تحميل رواية اوزعة قلبي انا بقلم هاجر محمد pdf
بقلم هاجر محمد
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
كانت ماشية ف الشارع بتسمع أغاني. وفجأة حد خبط فيها، وقع الفون والشنطة. رغد: مش تفتح يا غبي وأنت ماشي؟ ولا اتعميت؟ محمد: مين ده اللي اتعمى يا بت أنتِ؟ رغد: بت مين؟ تك بت أما تبتك! قطر ياكلك وتروح لستك، غور من وشي ياض. محمد: اتلمي يا بت بدل ما ألمك وأعمل خير في البشرية، ده أنتِ لسانك متبري منك. أنا عارف كانوا شادينك من لسانك وأنتِ صغيرة. رغد: شدوا مين؟ اتشد وسطك يا شيخ، روووح! محمد: يا بت اقصري لسانك شوية بدل ما أقصهولك. أنا عارف إيه ده؟ ما فيش فيكي غير لسان وصوت وبس. اللي يشوف صوتك ما يشوفش طولك....
رواية اوزعة قلبي انا الفصل الأول 1 - بقلم هاجر محمد
كانت ماشية ف الشارع بتسمع أغاني.
وفجأة حد خبط فيها، وقع الفون والشنطة.
رغد: مش تفتح يا غبي وأنت ماشي؟ ولا اتعميت؟
محمد: مين ده اللي اتعمى يا بت أنتِ؟
رغد: بت مين؟ تك بت أما تبتك! قطر ياكلك وتروح لستك، غور من وشي ياض.
محمد: اتلمي يا بت بدل ما ألمك وأعمل خير في البشرية، ده أنتِ لسانك متبري منك. أنا عارف كانوا شادينك من لسانك وأنتِ صغيرة.
رغد: شدوا مين؟ اتشد وسطك يا شيخ، روووح!
محمد: يا بت اقصري لسانك شوية بدل ما أقصهولك. أنا عارف إيه ده؟ ما فيش فيكي غير لسان وصوت وبس. اللي يشوف صوتك ما يشوفش طولك. قصدي قصرك يا أوزعة.
رغد: ما تقولش أوزعة وأنت عامل شبه أبو قردان كده. أنا عارفة كانوا بيشدوك من رجليك وأنت صغير عشان تطول كده وتبقى عامل زي عود السنان.
محمد: لأ بقى ده أنتِ عايزة تضربي. لولا إني مابضربش عيال صغيرة كنت ضربتك على كلامك ده.
رغد: عيال صغيرة مين ياض؟ وبعدين تضرب مين؟ ده أنا ممكن أضربك وأرميك على الأرض ومش هتاخد في إيدي ثانية. بس هعمل بأصلي أصل شكلك غلبان وصعبت عليا.
محمد: أنتِ تضربيني أنا وتعلمي عليا؟ هههههه لا ضحكتيني بجد. شكلك يا أوزعة أنتِ وقعتي على دماغك وأنتِ صغيرة. ده أنتِ كلك على بعضك نص شبر وبتقوليلي هتضربيني؟ روحي يا شاطرة العبي بعيد لاحسن تتعوري ولا حاجة.
رغد: لأ بقى ده أنت زودتها خالص. اعتذر مني وأنا هنسى كل اللي أنت قولته ده.
محمد: أعتذر إيه؟ أصل حاسس إني سمعت غلط. أنتِ ماتعرفيش أنا مين وممكن أعمل فيكي إيه؟ ده أنا أمحيكي من على وش الأرض وماحدش يعرف لك طريق. جرة يا أوزعة. أساساً ماحدش هيلاحظ إنك اختفيتي.
رغد وهي تمثل البكاء: خلاص ماشي.
وجات تمشي.
محمد نادى عليها.
محمد وقد أحس أنه زودها معاها: بصي يا أستاذة.
رغد: لفتله وقالتله: اسمي رغد.
محمد: أنا حاسس إني زودتها معاكي بس أنتِ بصراحة مستفزة.
وأثناء ماهو بيتكلم، رغد طلعت من شنطتها بخاخ ورشته في عينه.
