رواية اوجاع الماضي الفصل الثالث عشر 13 - بقلم سلوى عوض

الجد: مال صوتكم عالي كده ليه؟ جميلة: لا يا جدو ده إحنا بنهزر. إلهام: لا يا جدي، البت ديه من ساعة ما دخلت البيت وهي واخدة الكل تحت جناحها. الجد: أولاً دي بنت عمك، وغير كده، إنتِ تزعلي يعني لما البيت يكون هادي؟ إلهام: آه، أزعل، هي خدت حب الكل والاهتمام، وأنا بقيت على الرف، وكمان إنت بتحبها أكتر مني. الجد: كلكم واحد عندي. شمس: خلاص يا إلهام، روحي شوفي بناتك اللي سايباهم لامك ليل نهار، وجاية تتضايقي من الناس!

إلهام: وهي أمي اشتكتلك؟ شمس: أنا بتكلم بأدب. إلهام: أنا وامي حرين مع بعض، وبعدين أنا حامل، المفروض الكل يخدمني. نسمة: ليه يعني الكل يخدمك؟ هتجيبي اللي محدش جابه؟ إلهام: ومالك إنتي؟ قاعدة في بيتنا ليه؟ ولا الست جميلة لمّت اللي مالهمش لازمة وجعدتهم جارها؟ عشق: معلش يا جميلة، أنا لازم أرجع بيتنا. شكراً يا إلهام. إلهام: والله في واحدة طلعت عندها دم! إلهام: أنا بقا ماعنديش دم وقاعدة ما بمشيش؟

الجد: اطلعي فوق يا إلهام، وإياكِ تتحدي ضيوفي تاني. كده حجك عليا يا عشق يا بنتي. نزار: مالها عشق يا جد؟ بتحجّ نفسك ليها ليه؟ نسمة: أصلك أختك طردتها. روضة: تتشلّ في لسانك يا بعيدة. نزار: بعد إذن جدي وأخويا شمس، عشق تبقى عروستي، وأي حد يضايقها يبقى بيضايقني أنا. إلهام: والله عال! ما بقاش إلا العيال. شمس: يعني إنتي عاوزة إيه دلوقتي؟ جَدِّك قالك اطلعي، ما سمعتيش؟ عاوزاني أمد إيدي عليكي يعني؟ نسمة: قلبك أبيض يا جوز أختي!

ولا أقولك: اديها جلمين تتعلم تحترم الكبير. روضة: يابتي اسكتي، ما تولعيش. الجد: خدي البنت يا جميلة واطلعي عند جدتها، وانت يا شمس خد مراتك واطلعوا. هملوني أنا وإلهام. شمس: حاضر يا جدي. جميلة: تمام، يلا يا بنات. نسمة: أحسن، خلي جدي يربيها بتجيله! الجد: اقعدي يا إلهام، وقوليلي مالك بتضايقي من بنت عمك؟ إلهام: دي مش مربّاية، شايفة لابسة إيه! وفاشلة كمان. الجد: جميلة؟

دي المذيعة الكبيرة، والمخطوبة لضابط وابن وزير، دي فاشلة؟! ولا اللي ماخدتش الإعدادية؟ إلهام: بتعايرني يا جدي! الجد: اسمعي يا إلهام، لو ضايقتي بنت عمك تاني، تاخدي جوزك وبناتك وتسبي البيت من سكات. إلهام: إيه يا جدي، بتطردني عشان بنت ولدك الصايعة دي؟ الجد: انتي يابتي! محدش جادر عليكي، طالعة زي أبوكي، شرانية وقلبك أسود. إلهام: والله يا جميلة لأربيكي وأطفّشك من هنا واطلعك بفضيحة! عابد: مالك؟ خدك أحمر كده ليه؟

إلهام: جدي ضربني عشان البت جميلة! عابد: عملتِ لها إيه؟ إلهام: عاملة نفسها صاحبة بيت، ولمّة البنات حواليها، وبجول عليها صايعة، جدي يضربني ويجوللي "خدي جوزك وبناتك وامشي! عابد: الله يخرب بيتك، إنتي جاموسة؟ بتخربي كل اللي بخططله؟ إلهام: إنت كمان عليا؟ عابد: يابتي افهمي! جميلة مش هتاخد على عيشتنا، وهتمشي. وعداوتك ليها مش ف مصلحتنا. كفاية علينا شمس، ولا عاوزاني أهج ومحدش يعرفلي طريق؟ إلهام: لا لا خلاص.

