رواية اريد منك اكثر مما اريد للكاتبة / الكريستال / مكتملة❤️ الفصل الثاني والعشرون 22 - بقلم Somemon11

فوت ⭐️ /صوت⭐️ قبل القراءة

‎الفصل الثآني والعشرين ..

‎الخطوة السآبعه عشر .. خطوة بلا هوية نحو حلم أريد منك أكثر ممآ أريد ..
‎( يآ أبي .. زفرآت الوجع من بعدك تتضآعف ,,! )

‎بس من لف لجهة السيب حتى
‎يجمد وتطير عيونه .. السلم الحديدي وآآقف بجنب الجدآر .. مآآيذكره بهذآ المكآن ..
‎خطوة ورآ خطوة ببطء أحتوآ شي قبض على قلبه .. لدرجة حس بأنفآآسه تضيق والهدوء من بعد
‎هالصوت صآآر موحش .. الليل مسدل ستآآيره فوقه في هالسمآ ... هبت هوآآ بآآردة
‎ومعهآ تحركت أورآآق الشجر .. والنوآفذ بدت تزأر بوحشة ... حرك رآآسه لليسآر يطالع السيب
‎ألي قبآآله والظلام مغطيه فالكآمل بعيد عن لمبآت الحوش الأمآميه .. ومسرع مآرجع يطالع
‎السلم ألي وقف قبآآله ...
‎............ : أشفيك ..؟
‎حرك رآسه بفزع من الصوت ألا عبدالله وآآقف يطالع فيه وهو متسآند بيده على جدآر الديوآآنيه ..
‎عبدالله يكمل : تلقآه بسس .. بس أنت ورآك فزيت أخلعتني ..
‎فهد يآخذ نفس ويمد يده متمسك بحديد السلم بصوت وآآطي .. مغلف بتوتر : هذآ مآكآن هنييه .. صح ..؟
‎عبدالله يطالع السلم : ألا كآن عليه ملابس جدتي .. شآآرتهم الخدآمة العصر ..
‎فهد يهز رآسه بالرفض : أنآ متأكد مآكآن موجود .. كآن ع الأرض ..
‎عبدالله يرفع كتوفه : يمكن ..
‎فهد بحوآجب معقودة : أنت .. ( رفع يده ومسح على شعره بتوتر ) قلت لي من شفت ..
‎عبدالله : وآحد يقول لي أبد الله.. هو شآآيب طوووويل .. وأبيييييض ..
‎فهد رجع يطالع السلم : ......................
‎عبدالله : أنآ كنت بشوف وش يبي بس مؤيد منعني ..
‎تحرك بخطوآته صوب السيب ورآح يمشي فيه لين غطآآه الظلام ..
‎صوت الخطوآآت ..!!
‎وين أختفت ..؟
‎وشلون بهالسرعه اختفت ... معقولة قطوة نفس مآقال عبدالله .. والسلم .. شلون وقف ...
‎وهو مآآحس .. أو من كثر أندمآآجه بالشغل مآآحس ..
‎وصل لأخر السيب والظلام بدى مسيطر عليه .. متملك حتى الأنفآآس .. حرك رآآسه صوب اليسآر
‎وهو يطآلع أسطوآنه الغآآز وكم حديدة طآيحة بالأرض .. عقد حوآآجبه .. ورآح يمشي ,,
‎صوت خطوآته الشي الوحيد ألي كآن يحق له يبدد سكون الليل ..
‎تحرك ولف مرة ثآآنيه حتى يطلع للحوش .. ولحظآآت وقف وهو يطالع الحوش الصغير قبآله ,, بآب الشآرع المفتوح نصه ..
‎شبآك الديوآنيه .. ومسرع مآسحب الجوآل من جيبه ودق على رقم صديقه ..
‎يخفي التوتر ألي بدآآخله من ألي سمعه من عبدالله بحدود صبر يخآف لا يخونه ..
‎ليش متوتر وحآلته حاله .. مآآيدري .. قلبه مقبوض من هالطآآري ألي قاله عبدالله ..
‎ظل الرقم يدق ويدق بدون مجيب ..
‎هنآآك ....
‎جوآآله .. بين التحف مرمي على الأرض في غرفة نومه الوآسعه ...
‎وجنبه شنطة السفر ألي تنتظر موعد الرحيل ..!!!
‎يرتفع صوت الجوآآل .. بمحآولة يآآئسة قطع أفكآآر صآآحبه
‎وأذآ فيه ينغمس في وجع هالأفكآآر حتى مل النوم منه ...
‎هو ..
‎جآآلس بصمت من فوق أرتفآآع يضآآهي التعب ألي يحس فيه .. قبآآله السمآآ
‎الوآآسعه متنآآثرة فيهآ النجووم بشكل آآسر .. والهوآآ البآآردة ألي تعلن موعد الشتآآ
‎تتسلل مشتته سكون شعره .. تكتف بصمت وعيونه ببعثره تتأمل هالنجوم في البلكونه ..
‎عجز ينآآم وهو يتذكر صوت بكآهآآ ...
‎صوت المشكلة ألي تسبب فيهآ بدون مآآيقصد ...
‎أييه هو لحظتهآ مقهور من الكلام ألي قالته له .. والطردة ألي وصلت له بشكل مبآآشر فآآجئه ..
‎خلته يتصرف بهالطريقه المتسرعه ..
‎بس المقصد ينقذهآآ ... يخلصهآ من أنيآآب الطمع ألي تبي تنهش سمعتهآ ومستقبلهآآ ...
‎وهي غبيه بهالتصرف .. قهرته .. !!
‎سحب هوآآ وصد بعيونه حتى يفك أيديه ويرفعهآ مآآسح على شعره ..
‎بكرة رآآح يسآآفرون ... ويمكن يتم موضوع البيعه بسرعه أو بعد يوم .. مآآيفرق ..
‎الكل هنآآك ينتظرونه .. وهي تنتظر مصيرهآآ ..
‎بيشريهآ لكن بسرعه رآح يصحح هالمسآر وبيملك عليهآ على سنة الله ورسوله ...
