تحميل رواية «انتقام مجهول» PDF

حمزه طلع من غرفته بخضه، شاف الجميع متجمع في غرفة بنت عمه.

حمزه: في إيه؟

صالح: بنت عمك. فقدت وعيها، ولما فاقت قالت إن في حد حاول يتهجم عليها وقالها إنه من طرف حد من البيت، ونط من الشباك.

حمزه بخوف على شهد بنت عمه: إنتي كويسه؟

شهد ببكاء: أه كويسه شويه.

حمزه: أهدي، ده أنا حتى عندي خبر يفرحك إنتي وورد.

ورد وهي حاضنة أختها: حاجة إيه؟

حمزه: أخواتكم خلصوا شغل في الصعيد وجايين.

ورد وشهد بفرحه: جايين إمتى؟

حمزه: النهارده بليل. بعدين كمل كلامه: يلا يا ورد نروح أوضتنا.

ورد: لا، هقعد مع شهد.

حمزه: لا، أنا عايزك في الأوضة، في كلمة سر.

ورد وشها أحمر من كتر الخجل: حمزه اسكت.

شهد بضحك: روحي له، هيعمل فضيحة هنا.

صالح: سبع ولا ضبع؟

حمزه وهو طالع ومعاه ورد: سبع طبعًا يا حاج.

بليل كان ولاد عمه وصلوا، والجميع رحب بيهم.

صالح: عايزك يا حمزه إنت وأيمن وأيهم في المكتب.

طلع جميع الشباب مع صالح المكتب.

صالح: طبعًا، في حاجات غريبة بدأت تحصل زي موت شادي واللي اتهجم على شهد.

أيهم بصدمة: مين اتهجم على أختي؟

حمزه حكاله كل حاجة.

صالح: إحنا لازم نعرف مين بيعمل كل ده.

أيمن: الكاميرات اللي في الفيلا؟

صالح: روحت أشوفها لقيتها مكسورة، أكيد حد قوي وذكي اللي بيعمل كده.

حمزه: وأنا قريب أوي هعرف مين.

أيمن بيغير الموضوع: أختي ورد عامله معاك إيه يا حمزه؟

حمزه بضحك: مانجه.

أيمن بضحك: اللي مانجه.

حمزه: أختك.

فوق عند ورد كانت نايمة، دخل حمزه وفضل يبوس في كل إنش في وجهها عشان يقومها.

ورد: كفاية بقى يا حمزه، بطل سفالة.