عابد: يبقا تسمعي كلامي. إلهام: طيب، بس نسمع برضو كلامها ونزار كمان هيتجوزها؟ عابد: اهي كده طربجت من كل ناحية. لازم تاخديهم كلهم تحت جناحك. إلهام: والله عال! أنا إلهام بنت عبدالرحيم أوطي نفسي ليهم؟ عابد: مافكيش فايدة. إلهام: آه عاوزة أعفص عليهم كلهم. عابد: هخليكي ست الكل لو سمعتي الكلام. إلهام: أمري لله. عابد: تنزلي تعتذري للكل. إلهام: بس… عابد: مفيش بس. انزلي لجَدِّك واعتذري ليهم.

إلهام: أنا آسفة يا جدي، وعاوزة أعتذر لكل البنات، أصل كنت غيرانة من جميلة، وفاكرة إنك بتحبها أكتر. الجد: يا بتي، جُلتلك كلكم واحد عندي. إلهام: خلاص، انده عليهم. إلهام: حجكم عليا يا بنات، أنا آسفة ليكم، إنتو أخواتي من النهاردة. نسمة: والله البت السودة دي بتخطط لحاجة. جميلة: محصلش حاجة، وأنا بكرة أعمل الغدا للكل. الجد: جميلة، انتي مستقلة بيا ولا إيه؟ جميلة: لأ، ما فيش تعب، هو بابا فين؟ وحامد وأدهم؟ الجد: طلعوا يتمشوا.

الجد: نزار خيك يا إلهام. إلهام: حاضر يا جدو. الجدة: ربنا يهديكم. إلهام: تعالوا نقعد في الجنينة. نسمة: هطلع أنده روضة أختي. الجد: نسمه، طلعي وقولي لشمش: جدك عاوزك. نسمه: من عيني. نسمه: شمش، يا شمش! كلّم جدك، وانتي يا روضة تعالي اقعدي معانا في الجنينة. روضة: له! إلهام تزعل. نسمه: إذا كانت الهام الحرباية ذات نفسها اللي نزلت واعتذرت وقالت نجعد ف الجنينة! روضة: ربنا يهدي! بس انتي قصري لسانك.

نسمه: هبقى أشوف شمش، خبط على نزار عشان يقعد معانا. شمس: ماشي. شمس: خير يا جد؟ الجد: مش عارف يا ولدي، جلجان من أبوك، خايف يتصرف تصرف من تصرفاته. شمس: ربنا يستر يا جد… بس عامل نفسك زين قدام الناس عشان اليومين دول يعدّوا على خير. الجد: وانا ميّت يا ولدي، عاملته عفش! هي عمايله السودة اللي مخلياني مش طايقه. شمس: أقولك إيه بس… ربنا يهدي. الجد: بس إنت ما شاء الله عليك، إنت ومراتك، وشكم منور!

وهي كمان البنيه ما بقتش تنام زي الأول، بقت مفنجلة على طول. شمس: يعني عشان صحيت يومين بقت خلاص؟ الجد: العشق باين ف عيونك يا شمش، والبت تستاهل. بس عارف أنا شفقان على مين؟ شمس: على مين؟ الجد: على أدهم، ولد عمك. وجع ف البت نسمه، ميعرفش جنانها، ولا يعرف إنها بتعض، ومعلمة على عيال البلد كلها! شمس: آه والله يا جد، دي سنانها حامية زي الموس. الجد: وه! أوعى تكون عضّتك؟ راحت هيبتك ف البلد يا ولدي؟

شمس: لا طبعا… بس عضت مرات أخوها! وإيه يا عيني… كانت ناقصة تاخد واحد وعشرين حُجة، وكمان كسرت رجلين! الجد: معتمد كلمني فيديو، وراني يد مراته ويد بنته اللي عضّتهم. الجد: فكرني قبل ما يتجوز أدهم، نطعّموه! أدهم: تطعموني من إيه يا جدو؟ شمس: أنا ف عرضك يا جدو، الجوازة هتبوظ! الجد: له يا ولدي، فيش حاجة… ده أنا قصدي على الناموس. عز: والله يا أبويا، البلد بقت جميلة جوي. الجد: أمال إيه يا ولدي! أدهم: أمال جميلة فين؟

شمس: كلهم في الجنينة، نسمه معاهم. الجد: آه، معاهم. أدهم: عن إذنكم، أصل "جيمو" وحشتني. أدهم: مساء الخير على الجميع. الكل: مساء النور. أدهم: إيه القمر ده؟ يخربيت جمالك! نسمة: تعالى أقرألك الكف! أدهم: بتعرفي؟ نسمة: أمال إيه! أدهم: آآه! يا بنت العضّاضة! نسمة: علشان تحرم تعاكسني تاني. عز: مالك يا أدهم؟ شمس: خلاص يا جد، أدهم مش محتاج تطعيم، نسمه عضّته! عز: عضّته؟ شمس: أصل نسمه أليفة، مبتعضش غير اللي يضايقها.

