رواية اوقعتني في حبها بشده الفصل الثالث 3 - بقلم دنيا فادي

ريتال بتسيبه وتمشي. زياد بيمسك إيدها ويشّدها له بخبث: "اللي بيدخل المكان ده مبيخرجش منه زي ما كان." ويقرب منها خطوة بخطوة. ريتال بتحاول تبعد عنه. ريتال بزعيق وصراخ وتزق فيه: "ابعد يا حيوان يا زبالة، أنا مش زيهم." زياد بيضحك: "أومال إنتي هنا؟ ريتال: "وانت مالك!! ولسه هتمشي. زياد يشّدها من إيدها بقوة ويخرج من المكان وهي معاه. ريتال: "أوعى إيديك دي، انت اتجننت، أنا مش منهم قلتلك، انت أييه مبتفهمش؟ زياد: "غلطي كتير ها."

ويزقها يدخلها عربيته بالعافية والقوة. ريتال بخوف وتترجاه: "أرجوك سيبني، أنا مش كدة." وتشغّل كلامه وتحاول تخرج من العربية. زياد بيمسكها ببرود: "رايحة فين يا حلوة، قلتلك عجبتيني." وفجأة زياد بيترمي على الأرض. زياد بألم: "إيه اللي انت عملته ده." عمرو يقومه من الأرض ولسه هيضربه. زياد بتسرع: "خلاص خلاص، معرفش إنها تخصك." عمرو بيزقه على العربية. زياد بيركب العربية ويمشي من المكان. عمرو:

"غريبة، إيه اللي يجيب واحدة زيك للمكان ده." ريتال بإبتسامة باردة: "شكراً لمساعدتك." وتدخل تجيب أختها وتخرج من المكان ده. *** فاتن: "محمود خد مروان دخّله ينام في أوضته يا ابني." محمود: "ماشي يا ماما." ميّار: "خليك انت هدخله أنا." فاتن: "أقنعت أخوكي." محمود: "بإيه؟! فاتن: "بـ قمر." محمود: "يا ماما ما تسيبيه براحته، مش عشان أنا اتجوزت ميّار يبقى عمرو يتجوز أختها." فاتن: "براحته!!

قمر هي راحته، هي اللي هتبقى مرتاحة ومطمئنة لما تكون معاهم." محمود: "انتي هتبقي مرتاحة بس هو لا." فاتن: "ما انت اتجوزت ميّار وأهو مرتاح." محمود: "بجد!! مرتاح، إحنا من ساعة ما اتجوزنا وكل يوم بنتخانق عشان مش فاهمين بعض، ولا أنا ولا هي كنا بنحب بعض بس لازم أتقبل إنها مراتي دلوقتي وأم ابني." فاتن: "قمر بتحبه وهتحبه فيه." محمود: "لييي؟ كل قراراتنا انتي اللي بتختاريها، دي حياتنا احنا مش حياتك انتي، لييي بتعملي كدة؟ فاتن:

"عشان عارفة مصلحتكو فين ومع مين." محمود بيفقد أعصابه ويخرج يقعد في الجنينة. *** عمرو: "إيه ده، إيه اللي قاعدك لحد دلوقتي." فاتن: "كنت فين يا عمرو؟ عمرو: "كنت مع فارس." فاتن: "ومبتردش ليه على تليفوناتك؟ عمرو: "مسمعتوش ياماما، أنا تعبان وعايز أرتاح، يبقى نتكلم بكرة." ويطلع أوضته. *** شمس: "ريتال، ريتاااال." ريتال بخضة: "إيه؟ شمس وتديها كوباية الشاي: "مالك سرحانة كده؟ ريتال: "مفيش، اتبسطي؟ شمس:

"يعني، يلاهوي على البنات وعلى لبسهم، مقولكيش، يخربيت جمالهم شبه عرائس الباربي يبت." ريتال بضحك: "باربي؟! شمس: "وأحلى." ريتال: "والله ما في أحلى منك." شمس: "والله انتي كدابة." ريتال: "حصل." *** 10:00 AM الصبح. ريتال: "براحة يابنتي براحة، ده ورد." شمس: "براحة أكتر من كده." شمس بغمزة: "هانت، كلها سنة وتتخرجي من طب ونرتاح من الشغلانة دي." ريتال بضحك: "مش بالسهولة دي زي ما انتي فاهمة." ريتال وتشم الورد بحب:

"وبعدين الورد ده هو اللي معيشني أصلاً." شمس: "ياستي ماشي، إحنا قولنا حاجة... وبيقاطعهم دخول حد. ريتال: "اسكتي بقا، في زيبون مسمعش صو... ريتال بصدمة: "انت ايي الي جاااابك هناااا؟