رواية أوقعتني في حبها الفصل الأول 1 - بقلم آية هاني

_دي الخدامة الجديدة يا بابا. = دي مراتك المستقبلية. _انت بتقول إيه! مرات مين! = مراتك، إيه مسمعتش! _مستحيل طبعًا يا بابا، مرات مين دي الخدامة الجديدة، يلا يا بت انتي ادخلي اعملي أكل... طبعًا أنا واقفة وسامعة الكلام ده وأنا قلبي بينزف وجع. ليه يحصل معايا كده؟ ليه بابا باعني للراجل ده؟ ليه متي وسبتيني يا أمي؟ _هو أنا مش قلتلك ادخلي اعملي طفح ليا! كنت لسه هرد بس باباه هو اللي رد.

= أنت مبتفهمش، بقولك دي مراتك يا آدم، تقولها اعملي أكل. _يا بابا افهمني أنت، دي متليقش بآدم بيه صاحب أكبر شركات في إسكندرية، دي آخرها تبقى خدامة. وراح ماشي. *** _معلش يا روز، هو بس مش مستوعب اللي بيحصل. اطلعي فوق في أوضتك ارتاحي، ولما يجي أنا هبقى أفهمه. يا عايدة يا عايدة. = أيوه يا بيه، فيه حاجة. _خدي روز هانم على أوضتها اللي قلتلك عليها، وشوية كده ابقي طلّعي لها أكل.

أنا كان كل اللي مهون عليا الراجل الطيب اللي بيعاملني حلو، طبعًا عكس ابنه. طلعت الأوضة، دي مش أوضة دي زي بيتنا كله! _طيب يا دادة انزلي أنتِ، وأنا هحط هدومي. = لا يا روز هانم مينفعش، أنا اللي هحط الهدوم. _روز هانم إيه بس يا دادة، والله أزعل منك. أنا اسمي روز، ويبقى شرف ليا يعني لو تعتبريني زي بنتك. بصت لها عايدة اللي شافت إنها نفس صفات إلهام هانم رحمة الله عليها والدة آدم. حضنتها وعيطت.

= أنا اللي شرف ليا إني يبقى عندي بنت زيك، يبخت آدم بيه بيكي. روز لأول مرة تحس بالأمان والدفا من بعد وفاة مامتها. _وبعدين بقى هنفضل نعَيّط كده. = أصل أنا مبخلفش، وكان نفسي يبقى عندي بنت تبقى زيك كده. _آلااه، طب ما أنا بنتك أهو، إلا بقى لو كان أنتِ مش معتبراني بنتك. = لا طبعًا بنتي وحبيبتي كمان، والله ربنا يعلم من وقت ما شفتك ودخلتي قلبي على طول، وكمان انتي فيكي شبه أوي من إلهام هانم ربنا يرحمها.

_ربنا يرحمها يا رب، تبقى مين إلهام هانم. = مرات مهران بيه والد آدم. _هي مراته متوفية. = من تلات سنين، ومن يومها القصر مبقاش زي الأول، مبقاش فيه الضحك والسعادة اللي كانت فيه. ومن يوم وفاتها والحزن في قلوب الكل، وآدم اللي كانت الضحكة مبتفارقش وشه بقى دايما حزين وعصبي مش زي الأول. روز بحزن: ياااه دي شكلها كانت فرفوشة أوي. _ربنا يرحمها ويغفر لها. أنا هنزل أنا بقى يا حبيبتي أحضرلك أكل.

= والنبي تعملي لي مكرونة بشاميل، أنا هغير وأنزل لك دلوقتي. _عنيا يا حبيبتي. ونزلت عايدة. ورصت روز هدومها وغيرت وهي خارجة بتتاوب. _اممم ااه لو ال... = أنتِ بتعملي إيه عندك. روز فتحت عينيها بخضة: يالهوي براحة، فيه إيه. _كنتي بتعملي إيه في الأوضة دي، وشاور على غرفتها. = كنت بغير هدومي وبرصها في الدولاب. أنت متضايق ليه يا بوز النكد أنت. آدم قرب منها لحد ما خبطت في الحيطة: أنا بوز النكد!

روز بتوتر: أيوه أنت، هو فيه حد غيرك هنا. ثم أنت ملزوق فيا كده ليه، فسح شوية كده. = لمي لسانك يا مقرفة، وإيه فسح شوية دي! _والله ما حد غيرك مقرف. = يعني ابعد شوية، وإلا هلم القصر كله عليك وأقولهم بيتحرش بيا. = على آخر الزمن ملقيش غيرك. وبصلها بغرور من فوق لتحت كده. _لأ فوق يا اسمك إيه أنت، أنا مسمحلكش تتكلم معايا بالطريقة دي، ماشي يعسل. + أه صح، تاكل مكرونة بشاميل معايا. آدم استغرب ليها جدًا، هي مجنونة ولا إيه.

_ماشي، أنا كده كده بحب المكرونة البشاميل، بس متعكيش فيها والنبي. وضحك لها ومشي.