محمد: اهاااااا! إيه ده؟ عيني بتحرقني! اهاااا! أنتِ عملتي إيه؟
رغد: إيه؟ مابقتيش سامعة صوتك ليه؟ ما أنت بقالك ساعة بتتكلم ولا القطة أكلت لسانك يا شبح؟
محمد: وربنا لهندمك على كل اللي عملتيه وهدفعك التمن غالي قووووي. أنتِ ما تعرفيش أنا مين وممكن أعمل فيكي إيه. اهااا عيني!
رغد: ورشت تاني في عينه وقالتله: خد دي كمان. تستاهل عشان ما تبقاش تقول لي أوزعة تاني.
وراحت ضرباه بالهيلز في بطنه وبالشنطة على دماغه وتقوله: بقى أنا تقول عليا عيلة صغيرة وإنك مابتضربش عيال؟ شوف بقى العيلة دي عملت فيك إيه. أنا هوريك.
وخد وضربته تاني وقالتله: اهو أنت دلوقتي بقيت عارف اسمي. عايزة أعرف أنت هتعمل فيا إيه؟ ومش أنا اللي أسمع حد بيهينها وتفضل واقفة ساكتة وبتتفرج وما تعملش حاجة. لا فوق مش أنا يا معلم.
وهي بتتكلم بتبص وراها.
لاقت حاجة وقالت: يا نهاررررر اسووووح! أنا لازم أهرب بسرعة.
الووووو! يابت أنتِ فين؟ الحقيني بسرعة على العنوان ده.
وطلعت تجري.
تعريف الشخصيتين دول:
رغد محمد الشافعي: فتاة بيضاء اللون، شعرها أسود ناعم طويل يصل إلى ركبتيها وعيونها خضراء. من يراها يقسم أنها حورية. في عمرها 21 سنة، في كلية هندسة. قصيرة القامة، ملامحها طفولية، تحب المزاح والمقالب.
محمد أحمد العمري: شاب يبلغ من العمر 27 سنة، صاحب شركات ومصانع العمري للصناعة ويمتلك مطاعم وكافيهات العمري. لديه جسد رياضي، طويل القامة، شعره أسود وعيونه عسلي، بشرته خمرية ولديه لحية خفيفة. فهو أسطورة حية عن الجمال والوسامة. باقي أبطال الرواية هنعرفهم بعدين.
رواية اوزعة قلبي انا الفصل الثاني 2 - بقلم هاجر محمد
رغد كانت بتتكلم مع محمد وبتبص وراها شافت حراس كتير جايين يجروا بسرعة ناحيتها. خافت وقالت:
"يا نهار أسووح! أنا لازم أهرب بسرعة."
وطلعت فونها ورنت على رهف وقالتلها:
"بت الحقيني بسرعة على العنوان ده."
وطلعت تجري. واحد من الحراس سأل محمد:
"محمد باشا، أنت كويس؟"
محمد رد:
"اجروا ورا البت دي وهاتوّها ليا بسرعة، مش عايزها تهرب منكم."
الحراس ردوا:
"أوامرك يا محمد باشا."
وفضلوا يجروا ورا رغد. رغد قالت:
"ماشي بقا انتوا الحراس بتوعه وباعتهّم ورايا علشان يمسكوني؟ طيب والله لهدوّخكم ورايا ومش هتعرفوا تمسكوني."
وفضلت تدخل من شارع لشارع وهم يجروا وراها. وقالت:
"لأ بقا كده كتير، أنا لازم أزوغ منهم."
وقامت داخلة في عمارة ومستخبية منهم. وهم يدوروا عليها مش لاقينها. واحد من الحراس قال:
"هي راحت فين؟ ده البت دي زي ما يكون فص ملح وداب! إحنا نتصل بمحمد باشا ونعرفه إن البت هربت مننا."
"الو يا محمد باشا، البت هربت مننا يا باشا."
محمد قال:
"هربت منكم إزاي بقا؟ حتة بت زي دي تهرب منكم؟ عشان انتوا شوية بهايم! أنا مشغل عندي شوية بهايم."
وأنهى المكالمة وبعدين رن على زياد:
"الو! يا زياد، عايزك تجيلي على العنوان ده."
وأنهى المكالمة.
رغد، بعد ما اتأكدت إن الحراس مشيوا، طلعت من العمارة وراحت على الكافيه علشان تشوف رهف. وفضلت ماشية شوية وخايفة لحد يشوفها. وبعد 5 دقايق وصلت على المكان وكانت رهف مستنياها.
