رواية انتي ملكي انا الفصل الأول 1 - بقلم زهراء السعيد

أوووف يا نوح، قولت لا مش هتروح. كده الله. نوح بغضب: نور، قولتلك ميت مرة صوتك ميعلاش عليا، انتي سامعة ولا لأ؟ نور بحزن: آسفة يا نوح، بس أنا بغير عليك. انت وسيم قوي وكل البنات أما تشوفك بتتجنن عليك، وأنا مش بقدر أستحمل والله. نوح بعصبية: افهمي بقا يا نور، انتي مش مراتي ولا حبيبتي ولا أي حاجة غير بنت عمي، مش من حقك تغيري عليا. نور ببكاء مثل الأطفال: بس أنا بحبك قوي يا نوح. نوح بهدوء: مش هينفع الحب ده.

نور ببكاء: ليه مينفعش؟ ليه؟ نوح بغضب: عشان أنا أكبر منك بخمس سنين و... و... نور ببكاء: وإيه؟ وإيه؟ قول... بلاش انت تقول، أقول أنا. عشان أنا معاقة مش صح يا نوح. نوح بغضب: أنا مقصدش كده، انتي اللي بتركبي الكلام على بعضه.

نور ببرود عكس اللي جواها: انت عندك حق، انت مفروض تتجوز واحدة حلوة مش مشلولة زي وقاعدة على كرسي. أنا اللي غلطانة إني فكرت أحب واحد زيك، انت كل البنات تتمناه وأنا كنت زيهم، بس دلوقتي لا. مش من حقي أحلم حلم مش ليا. نوح بحزن: نو... نور بزعيق: فتحية، فتحيييييييه، تعالييييييي. فتحية بتيجي بسرعة: نعم يا ست هانم. نور بغضب: هكون بنادي عليكي ليه؟ زقي الكرسي وديني الأوضة بتاعتي. فتحية: حضرتك يا ست هانم.

دخلت فتحية نور الأوضة ولسه هتخرج. نور ببكاء: أنا آسفة يا فتحية، بس مش عارفة أنا زعقتلك كده إزاي. انتي عارفة بقى كل مرة يجرحني بكلامه وأطلع غضبي عليكي، انتي سامحيني. فتحي قفلت الباب ورجعت قعدت قدام منها ومسكت يديها. فتحي بضحك: مع إن كنتي مزودة العيار شوية، بس المسامح كريم يا ستي. استني، استني، استني، انتي هتضحكيني وهتخليني أنسى اللي كنت عايز أقولهولك. نور باستغراب: حاجة إيه؟ فتحي بزعل مزيف: والله يعني انتي مش عارفة؟

أنا هقولك إيه. نور بتضحك على شكلها: والله ما أعرف. إيه الحرب العالمية التالتة هتبدأ ولا إيه؟ فتحي بضحك: لا يا ستي، عيد ميلادي. نور مصدومة: احلفي كده إن عيد ميلادك النهاردة؟ فتحي بضحك: والله يا ستي عيد ميلادي النهاردة وعمال أنظف من الصبح وأغسل في المواعين بتاعتكم ولا حد عبرني وقال لي كل سنة وانتي طيبة يا فتحية. عالم بخيلة صحيح 😒. نور بضحك: يخرب بيت سنينك يا فتحية يا بنتي، أنا مكنتش أعرف. كل سنة وانتي طيبة يا ستي 😂😂😂.

فتحي بصت لنور وابتسمت لأن هي الوحيدة اللي بتخليها تضحك من قلبها وتنسى حزنها وجرحها. فتحي بابتسامة: ربنا يسعد قلبك على طول يا نور. نور بحزن: يارب. بس إزاي؟ إزاي يا فتحية؟ واللي بحبه مبيحبنيش ودايماً يبص لي على إني مشلولة وقاعدة على كرسي مش بتحرك. فتحي بابتسامة: انتي مش بإيدك، متنسيش إن ربنا بيحبك عشان كده ابتلاكي. نور بحزن: الحمد لله. بالليل الساعة 11:00 بالظبط كانت كل العيلة قاعدة على السفرة. فارس لجده: بقولك يا جدو.

الجد: نعم. فارس بتوتر: الصراحة يعني، أنا كنت عايزك في موضوع. الجد ببرود: قول، مفيش حد غريب. فارس متوتر: بصراحة كده يا جدو، بعد إذنك انت وعمي أحمد، أنا طالب إيد نور. نور ونوح: أأأأأأيه. الجد بص لنوح ونور وفارس وبعد كده قال: أنا لو عليا معنديش مانع ومش هالاقي أحسن منك لنور، بس بردك عمك أحمد ونور، هما دول اللي ليهم الرأي مش أنا.

أحمد باحترام: وأنا يا بابا معنديش مانع. فارس إنسان محترم جداً وأنا بحبه، بس بردك الرأي لنور بنتي مش ليا. نوح بغضب: إيه الكلام الفارغ اللي بتقوله ده؟ جواز إيه وبتاع إيه؟ نور لسه صغيرة ملهاش في الكلام ده. الجد بغضب: متدخلش في اللي ملكش فيه يا نوح. نوح بغضب: يعني إيه مليش فيه؟ انت نسيت إن نور بنت عمي وأنا اللي مربيها كمان. الجدة: نسمع رأي نور. هتقول إيه. الجد بيبص لنور: وانتي يا نور، رأيك إيه؟ نور...