رواية انيسي الفصل الأول 1 - بقلم شيماء عادل

ماما؛ هو يعني أي ابن حرام؟ مين قالك كدا؟ هي حاجة وحشة؟ بص ياحبيبي، أنت دلوقتي مش صغير، يعني كبير كفاية إنك تقدر تميز شيء زي دا، دا قصدي؛ هتقدر تفهمني! طبعًا ياماما دانا ١١سنة بص يا أنيس؛ ابن حرام دا لفظ مش لطيف أصلًا، هما بيقولوا كدا عن الطفل اللي ناتج عن علاقة غير شرعية، بمعنىٰ أصح علاقة ربنا مش راضي عنها؛ أي بدون زواج، فهمتني! آها، طيب وكدا الطفل بيكون وحش؟

لأ طبعًا ياعيون ماما، الطفل بييجي للدنيا مش مستوعب شيء، بيستوعب شوية شوية اللي حواليه، وطبعه بيتكون حسب البيئة اللي هو عايش فيها واتربىٰ فيها، واللي بيكون غلط في كل دا اللي عمل الغلط دا من الأول، الطفل مجرد نتيجة؛ فين غلطه بقىٰ وهو أصلًا مالوش يد في الفعل؟ ابن الحلال بقىٰ هو اللي بيكون بابا وماما اتجوزوا وبعدين خلفوه؟ تقدر تقول كدا ياروح ماما طيب وبيكون عنده تيتا وجدو وبابا وعمو وخالو وخالتو وكتير كدا، صح!

أنت حد ضايقك في المدرسة مش كدا؟ أنا مازعلتش، أنا عارف إن الماما تبعي مابتكدبش أبدًا، وأنتِ قُلتيلي إن تيتا وجدو تبعي ما'توا وبابا ما'ت في حا'دث وأنا عمري سنة، بس أنا مش فاكره خالص ياما مش ممكن يكون ليه صورة في الحاجات بتاعتنا جوا؟ حبيبي أنا قُلتلك إني دورت كتير ولاقيتهم ضاعوا في البيت القديم مصدقك ياعيوني، حركي ايدك شوية عشان هنام آسفة ياعيون الماما أنـيـس: ماما؛ هو يعني أي ابن حرام؟ عائشة: مين قالك كدا؟

أنيس: هي حاجة وحشة؟ عائشة: بص ياحبيبي، أنت دلوقتي مش صغير، يعني كبير كفاية إنك تقدر تميز شيء زي دا، دا قصدي؛ هتقدر تفهمني! أنيس: طبعًا ياماما دانا ١١سنة عائشة: بص يا أنيس؛ ابن حرام دا لفظ مش لطيف أصلًا، هما بيقولوا كدا عن الطفل اللي ناتج عن علاقة غير شرعية، بمعنىٰ أصح علاقة ربنا مش راضي عنها؛ أي بدون زواج، فهمتني! أنيس: آها، طيب وكدا الطفل بيكون وحش؟

عائشة: لأ طبعًا ياعيون ماما، الطفل بييجي للدنيا مش مستوعب شيء، بيستوعب شوية شوية اللي حواليه، وطبعه بيتكون حسب البيئة اللي هو عايش فيها واتربىٰ فيها، واللي بيكون غلط في كل دا اللي عمل الغلط دا من الأول، الطفل مجرد نتيجة؛ فين غلطه بقىٰ وهو أصلًا مالوش يد في الفعل؟ أنيس: ابن الحلال بقىٰ هو اللي بيكون بابا وماما اتجوزوا وبعدين خلفوه؟ عائشة: تقدر تقول كدا ياروح ماما

أنيس: طيب وبيكون عنده تيتا وجدو وبابا وعمو وخالو وخالتو وكتير كدا، صح! عائشة: أنت حد ضايقك في المدرسة مش كدا؟ أنيس: أنا مازعلتش، أنا عارف إن الماما تبعي مابتكدبش أبدًا، وأنتِ قُلتيلي إن تيتا وجدو تبعي ما'توا وبابا ما'ت في حا'دث وأنا عمري سنة، بس أنا مش فاكره خالص ياما أنيس: مش ممكن يكون ليه صورة في الحاجات بتاعتنا جوا؟ عائشة: حبيبي أنا قُلتلك إني دورت كتير ولاقيتهم ضاعوا في البيت القديم أنيس: مصدقك ياعيوني، حركي

ايدك شوية عشان هنام عائشة: آسفة ياعيون الماما عائشة: أنا آسفة، والله آسفة؛ مش قصدي أكدب، يارب سامحني وساعدني يارب، بقالي ١١ سنة بحاول أحميه؛ الأول كان صغير وأمر إقناعه سهل وبسيط شوية، إنما دلوقتي! دلوقتي مش بيقتنع بالكامل، دلوقتي هيحاول أكتر من مرة واتنين عشان يوصل لحقيقة اللي بيسمعه، أنا عارفاه كويس؛ حابة إن شخصيته قوية من دلوقتي بس! خا'يفة يجيله وقت ويوجهلي صابع الإتهامات عائشة: هعمل أي وقتها؟ هعمل أي لو … عائشة:

يارب ساعدني عائشة: أنيس، حبيبي! قوم ياعيون ماما الفجر هيأذن أنيس: صباح الخير ياماما عائشة: صباح السعادة ياعيون ماما، قوم يلا أنيس: تسلميلي عائشة: على أي ياروحي أنيس: عشان بتاخديني معاكي لطريق الجنة، وبتصحيني في كل مرة حتىٰ لو بغلبك عائشة: عايزاك تكون أنيسي في الأرض وبرضا الله وإذنه في الجنة كمان؛ تصدق أنا اللي طماعة هنا؟ أنيس: طمع حلو وفي مصلحت عائشة: ربنا يرزقنا بجمالها يارب