رهف سألت:
"إيه فيه يا بت؟ كنت خايفة وإنتي بتكلميني، إيه اللي حصل؟"
رغد ردت:
"طب هاتيلي حاجة أشربها الأول."
رهف قالت:
"يابت! يعني أنا هموت من خوفي عليكي وإنتي همك دايماً على بطنك كده؟"
رغد قالت:
"طب وربنا ما هتكلم غير لما تطلبلي حاجة. ده إنتي تحمدي ربنا إني مش بقولك اطلبيلي حاجة آكلها. ده أنا بعد الجري ده كله حسيت إني خسيت النص، آه وربنا!"
رهف طلبت اتنين عصير مانجا وقالت:
"وادي يا ستي العصير، اتكلمي بقا."
رغد قالت:
"وبعدين إنتي طالبة لنفسك ليه؟ أنا اللي كنت بجري مش إنتي. بصي بقا، خدي ده وهاتي بتاعك."
ودتّلها كوباية العصير بتاعتها بعد أما شربتها كلها، وخدت بتاعت رهف كمان وشربتها وقالت:
"أهو أنا كده هعرف أتكلم!"
رغد قالت:
"بصي يا ستى."
وحكت لها كل حاجة حصلت. رهف قالت:
"يا نهارك أسوود! عملتي كل ده فيه؟ وشكله كده شخص مهم، ده إنتي تقولي بقا على نفسك يا رحمن يا رحيم!"
رغد قالت:
"وأنا أعمله إيه؟ ماهو اللي استفزني ده، بدل ما يعتذر مني يقول على وزعة ومش عارف إيه."
رهف قالت:
"آه بس برضو ما كانش ينفع اللي عملتيه ده، إنتي كده هتدخلي نفسك في مشاكل كتير."
رغد قالت:
"ياختي بلا مشاكل بلا هياكل!"
رهف ضحكت:
"ههههههههه!"
رغد قالت:
"بعد كل ده وجايلك تضحكي؟"
رهف قالت:
"اضحكي يا اختي اضحكي، حد واخد منها حاجة؟"
رغد قالت:
"ههه."
رهف قالت:
"على رأيك. بت، شوفي مين اللي جاي هناك ده."
رغد قالت:
"يا نهاااار أسووح! أهي كملت. بت، خبي وشك بالمنيو اللي قدامك علشان هنمشي من هنا قبل ما الغلاسة تشتغل. هو اليوم باين من أوله، ربنا يستر بقاا."
وجم علشان يمشوا، رغد لقت حد مسك إيدها. بتبص لقتّه سليم. قامت شايلة إيدها وضرباه بالقلم على وشه وقالتله:
"إيدك دي لو لمستني بعد كده هقطعهالك، إنت فاهم؟"
سليم قال:
"آه يا بنت الكلب! إنتي إزاي تعملي كده؟ إنتي مش عارفة أنا مين وممكن أعمل فيكي إيه؟"
رغد قالت:
"هو فيه إيه؟ هو أنا كل أما أقابل حد يقولي الكلمتين دول؟ إيه هتخوفوني؟ لما تقولولي كده اعملوا اللي تعملوه، أنا ما بخافش من حد. شكلك إنت اللي ماتعرفش أنا مين، يلا خليني أغير الدور شوية!"
سليم قال:
"ههههههه، وهتكوني بنت مين بقا الوزير وأنا مش عارف؟ إنتي آخرك تكوني بنت راجل شحات وعلى قد حاله."
رغد قالت:
"أنا ماسمحلكش تقول كلمة واحدة عن بابا. أنا بنت اللواء محمد الشافعي، ولو مش عارف مين محمد الشافعي، روح واسأل وانت هتعرف."
سليم قال:
"أبوك ده ولا يسوى إشارة واحدة مني، أمحيه من على وش الأرض وأفرمه تحت رجلي."
رغد قامت ضرباه تاني بالقلم على وشه وقالتله:
"لما تتكلم على أبويا الله يرحمه، تتكلم باحترام، وإلا المرة الجاية مش هتلاقي لسانك علشان تتكلم."
كل ده بيحصل وعيون بتراقب كل حاجة. سليم قال:
"إنتي زودتيها خالص."
ولسه رايح يضربها بالقلم، لقى اللي مسك إيده وضربه بالقلم على وشه وقاله:
"شكلك مابتتعلمش من أول مرة."
سليم بخوف قال:
"يا باشا أنا والله..."
