رواية انتقام صوفيا الفصل الخامس 5 - بقلم اسماء السرسي

اتخض عمار وبص مكان الصوت واتكلم بصدمه: ص.. صوفيا!!!! صوفيا وهي بتقعد على كرسي وحط رجل على رجل وبتتكلم ببرود: طب كويس إنك فاكر اسمي. منه بغضب: انتي جايه لييه؟ وبعدين إزاي تدخلي علينا كده؟ وإزاي دخلتي أصلاً؟ صوفيا ببرود: صوتك عالي يا زبا'لة. منه نطت من على السرير وراحت لها بغضب: انتي بتقولي لمين زبا'لة يا زبا'لة؟ ولسه هتمسك فيها، صوفيا

وهي بتتكلم في ودنها بهمس: اهدي كده ومطلعيش عرق الإحساس اللي ما هوش عندك أصلاً، عشان لو ما عقلتيش أنا هعرف جوزك، وبعد كده بصوت عالي هعرفه تاريخك المشرف، ووطت صوتها تاني: وإنك مش بنـ'ت وعايزة تلزقيهاله الغلبان. إنما عمار مش فاهم حاجة، ولا هما بيتكلموا في إيه، وتاريخ إيه؟ وليه منه وشها أصفر كده؟ هي سمعت إيه؟ دي كل الأفكار اللي كانت في دماغ عمار. عمار بغضب: انتي إيه اللي جابك هنا تاني؟

صوفيا وهي بتقرب منه: العين بالعين والسن بالسن، والبادي أظلم.. جايه آخد حقي، وما يهمنيش إنت ممكن تعمل إيه. عمار بخبث: وإنتي ناسيه الفيديوهات؟ صوفيا: أعمل وأنا أعمل. وبصت لـ منه اللي وشها جاب الألوان: أعمل اللي أنت عايزه، بس قبل ما يضرني هيضر الراجل اللي كنت معاه، والسمعة هتيجي عليه قبل ما يجي عليا. عمار بخبث: بس أنا طلقتك. صوفيا ببرود: هثبت إن الفيديو مفبرك، وكمان هثبت مين اللي عمل كده، وتقضي باقيه عمرك في السـ'جن.

وبعد كده قالت بخبث: وتخلي الجو شوية لـ منمون، سلام أنا... آه، ومتغيرش كالون الشقة، عشان لو غيرتها هتطلع نسخة زي ما طلعت دلوقتي، يبقى وفرت فلوسي شوية، هه. منه بغضب: هي دخلت كده إزاي؟ عمار وهو بيقعد وبيتنفس بصعوبة: صوفيا.. صوفيا راجعة أقوى ومش هتسيبنا، وهتاخد حقها وازيد، بس طالما عملت كده يبقى هنشر لها الفيديو، أنا كنت عامل عشان خاطر ولادي. منه بخوف: لا لا لا لا، أوعي تعمل كده يا عمار.

عمار باستغراب من خوفها: وإنتي مالك خايفة كده لي؟ والادهى من كده إن كل اللي فات ده خطتكم؟ منه بتوتر: وأنا بقولك وقف اللي هتعمله شوية بس. عمار بشك: تمام. عند صوفيا. صوفيا بابتسامة: تمت أول خطة بنجاح، ودب الرعب في قلب منه.. بس قولي عرفت كل ده إزاي؟ عدي وهو واقف مديها ضهره: مش وقته يا صوفي، دلوقتي نركز في الخطوة التانية اللي تقدري تضربيها عصافورين في حجر واحد، وهيبقى قفا سخن أوي عليهم.

صوفيا بضحك: الخطوة التانية دونجوان عصرك. عدي وهو بيبصلها وظهرت ابتسامة جانبية: هتنفذي اللي هقولك عليه بالحرف الواحد.