‎رآآح يعوضهآ عن هالشي ألي هو أصلن مو برآآضي فيه .. بس مآكآن بيده غير هالحل ..
‎وهو يشوف عمته منهآرة على حال بنتهآ ... تترجآه يلقى حل ..!!
‎وبهالحل األي لقاه بعد مآ عرف بكل نوآيآ أبوهآ ..
‎هي ..
‎بتكون بنت عمته وزوجته وحبيبته ..!!
‎حبيبته ...!! أي حب يتكلم عنه ..
‎وهو ألي عمره مآآجرب الحب ولا عرف يمآآرس
‎هالشي مع وحدة مآآهي بحلاله ..
‎مع أن حدود هالأمر مفتوحه قبآآله كون أنه من مجتمع كندي ...
‎فز وآآقف وحرك الكرسي حتى يبتعد عن الطآوله ويتقدم أكثر .. وكل مآآله تتوسع دآئرة أنوآآر الكويت
‎ومبآآنيهآآ من فوق ..
‎ليه هو نفسه صآر يستعجل الأمور .. يفكر بالزوآج وكيف يسعدهآ وينسيهآ أمر هالشرآآ ..؟
‎معقوله تكسر خآآطره ..
‎أو هو قآم يحسبهآ ملكه وهو مآ مالكهآ حتى بفلوسه ...!!
‎مآآيدري .. يحس نفسه مبعثر وتآآيه ..
‎يحس بتأنيب الضمير .. كيف بيشرح لهآ أنه مآآقصد .. معقولة أخذت عنه
‎فكرة سيئه .. بس هو ليش متعب حاله ويفكر .. يدق على عمته ويشرح لهآ الوضع ..
‎يوصيهآ اتوضح لبنتهآ الأمور ... تحرك بخطوآت وآسعه دآخل لشقته ..مر من عند
‎الكنبه الطويله المقآآبله لشآشة البلازمآ حتى يدخل غرفة نومه .. توجه صوب شنطة
‎االسفر وأنحنى سآحب الجوآل .. أول مآطالع الشآشة ألا يشوف رقم فهد ..
‎بس طلع وضغط على رقم عمته .. حط الجوآآل عند أذنه وهو يسمعه يدق ..
‎وبعد كم رنة ردت بصوتهآ الهآدي ...
‎أم سآرة : ألو ...
‎عمر ببعثره : أهلا عمتي .. أزيك ..؟
‎أم سآرة : كويسة يآبني ..
‎عمر بدون مقدمآت : عمتي . أنآ عوزآكي توضحي لبنتك كول الحكآية .. مآكنتش قآآآصد
‎الخنآقة ألي حصلت بينك وبينهآ .. مش قآدر أنآم وأنآ حآآسس بتأنيب الضمير .. واللهي يآعمتي
‎مآكنتش عآرف أنك حتخديهآ ضرب وعصبيه .. أنآآ ..
‎أم سآآرة تقآطعه بهدوء أمتلى أبتسآآمة : حبيبي .. أنآ عآآرفة نيتك بكل ألي حصل .. وهيآ بأذن الله
‎حتفهم وتأقدر وقفتك .. بس عآوزآك تطول بآلك معآهآ حبتين لمآ تتم الأمور عخير وأبوهآ
‎يبتعد عنهآ ويسيبهآ ..
‎عمر يحآول يبرر : دي سآآرة حتكون جوآ عنيآ عمتي ومش حينقصهآ حآآجة ...حعوضهآ بأذن الله وأوفرلهآ
‎الحيآة ألي هيآ عوزآهآ ...و البيعه والشرآ مش ممكن تغير نظرتي ليهآ .. لكن هيآ عرفت
‎بالحكآية ..!
‎أم سآرة بعد صمت وببعثره : آآه ..
‎عمر رفع حوآجبه متفآجأ .. وعلى طول تكلم : ردة فعلهآ كآنت أزآي .. أتقبلت الوضع ..
‎فهمت قصدي وحسن نيتي ..
‎أم سآآرة : عمر حبيبي .. أنتآ مآتفكرش كتير .. هيآ كلهآ يومين وحتكون جوزتك وأبقى أسألهآ
‎كل حآقة عآوزهآ .. أنآ أستأزن منك ..أبومؤيد عمآل ينآآدي ..
‎عمر يهز رآآسه بالرضآ : أووكي .. طيب .. قبل مآتسكري .. السفريه متجهزين ليهآ ..
‎أم سآرة بتأكيد : أكيد .. أنتآ أتصل قبل مآتيجي ..
‎عمر : وأبوهآ .. مآهيآ أتصلت بيه ..؟
‎أم سآرة : تتصل بيه وتكنسل كل حآجة .. مش فآرقه كتير يآعمر ..
‎عمر : أووكي ..
‎هذآ هو يصنع مع الحب هدنة ..
‎زمنهآ مجهول ..
‎يحس برآآحة .. أيه يحس بكل الرآحة تحتضنه ..
‎من بعد كلام عمته ..
‎يسلك مع الذكرى طريق غريب عليه ..
‎وآذآ فالذكرى تآخذه لأكثر طريق بيشتته ...
‎بتتحول أحدآثهآ للألغآآز ..
‎تنفس بهدوء وهو يبعد الجوآل عن أذنه ..
‎الصبح هو الشي الموعود بالفرح ..
‎ع الأقل بالنسبه لقلب يحمله جسد عمر ..!!
‎ومن نزل يده ألا دق الجوآل .. وبملل فتح الخط وحط الجوآل عند أذنه ...
‎فهد بدون مقدمآت وبصوت وآآآطي حيل : ميشيل الحيوآن هنيه ..
‎ظل سآكت مو مستوعب ألي يقوله فهد .. هينآآ ..!!
‎شيبي جآآي ..
‎عمر بعدم تصديق : ميشيل في الكويت .. أنتآ متأكد من دي الحكآيه ..!!
‎فهد : أيه .. وعبدالله شآآيفه .. يقول أنه نآدآه ..
‎عمر : غريبه .. عآآوز أيه الرآجل دآ .. أنآ شآآيفه مزودهآ حبتين ... وعآيز حد يوقفه عند حده
‎فهد بعد صمت : أنآ بروح أوآجهه .. هو مآ نآدى عبدالله من عبث .. نآدآه عشآن يفهمني
‎أنه وصل ..
