رواية أوقعتني في حبها الفصل الثاني والعشرون 22 - بقلم آية هاني

لو فيها موتي يا روز هقتلك. وراحت بسرعه ناحية روز، وروز مش عارفة تعمل إيه، هي ايدها وجعاها. "ندي اعقلي." "اعقل! انتي خليتي فيا عقل أسافر وأرجع ألاقي ابن عمي اللي كان واعدني يتجوزني اتجوز." "بس أنا مش ذنبي حاجة يا ندي." ندي راحت عليها وجابت المخدة وبتخنق في روز. روز بتحاول تعمل أي حاجة تنقذ نفسها، معرفتش لحد ما وقعت كوباية الماية اللي جنبها. دادة عايدة سمعت صوت فوق، فكرت روز بتحاول تقوم ووقعت، فطلعت لها. "يالهوي روز!

ابعدي عنها يا حرباية." ندي سابت روز وزقتها. دادة عايدة قامت من ع الأرض وراحت شداها بعيد عن روز وخبطتها في الدولاب واغمي عليها. "انتي كويسة يا حبيبتي؟ روز بتاخد نفسها بصعوبة. "الحمد لله يا دادة." "هنزل أجيبلك مايه وجاية بسرعة." "شكرًا يا دادة." ونزلت تجيب ليها المايه وطلعت لها. "لازم نرن على آدم بيه يجي قبل ما الحرباية اللي اسمها ندي دي تصحى." "بسرعة يا دادة والنبي." "حاضر." "آدم بيه." "أيوة يا دادة، روز فيها حاجة؟

"تعالى بسرعة يا آدم بيه، ندي جت وكانت عايزة تقتل روز." آدم قفل الفون بسرعة واعتذر منهم، ولغى الميتينج. "هه، إيه رأيك نتصور هنا كده." "يلا، والنبي بحب الخضرة أوي." "أكتر مني." "لأ طبعًا، دا أنت حبيبي." "اضحكي عليا بقى." "مش بكذب والله، أنا بحبك يا آسر." "أنا أكتر يا قلب آسر." "تعالى بقى نروح لإني مش قادر والله، عايز أنام أوي." "يلا يا حبيبي." آدم طلع فوق لروز. "روز." "آدم، الحمد لله إنك جيت." ندي بدأت تفوق.

"هي عملت حاجة؟ "كانت بتخنقها بالمخدة، الحمد لله إني سمعت صوت الكوباية لما اتكسرت." آدم رشها بالميه وفاقت. "آدم، انت جيت." "عايزة من روز إيه يا ندي؟ هه، عايزة منها إيه، مش كفاكي اللي عملتيه؟ "اتجوزيني وأنا مش هاأذيها في حاجة." "أتجوز ليه! أنا متجوز وبحب مراتي، مش بحبك يا ندي، افهمي الكلام ده بقى، زمان لما وعدتك كنا صغيرين، كان حب طفولة، إنما دلوقتي مش بحبك يا ندي، مش بحبك." "دا كله عشانها صح؟

أنا بقى مش هسيبها في حالها، هقتلها حتى لو مش هتجوزك بردوا هقتلها يا آدم، هقتلها." "جربي بس تلمسي شعرة منها، وساعتها هتشوفي هعمل إيه يا ندي." آسر وكارما دخلوا غرفة روز ع الصوت. "إيه دا، ندي." "آه يا آسر، معرفتش إنها كانت عايزة تقتل روز." "انتي عايزة إيه يا ندي؟ ندي فكرت في حاجة. "مش عايزة حاجة، أنا ماشية، مش هقعد معاكوا." "مين قالك إننا كنا هنخليكي تقعدي معانا؟ يلا برا." ندي خرجت وفي دماغها تعمل حاجة في روز.