رواية أوتار القلب الفصل السابع عشر 17 - بقلم ريناد أحمد

لمحت مازن: الحقي يا سارة ده مازن اللي كنت بحكيلك عليه.. بس إيه اللي جابه هنا؟ سارة: إنتِ متأكدة إنه ده؟ لينا: آه متأكدة. سارة: بس ده حبيبي مازن. لينا بصدمة: إيه!!! مازن ذهب لهما: إيه ده، إزيك يا لينا.. ووجه كلامه لسارة: إزيك يا حبيبتي. سارة: إزيك يا حبيبي.. عامل إيه؟ مازن: الحمد لله.. خلصتي ولا لسه؟ سارة: لسه فاضلي محاضرة. مازن: تمام يا حبيبتي، هروح مشوار سريع وبعدها هاجي آخدك. سارة: ماشي يا حبيبي.

مازن نظر لـ لينا التي واقفة وفاتحة فمها من الصدمة وذهب وتركهم. سارة: لينا، ليناااا. لينا فاقت من صدمتها: ها.. في إيه.. إيه اللي بيحصل؟ سارة: دانتِ في عالم موازي.. في إيه. لينا بحزن: هو ده حبيبك؟ سارة: آه. لينا لنفسها: وكمان كان بيخونها وبيرقص معايا عادي؟ سارة: بتقولي حاجة؟ لينا: لا مبقولش.. يلا بينا ع المحاضرة. ودخلوا المحاضرة. وبعد انتهاء المحاضرة خرجوا من الجامعة ووجدوا مازن في انتظارهم. سارة: حبيبي. وذهبت ناحيته.

مازن: تعالي يا لينا أوصلك. لينا: لا لا شكراً، أنا همشي لوحدي. مازن: مينفعش بس تعالي. سارة: تعالي يا لينا متكسفيناش. لينا: لا لا أنا ماشية.. سلام. وكادت أن تذهب لكن مازن أمسك يدها. لينا: إيه ده. مازن تركها: أنا آسف.. بس تعالي متكسفينيش أنا وسارة لو سمحتِ. لينا أشارت بالإيجابية. سارة جلست في الأمام بجانب مازن ولينا جلست في الخلف.

لينا لنفسها: هو في إيه.. إزاي يرقص معايا وهو بيحب واحدة تانية.. هو كده بيخونها.. أنا مش فاهمة حاجة. مازن: مش فاهمه إيه؟ لينا: إيه ده انت سمعتني! مازن: بتكلمي نفسك ليه ومش فاهمة إيه وأنا أفهملك. لينا: لا لا مفيش. ووصلوا لبيت لينا. لينا: شكراً.. وصعدت لبيتها. مازن: برافو عليكي، مثلتي الدور صح. سارة: عيب عليك.. أنا في ضهرك دايماً. *** مازن بعدما علم أن كلية لينا هي نفسها كلية سارة بنت خالته اتصل بسارة.

سارة: إزيك يا اللي ناسي خالتك وعيالها كلهم. مازن: إزيك يا أم اللماضة كلها. سارة: الحمد لله.. انت عامل إيه؟ مازن: الحمد لله.. بصي عايزك في موضوع. سارة: موضوع إيه؟ مازن: تعرفي لينا الجوهري؟ سارة: آه.. إنت تعرفها منين دي البيست فريند يابني. مازن: حلو أوي.. عايزك بقا تفتحي مخك معايا كده. سارة: أنا معاك. مازن: هي حكتلك عني قبل كده؟ سارة: لا ويت.. هو إنت مازن اللي هي بتحكيلي عنه!! مازن: هي بتحكي عني؟ سارة: آه.

مازن: بتقول إيه؟ سارة: حكتلي ع حكاية فرح أختها وخناقتكوا وكده وإنك رقصت معاها يوم خطوبة أخوهامازن: بصي أنا معجب بيها وعايز أعرف مشاعرها ناحيتي عاملة إزاي ف أنا هاجي كليتكوا بكرة وهتمثلي إنك حبيبتي وأنا كذلك همثل إني حبيبك وإني جاي آخدك وكده وإنت لازم متخليهاش تشك إنه تمثيل وهشوف رد فعلها وربنا يستر.. تمام؟ سارة: تمام. *** سارة: بس شكلك واقع أوي يا مازن. مازن: هنزلك في نص الطريق دلوقتي. سارة: لا خلاص يا عم.

مازن: اتعدلي بقا بدل ما أعدلك. سارة: تمام يا فندم. لينا دخلت غرفتها وأخذت تتذكر مواقفها بينها وبين مازن. لينا: هو أنا اتضايقت ليه إنه مرتبط بسارة.. هو بالنسبالي إيه يعني. وبعد تفكير عميق نامت. *** فارس: عايزك تعرفلي عنوان شهد من أروى ضروري يا زين. زين: ليه؟ فارس: معجب، وعايز أتقدملها. زين: أوبا.. حاضر يا حبيبي. فارس: حبيبي مستنيك. زين: أروى. أروى: نعم يا حبيبي. زين: تعرفي عنوان شهد صاحبتك؟ أروى: لا بس ليه؟

زين: فارس معجب بيها وعايز يتقدملها. أروى: هيبقى عندنا خطوبة كمان هيييه.. هعرفلك العنوان وأقولك. زين: تمام يا حبيبتي. أروى تحدثت مع شهد على الواتساب وقالت لها ع العنوان. أروى أخبرت زين بالعنوان. زين اتصل بفارس وأخبره بالعنوان. فارس: معلش طلب أخير.. عايز إن أروى هي اللي تاخدلي ميعاد من شهد عشان أروح أقابل أخوها وأتقدم. زين: تمام هقولها. زين أخبر أروى بالطلب. أروى: حاضر. أروى اتصلت بشهد. شهد: روري إزيك.