‎عمر وهو يسمع بصوت فهد لأول مرة توتر : أنآ ليه حآآسس أنك مش على بعضك ..!!
‎فهد على طول تكلم : مدري عمر .. حسيت بقلبي مقبوض من سمعت بعبدالله جآب لي طآريه ..
‎ورآه سالفه كآآيده متأكد أنآ
‎عمر أنحنى وجلس على سريره : أنآ حسآفر لمصر ...
‎فهد طآرت عيونه : بآجر ..؟
‎عمر بأبتسآمة وبالفرنسيه قال ( نعم ) ... كمل : حسآفر مع عمتي وبنتهآ .. مش حوصيك على نفسك وعيلتك فهد ...
‎ميشيل دآ رآجل مجنون ..
‎فهد عقد حوآجبه : ألله يسهل عليك أمورك ويوصلك بالسلامة ...
‎( سكت أول مآسمع صوت عبدالله )
‎................ : فهآآآآد .. ألحق .. شوف وش سويت ..
‎فهد : يلا عمر مع السلامة ...
‎وآقف بجنب بآب الشآرع .. ومسرع مآبعد الجوآل عن أذنه وتحرك دآخل للحوش ...
‎رفع رجله حتى يصعد وتدخل خطوآته الديوآآنيه ... اللمبآت كلهآ شغاله .. حرك عيونه
‎بأستقآمة وهو يطالع عبدالله في أخر الديوآنيه منسدح على بطنه وقبآله الابتوب ... وعلى طول
‎لف برآسه صوب فهد وأبتسم بربكة ..
‎فهد بأبتسآمه تظآهر فيهآ قبآل عبدالله : شسآلفه ...
‎عبدالله يتعدل متربع وقباله الابتوب : أنت شلوووون تشتغل فيه .. ( رفع يده وحطهآ على رآسه
‎وبنص أبتسآمة ) شكلي خربته عليك ..
‎فهد بدون أهتمآم يتقدم له : فدآك يآولد .. ( صآر يحرك يده ) قم عن فرآشي بنآم ..
‎عبدالله يفز وآقف : يوم طلعت لشآرع شغلت لمبآت الديوآنيه .. وقلت أطقطق عليه ..
‎فهد يجلس على فرآشه ومسرع مآنزل نظآرته : لو تبيه خذه ..
‎عبدالله طآرت عيونه : صدز ..
‎فهد يسحب الاب ويطالع الشآشه : أيه .. ليش تقول مصدووم .. ولا مو بلازم هذآ .. بآجر أروح
‎أنآ ويآك وأشري لك وآحد جديد .... وأعلمك عليه ..
‎عبدالله شوي يطير من الونآسه وهو يرفع أصآبعه ومن قلب : يآآآآآآسلااااااااااااام ... وأبط تسبد ليليآن فيه..
‎فهد من سمع طآري زوجته حرك عيونه صوب عبدالله وأبتسآمة : أنت أشفيك على أختك ..؟
‎عبدالله رفع يده وصآر يحك شعره بعبث : ترآ أنآ مآيصير أهرج عن أختي .. بس مدري أشفيني صآآير
‎أسوولف وآآجد ..
‎فهد يطفي الاب ويحطه جنب مخدته : طيب نآآم عشآن لاصحيتك على صلاة الفجر تقوم بسسرعه ..
‎عبدالله بسرعه تمدد على فرآشه وصآر يسحب لحآفه : أيه بنآم عشآن أصحى من بدري ..
‎ظل متربع جآلس على فرآشه والفكر بآت أكبر همومه شي أستوطن عروقه ...
‎وش يبي ميشيل هنآ ...؟
‎رفع أيديه والتوتر سيطر عليه ... مسح على شعره مرجعه لورى ومسرع مآقآآم
‎ورآح صوب بآب الشآرع وسكره .. دخل الديوآنيه وطفى لمبآتهآ ..عشآآن يقدر ينآآم ..
‎أو بيحآول ينآآم والله يكون في عووونه للجآآي ..
*************
‎في صبآحآت يوم غريب عليهم .. الصمت مقيد شفآآهم بوحشيه ... والبرود ضيف غريب تسلل
‎لقلبوهم العآشقه .. مآآيدري ليش هي جآلسه قبآله ولا هو مهتم بزعلهآآ ..
‎مكشرة على غير العآدة وحآطة رجل على رجل تطالع ترآمس القهوة والشآي بعبث ..
‎مد يده وسحب الخبز وقبآله صينية الفطور على الطآولة ..
‎رغم أنه مآآل نفس بس لعبة التظآهر في شهية الأكل تستوهيه في هاللحظة ...
‎تفكيره مسجون على يد الحيرة .. بعد كل شي عرفه .. وكل شي أنكشف له هذآ هو يدير
‎للأمر ظهره وهو مغصووب .. ويآآخوفه من ألي رآآح يصير لا طلعت الأمور ع السطح مكشووفه للكل ...
‎( ليه يآآتغريد رميتي نفسك وضحيتي فيهآ عشآآنه ...
‎ليه أتخذتي هالقرآر في وقت أنكسآآره .. في وقت أستغلال ألي حولك لهالشي ) ...
‎يكلم نفسه .. يسآمرهآ في الصمت وهي ترد عليه في نفس الصمت ...
‎بين نآآرين أهونهآ رآح تحرقه وتحرق معه كل شي ...
‎مآآيدري وش بيده يسوي ..؟
‎يروح يقول لفهد عن تضحية بنت أخته ... ليه تركته .. وش ينتظرهآ بعدين ..
‎مصير مرضهآ ينكشف .. مصيره يطلع ويعرف فيه الكل أولهم الشيخ لافي ..
‎أو عليه يسكت عشآن بنت زوجته لا تدخل في دوآآمة رآآح تدمرهآآ ...!!
‎كيف تعقدت الأمور لهدرجة .. كيف رمى حاله في هالحيرة والعذآآب ...
‎وهي ...
