رواية اوقعتني في حبها بشده الفصل الأول 1 - بقلم دنيا فادي

فاتن: يابني مش عارفة توقعي الواد في حبك ده في وشك ليل نهار، عايز إيه أكتر من كده؟ قمر: يا خالته، ابنك هو اللي مش شايفني. عملت كل حاجة عشان يحبني وبرضه مش شايفني أصلاً. فاتن: أموت وأعرف إزاي محبكيش وإنتي زي القمر كده، ده كفاية إن اسمك قمر، هو هيلاقي حد في جمالك؟ قمر بخجل: يا خالته، متكسفنيش بقى الله. أنا حاسة إن ابنك شايف له شوفة تانية يا خالته. فاتن: قصدك إيه؟ قمر: قصدي إنه بيحب واحدة تانية. فاتن: إييييه!

ده على جثتي، عمرو مش هيتجوز غيرك. ده أنا اللي مربياكي على إيدي، تيجي واحدة منعرفش أصلها ولا فصلها وتتجوزوا؟ وعلى رأي المثل: اللي نعرفه أحسن من اللي ما نعرفوش، وإحنا يا حبيبتي عرفينك كويس. وتكمل بحب: متقلقيش يا حبيبة خالته، عمرو ليكي إنتي ومش هيكون لحد تاني، إنتي فاهمة؟ قمر بإمتلاك: طبعاً يا خالته. *** رأفت: هات نضارة القراية من عندك يا عمرو. عمرو: اتفضل يا بابا. رأفت: اقعد. رأفت: مالك؟

مش على بعضك من ساعة ما جيت من الشغل. عمرو: عندي شوية مشاكل. رأفت: يا ابني قلتلك أفتحلك شركة. عمرو: يوووه يا بابا تاني! يا بابا يا حبيبي، أنا حابب أبني مستقبلي بنفسي ويكون بتعبي أنا. ويقوم عشان يمشي. فاتن بتيجي وتقعد: اقعد يا عمرو، عايزاك. رأفت: يا ساتر يارب. فاتن: مالك؟ شوفت عفريت؟ رأفت: شوفت بومة. فاتن: أنا بومة يا رأفت؟ سامع أبوك بيقول إيه يا عمرو؟

عمرو: يا ماما بيهزر معاكي وإنتي عارفة هزار بابا. أنا اللي هقولك يعني! فاتن: ما علينا، كنت عايزاك في موضوع. وتقوم تتمشى قدامهم: إيه رأيك يا حبيبي في ديكور البيت؟ أنا اللي مختاره. عمرو: حلو يا حبيبتي، كل اختياراتك حلوة. فاتن: بما إن اختياراتي حلوة، فأنا اخترتلك عروسك يا عمرو. عمرو: ودي مين تعيسة الحظ؟ فاتن: تعيسة؟ ألفاظك بقت زي أبوك يا عمرو. رأفت بتريقة: ألفاظك بقت زي أبوك يا عمرو، ومال أبوه ياختي.

فاتن بتطنيش: مقولتليش رأيك يا عمرو؟ عمرو: في إيه؟ فاتن: في عروستك. عمرو: هي مين؟ فاتن: قمر بنت خالتك. عمرو: كنت حاسس والله يا ماما. انسي إن ده ممكن يحصل تمام. يا بابا قولها حاجة بقى. أنا ماشي، سلام. رأفت: إيه اللي بتقوله ده؟ إنتي عارفة كويس إن عمرو رافضها وبرضه لسه بتزني عليه أهو، خليتيه يتعصب ويخرج من البيت وإنتي عارفاه مش هيرجع انهارده. فاتن: أنا اللي عصبته برضه؟

ولا إنت اللي عصبته لما قلتله عايز تفتحله شركة وإنت عارف إنه بيحب يعتمد على نفسه ومبيقبلش مساعدة من حد. فاتن: لسه أنانية زي ما إنتي وشايفة إنك صح وتحطي الغلط على غيرك ديماً، شايفة نفسك ملاك مبيغلطش. *** ريتال: حضرتك، قولي المناسبة وأنا هعملك مجموعة ورد على حسب المناسبة. محمود: اممم، أنا عايز أصالح بيه مراتي. ريتال: طب هي بتحب لون معين في الورد؟ محمود بتفكير: مش عارف. هاتي أي لون، هي بتحب الورد عموماً.

ريتال: تمام، هعملك مجموعة على ذوقي. ريتال بإبتسامة: اتفضل يا فندم. محمود: شكراً. ويديها الفلوس ويمشي. شمس: ها يا ريتال، فكرتي؟ ريتال: في إيه؟ شمس: هو إيه اللي في إيه؟ في عيد ميلاد صحبتي. ريتال: يعني إيه عيد ميلاد في night club؟ يا شمس، أنا مش فاهمة بجد. شمس: عادي يا ريتال، هي من عيلة غنية وبعدين إحنا في زمن التجديد، مش غريبة يعني. وإحنا هنقعد ساعتين بس. ريتال: بابا مش هيوافق. شمس: بس لما إنتي اللي تقوليله هيوافق.

ريتال: مهو يا فالحة، لما يعرف المكان مش هيوافق أكيد. شمس: مهو إنتي مش هتقوليله المكان أكيد. ريتال: مش عارفة يا شمس. شمس: عشان خاطرييي، والنبي يا ريتال. أنا وعدتها إن هاجي وشكلي هيبقا وحش لو مروحتش. ساعديني بالله عليكي. ريتال: طيب طيب، هو إمتى؟ شمس: بعد بكرة. ريتال: ماشي، هتصرف. *** في الحادي عشر ليلاً. فاتن: عمرو، انت جيت؟ عمرو: أيوه، ارجع تاني؟ فاتن: لا يا حبيبي، افتكرت مش هتيجي انهارده زي كل مرة.

رأفت: ادخل على أوضتك يا عمرو. عمرو بيروح أوضته. رأفت: إيه اللي إنتي بتقوليه ده؟ هو إيه اللي افتكرت مش هتيجي؟ متعرفيش تقولي كلمة عدلة أبداً في حياتك؟ فاتن بتمشي من قدامه بغضب. *** عمرو بملل: إيه اللي مدخلك أوضتي؟ قمر: حلو أوي التصميم ده. عمرو: سيبي التصميم واطلعي برا. قمر بحزن: إنت بتطردنا يا عمرو؟ عمرو وبيقع على السرير: قمر، وحياتك أنا تعبان وعايز أرتاح. اخرجي يالا. قمر: حاضر. وتتكعبل نفسها وتقع عليه وتكون في حضنه.

مروان بيشوفهم وينزل جري. مروان بضحك: تيتا تيتا، عمو عمرو حاضن طنط قمر على السرير. فاتن بصدمة: إزااااي؟ رأفت بصدمة: إيييه؟ ياسمين بصدمة: بنتيي!!!