رواية انتقام وعشق الفصل الثلاثون 30 - بقلم اميرة محمود

هنجري الأحداث شوية. بعد خمس سنين، سارة ورائد جابوا إيلان، بقى عندهم إيلا وإيلان. بعد عشرين عام. إيلا: مامي أنا رايحة الجامعة عشان اتاخرت، بقالك ساعة بتعملي الفطار. سارة: تصدقي أنا غلطانة إني بعملك تفطري. إيلا: يا مامي أنا اتاخرت أوي. سارة: طب خلاص يالا اقعدي كلي قبل ما تمشي. رائد نزل: يالا يا إيلان عشان أوديكي المدرسة. إيلان: بابي والنبي متخليش الولية مراتك تشربني لبن، بفضل طول اليوم عايزة أرجع.

رائد: ههههه دي مفترية، أنا استجر أنطق هتاكلني. سارة خرجت: يالا يا إيلان اقعدي افطري مع أختك يالا. إيلان: يا بابي اتكلم والنبي. رائد: يالا اشربي اللبن بتاعك يالا، مش عايز دلع. إيلان: ماشي يا سي بابي، والله العظيم لأنا مخصماك النهاردة اليوم كله. أيلا: مامي خلصت، يالا سلام أنا ماشية، يالا يا بابي. رائد: ماشي، يالا يا إيلان. إيلان: قامت ونزلت من غير ما ترد عليه. سارة: مع السلامة يا حبايبي. رائد: وأنا مفيش مع السلامة؟

سارة: مع السلامة يا نني عين قلبي من جوه. أيلا: ده اللي هو إزاي؟ سارة: انتي لسه واقفة؟ يالا انزلي، يالا سلام. *** سليم: يا ابني نفسي تفوق لمصلحتك، كفاية السنة اللي راحت عليك، أخواتك بقوا أكبر منك. يوسف: أنا مش بتاع تعليم يا ولدي، أنا ممكن تشغلني معاك في الشركة، بلا تعليم بلا بتاع. سليم: بتاع وأشغلك في الشركة؟ انت أهبل واللا بتستهبل؟

أقسم بالله لو ما عديت السنة دي ما هطول مني جنيه، ويالا بالسلامة روح على جامعتك مع أخواتك. يوسف: ماشي يا بابا، ماشي. سيلا: مامي، احنا هنمشي، مش عايزة حاجة؟ فرح: سلامتك يا قلب مامي، خلي بالك منها يا سيف. سيف: متخافيش يا قمر. يوسف: هو أنا ابن البطة السودا؟ سليم: لا، انت ابن كلب، ويالا انزل مع أخواتك، السواق هيوصلكم. يوسف: ماشي يا بابا، سلام. فرح: ينفع كده يا سليم؟ حرام عليك، كسرت بخاطر الولد.

سليم: ده مبيحسش أصلاً، ده عيل صايع. فرح: ربنا يهديه يا رب. سليم: يا رب يا حبيبتي، أنا رايح الشركة، مش عايزة حاجة؟ فرح: سلامتك يا حبيبي، مع السلامة. *** إيلا: يا انزلي وصلنا المدرسة، باي. إيلان: ماشي، باي. رائد: مفيش بوسة لبابي؟ إيلان: لا، مفيش، وسابته ومشت. إيلا: معلش يا بابي، انت عارفها عنيدة جامد، ومبتحبش حد يمشي كلامه عليها. رائد: هقول إيه، بنت سارة، ربنا يهديها يا رب. ووصلها الجامعة بتاعتها.

إيلان: سلام يا بابي، وراحت باسته. رائد: سلام يا حبيبتي، ومشي بالعربية. *** في الجامعة، في قاعة المحاضرات. يوسف: أوووف، أنا بكره حياتي، كل ما باجي هنا. ميرا: ليه يا حبيبي؟ ده إحنا حتى فرحانين أوي عشان شفناك. يوسف: هو الدكتور لسه مجاش ليه؟ ميرا: مش عارفة. فاتت داخل. إيلا دخلت مع الدكتور: خلاص تمام يا دكتور، بعد المحاضرة هاجي لحضرتك المكتب تشرحلي. يوسف: تشرحلك إيه؟ اتفضلي اقعدي. الدكتور: انت مين انت؟

وإزاي تتكلم معانا من غير استئذان؟ إيلا: مفيش يا دكتور، ده أخويا، معلش، أنا آسفة، وراحت شادة يوسف. إيلا: انت مالك؟ انت بتتحشر في الكلام ليه؟ يوسف: والله طيب، أوك، أبقى أشوفك رايحاله المكتب. إيلا: أم، يالا من جنبي، روح اقعد مع ميرا بتاعتك، ملكش دعوة بيا. يوسف: أنا حذرتك، وراح يقعد جنب ميرا. الدكتور: أنا هشرح المسألة بتاعة الآنسة إيلا عشان لو حد تاني مش فاهمها قبل ما أبدأ.