‎مدت يدهآ للجوآل ألي جنبهآ
‎وسحبته .. لامة شعرهآ كله لفوقة وغرتهآ مآيله مغطيه نص جبهتهآ ... لابسه بنطلون جنز أسود
‎على تي شيرت أسود طوويل حيل وآصل لركبهآ .. مظهر مفآتن جسمهآ أكثر ..
‎وبيآضهآ النآآصع .. صآرت تطالع الشآشة بصمت وهي تضغط أزآريره ومسرع مآحطت
‎الجوآل عند أذنهآآ .. حركت يدهآ الثآنيه وتمآيلت فيهآ على الكنب حتى يتمآيل جسمهآآ ..
‎الجوهرة بصوت هآآدي : ألوو .. صبآآح الخير يمه .. أخبآآرج ..؟
‎حرك علي عيونه لهآ وهو لابس قميص النوم يطآلعهآ ومسرع مآبعد عيونه عنهآ مركزهآ
‎على صينيه الفطور ...
‎الجوهرة تكمل بنفس نبرة الصوت : الحمدالله .. أخبآر ريوولج يمه .. تآخذين أدويتج أنتي ..
‎آهآآ .. زين .. عندج ليليآن .. نآيمه بهالحزة .. ليه يمه .. متى نآيمه هي أمس ..؟
‎طيب يمه ورآ مآتشري لهآ جهآآز ... أيه .. طيب لا صحت خليهآ تدق علي ..
‎أييه .. يلا مع السلامة ..
‎أول مآنزلت الجوآل ..
‎علي وهو يحرك يده في الصينيه وبطنآزة : ورآ مآتشري جهآآز ... !!! ورآ أنتي مآتتحركين وتشرين لهآ ..
‎عآرفه أن بنت بهالعمر لازم يكون معهآ جوآآل .. مآظنتي مديرة ولا تعرفين ألي بعمر بنتج شنو متوفر لهآآ ..؟
‎الجوهرة بضيق : علي .. شنو هالكلام .. قد تحجيت ويآهآ ورفضت أشري لهآآ .
‎علي بدون تعليق على كلامهآ : .................
‎الجوهرة وهي تطالعه : أنت أشفيك ..ورآ حيآتنآ مقلوبة جذي
‎علي بدون نفس : على كل شي صآآر وتسألين ..!!!
‎الجوهرة بعصبيه : كلمتك وأنت متجآهلني .. مو معطيني فررصه .. أمس يوم أنك وآصل من الأجتمآع
‎شنو سويت .. حتى كلمة وحدة مآآنطقت ...
‎علي يرمي الخبز ويقوم : .................
‎الجوهرة رفعت يدهآ وسحبت يده : وين رآآيح .. هذآ أنت .. كل مآحآولت أقولك شي شلت حآآلك ورحت ..
‎ترآ أنآ ضآآيقه .. لاتزيدهآ علي ..
‎علي يحآول يسحب يده من يدهآآ : روحي دقي على وحدة من صديقآتج خليهآ تسليج .. أتوقع فآضيآت للقرقرة ..
‎الجوهرة بقهر تتمسك بيده بكل قوتهآ : أشفيييك تغيرت .. أشصآآير لك .. قووولي ..
‎علي يرفع يده ويحك لحيته وهو يفكر : مدري ( حرك عيونه صوبهآ وقال بقهر ) أنتي ألله أعلم
‎محتآجة توضيح أكثر وشرح أعمق كود تفهمييين الوضع الخآيس ألي أنتي عآآيشه فيه ..
‎سحب يده بقوة وتحرك مبتعد عن الطآولة ...
‎وبسرعه تحركت هي ووقفت بوجهه ..
‎الجوهرة بأستغرآب أمتزج بعصبيه : وضع خآآيس ..!! هذي هي حيآآتي من تزوجتني .. عمرك
‎مآنتقدتهآ ولا حتى علقت عليهآ .. ليه هالحين تسميه ( قلدته ) وضع خآيس ..!
‎علي بقهر يسحب كتفهآ : حيآتنآ قبل غيييير وهالحين غييير ..أنتي يآآحرمة مآنتي ملزوومة
‎بزووج بس نفس قبل . عيآآلج محتآجينج ... أنآ لو عآآمل دخل هنيه ومآغديته ولا عشيته أحس
‎أني مسوي ذنب .. كيف فيج أنتي يالي أشووفج مقصرة بعيآآلج ولا أنتي دآآريه بشي ..
‎في بيتي ومقصره .. أنآ مآآرضآهآ .. تعرفيني زيين وخآآبرتني بهالأمور مآ أدآنيهآآ ..
‎الجوهرة : وأنت ع بالج معجبني الوضع ..
‎علي رفع أيديه لفوق وطالع السقف : يآآآربي من هالمرة .. ( نزل عيونه )
‎أنتي ليتج ع أخر وضع أشوفج تغيرتي .. ولاااااا همج .. جآآيدة بالقرقرة صآيرة نفس
‎هالي تقآآبلينهم .. الحيآآة معج صآآيرة لاتطآآق ..
‎الجوهرة ترفع يدهآ له وبصوت أمتلى عبرة : أذآ مو عآآجبتك حيآتنآ شنو له متحملني ..
‎علي دفهآ على خفيف : خلاص جهزي أغرآآضج عشآآن أخذج لبيت أمج ..
‎جمدت تطالعه وهو قالهآ وعيونه بعيونهآ .. بس فزت أول مآصرخ بوجهآ
‎يبيهآ تتحرك ..( يلاااااااا )
‎تحرك بخطوآآت وآآسعه ورآح صوب بآآب الصآله .. فتحه بقوة ووقف
‎علي : أنطرج بالسيآآرة ..
‎طلع مختفي من قبآلهآآ قبل لا تلتفت له .. يبيهآ تروح ..
‎مآعآد بحآجتهآآ ..!!
‎قالهآ .. يبي يآخذهآ لأمهآآ ..
‎خذت نفس تجآهد تظل ثآبته بس من زفرة الهوآآ حتى تنفجر العبرة دموع سآلت على خدهآآ ..
‎تحركت بسرعه صوب الدرج وصعدته ..
‎رفعت الجوآآل وصآرت تطالع الشآشه بشكل غير وآآضح من دموعهآ ..
