إن فريدة حامل في أول طفل ليها؟ فيا عيني محتاجة راحة. انتي فاكرة عملتي فيا إيه زمان لما وقعتيني في البير عشان شفتيني بعمل عمل لجوزي وسقطيني؟ بس أنا مش هسكت يا ابتسام. هاخد منها ابنها أو بنتها. ده يبقى ابن ولدك يا ايمان. أنا مبعتبرش فريدة مراته تبقى ولا حاجة بالنسبة ليا. هسقطها.