محمد قال:
"ماتحلفش، أنا سامع وشايف كل حاجة من الأول. اعتذر منها وبعد كده مش عاوز أشوفك هنا تاني، فاهم؟"
سليم قال:
"بس يا باشا أنا..."
محمد قال:
"سمعت، أنا ما بحبش أكرر كلامي مرتين."
سليم قال:
"أنا آسف يا آنسة رغد على اللي عملته معاكي، أتمنى تقبلي اعتذاري."
رغد قالت:
"تمام، وأتمنى إنه ما يتكررش تاني."
سليم وهو خارج، محمد بيقوله:
"استنى عندك."
سليم قال:
"نعم يا باشا؟"
محمد قال:
"لو عرفت إن إنت اتعرضتلها تاني، صدقني أنا اللي همحيك من على وش الأرض."
وهو بيتكلم معاه، رغد بهمس قالت لرهف:
"كملت، ربنا يسترها عليا النهارده، هيعملني كفتة!"
رهف قالت:
"مش فاهمة؟"
رغد قالت:
"يا جزمة، فتحي مخك معايا. فاكرة الكلام اللي حكيتهولك من شوية؟"
رهف قالت:
"آه، فيه إيه بقا؟"
رغد قالت:
"هتصدقي بقااا لو قولتلك إن هو ده اللي أنا ضربته؟"
رهف قالت:
"وما لقتيش غير محمد العمري وتعملي معاه كده؟ أنا كده ضمنت إن إنتي النهارده من الأموات."
رغد قالت:
"يا شيخة اتنيلي! هو إنتي تعرفيه؟"
رهف قالت:
"فيه حد ما يعرفش محمد العمري؟ ليلتك سودة يا طمطم."
رغد قالت:
"بت، جاتلي فكرة..."
رواية اوزعة قلبي انا الفصل الثالث 3 - بقلم هاجر محمد
نهارك أسود، مالقتيش غير محمد العمري وتعملي فيه كده، ليلتك مش فايتة.
يعني أنا هنقى ولا إيه، أهي جات كده بقا، ربنا يستر.
يارب.
بت، جاتلي فكرة.
فكرة إيه؟
بصي، هو أول ما هيخلص معاه، أكيد هيكلمني.
آه، وبعدين؟
يا هبلة، سيبيني أكمل.
ماشي.
لما هو يكلمني، إحنا نعمل إيه؟ نعد من واحد لتلاتة وبعدين نطلع نجري.
ماشي.
سليم خرج من الكافيه وهو بيتوعد لرغد ورهف.
محمد قعد وحط رجل على رجل وقال:
طبعًا عرفتي دلوقتي أنا ممكن أعمل فيكي إيه، بس حسابك معايا مش دلوقتي.
أمال أمتى حسابي بقا يا عود السنان؟
يا بت اتلمي أحسنلك، أنا ماسك نفسي عنك بالعافية.
وماسك نفسك ليه؟ لو جدع وريني هتعمل إيه؟
محمد ولسه هيقرب منها.
رغد.
اجري يا ماجدي.
رغد ورهف بيجروا من قدام محمد.
رهف خرجت بسرعة بره الكافيه وخبطت في زياد.
اسف، ما خدتش بالي.
لا ولا يهمك، بس أنتي بتجري كده ليه؟ فيه حاجة جوه؟
بجري من عود السنان اللي جوه. قصدي، وبعدين أنت مين؟ أنت هتاخد وتدي معايا في الكلام ولا إيه؟ ما تشوف أنت رايح فين يلا اتكل من هنا، هو إحنا إيه الناس دي ما بتصدق تتلزق في أي حد.
إيه كل ده، ماسورة وانفجرت؟ أنا غلطان إني وقفت أشوفك.
أيوه غلطان، ويلا امشي بقى.
عند رغد وهي بتجري، اتخبطت في الجرسون ووقعوا على الأرض.
يا كسفتك يا ماجدي. وقامت بسرعة وقالتله:
ابقى احاسب على اللي اتكسر يا شبح، يلا سلاموز.
وخرجت جري بره الكافيه.
محمد:
أوزعة ومجنونة كمان، هههههههه.
هو فيه إيه، كله بيجري كده ليه؟ هو فيه إيه هنا؟ اعم، أنت كله بيطلع يجري كده ليه؟
خد بس تعال.