‎قآمت تشآهق وعلى طول حطت يدهآ على فمهآآ تبي تحآول تمسك نفسهآ بس مو قآدرة ..
‎هو ألي بدى يعآفهآآ ..
‎وهي ألي حآآولت تكلمة ويتجآهل ..
‎تشرح له ويسكت ..
‎حطت الجوآل عند أذنهآآ ووقفت عند أخر الدرج وقبآلهآ صآلة الطآبق الثآني بصغرهآ
‎قبآلهآ مفتوحه ...
‎........... : هلا يمي ..
‎الجوهرة بصوت غليض من البكآآ : يم . يمه .. خلي فهد يي يآخذني من بيت علي .. بسرعه يمه
‎االجده حمده بخوف من صوت بنتهآ : بسم الله عليج .. شنو صآآير ..
‎الجوهرة أنهآرت تبكي : علي مآعآد هو نفس قبل يمه . مآعآد يبيني .. قالي ببسآطة خذي
‎أغرآضج وبآخذج لبيت أمج .. أنآ تعبت نفسيتي منه وهو ولا حآآس ..
‎الجده بعصبيه : أقووول أنثبري في بيتج ولا تتحركين منه .. وزوجج لا رجع تفآهمي ويآآه بركآآدة ..
‎تعلميني في علي وطبعه .. مآهوب ثآآير وقآيل هالكلام ألآ أذآ الأمر كآآيد ؟؟
‎الجوهرة ترفع يدهآ : والله يآآيمممه مآآسويت له شي .. مآآآآآآآآآسويت له شي .. كله عشآآن تقصيري
‎بحق عيآآلي .. حآآطلي سالفة فيهآآ .
‎الجده حمده بصمت : ..................................
‎الجوهرة تحركت دآخله غرفة نومهآ : أووكي يبيني أشيل أغرآآضي ولايهمه ... ووالله لا طلعت
‎مآرجع له لو شنو يصير ..
‎الجده حمده أرتفع صوته : والله يالجوهرة ليآ طلعتي من بيتج .. بيتي يتعذرج .. مآآنتي بزر ..
‎.. عآآرفه زوجج ززين .. علي شآآرن الأرض ألي تمشين عليهآ شنو تبين بعد .. هآآآآ.. بتصيرين
‎نفس ألي لاقال لهآ زوجهآ أطلعي تقول مآآصدقت .. هذآ زوجج سندج في هالدنيآ الفآنيه ..
‎والشيطآن يآيمي مآمآآت ..
‎الجوهرة بصوت مخنوووق : تبيني أقعد عنده مذلولة .. !! وهو قالي بآآخذج لأمج
‎الجده حمده : لا وآلله مآنتيب مذلولة عند وآحدن نفس علي يآآبنت لافي .. صوني زوجج وهو عآآش ويآج
‎صآآينج ..
‎الجوهرة جلست على السرير : أنآ عآآرفة أني مقصرة في حق عيآآلي .. بس ليليآن رآآفضة تيي فالبيت
‎تقعد وأنتي عآآرفتهآآ زين .. ويآمآ قدآمج حآآولت فيهآ من أول مآآيت للكويت .. لين قلت خلاص
‎هالبنت ميؤس تطلع للعآلم ..
‎الجده حمده بصوت هآدي : اتركي علي لاتكلمينه لمين يهدى .. هو كآآسرتن خآآطره البنيه
‎وهو يشوفج لاهيتن بدنيآج عنهآآ ..
‎الجوهرة : خلاص .. أيي عندج أقآبلهآ وبشوف هو شنو بيسوي ..
‎الجده حمده : يآآآآربي لك الحمد والشكر .. أقعدي في بيتج بسس وروحي أذكري ربج أحسن لج ..
‎سكرت الخط ورمت الجوآآل بعيد عنهآآ ... ضرب الجوآل طرف الصينيه وتحرك لجهة اليسآر حتى يطير بعيد
‎عن الصينيه ... وثوآني أنفتح بآآب الغرفة وطلعت ليليآن وهي مآآسكة بين أيديهآ
‎كوب الحليب بلونه الأسود وعليه تموجآت بلون أبيض .. رآآفعه شعرهآ كله لفوق وتآركته
‎سآيح من ورآآ .. وكالعآدة .. لابسة قميص زهري عليه صور أرآآنب صغيره
‎الجده تطآلع ليليآن ومسرع مآبتسمت : أنتي شنو قآعدة تسوين دآخل
‎ليليآن تتحرك مقربة من جدتهآ : جآلسه يمه أخربط في دفتري .. ألا يمه من كنتي تكلمين ..
‎الجده بضيق : أمج وترآهآ تنشد عنج .. بعد شوي دقي عليهآآ ..
‎ليليآن تحرك عيونهآ تدور الجوآل : لا يمه خليني أدق عليهآ هالحين
‎الجدة بنفي : لا لا .. بعد شوي دقي ..
‎ليليآن تنحني وتجلس بالصآلة على يسآر جدتهآ وهي تطالعهآ بعيون مصغرتهآ : فيتس شي .. أحستس ضآآيقه
‎الجدة بملامح متغيرة وحوآجب معقودة : العصر بنروح السوق .. جهزي حالج .. وأسمعيني
‎وقسمن بالله يآبنت رآآشد أن سمعت هذرتن زآآيدة ولا قميصن دآخل الكيسه .. لا أكوون
‎موريتج العلوم كيف تكون سنعه ..
‎ليليآن تتربع وتنزل الكوب وعيونهآ بالأرض : يآآآوالله ذي النشبة بهالملاااابس ..
‎الجده بقهر : شنووووو ..
‎ليليآن ولا كأنهآ قالت شي سحبت شعرهآ بلونه البني وصآرت تجر منه خصلات : يآآجدتي
‎الحلوة .. عبآآدي وينه ...
‎الجده ترفع يدهآ : مآآشفتيه مآآشاءلله عليه صآآحن الصبح مع لافي ودخلوآ المطبخ وصلحوآ لهم قهوة وشآآي وفطور ..
