رواية اوقعتني في عشقها الفصل الثالث والخمسون 53 - بقلم فاتن جمال

مازن بعصبية قرب من زمرد وهو عايز يضربها بالقلم ورفع أيده علشان يضربها لكن ساهر مسك أيده. ساهر بسرعه: مازن انت ناسي انك صعيدي محدش بيمدي أيده علي ست وبعدين حتي لو هي غلطانه في ليها أهل واهلها جاين كمان اسبوعين خليها هنا وملكش دعوه بيها ولما ابوها يجي هو هيتصرف معاها. يوسف بتأكيد: أيوه يا مازن اسمع الكلام بلاش تضيع كل ده عشان غضبك. مايا نزلت وهي بتدلع: مازن حبيبي بلاش تضيع نفسك عشان واحده زي دي.

زمرد خبطت ساهر عشان يسيب أيدها وفعلا ساهر ساب أيدها من غير مايا ما تاخدش بالها، بس طبعًا مازن كان واخد باله. زمرد مسكت شعر مايا بإيديها وفضلت تضرب فيها ومايا بتستنجد بمازن اللي كان عامل نفسه بيسلك بينهم، ولكن كان بيفشل لحد ما قرب من زمرد. مازن بصوت مهموس: البيبي يا روحي خدي بالك. زمرد حست بكهرباء من كلام مازن ولمسته ليها فبعدت عن مايا وساهر قرب سند مايا وطلعها فوق. زمرد كانت واقفة عيونها بتطلع نار على مازن.

يوسف بصوت هادئ: شكلها هتولع فيك. ساهر بنفس الصوت: الله يرحمك يا مازن. مازن بنفس الصوت: حد يعرف نمرة البوليس. يوسف وساهر: ليه. مازن بسرعه: عشان في جريمة قتل هتحصل والقاتل زمرد والمقتول مازن. زمرد بابتسامة صفراء: متخافش لسه دورك مجاش. ساهر بسرعه: يا جماعة ركزوا بقى. مازن بعصبية: يوسف المخلوقة دي تحطها في شقتها لحد ما أعرف أنا هعمل إيه وحط حراسة عليها عشان ممكن تهرب. وقرب من زمرد وهو عامل

نفسه متعصب وقال بصوت عالي: هقتلك أنتِ سامعة. ورجع كمل كلامه بحب: هقتلك عشان أحطك جوه حضني. زمرد بكسوف سكتت. ساهر بسرعه: طيب أنا هاخدها الشقة وأنت ابق تعال المكتب عايزك. يوسف: سلام. زمرد مشيت مع ساهر ويوسف وهي دموعها بتنزل عشان سايبة حبيبها، ولكن مازن خرج فورًا وراهم. مازن بسرعه: يوسف انزل عايزك. يوسف باستغراب: هتعمل إيه. مازن بحب: وحشتني. ساهر بتفكير: عندي فاكرة. مازن بسرعه: إيه هي.

كل ده وزمرد حاطة راسها بين إيديها وبتعيط. يوسف: هنعمل إيه. ساهر: وأنا بطلع مايا فوق شربتها ميه وحطيت فيها منوم يكفي شهر نوم. مازن بفرحة: إزاي مجاش على بالي. ساهر بضحكة: عشان أنا ساهر. يوسف: طب خلاص ادخل يا مازن قول للشغالين إنك طالع تنام وهما يروحوا النهارده. مازن بسرعه: تمام استنوا بعدين شوية. ساهر ركب العربية ووقف في مكان ضلمة بعيد عن الفيلا. زمرد باستغراب: إحنا واقفين ليه. يوسف: ثواني بس.

زمرد فضلت قاعدة زعلانة لحد ما لقت حد بيفتح باب العربية. زمرد بخوف: أنت مين. مازن بحب: القمر وحشني قولت أشوفه. زمرد بابتسامة حضنته بسرعة: مكنتش عارفة إزاي هفضل لوحدي وأنت مع الحرباية في البيت. مازن بابتسامة: مقدرش أبعد عن روحي ينفع أسيبك لوحدك. ساهر: طب راعوا شعور الموجودين. يوسف: طب أنت متجوز أنا ليه. ساهر بضحكة: يا عم بكرة تجرب. مازن: اسكت أنت وهو بقى. بعد وقت كان مازن وزمرد نزلوا قدام العمارة. ساهر: مبروك يا عريس.

يوسف بضحكة: طب مفيش حاجة حلوة حتى. مازن بابتسامة: غور بقى أنت وهو. وكمل بجدية: بكرة الصبح لازم يكون في حراسة على زمرد، مايا أكيد هتكون عايزة تتأكد إن كنت بكذب عليها ولا لأ. يوسف بجدية: حاضر تصبح على خير. مازن بابتسامة: وأنتم من أهل الخير. زمرد بابتسامة: وحشتني. مازن بحب: نطلع فوق الأول. زمرد افتكرت أول يوم جواز وخوفها من الأسانسير.