رواية أوتار عاشقه الفصل الثاني 2 - بقلم دنيا ثروت

أنتِ بتبيعيني يا خالو! أمك كانت موصياني عليكي. ماسه: موصيني تبيعيني للي ما يسواش. بيخرج من البيت راجل كبير بيتقدم ناحيتها. وهي مرعوبة من فكرة إن ده هيكون جوزها. فكرة إن خالها باعها بالرخيص. دويدار: الظاهر كده لازم تدخلي يا ماسه. ماسه بخوف: ا.. أنا. انت مين! دويدار: جوزك مستنيكي فوق. اتفضلي. ماسه بتمسك هدومها وعايزة تمشي: جوز مين. أنا متجوزتش. أصلًا. دويدار: أنت مقولتلهاش يا صالح بيه؟

ماسه بتبص له بعجز: مش اللي في بالي. صح يا خالو؟ لا. عشان خاطري. لـ... بيركب العربية ومبيبصش وراه ويمشي. بتدخل وهي مكسورة ومش عارفة هتدخل تعمل إيه. بتفتح الباب تلاقي واحد بيخبط فيها. بيبعد عنها بخوف زي العيال. = انتي بتعملي هنا إيه؟ ماسه بتبص له ومستغربة. إزاي واحد بجماله وطوله وعرضه وسنه ويتكلم زي الأطفال. ماسه بتمسك دراعه بحنية: انت كويس؟ ليث بيتنفض من مكانه: مت.. متلمسنيش. ابعدي عني. متلمسنيش. وفجأة بيتهجم

عليها ويخنقها ونظراته شر: قتلتي بابا. انتي قتلتي بابا. دويدار بيشيله من عليها: أهدي. أهدي. ليث محسش بنفسه واترمى على الأرض بسبب البنج. أخدوه وطلعوه فوق. ماسه بتحاول تاخد نفسها. بتشرب مياه بتسأل بخوف: مين.. ده مين؟ دويدار: ليث بيه. جوزك. ماسه: جوز مين! أنت مجنون ولا إيه؟ دويدار: أظن إنك بتغلطي ومش قد الغلط. ماسه: معقد ومجنون ومتخلف. تجوزهولي ليه؟! دويدار: وشكلك بتسألي أسئلة ممكن تؤدي لموتك.

بتطلع أوضتها بيلاقيه نايم على الأرض. بتنام على السرير وهي مرعوبة منه. بس تعب السفر غلبها ونامت. في الصباح. صالح: بقولك إيه. لازم قبل ما يرجع حسين نكون بايعين البيت. سميرة: هتبيعه إزاي بقى يا فالح؟ صالح بيطلع ورقة من جيبه: بالورقة الجميلة دي. ماسه بتصحي بتلاقي وشه قريب منها أوي. بيبص عليها زي المجنون…!!