إيه ده، إيه ده؟ محمد باشا بذاته بيضحك؟ حصل إيه في البشرية يا جدعان؟ لأ، قلبي الصغير لا يحتمل كل هذا.
هههههههه، يا أخي بطل هزار شوية، فيها إيه يعني؟
فيها إيه؟ ده أنا مش فاكر آخر مرة شفتك بتضحك فيها إمتى.
خلاص، بطل هزار بقى واتكلم جد شوية.
أنت تعرف عني كده؟
بصراحة لأ.
يبقى خلاص، إيه اللي جد بقى؟ دي طبيعتي، ولو مش عاجبك طلقني يا قاسي يا غدار، أنا لا يمكن أعيش معاك، طلقني.
الناس اللي في الكافيه فضلت تضحك عليهم.
محمد بحدة:
عجبك كده؟ خلصت؟ يلا قدامي على المكتب.
حاضر.
وبعد أما وصلوا على المكتب.
خير يا عم، رنيت عليا وقلت إنك عاوزني، في إيه؟
شفت البنت اللي كانت بتجري؟
آه، الأولى ولا التانية؟
لأ، التانية.
أهه.
بص يا سيدي.
وحكاله كل حاجة حصلت معاه من ساعة ما شافها لحد دلوقتي.
ههههههههه، لا مش قادر، هههههههه. البت دي عملت فيك كل ده؟ طب والله شاطرة، ده أنا اللي معاك من صغري بخاف أقرب منك، تيجي هي بجلالة قدرها وتعمل فيك كده؟ ده أنا لما أشوفها هحييها على الإنجاز ده وهرفع لها القبعة كمان، شابوه ليها.
زياااااااااد.
يا أمااا.
فيه إيه يا عم، خلاص أنا ماشي، سلام.
محمد:
استنى عندك.
نعم، فيه إيه تاني؟
أنا عاوزك تعين حراسة عليها من غير ما تعرف، وتراقبها في كل حركة، وكله يوصلني أول بأول، فاهم؟
فاهم، بس أوعى يا صاحبي تكون بتعمل كده عشان تنتقم منها على اللي عملته معاك.
لأ طبعًا، أنا بعمل كده عشان فيه حاجة متوقع إنها تحصل قريب. بس أهم حاجة تعين حراسة النهاردة ضروري.
حاضر، بس حاجة إيه اللي هتحصل؟
ما تستعجلش، كل حاجة هتعرفها في وقتها. يلا روح اعمل اللي قلتلك عليه.
ماشي، يلا أطير أنا بقا، يلا سلاموز.
****************
في مكان تاني عند رهف ورغد.
هيييييييييييييييييييي! وهربت منه وهربت منه!
يا شيخة اتوكسي، افرضي دلوقتي كان مسكك بعد اللي قولتي ده، كنتي عملتي إيه؟
ولا هيقدر يعملي حاجة.
جايبة الثقة دي كلها منين يا أخويا؟
ماهو أنتي لو بتفكري هتعرفي، إحنا كنا فين؟
كنا في كافيه.
عليكي نور، يعني في مكان عام، وهو عشان شخصية عامة ومشهورة، مش معقول كان يعمل فيا حاجة قدام الناس، ولا الناس كلها هتتكلم عليه، صح؟
يبنت الإيه، صح، عشان كده بتحبي تستفزيه؟
أيوه.
بت، الساعة بتاعتك فين؟
بتدور تشوف الساعة على إيدها مش لاقياها، وبتشوفها في الشنطة مش لاقياها. بت، أنا مش عارفة هي فين.
يمكن سبتيها في الكافيه.
لأ، أنا لبستها قبل ما أخرج من البيت، أنتي عارفة إن أنا مش بنساها أبداً، دي كانت آخر هدية من باب.
عارفة يا حبيبتي، يمكن تكون وقعت منك وإنتي بتهربي من الحراس.
طب تعالي يلا نروح نشوفها.
تشوفي إيه يا حبيبتي، زمان حد شافها وخدها، يلا نرجع البيت.
يلا.
وبعد مرور 10 دقائق وصلوا على الكافيه.
بتخبط على الباب وبتنادي على أمها:
يا ناس يا اللي هنا، افتحوا الباب يا عالم، افتحوا لنا الباب، طب يلا، ماما، يا ماما، ماما، ماما، إيه؟
بس يا بنت الهبلة، اسكتي، فرجتي علينا الناس.
