رواية اوقعتني في عشقها الفصل الخامس والثلاثون 35 - بقلم فاتن جمال

زمرد بصدمة وصوت عالٍ: لااااااااااااا رحيم بابتسامة: بصراحة مكنتش عارف إنه هيوحشك أوي كدا يا حبيبتي. زمرد بدأت تهز رأسها بمعنى لا والدموع في عينيها. زمرد بدموع: أنت مريض، سيبني في حالي. رحيم بعصبية: أسيبك إزاي وأنتي سبب إني عايش؟ أنا بحبك من زمان وأنتي كمان بتحبيني وهتسمعي كلامي كويس. مازن من وراء رحيم: تؤ تؤ، محدش هنا ينفع يسمع كلام واحد ميت. زمرد بابتسامة ممزوجة بالدموع: مازن.

رحيم بابتسامة خبيثة: حلو أوي يا سيادة الرائد. مازن قعد على الكنبة ورحيم واقف، رفع المسدس في اتجاه مازن. مازن بابتسامة وحط رجل على رجل: حبيبتي أنتي كويسة صح؟ زمرد بابتسامة هزت رأسها بمعنى أيوه. مازن وجه كلامه لرحيم: أصلي قولت لها إنك هتيجي المستشفى وطلبت منها إنها تمثل الخوف منك، أصلك متعرفش أنا ناوي على إيه ليك. رحيم ضحك بشر: أنت غلبان أوي، أنا في لمح البصر أخلص منك. مازن: وأنت معملتش كدا ليه وأنا وسط جيشك؟ ...

أقولك حاجة، أنت فاشل. رحيم بعصبية: سيب زمرد ليا وأنا هامشي. مازن بعصبية: اسم مراتي ميجيش على لسانك. رحيم: أنا لحد دلوقتي قاتل حوالي عشرة آلاف، مفيش حاجة لو قتلتك، وأهو يكون قدامها عشان تعرف إنك موت. مازن بابتسامة: أنت غلبان أوي، أنت فاكر إنك ممكن تطلع من هنا أصلاً؟

أنا ناوي أحجز لك جناح خاص من العناية المركزة عشان نشيل القناع ونحط مكانه كيس بلاستيك شفاف عشان أخلي كل حتة في جسمك عليها مية نار، ومتخافش أنا طالبها من بره مصر يعني هتعجبك أوي. رحيم بعصبية مسك المسدس في اتجاه زمرد. مازن بخوف: نزل المسدس. رحيم بضحكة خبيثة: يا تكون معايا يقتلها واقتل نفسي. مازن بسرعة وخوف: طب نزل إيدك وأنا هخليها تيجي معاك. زمرد نسيت خوفها وتكلمت بطفولية: يعني إيه يا مازن؟ أروح معاه؟

هو أنت مرة تخلي منصور يخدني ومرة المجنون دا؟ مازن بعصبية مكتومة: ممكن تسكتي؟ أنتي مش شايفة؟ رحيم بصوت عالٍ: اسكتي. زمرد بخوف: حاضر. مازن استغل الفرصة وإن رحيم بيبص على زمرد ودار بينهم مشاجرة، رحيم ضرب مازن بالمسدس على دماغه. مازن حس بفقدان الوعي. زمرد بصوت عالٍ: مااااااازن. رحيم قرب مسكها من إيديها ونزلها من على السرير وفتح الباب. مازن بوجع بدأ يدور على زمرد: زمرد، زمرد. وقام وهو ماسك دماغه وفضل ينادي على ساهر.

ساهر: مازن مالك؟ إيه اللي حصل؟ مازن بوجع في رأسه: رحيم خد زمرد. زمرد كانت ماشية بتعيط في المستشفى لحد ما رحيم سمع الطوارئ بتقفل باب المستشفى، خد زمرد ودخل مخزن الأدوية. رحيم بعصبية مكتومة: مسمعش صوتك. زمرد بخوف: حاضر. مازن كان بيدور عليها وساهر مع بعض رجال الشرطة قدام المستشفى.