‎وأنتي متمددة دآآخل تقول .. ( سكتت ومسرع مآتكلمت ) أستغفر الله
‎ليليآن رفعت حوآجبهآ وطالعت جدتهآ : أوووخص .. وش عندهم الثنآئي الكوكبآني ..
‎الجده بنظرة قآتله : ................
‎ليليآن صدت بعيونهآ : والله زين أني مآصحيت ... خلهم يعتمدون على أنفسهم شوي .. ألا ميري
‎ذي وين مختفيه ..؟
‎الجده : أرسلتهآ لأم تركي تشري لي غريضآآت موصيتن فيهآ الحرمة ..
‎ليليآن : أهم شي يمه الحنآ .. ( جمعت شعرهآ كله وصآرت تطالع بأطرآآفه ) من زمآن مآحنيته أحسه
‎رآيح فيه ..
‎الجده تحرك رجولهآ ألي أمددتهم : الحنآ مآكنآ نستغني عنه .. مير جيل هالوقت ألله يكآفينآ شره ..
‎تحط على شعره هالبليه وفرحآآنتن فيه .. ثم يغدي شعرهآ أعوذ بالله مآينشآآف...
‎وفجأة دخل عبدالله فرحآآن حده وهو لابس ثوب أبيض ومتكشخ بالغترة والعقآل ..مآآسك بيده شنطة لونهآ أبيض عليه رسم خطوآت
‎متفرقه .. يمشي بخطوآآت وآآسعه
‎وشوي ألا يطير .. جلس قبآآلهم وحط بحضنه الشنطة ..
‎عبدالله بونآسه : شرآآ لي فهد لابتووووب .. والله ( حضن الشنطة ) هذآ هووو..ورحنآ بعد عند مدرسين وسلموآ
‎علي ومن بآآتسر بروح عندهم يعلمووووني شلون أشتغل عليه ...
‎ليليآن بصمت تطالعه : .........................
‎الجده حمده بعدم تصديق : شنو مدرسينه .. توك يمي ع الدرآآسه ..
‎عبدالله يفتح الشنطة ومسرع مآتحرك وجلس جنب جدته : شوفيه جده .. ( سحبه وحط على رجول الجده )
‎هذآ هو يمه .. حقي ( طالع ليليآن ) ومآرآح أخلي أحد يلمسه ..
‎الجده حركت يدهآ وصآرت تمسح على الابتوب : مآآشاءالله .. مآآشاءلله ..
‎ظلت تطالع الابتوب بصمت غريب ومسرع مآحركت عيونهآ بقهر صوب
‎أخوهآآ ..
‎ليليآن : من زينك وزينه يوم أني بآآآخذه
‎عبدالله يسحبه ويرجعه لشنطة : أصلن نسيت أنتس مآآتعرفين له ..
‎ليليآن بعصبيه : عبدالله سد فمك وأحترم حالك .. لا أقووم أكسره فوق رآسك
‎الجده لفت صوب ليليآن : أنتي ورآج عصبتي ... هذآ بزر تحطين رآسج برآآسه ..
‎عبدالله وأطرآف غترته كلهآ طآيحة ورآ ظهره قآم وآقف : يمه وين جوآلتس .. بدق ع أبوي علي أقووله ..
‎الجده تتلفت تدور الجوآل : شفه طآيحن هنيآ .. مدري وين غدى ..
‎عبدالله تحرك بسرعه وأنحنى مآخذه من لمحه : بعد يمه تسآن بيشري لي جوآآل بس بعدين دق عليه
‎مدري مين وقآل بآتسر اجيبه لك ..
‎الجده حمده بأبتسآمة : مآآقصر وليدي ..
‎فزت وآآقفه بصمت ورآحت لغرفتهآ حتى تدخلهآآ ...
‎تحس بدآخلهآ قهر عليه .. يروح يشري لعبدالله لابتوب وهي ألي طآلبه منه جوآل ويغير لهآ غرفتهآآ
‎ولا سوآ ألي تبيه ..
‎صآرت تهز رجلهآ من القهر وعلى طوول تحركت صوب شبآكهآ .. فتحته بقوة ووقفت مسنتره
‎قبآله .. عيونهآآ مصغرتهم من النور ألي سآآد مقتحم أبسط أشيآئهآ بهالغرفة ...
‎وبكل قهر تكتفت وصآرت تهتز وهي تطالع الديوآنيه ...
‎مصيره يطلع وتشوفه ..
‎هييين .. هالحين أول مآآطلب عبدالله شي منه رآح جآآبه وهي لهآ كذآآ يوووم تنطر ..!!
‎ولاااا يقولهآ أنه مو سبآآيدر مآن وعشآن عبدالله صآآر طرزآن ..
‎والله حآآلة ...
‎( يستهين فيني ... يآآخذني على قد عقلي وهو مآعرفني ...
‎شي طيب منه والله .. ع الأقل يخليني أعرف تسيف أتصرف معآآه )
‎قالت هالكلام بصوت وآطي حييل طلع من قمة القهر ألي أحتوآهآ ...
‎هبت هوآآ حآآرة بهدوء متسلله من الشبآك ولحظآت حتى تسمع خطوآت عبدالله .. حركت عيونهآ
‎تطالع فيه أول مآطلع يمشي بالحووش ومسرع مآنزل رآآسه من حرآآرة الشمس متوجه
‎صوب بآب الشآآرع متمسك بالشنطة ولا أحد قده ..
‎خلاص بتنفجر بأي لحظة ..
‎الجده تنآآدي : ليليآآآن .. تعآآلي سوي قهوة وشآآي للافي ..
‎أرووح أسووي له قهوة وشآآي ... !!
‎والله لو يفحط بسس .. أجل أعطيه ألي يريحه
‎وهو رآآيحن يدور رضآ غيري .. هييييين بسس ... أنآ أعلمك تسيف تروح تلبي طلب غيري
‎وألي طلبته شكلك نآآسيه ... بس يطلع .. وين طس ... أبي أشووووفه
‎هالحييين .. لو مآآشفته يمكن أمووت بحرتي والله .. أحس تسبدي يتنفقع يآنآآس من القهر ...آآآخ ..
‎والله زين مآآقمت كووفنت عبدالله خليته يعرف تسيف يحتسي زين ...