عمر صاحب يوسف: الحق، الدكتور شكله عينه من قريبتك، بصراحة ليه حق، شعر حرير وطويل وعينين زرقا وغمزات، هيييح. يوسف: ماتتلم يا روح أمك. عمر: سوري، آسف، أصلها بصراحة حورية من الجنة، ماتكلم خالتك تجوزهالي يا عم. يوسف: والله العظيم كلمة كمان وهعطيك علقة تحلف بيها عمرك كله. ميرا: مالك غيران كده ليه؟ يوسف: طبعاً لازم، أخاف عليها وأغير. ميرا: والله؟ طب وبالنسبة لحبنا لبعض؟ يوسف: انتي حبيبتي، هي أختي، فهمتي؟ ميرا: ماشي يا يوسف.

*** سيلا: سيف، أنا مش فاهمة حاجة من اللي الدكتور بيقوله. سيف: ولا أنا والله. محمد صاحب سيف: أنا فهمتها، هشرحلكم بعد ما يخلص. سيف: ياريت والنبي يا محمد، لحسن حاسس إن مخي قفل خالص. سيلا: وأنا والله مش مستوعبة خالص. محمد: دكتور، بعد إذنك، ممكن تشرحها تاني؟ الدكتور: تمام، هشرحهالكم تاني. محمد: سهلت عليكم الدنيا أهو، وراح باصص لسيلا وغمز بعنيه. سيلا لفت وشها بسرعة قبل ما سيف ياخد باله. *** في كافتيريا الجامعة.

إيلا: نور، أنا هطلب كابتشينو، أطلبلك معايا؟ نور: لا يا حبيبتي، أنا هجيب بيبس، أنا هقوم آخدها من التلاجة وأطلبلك الكابتشينو. إيلا: تمام يا قلبي. نور قامت تروح تجيب الحاجة، عمر راح مشنكلها موقعها. إيلا راحت جري على صحبتها. إيلا: انت بني آدم حيوان. عمر: مالك يا سندريلا؟ عالصبح في إيه؟ يوسف كان جاي يقعد مع صحابه. ميرا: احترمي نفسك يا بتاعة انتي. يوسف: ميرا، في إيه؟ بتزعقي ليه؟

إيلا: أنا مش هرد عليكي عشان مقلش من نفسي مع حيوانة زيك. ميرا: أنا حيوانة؟ وراحت قايمة شادة إيلا من شعرها. إيلا: آآآه، سيبي شعري يا حيوانة. يوسف شد إيد ميرا: في إيه مالكم؟ ميرا: معرفش، فجأة لقيناها جايه تشتمنا. يوسف: فعلاً، أنا جاي من بعيد وشايفك يا إيلا، انتي اللي قايمة تزعقي. إيلا بصدمة: انت بجد وصلت للمرحلة دي؟ انت مش طبيعي. نور بعياط: انت مشوفتش صاحبك عمل إيه؟ عشان كده إيلا قامت تجيبلي حقي.

إيلا: اهدي يا حبيبتي وتعالي اقعدي، وأنا هجيب الحاجة. يوسف: هو انت عملت إيه يا عمر؟ والبنت بتعيط ليه؟ عمر: مفيش، حاطط رجلي وهي ماشية اتعنقلت، وقعت. يوسف لطشه بالقلم: انت فعلاً حيوان، وأنا اللي غلطان إني مصاحب حيوانات زيكم، وسابهم وراح لنور. ميرا: يوسف استنى، يوسف، عجبك كده يا عمر؟ اهو كل اللي بخططله هيروح مني بسبب غبائك. يوسف: أنا آسف بسبب اللي حصلك. نور: بتتأسف ليه؟ انت معملتش فيه حاجة، انت أحرجت إيلا يا يوسف.