رواية أوقعتني في حبها الفصل الحادي عشر 11 - بقلم آية هاني

آدم طلع يشوف آسر لقاه قاعد في الأرض وماسك صورة حد بس مش شايف صورة مين. "ليه يا قلبي حبيتها هي مش بتحبك.. طول حياتي وأنا مفكر إنها بتحبني وفي الآخر طلعت بتحب أخويا." آدم أول ما سمع كدا قعد جنبه. "انت بتحب ندي يا آسر." آسر: "لا مبحبش حد أنا خارج." "آسررر.. أما أكون بكلمك تقف وتسمعني." آسر بعصبية: "عايز إيه يا آدم عايز إيه." "انت بتحب ندي." آسر سكت شوية. "بتحبها يا آسر."

"أيوا بحبها بحب ندي يا آسر ارتحت بس للأسف هي مش بتحبني بتحبك انت كنت غبي لما فكرت إنها بتيجي البيت علشاني لما كانت بتيجي علشان عايزاك تذاكر لها كنت مفكر إن علشان تبقي قريبة مني بس كان كل ده علشانك." آدم صعب عليه أخوه، راح حضنه. "أوعدك هتبقى ليك يا آسر." "لو هتجوزها يبقى برضاها مش هتجوز واحدة مغصوبة عليا يا آدم فهمتني." "فاهم يا آسر." آسر وآدم خرجوا برا بس آسر اتصدم لما لقى ندي واقفة برا وبتعيط. "اللي سمعته ده صح."

آسر بتوتر: "سمعتي إيه." "إنك بتحبني." آسر زفر بقوة: "أيوا يا ندي أنا بحبك." "ومقولتش ليه من بدري." "قلت أخلص دراستي وأخطبك ونتجوز بس لو انتي بتحبيني." ندي سكتت وبصت له. "أنا رايحة أوضتي." دخلت ندي أوضتها وآسر دخل أوضته تاني وآدم نزل لـ روز تحت. "رووووز." "يالهوي يالهوي هتموتني والله فيه إيه!!؟ حد مات!! "اتخضيتي." "يا شيخ حسبي الله مش اتخضيت لااا أنا مت.." "بعد الشر عليكي يا روزتي." "آسر عامل إيه."

آدم بغيرة: "وانتي مالك بتسألي ليه." "مش أخو جوزي وبعدين إحنا بقينا أصحاب بقى وكده أكيد لازم أسأل عليه." "بقيته إيه!! "اص.. إيه يا آدم بتقرب عليا ليه كداا اقعد مكانك والله أصوت وألم عليك الناس اللي في القصر." "قولتيلي بقى بقيتوا أصحاب." "أه والله وأنا حبيت آسر أوي." "انتي بتحبي تضايقيني صح." "لا والله مش بحب أضايقك دا انت بتبقى شبه استغفر الله العظيم يارب شكل أبو الغضب."

"قومي يا روز البسي وهاتي ندي معاكي علشان نتزفت نجيب لبس." "حاضر حاضر طالعة أهو." "بسرعة... "ندي هتيجي معانا نجيب لبس." "لا مش قادرة روحوا انتوا." "طيب ماشي." ندي برغم إنها متضايقة إنهم هيروحوا سوا بس بتفكر في خطة تأذي بيها روز. مشيت روز وآدم وآسر وندي كانوا في البيت. آسر خرج من أوضته وسمع ندي بتكلم حد. كان هيمشي بس وقف لما سمع اسم روز.