أروى: الحمد لله.. إنت عاملة إيه؟ شهد: الحمد لله. أروى: كنت عايزة أقولك حاجة كده. شهد: قولي طبعاً. أروى: جايبالك عريس. شهد: مين؟ أروى: واحد من أقاربي.. وواثقة فيه جداً.. وعايز ياخد ميعاد من مراد عشان ييجي يتقدم. شهد: ماشي يا حبيبتي هبقى أقولك ع الميعاد. شهد: مراد، عايزاك في كلمتين. مراد: نعم. شهد: في واحد عايز يتقدملي هو تبع أروى صاحبتي وهي واثقة فيه وعايز ياخد منك ميعاد.

مراد: ماشي يا حبيبتي طبعاً.. أنا فاضي بكرة اليوم كله قوليلها ييجي الساعة 7. شهد: تمام يا حبيبي. شهد اتصلت بأروى وأخبرتها بالميعاد. أروى أخبرت زين بالميعاد. وزين أخبر فارس بالميعاد. *** باليوم التالي أروى ونتاليا ذهبوا قبل زين وفارس ليساعدوا شهد في تجهيزها. وجاء ميعاد المقابلة. فارس وزين وصلوا لبيت مراد وشهد. مراد دق على الباب: ها يا شهدود جهزتي؟ شهد: آه يا حبيبي ادخل. مراد دخل ووجه كلامه لـ أروى: السلام عليكم.

أروى: وعليكم السلام. بعدها وجه كلامه لـ ناتاليا: إزيك يا ناتاليا. نتاليا ابتسمت: الحمد لله. مراد نظر لـ شهد: ماشاء الله زي القمر يا حبيبتي. قاطعهم جرس الباب. مراد فتح الباب. مراد بصدمة بعدما رأى فارس: إنت!!! زين: إيه ده في إيه؟ مراد لف فارس: إنت إيه اللي جابك هنا؟ زين: في إيه ما تفهموني. مراد: اتفضلوا ادخلوا الأول. زين وفارس ومراد جلسوا. زين: ممكن أفهم في إيه؟ مراد: الأستاذ. (وأشار على فارس)

-الأستاذ ده رقص مع أختي في فرحك، أفهم من كده بقا إنه جاي يتقدم كاعتذار وتصليح غلط يعني! فارس: لا مش اعتذار، أنا معجب بالآنسة شهد، ف عشان كده جيت ودخلت البيت من بابه.. أنا معملتش حاجة غلط عشان أصلح غلطي أصلاً.. لا أنا من ساعة ما رقصت معاها في فرح زين وأنت شُفتنا من بعدها وأنا دورت على شغل هنا في مصر، لآني كنت بشتغل في لندن ودلوقتي بشتغل هنا وبعتمد ع نفسي عشان آجي أتقدملها عشان أعجبت بيها بجد.. وبتقول تصليح غلط؟

مراد: إنت شوفتها قبل الفرح قبل كده؟ فارس: لا أنا شوفتها في الفرح وأعجبت بيها في الفرح.. أظن معملتش حاجة غلطة. زين: اهدوا براحة.. إنتوا مش بتحلوا انتوا بتعقدوا الموضوع. -أنا شايف أن فارس كلامه صح، حتى لو بيصلح غلطه وماله؟ .. ع الأقل محترم ودخل البيت من بابه، وهو لما قالي أنه عايز يتقدم مقاليش حاجة ولا حكالي ع حاجة من اللي بتقولوها دي.. معنى كده أن الموضوع مش في دماغه وأنه جاي بصفته عريس زي أي عريس. مراد

سكت وأخذ يفكر في كلامهم: تمام.. أنا آسف ع الظن الخاطئ ده. فارس وزين: ولا يهمك. مراد وزين تحدثوا في أمور الزواج. مراد: هدخل أنادي شهد وأجي. زين وفارس: اتفضلوا. مراد دخل وأخذ شهد وخرجوا لهم. شهد: إنت!!! مراد: آه هو يا شهد اقعدي. زين وفارس: إزيك يا آنسة شهد. شهد: الحمد لله. مراد شرح لـ شهد ما حدث. شهد فرحت أنه معجب بها. مراد: ها موافقة؟ شهد بخجل: اللي تشوفه. مراد: يبقى نقرأ الفاتحة. وقرأوا الفاتحة.

وحددوا ميعاد الخطوبة "بعد أسبوعين". زين: ممكن تنادي لـ أروى يا شهد معلش. شهد: حاضر. شهد دخلت لـ أروى ونتاليا. نتاليا وأروى: عملتي إيه؟ شهد: قرأنا الفاتحة والخطوبة كمان أسبوعين. أروى: ألف مبروك يا حبيبتي. نتاليا: ألف مبروك لأختي. شهد: الله يبارك فيكوا يا حبايبي. -آه صحيح يا أروى.. مستر زين عايزك برا. أروى: تمام.. أشوفكوا كمان أسبوعين إن شاء الله.. باي يا شهد باي يا ناتاليا. نتاليا وشهد: باي.

نتاليا حزنت عند سماعها لاسم زين وظهر ع وجهها الحزن. شهد: إيه ده مالك وشك قلب كده ليه؟ نتاليا بابتسامة مصطنعة: لا لا مفيش يا حبيبتي. شهد: احكي يا نتاليا مالك. نتاليا: بضايق لما بسمع اسم زين بس كده. شهد عانقتها: حقك عليا أنا آسفة إني قولت قدامك. نتاليا: مسيري هتعود.. بس للأسف لسه بحبه ومش عارفة أتخطى المرحلة دي. مراد: عشان إنت اللي مش عايزة تتخطيها. نتاليا بصدمة: مراد!!