ساعة يا زينب عشان تفتحي الباب، مش عارفة إن فيه ناس هنا ميتة من الجوع.
يلا يا اختي أنتي وهي، ادخلوا غيروا هدومكم لحد ما أحط الأكل على السفرة.
ماشي يا زوزو.
يلا يا بنت الهبلة أنتي وهي.
أخلاقك يا فخر الأمهات، هههههههه.
وفجأة شافت أبو وردة هيتحدف فيها، بس اتجنبته وقالتله:
ما جاش فيا.
وهووووبا، الفرده التانية لبست فيها يا معلم، هههههههه، بقى كده يا ماما؟ ماشي.
وطلعتله لسانه وهربت بسرعة على الأوضة بتاعتها.
صبرني يا رب.
بتدعي على نفسك يا ماما؟ هتكوني صبااااااار.
وهي بتحط الأكل على السفرة، بتسمع خبط جامد على الباب.
وبتطلع رغد ورهف من الأوضة:
ماما، فيه إيه؟
مش عارفة، استني أما أشوف مين.
وفجأة لقوا الباب اتكسر ودخل منهم حارسان:
مين فيكم رغد؟
رواية اوزعة قلبي انا الفصل الرابع 4 - بقلم هاجر محمد
الباب اتكسر ودخل حارسان وسألوا: مين فيكم رغد؟
رغد، وهي بتشاور على رهف: هي البت دي عملت إيه يا باشا؟
رهف: إنتي بتعملي إيه؟ هتوديني ف داهية.
رغد: قولي يا باشا عملت إيه وأنا هربيهالك.
زينب: إنتوا مين وعاوزين رغد ف إيه؟
واحد من الحراس: أنا قولت مين فيكم رغد.
رغد: وأنا قولت عاوزنها ليه؟
الحارس: خلاص هاتهم كلهم.
رغد: خلاص سيب أمي ورهف، أنا هي رغد.
الحارس: هاتها معاك.
رغد: اتفضل يا محمد باشا العمري، شوفت يباشا عاوزين يعملوا فيا إيه.
الحراس خافوا وبصوا وراهم مالاقوش حد، ورغد طلعت تجري بره الشقة.
رهف: أنا خايفة على البت دي لا يعملوا فيها حاجة.
زينب: ومين سمعك، وأنا كمان خايفة، بس أنا بقاا متأكدة إن هي هتعرف تهرب منهم.
رهف: عندك حق، بنتك دي ماشوفتش زيها، بتعرف تخرج نفسها من أي مشكلة زي الشعرة من العجينة.
رغد، وهي بتجري ف الشارع والحراس بيجروا وراها، شافوهم حراس محمد اللي بيرقبوا.
واتصلوا على محمد باشا.
الحارس: الو يباشا، ف اتنين حراس بيجروا ورا الآنسة رغد وهي بتجري منهم ف الشارع.
محمد: حاولوا تبعدوهم عنها وتجيبوهم ليا من غير ماحد ياخد باله.
الحارس: حاضر يباشا.
رغد بتجري شافت ناس كتير ف الشارع، قامت واقفة وقايلة: يا ناس الحقووووني، عاوزين يخطفوني، الحقوووووني يا نااااااااس.
وقامت قاعدة ف الشارع، الناس اتلمت على الحراس وضربوهم، بما فيهم حراس محمد العمري.
وبعدين رغد طلعت تجري على البيت، وحراس محمد أخدوا الحراس وودوهم ف المخزن عند محمد باشا.
وصلت البيت وكانت معاها نجار علشان يصلح الباب اللي اتكسر.
زينب: بنتي حبيبتي، عملتي إيه، ومين الناس دي، وعاوزينك ليه؟
رغد: بااااااس، باس إيه اللي حصل، ما أنا قدامك زي الفل أهو، أما بقااا بالنسبة للناس دي ف أنا مش عارفة مين دووول وعاوزين إيه، ويلا بقااا أنا جعانة وعاوزة أكل، حرااااام كده يا ناس، ده أنا جريت النهارده كتيررررر وخسيت النص.
زينب: شوف أنا بقول إيه وهي بتقول إيه، أنا كده خلاص فقدت فيكي الأمل.
رغد: طلقني لو مش عاجبك، طلقني.
