رواية أوقعتني في حبها الفصل السابع 7 - بقلم آية هاني

تاني يوم أول ما آدم صحي من النوم اتصدم. _روز.. روزز.. روز اتخضت ووقعت من على السور بتاع البلكونة. = ااااااه آدم الحقنييييي.. آدم قام بسرعة وراح ناحية البلكونة. هي كانت ماسكة في السور بس إيدها فلتت وآدم راح ماسكها. _هاتي إيدك التانية يا روز.. = مش عارفة يا آدم مش عارفة خايفة أقع أنا هموت يا آدم .. _متخافيش يا حبيبتي اهدي هاتي إيدك التانية.. روز رفعت إيدها له ومسكها. = ساعديني واطلعي معايا.. _حاضر اهو...

آدم طلعها وبسرعة شدها لحضنه جامد. = اووووف ليه كده يا روز ليه!!! روز بتتكلم وهي بترتعش. " أنا.. أنا بحب.. أقعد على السور.. بتاع.. البلكونة.. " _كنتي هتقعي يا حبيبتي، كنت هموت والله.. روز كانت أعصابها سايبة. آدم قعدها على السرير ونزل يعمل كوباية ميه بسكر. _خدي يا حبيبتي اشربي.. بعد عشر دقايق ورجعت روز لطبيعتها. = عجبك كده، كنت همو.. وبسرعة حط إيده على بوقها. _بعد الشر يا حبيبتي متقوليش كده..

= حبك برص، كنت هموت والله وبسببك بصوتك اللي خلاني أتنفضت من على السور، هو أنا كنت بعمل جريمة، قايم تصرخ وتقول روز، أنا لو كنت بنتحر مش هتصرخ كداا، لا ومش بس كدااا دا.. _ششششش، إيه مصورة واتفتحت، أفصلي. + انتي عايزاني أقوم من النوم ألاقيكي قاعدة على السور وأسكت عادي.. = وفيها إيه يعني، هو أنا بنط من البلكونة ولا حاجة، إيه ياربي الجنان ده..

_يعني خارجة بشعرك ولبسك ده وعادي وخارجة تقعدي على السور ومفروض إني مخافش وعادي.. = ماله لبسي يعني، ثم انت عارف الساعة كام أصلاً، الساعة ستة الكل نايم لسه محدش خارج البلكونة دلوقتي ومحدش هيشوفني يعني، وبعدين هو فين الناس أصلاً، مفيش جيران.. _فيه ناس رايحة جاية بالعربيات بتاعتهم. + لو اللي حصل النهارده اتكرر تاني هتشوفي مني وش تاني يا روز.. = اشطاا، هيحصل لإني أصلاً نفسي أشوف وشك التاني يمكن يبقى أحلى من ده..

_لا إله إلا الله، مش عايز أتغابي عليكي والله.. = هتتطفح قهوة معايا.. _هطفح بس انتي متطفحيش، غلط عليكي.. = خلاص يبقى متشربهاش انت كمان.. _ده ليه إن شاء الله.. = الغلط عليا غلط عليك.. _أنا أشرب انتي متشربيش، بتتعب على فكرة وبتزيد ضربات القلب.. = هو قلبك غير قلبي، ما انت كمان متشربهاش.. _استغفر الله العظيم يارب، غوري من وشي يا روز وقولي لدادة تعمل قهوة.. روز ماشية وبتتكلم بهمس.

" مش عارفة ياربي إيه وش البومة اللي اصطبح بيه ده " _بتقولي حاجة يا روز.. = نازلة بقول نازلة وخرجت من الأوضة وقابلت آسر في وشها. _صباح الجمال على أحلى مرات أخ.. = مكونتش اتجوزتك انت وخلاص، كان الأقل فنفوش مش زي البومة اللي جوه ده.. آسر ضحك بصوت عالي وآدم سمعه راح خارج. = روز.. _يخربيتك مينفعش كده، مش كل شوية تخضني، إيه يا عم انت.. = واقفة مع آسر بتعملي إيه. _كنت بصبح عليه بس..

= بتصبحي عليه، ااه، طب غور يا آسر من وشي وشد روز من إيدها.. ودخل الأوضة.. _قولتيلي بقا بتصبيحي على آسر.. = على فكرة آسر ده يبقى أخوك، اه والله مش حد غريب يعني. آدم بيقرب منها وتفضل هي ترجع لورا لحد ما تخبط في الدولاب. _آدم ال، البتاع بتفور.. = بتاع إيه.. _القهوة يا آدم، و استنى سامعة حد بينادي، هتلاقي دادة عايدة علشان القهوة.. = اللي ينادي ينادي، إيه مش هعرف أصبح على مراتي ولا إيه.. آدم قرب منها وباسها من شفايفها.

وفضلوا ساكتين دقيقتين. _انت قليل الأدب ولو كررت الحركة دي تاني.. لسه مكملتش الكلمة وكرر نفس الحركة. = لاا، ده انت مصمم تضايقني بقاا.. _أنا مش بضايقك.. = طب وسع كده بقاا.. _على فين إن شاء الله.. = هنزل أفطر.. _وتسيبي جوزك لوحده. = يعني العفريت هياكلك، وبعدين هقعد أعمل إيه يعني.. _تجيبي ليا لبس علشان أفطر وأروح الشركة اللي بقالي أسبوع مدخلتهاش.. = طب ممكن أطلب منك طلب.. _اتفضلي.. = ممكن أروح معاك..

_ماشي يلا جهزي ليا لبس على ذوقك كده، والبسي.. = فوريرة.. وفضل يضحك عليها ودخل الحمام وهي جهزت اللبس. _آدم.. = إيه زعلانة ليه.. _مش عندي لبس.. = أنا إزاي نسيت حاجة زي كده.. _مليش فيه بقا، أنا عايزة أروح.. = طيب خليكي النهاردة هنا وبكرة هاخدك معايا على ما أجيبلك لبس.. _ماشي خلاص.. = زعلانة صح. _لا خلاص مش زعلانة.. ونزلوا تحت بس أول ما نزلوا!؟