الجد: بس يا شمش، ما تولّعش الدنيا. عز: هي فعلاً عضّتك؟ أدهم: آه، عضّتني! ضحكت عليا وقالتلي هات إيدك أقرالك الكف، راحت عضّاني! عز: أنتَ لو كنت ضايقتها، تبقى تستاهل. أدهم: الله! دي مش خطيبتي؟ الجد: يا حبيبي، دي عندكم ف مصر كده. حتى شمش، جعد يحب ف روضة كذا سنة، لحد ما كبرت وجوزتهاله. أدهم: أوبا! ده إنت طلعت حبيب يا ابن عمي؟ شمس: كده بردك يا جدو؟ تفضحني؟ الجد: ما البلد كلها عارفة قصة غرامك لروضة.

أدهم: الله يسهلها، بس مراتك يا شمش ما شاء الله هادية، غير أختها خالص. شمس: الله يكون ف عونك يا أدهم. الجد: يلا هنعمل إيه؟ جدرك ونصيبك. الجد: أحسن، هيا ديه اللي هتربيه، والله أنا فرحان فيه. الجد: باين عليك متعب يا أدهم؟ عز: فعلاً يا أبا، أكتر واحد تعبني في تربيته… شقي أوي. أدهم: يعني كلكم عليا؟ شمس: بقولك إيه، أوعاك تزعل نسمه. أديك شايف عز، وهو بيقدر يتكلم معاها؟ الجد: تعالوا نجعد معاهم، ولا خايف يا أدهم؟ أدهم: أخاف؟

أخاف من إيه؟ يلا بينا. عجور: ملك، فرصة وجاتلك لغيت عندك، أوعي تضيعيها. ملك: أضيع إيه؟ لأ طبعًا، ده أنا ما صدقت! نطلع على وش الدنيا زي الناس. عجور: لما عبدالرحيم يبعت الفلوس، أنا هاخد نصهم… ولا انتي ليكي كلام تاني؟ ملك: كلام إيه؟ أنت تاخد عنيا يا أبا! فضيلة: ربنا يهديكم على بعض. عجور: مش هتبطّل لهفتك على البنات الصغيرين؟ كل ما تشوف بنت حالك يتشجلب؟ عبدالرحيم: كلهم كوم، والبت ديه كوم تاني! دي جَمره، وشها مورد ومنوّر.

عجور: مش هتكبر أبدًا! عبدالرحيم: يا راجل! روح… مش أحسن مني؟ عجور: معرفش أنا ليه كاره صنف الحريم… دول نعمة يا ولد خالتي. عبدالرحيم: لسه بتحبها؟ دي ماتت وشبعت موت. عجور: اقفل خشمك! ما تجيبش سيرتها تاني على لسانك. عبدالرحيم: إنت زعلت؟ خلاص… ياسيدي، متزعلش. عجور: خلص، إنت جاي معايا؟ عبدالرحيم: لأ، أنا مروح. عجور: عاوزك تجيل، ومتعملش مشاكل مع أبوك ولا مع عز.

عبدالرحيم: مزاجي رايق، ومعايزش أعمل مشاكل مع حد. هروح أنعس، وأحلم بالعروسة الجديدة. عجور: يا بت يا ساره… ساره: نعمين، يا نور العين. عجور: أنا في إيدي مصلحة، وهخلصها وأجيلك أتجدم لك. ساره: أوعى تكون هتسرق تاني! كفاية سنين عمرك اللي قضيتها ف الإصلاحية. عجور: لأ، خلاص… توبت. ساره: تعال نتجوز على طول. إنت عارف ماكانش ليا غير أمي، واهي توفت. تعال نعيش على لقمة بملح.

عجور: يابت ده انتي غالية جوي، أنا نفسي أجيبلك الدنيا كلها. ساره: أنا عاوزاك إنت بس. عجور: يعني نتجوز في الأوضة بتاعتي؟ ساره: آه، وماله! عجور: من غير عفش ولا حاجة؟ ساره: أنا موافقة يا سيدي. عجور: خلاص، نروح للمأذون؟ ساره: يلا بينا.