‎( حقي .. مآرآح أخلي أحد يلمسه )
‎من زيييييييييين هالي شآآريه .. ألي يسمعه يقووووول بس منسدحتن عنده أترجآآه ..
‎هزيت جسمي بقوة وأنآ أطالع بآب الشآرع ومسرع مآطالعت جدآر الديوآآنيه ..
‎الجده بالصآله : أنتي مآآتوحيييين ..( يعني مآتسمعين )
‎ظليت أنتظره وجدتي سكتت تسنهآ ملت مني ...مديت يدي وحطيتهآ على الشبآآآك بسكره ...
‎وبنفسي أقول مصيري أوآآجهه .. ومن نويت أحركهآ ألا خطوآته توقف بطوله دآخل الحوش ...
‎ومسرع مآآحرك يده ومسك يد البآآب ..
‎بين أصآآبعه السبحة ألي أهديته لهآ ... وطرف منهآ مغطي ذآك الخآتم
‎ألي مستقر على أصبعه .. بلعت ريقي وحركتهآ صوب ملامحه .. مغطيهآ
‎بنظآآرة لونهآ مآآيل لللأزرق وأطآرهآ أبيض ... غترته البيضآآ طآآيحه على كتفه
‎وطرفهآ الثآني رآآفعه حتى بآآين شعره الرمآدي من عند أذنه .. مآل برآسه لتحت شوي وبيده الثآنيه
‎مآسك الجوآل يكلم فيه .. صآآر يحرك رجله اليسآر وهو يطآلع فيهآ .. ولحظآت تحرك ثوبه
‎وصآر لاصق على بطنه أكثر من الهوآ وطرف غترته تحركت بسرعه ولحظآت ثآنيه هدت ..
‎ليه كل مآ مليت من أنتظآآره ونويت أتحرك يعودني بجيته ويطلع قبآآلي ..؟؟
‎كالعآآدة متكشخ على الأخر وصرت أشم ريحة عطره .. أتخيل أن هالريحة تسري
‎في دمي .. تنعش هالدم فيني ..
‎رفع رآآسه وبعبث صآآر يحرك البآب يمين ويسآآآر وأنآ أتأمل طوله .. ملامحه ألي تغيرت
‎تقريبآ من عدل عوآرضه ... بس وقف عن تحريك البآب فجأة وأنآ تفطنت
‎أنه أنتبه لي .. شآآفني وآآقفه عن الشبآآك ... من ورآ نظآرته عيونه تطالعني ... وبسرعه
‎وبكل ربكة سكرت الدريشه بوجهه ..
‎تحركت بسرعه صوب بآب غرفتي وطلعت لجدتي ...
‎ليليآن : قهوة وشآآي مآنيب مسووويه .. وبسكر غرفتي علي بعد ..
‎الجده حمده بصوت وصل لهآآ : يآآمثبت العقووول ... بدينآ مير بالخبآل ..
‎...... : السلام عليكم ..
‎طالعته بدون أهتمآم وتحركت دآخل الغرفة مسكره البآب ورآهآآ
‎.. نزل نظآرته ولحظآت حتى نزل جزمآته ودخل أكثر لصآله .. حط السبحه
‎في مخبآته .. وهو
‎كأنه تعود على هالحركآت وصآر يتوقعهآ قبل مآتصير ..
‎الجده حمده : عبدالله هنيآآ ..؟
‎فهد يمشي وعلى طول أنحنى حتى يبوس رآس أمه ويجلس جنبهآ : لا .. خليت محمد
‎يآخذه بالعربآنه لبيت عمتي ..
‎الجده تطالع فهد ألي حرك أيديه وصآر يرفع أطرآف غترته لفوق : والله أنك فرحت هاليتيم ...
‎فهد أبتسم : لولا مشآآغلي كآن شريت له ألي يبي .. بس بعد شوي بروح لأبوي ..
‎طالبني وملزمن علي أروح له ..
‎حط نظآرته قبآله وأنحنى متسآند بظهره على الجدآآر ..
‎فهد يأشر بيده وبأستفهآم : يمه .. هذي قهوة الفجر مآحد غيرهآ ..؟
‎الجده تهز رآسهآ وهي تعدل شيلتهآ الخفيفه : لا والله مآتغيرت .. ألا يمي شنو سالفة هالمدرسين ألي يقول
‎عبدالله عنهآآ ..
‎فهد تربع وبهدووء : هالحين أقولج شنو سالفتهآ .. ( وبدون مآيتحرك وبملامح ثآآبته وصوته الرجولي ) ليليآآن ...
‎سكت يبي يسمع رد بس مآردت
‎فهد يرفع صوته أكثر : ليليآآآآن تعآلي أبييج ..
‎الجده تطالعه : أنت شنو تبي فيهآ ..
‎نوى ينآديهآ مرة ثآنيه بس حرك رآسه صوب بآب غرفتهآ أول مآنفتح
‎حتى يشوفهآ وآقفه بملامح بآآردة
‎ليليآن : نعم ...
‎فهد كشر من شآف ملامحهآ : النآس الذوق تقول صبآح الخير ..
‎ليليآن صدت عنه : ......................
‎فهد يأشر للمكآن ألي جنبه متجآهل حركتهآ : تعآلي بقولج بشآآرة ...
‎تحركت بخطوآت هآديه وبدون مآتجلس جنبه أنحنت وجلست قبآآله وقبآل الجده ..
‎فهد رفع حوآآجبه : أنتي فيج شي ..
‎ليليآن تطالعه بنظرآت وآثقه تخفي فيه قهرهآ : أبد ..
‎فهد تكلم : أنآ اليوم رحت وسجلت عبدالله في معهد وبيآخذ دورتين فيهآ أول وحدة للأنجلش .. والثآنيه
‎في الحآسب وكل دورة مدتهآ ثلاث شهور ..
‎الجده حمده أبتسمت وبفرح : مآآشالله .. وأنآ أشووفه يقول مدرسين ومدري شنو .. بلاك
‎مآآخذه للمعهد
‎ليليآن تلوي فمهآ وبدون نفس : طيب .. تقولي ليه ..