أنيس: أنا عايز اكون جار سيدنا محمد ﷺ عليه أفضل الصلاة والسلام" أوي عائشة: عليه أفضل الصلاة والسلام، طب يلا بقىٰ يابطل علىٰ المسجد علىٰ طول؛ ماكناش جيرانه في الدنيا يمكن نكون في الجنة، يلا الأذان بدأ أهو أنيس: عقبال ما نسمعه من أشرف الخلق يارب عائشة: قوم يلا ياكسلان، لسة هتصلي الصبح وبعدين هتساعدني نعمل الفطار مع بعض أنيس: صباح الخير عائشة: يسعد صباحك وأيامك، يلا قوم؛ مش هتنازل أنيس: لحظة بس؛ أنا مش هروح المدرسة؟

عائشة: تؤتؤ ولا دروس أنيس: طيب ليه؟ عائشة: ببساطة لأنه النهاردة الجمعة؛ أمال أنا سمحتلك تسهر ليه امبارح؟ أنيس: آه صح، ماجاش في بالي أنيس: النهاردة أميرتي مش هتعمل حاجة عائشة: أزاي وصلت لطولي في السن دا! مش فاهمة أنا أنيس: لأن طولك دا مش طول ياعائش عائشة: ولد! أنا امك أنيس: وللّٰه الحمد واللّٰه ياست الكل عائشة: أنا ممتنة لكل حاجة كانت السبب في إنك تكون ابني يا أنيس عائشة: حتىٰ لو كانت وحشة؛ حتىٰ لو كانت

سبب في إني اكره نفسي أنيس: طيب كفاية دراما وعوطف وقوليلي هنفطر أي، أنا هعمل شكشوكة عائشة: أنا كنت خرجت الكبدة من الفريزر وحطيتها في التلاجة بس كدا هنسيبها مكانها ونعمل بطاطس جمب البيض وخلاص، والكبدة نسيبها للغدا أنيس: اشطا كدا اتفقنا عائشة: اووه الخطبة بدأ عائشة: يلا يلا يلا، اتوضىٰ وعلىٰ المسجد فورًا، اوعىٰ تفوتها يا أنيس أنيس: ماتقلقيش ياست الكل، مش هييجي يوم وأفوتها عائشة: يباركلي فيك ياحبيبي، يلا وأنا هتوضىٰ

وأحصلك أنا كمان عائشة: اللهم عمر مساجدنا بالمصلين، واجعل قلوبهم حاضرة قبل أبدانهم عائشة: بعتذر بس؛ لو ماكنتش عملت كدا كانت هتئذيكي، وحضرتك مأخدتيش بالك فاكان لازم أتصرف بسرعة وأنا مافكرتش، أنا آسف عائشة: و ولا يهم حضرتك، بعد إذنك تيام: لو سمحت، يا آنسة! أنيس: بدأنا في حوار آنسة من تاني

تيام: بعتذر مرة تانية إني بوقفكم بس، كنت عايز أقول لحضرتك إنه ممكن تاخدي أجازة بكرا، وأنا هقول للمدير وهتكون أجازة بالمرتب ماتقلقيش، وأنت يابطل خد بالك من أختك كويس أنيس: أختي؟ سها: أي دا! هي قالتلك إنه أخوها؟ أنيس: حضرتك عايزة أي دلوقتي؟ سها: الله! مش بوعيه؟ ولا أنت كمان هتمشي علىٰ كدبة مامتك؟ أوبس دانا قُلت! أنيس: ممكن حضرتك ترجعي بيتك؟ تيام: لحظة بس، هو مش حضرتك خارجة من مسجد؟

يعني المفروض تراعي إنك خارجة من مكان طاهر مايليقش بيه أفعالك سها: لـ لأ أنا ماكنتش في المسجد، أنا كنت رايحة مشوار وسمعتكم بالصدفة سها: وبعدين يخصك في أي؟ ولا انتوا بقىٰ عايزين تداروا علىٰ أفعالها سها: تقدري تقوليلي أزاي طفل من غير شهادة ميلاد؟ هل يعرف اسم عيلته أو بلده فين؟

أنيس: ست سهاا، لو سمحتِ؛ أمي تعبانة وأنا مش مضطر أجاوب علىٰ ولا سؤال، ثانيًا بقىٰ حضرتك مش بتدفعيلنا الإيجار يعني ملكيش حق تشوفي أي توثيقات، أرحمينا خلي ربنا يرحمك تيام: إسندها كويس حالتها مش كويسة أبدًا، هي بتعاني من شيء؟ أنيس: مش عارف! سها: دا أكيد مسلسل منها عشان تتوه، زي كل مرة حد بيسألها وهي بتهرب

أنيس: بس بقاا، أنا محترمك عشانها وعشان المبادئ اللي علمتهالي؛ لكن وربي اللي هييجي عليها بكلمة أو همس مش هيعرفني، تمام؟ عائشة: أ أنيس أنيس: كوني قوية عشاني، أنا هنا؛ اسندي عليا يلا وقربنا للبيت أهو، بصي هندخل بس البوابة وهنطلع علىٰ طول، يلّا ياعائش ساعديني بالله عائشة: أنيسي! أنيس: أمي! تيام: اخلَصص، بتخرج د'م من بُقهااا!