زينب: امشي يا بنت الهبلة من هنا.
رغد: زينبوووو، إنتي بتحبي تشتمي نفسك كتير ليه؟
زينب: تحبي تعرفي ليه؟
رغد: أنا لا يباشا، مين اللي قال كده، يلا بقااا يجماعة بسم الله.
ف مكان تاني عند سليم.
سليم: إنتوا مين اللي عمل فيكم كده؟
واحد من الحراس: يباشا، البت دي مش سهلة، دي خلت الناس اللي ف الشارع يتلموا علينا كلهم ويضربونا، غير إن يباشا ف رسالة اتبعت ليك معانا من محمد باشا.
سليم، بخوف حاول يداريه: محمد العمري عرف إن أنا اللي عملت كده؟
الحارس: أيوه يباشا، الحراس بتوعه مسكونا وضربونا وقولنا إن إنت اللي بعتنا.
سليم: يعني إنتوا اللي قولتوا على كل حاجة؟
الحارس: والله يباشا، هو شكله كان عارف إن إنت هتعمل كده، لأن الحراس كانوا موجودين أما كنا بنتضرب، يعنى هو كان عامل حسابه ومعين عليها حراسة من غير حتى هي ما تعرف.
سليم، بتفكير: ده كده شكله اللعب هيحلووو، وأنا بقااا هوريك مين هو سليم الدمنهوري يا محمد، ومش هسكت على الإهانة دي.
سليم: طب والرسالة اللي بعتها معاكم دي، بيقول إيه؟
الحارس: بيقولك ما تحاولش تلعب مع محمد العمري علشان ما تندمش وتكره اليوم اللي اتولدت فيه.
سليم: طب يلا غور من وشي، مش عاوز أشوفكم قدامي.
ف مكان تاني عند محمد وزياد.
زياد: هههههههه، والله البت دي نكتة، عملت كل ده؟ أنا حاسس إن إحنا كل شوية هنشوف مواهب ونكتشف حاجات كتير.
محمد: عندك حق، ده أنا نفسي ما كنتش متوقع إن هي تعمل كده.
زياد: علشان كده يا صاحبي خلتني أعين عليها حراسة.
محمد: أيوه علشان عارف إن سليم مش هيسكت وهيحاول يعمل حاجة فيها، وكنت متوقع إنه يعمل كده، علشان كده بعتله رسالة مع الحراس بتوعه.
زياد: بس كده اللعب هيبقى على المكشوف يا صاحبي، وسليم ده مش سهل، ده شيطان.
محمد: ما تقلقش، أنا كده كده سابق بخطوة، فلو عمل حاجة هقدر أرد عليه بأضعافها.
زياد: مش مطمن للي هيحصل الفترة دي.
محمد: طب نركز بقا شوية فشغلنا وكفاية كلام ف الموضوع ده.
زياد: ماشي.
ف مكان تاني عند رهف ورغد.
رغد: بس يا ستي، وده كل اللي حصل، عملت حاجة أنا بقاا؟
رهف: ههههههه، كل ده وما عملتيش حاجة، بس يستاهلوا دووول، أكلوا علقة ما أكلهاش حمار ف سوووق.
رغد: قال إيه، مين فيكم رغد، أنا بقاا وريته مين رغد، ده أنااا جبروووت بس كيوووت ف نفسي كده.
رهف: مين ضحك عليكي وقالك كده؟
رغد: أنا، عندك مانع؟
رهف: لا يا معلم، هو أنا أقدر.
رهف: بس برضو، مين اللي كان عاوز يخطفك؟
رغد: أكيد محمد كان عاوز ينتقم من اللي عملته فيه.
رهف: طب وليه ما يكونش سليم؟ ما إنتي برضو ضربتيه وهنتيه قدام الناس، وبعدين محمد لو كان عاوز يعمل فيكي حاجة كان ضربك وما هموش حاجة، ما إنتي بنفسك شوفتي سليم خاف إزاي منه.
رغد لسه هترد، لاقت أمها داخلة عليهم وبتقولها: يا نهااااار اسوووود، عملتي إيه، مين محمد وسليم دووول، وحد عرف إنك بنت محمد الشافعي، انطقي قووولي.
رغد: أيوه يا ماما، كلهم عارفين إني بنت محمد الشافعي.
زينب: يلا بسرعة من هنا، إحنا لازم نهرب.