رواية ارهقتني الغيره الفصل الرابع 4 - بقلم اية هاني

انطقييي.. = أنا اللي سبت الشغل يا بابا وقولتلهم همشي.. خلود: سيبتي الشغل؟ _آه يا ماما سيبت الشغل ومش راجعة تاني.. = تعالي هناا بقاا يبنت الـ*** انتي بقاا أنا مدلعك وسايبك تروحي الجامعة وبعلمك وتيجي في الآخر تسيبي الشغل.. رودينا بصريخ: اااه يا بابا شعري سيبني.. _سيبها يا سعيد سيبها أنا هربيها.. = هترجعي الشغل غصب عن اللي خلفوكي كمان، ولو مشتغلتيش مفيش كلية سامعة.. _حاضر حاضر سيب شعري عشان خاطري..

= غوري على أوضتك يا وش الفقر.. دخلت رودينا أوضتها وفضلت تعيط أوي وبتتمنى إن ربنا ياخدهم لأنهم مش بيعتبروهم بنتهم أصلاً.. _أنا لازم أكلم رحيم عشان يشغلني عشان أعرف أروح الجامعة بتاعتي يا رب ساعدني يا رب.. ورنت على رحيم.. = السلام عليكم.. رحيم: وعليكم السلام ورحمة الله وبركاته.. رودينا!! _أيوة.. = مال صوتك.. _ملوش.. المهم إني كنت عايزة أشتغل في الشركة عندك من النهارده.. = تعالي نتفق على الشغل.. _تمام أجي امتى..

= لو ينفع دلوقتي تعالي. _تمام.. عنوان الشركة إيه.. أدالها عنوان الشركة وقفلت معاه وقامت تلبس.. بعد شوية.. _رايحة فين.. = رايحة أدور على شغل.. _روحي يا حبيبتي ربنا معاكي.. = دلوقتي روحي يا حبيبتي، من شوية كان ضرب وشتيمة.. _والله كويس أوي وكمان بتردي عليا ومعلي صوتك.. وقام ضربها بالقلم ودخلها أوضتها وقفل بالمفتاح.. = أبقى وريني بقاا هتروحي الجامعة بتاعتك دي إزاي وخلي لسانك ينفعك..

_انتوا ليه بتعملوا فيا كده، ربنا ينتقم منكم، انتوا مش أهلي، يا رب خدلي حقي منهم يا رب، خرجوني من هنا.. وحست بتعب شديد في قلبها واغمي عليها ومحدش سأل فيها.. ... _دكتور آسر دكتور آسر.. = أيوة يا نهى فيه إيه.. _آسف يا دكتور آسر بس فيه واحدة هنا جاية لحضرتك وبتقول إنك تعرفها وهي اسمها مشيرة.. = دخليها لي بسرعة.. ودخلت مشيرة لآسر.. _آسر إزيك.. = الله يسلمك يا مشيرة اتفضلي..

_كنت جايه ليك عشان عايزة تختي تشوفها وتعالجها، هي عندها حالة نفسية، يعني واثقة إنك هتقدر تخليها أحسن م الأول.. = ألف سلامة عليها، الوقت اللي تحبي تجيبيها فيه هاتيها وأنا تحت أمرك طبعاً.. _شكراً جداً يا آسر.. = العفو.. وخرجت مشيرة.. وكمل آسر شغله.. ... رحيم: هي رودينا مجتش ليه.. ورن عليها.. ف البيت بقا.. = فيه حد بيرن على رودينا.. _هي مش بترد ليه.. = وسع كدا هدخل أشوفها.. ودخلت خلود.. _رودينااا!! .. بنتي..

= إيه يا خلود مالها رودينا.. _اطلب الإسعاف بسرعة يا سعيد.. سعيد طلب الإسعاف وخلود ردت على اللي بيرن.. = أي يا رودينا مجتيش ليه.. _أنا مامت رودينا وهي دلوقتي فاقدة الوعي.. = إيييه.. طب أنا جاي بسرعة.. وقفل السكة في وشها ونزل من الشركة وراح بيتها لقى الإسعاف خدتها ومشيت، ومشي وراها بسرعة.. بعد شوية الدكتور كشف عليها.. الكل بقلق: مالها يا دكتور.

الدكتور بحزن: هي عندها القلب.. + لازم نعمل أشعة على المخ لإني شاكك في حاجة تانية.. رحيم بخوف من إن يكون عندها اللي جه في دماغه فسأل الدكتور: حاجة إيه يا دكتور.. _لما نعمل الأشعة الأول، مقدرش أقول أي حاجة.. وعملوا الأشعة وراحوا يودوها للدكتور..