رواية أوتار عاشقه الفصل الحادي والعشرون 21 - بقلم دنيا ثروت

تسحبها بخصرها قدام الناس: من رأي أرقص الأول أنا أميرتي ولا إيه رأيك يا ماستي؟ ماسة بتبلع ريقها: ماستك! بيطرقع بصباعه لتشتغل الموسيقى. بيغمزلها ويبدأ يرقص وهي مش فاهمة حاجة. في وسط الرقص: ريحة شعرك خيالية. بتبتسم بحب، بتتجاوب معاه في الرقصة وهو بيتعامل بحنية. دويدار بيقعد على المكتب. حس بكسرة إن كل حاجة ضاعت منه. دويدار: قالي لو أخد من الأدوية هيرجع. إيه اللي حصل؟ إيه اللي حصل؟

بيخبط على الترابيزة. المعازيم بتبص عليه باستغراب. المحامي بهدوء: أهدي يا بيه. الحفلة تخلص وهنرجع لشغلنا. دويدار: يعني إيه؟ المحامي: استمتع مع الموسيقى وشوف مين هيربح في الآخر. ولو ملقتش يبقى هتعيش جحيم معاه. تتمني الموت مش الطلاق كمان. دويدار بضحك وهو بيشرب الويسكي: دماغك سم.. بس عاجباني. بيقرب عليه ويهمس بصوت واطي: والله لو أشوف الدكتور ده هيكون ميت على إيدي. المحامي بهدوء: بالراحة، هنعمل اللي عايزينه.

نيڤين بتدخل الحفلة كأنها معزومة. بتتسحب بهدوء لحد ما توصل غرفتهم. بتخبي الورق تحت السرير وتنزل بسرعة. واحد من المعزومين سكران: إيه يا حلوة رايحة فين؟ نيڤين بخوف: ابعد عني. حاولت تشد إيديه وتجري. خدش فستانها من ناحية الكتف. جريت برا. كان زياد مستنيها. زياد بصدمة: إيه ده؟ نيڤين: مفيش. واحد كان بيحاول يتذاكى شوية. زياد بعصبية: وإنتي متصلتيش لي يا هانم؟ نيڤين: معلش. المرة الجاية هقوله. استني شوية هرن عليه. وكمل بعد كده.

زياد بعصبية وإحساس من الغيرة: نيڤين! نيڤين: طب يلا نمشي أحسن ما نتقفش يا ذياك بيه. بالفعل بيركبوا العربية وبيتحركوا. بعد 5 ساعات بتخلص الحفلة. ليث كان في قمة العقل. كان طبيعي طول الحفلة. قبل ما يطلع على السلم. دويدار بصوت عالي: مطلقتهاش لي يا ليث بيه؟ ليث بيلف ليه. ينزل خطوتين السلم ويقرب منه بجمود: انت احمد ربنا إن مفضحكش وسط الحفلة. مكملش كلامه كانهم حقنوه. دويدار:

تصدق المرادي المفعول هيكون أقوى عشان واحد زبالة زيك يفكر يتذاكى عليا. بص على ماسة وهي واقفة منه برعب. بيشد شعرها بين إيديه: أظن إنك مش غبية عشان تفهمي اللي بيحصل. الظاهر يا هانم هتكملي لحد ما التمثيلية تخلص بإيدي. يلا اطلعي. وخدها ومشي ومهتمش. وبالتالي المحامي ضحك عليها ومش. جريت عليه بتحاول تفوقه: قوم قوم يا ليث. قوم عشان خاطري. قوم يا ليث. ليييييييييييه.

بعد نص ساعة حاولت على قد ما تقدر تسنده تطلعه فوق. بتحطه على السرير وهي فاقدة الأمل. ماسة: كل أملي ضاع في ثانية. ليث. بتتبعتلها رسالة من نيڤين: ماسة اقفلي الباب كويس وافتحي الظرف اللي تحت السرير. حست بخوف منها. قفلت الباب ولاقت الظرف. فتحته وهي خايفة منها. بتلاقي صور أختها وهي بتتقتل على إيد غريبة مش شايفة حتى الوش. بتفتح الرسالة اللي قدامها:

مثلي قدام دويدار عن حالة ليث. ماسة انتي في خطر خلي بالك. ركزي على صورة أختك واللي حواليكي وانت هتعرفي القاتل. بترمي الرسالة والظرف وتمسك الصورة بدموع: مين مين اللي قتلِك يا أختي؟ مين؟ بتلاقي لابسة خاتم: طرف الخيط الخاتم. لو لاقيته هعرف مين هو. همس باسمها. جريت عليه وهي ماسكة إيده: ماسة. نواره. نواره يا ماسة. ماسة بصدمة: نواره أختي. بتشوف الخاتم في الإيد اللي ماسكاها. بتبعد إيدها بصدمة.