رواية انتقام العاشقين الفصل الأول 1 - بقلم منة مصطفى

مبروك يا أميرة. أميرة ببرود وقفت تحت نظرات المعازيم وبصوت عالي: جايه ليه يا حور؟ هو مش قالك مش بحبك؟ هو انتِ لازقة ولا إيه؟ يلا يا حبيبتي الواجب وصل. حور ودموع في عينيها كانها شلال من المياه: شكراً يا أميرة. مشيت حور تحت نظرات السخرية من الجميع واستهزاء. ليان: أميرة قليلة الذوق دي، حتى حور بنت عمها. جنى: فعلاً يا ليان. أميرة: يلا كلنا نكمل، معلش قطعنا الاحتفال. وأكملت حفلة الخطوبة بين أميرة و...

حفل خطوبة أميرة ويوسف المهدي. "شاب طويل شعره أسود، بشرته قمحية، عينه خضراء، وجينتل مان كده برنس في نفسه." طلعت حور من الحفلة واتمشت وعينيها مليانة دموع بتشكي همها لربنا. وبتبص للسما. حور ببكاء: يارب أنا معملتش حاجة عشان كل ده؟ أنا مش بأذي حد، لي كلهم أذوني وجم عليا ليه؟ كلهم بيبعدوا. دي بقى حور، بنوتة قمر عندها 20 سنة، كانت بتحب يوسف. بالمناسبة يوسف وأميرة وحور أولاد عم، بس حور كانت بتحب يوسف.

وعرفت أميرة عشان يعني تقربهم، بس أميرة طلعت عقربة. ولما لقت يوسف هيحب أو معجب بحور، بدأت تدبر المكائد ليهم لحد ما اتخطبت ليوسف. يوسف عنده شركة بتاعت باباه، شركة المهدي جروب، أكبر شركات في القاهرة للاستيراد والتصدير. فضلت حور تتمشى على الكورنيش، وقفت بصت للنيل ودموعها بتنزل سيول وبتقول: لي ذنبي أحبه؟ أنا معرفش هو اتغير كده ليه؟ هو كان بيكلمني حلو، ولما شافها بتهزأني وسط المعازيم متكلمش ليه؟

كان ساكت وبيبصلي، كانو بيقولي تستاهلي يا حور. أنا عملت إيه؟ يوسف من وراها: عملتي كتير، كتير أوي يا حور. حور بصدمة: يوسف؟ ها حلو ولا إيه؟