‎فهد يطالعهآ وتصرفآتهآ وكلامهآ أبد مآجآزت له : لأنج بتآخذين دورة ويآآه .. وبدآل مآ يومج
‎يضيع بليآ فآآيدة تستفيدين منهآ تتعلمين لغة والحآسب ...
‎ليليآن بخرعه : وشششش ..
‎فهد بنظرآت حآدة : ألي سمعتيه ..
‎ليليآن حركت يدهآ مأشرتهآ بوجهه بدون حيآآ : ومن قالك أني محتآجة هذي الدورآت ... أو من قالك أصصصلن
‎أني بروح ..
‎الجده بعصبيه : أنتي ورآآج تقول سآآمعتن لج مصيبه ..
‎فهد حرك يده وحطهآ على رجل الجده : لا خليهآ يمه أنآ بعرف كيف أتفآهم ويآهآآ ..( ضم شفآته
‎وحرك يده حتى يرجعهآ في حضنه ) أيه .. شنو تبين أنتي بالضبط هالحين ..
‎ليليآن بصوت حآد : مآبي شي .. مآبي أدرس .. أنآ وحدة مخلووقة لقعدة البيت .. تقبلني
‎نفس مآأنآ . لاتحآول تحطني على مآتشتهي أنت .. ولا رآح أكون نفس مآآتشتهي ..
‎( قالتهآ بتأكيد وعيونهآ في عيووونه ) والله مآرآآآآح أكووون ...
‎سكت .. وعيونهآ أرسلت له تحدي مبآآشر ..
‎وجه بوجه ..
‎لوآحد يضآهيهآ عمر وخبره ...
‎هذي هي تتمرد عليه ؟؟
‎حس فيهآ تتسلل لأمآكن في قلبه موعودة بالهلاك ...
‎يآخذهآ الجنون لشي أبعد منهآ وأكبر ...
‎فهد بآدل تحديهآ بأبتسآمه : جهزي حالج .. الأمر قررته وتنفذ ..
‎ليليآن بقهر وهي تطالع الجده : قولي لتس شي يمه .. يعني غصصب أروووح ..
‎فهد رفع صوته : تتحجين معي أنآآ ... ولي أمرج تفهميين .. أمي مالهآ شغل بهالقرآآر ..
‎ولا لهآ سلطة بشين قلته ونفذته ..
‎ليليآن ترفع أيديهآ وبنبرة أستسلام : يعني بتغصبني ..؟ ..
‎فهد يطالعهآ بتركيز وبتحدي بيشوف وش نهآيه هالعنآد : أيه أغصبج ..
‎ليليآن سكتت ومسرع مآهزت رآسهآ بالرضآ : زين .. خلني أشوف تسيف بتغصبني
‎عند أخووي عبدالله ...
‎قآآمت ونوت تتحرك بس وقفت أول مآوقف فهد بطوله قبآلهآ ...
‎فهد : أنتي وآآعيه للي تقولينه ...
‎ليليآن بنظره وآثقه وهي ترفع عيونهآ له : أيه وآآعيه .. لاتحسبني مآآني مستوعبه أنك تبي
‎تخليني أمشي على هوآآك .. ألبس نفس مآآتبي وأدرس حتى أوصل لمستوى الشيخ لافي .. ( أبتسمت
‎بطنآزة وحركت عيونهآ بعيد عنهآ سآكته ومسرع مآرجعت تطالعه ) ... بس أنآآ بنت رآآشد ..
‎مآني مستحيه لو بقولك هذي أنآ وهذي طبيعتي ... ولاعندي أي مشكله ..
‎صقآآرة يآلافي .. أروض الصقور أمثالك ولا أتروض ..!!!
‎هذي هي .. متعمدة أو متمردة ..
‎تتسلل لمنطق عقله ... تدهشه .. تمتعه ..
‎العقل ألي أستبعده من منطق وجودهآآ ..
‎وأذآ فيه ينجذب لهآ بمنطق الاوعي ..
‎تحركت تآآركته وهي متنرفزة وهو ظل وآآقف ..
‎كل الأحآآسيس المتنآآقضه تجول دآخل ضلوعه ..
‎أنك تكون بين خط عقلك وقلبك ..
‎لشخص تجربه يكون في كفة أحد هالأمرين ..
‎وأذآ فيه وسط ذهولك يتحرك وآآقف في النص ..
‎يبعثر حيرتك .. ويجمع شتآتهآ بحضوره ..
‎شي يثير المتعه ..
‎وبخطوآت وآآسعه دخلت غرفتهآ تآآركة البآب مفتوح ..
‎بالعآدة تسكره ..
‎الجده بصوت أمتلى بالملل : مآعليك منهآ ذي .. والله لو تطيعهآ يالافي لاتقعد طول عمرهآ
‎خسرآآنه ..
‎فهد يلف صوب غرفتهآ وبطنآزة : سكري البآب عشآآن ترتآآحين أكثر ..
‎سكت وطالع الجده مبتسم وهي من شآآفت الأبتسآمة أرتسمت على شفآته
‎هزت رآسهآ وأبتسمت ...
‎وش يقدر يسوي لهآآ وهي تثير جنونه في لحظة ..
‎ولحظآت بهالجنون يوقف ومآيمتلك شي ألا أنه يضحك ...
‎تمردهآ على شخص نفسه يخليه يستمتع وهو يقآبل هالتمرد
‎بصمت وعنآد يعرف كيف يستغله معهآآ .. تحرك
‎بخطوآته الهآديه وطلع من الصاله ...

***************
‎فتح بآآب غرفة نومه حتى يلمحهآ بفستآنهآ الأبيض والتموجآت السمآويه عليه ..
‎جالسه على السرير وبجنبهآ ولدهآ
‎نآآيم في سآبع نومه ... أبتسمت وصآرت تأشر له مآيتكلم تخآف يصحى ولدهآ
‎وهي مآصدقت أنه ينآم .. دخل بخطوآت وآآسعه وهو مبتسم على شكل ولده ..
‎وعلى طول أنحنى بهدوء وقرب من رآسه حتى يبوسه ...
‎سآآلم : والله أني أشتقت له ..
‎منآير تطالع زوجهآ بحنآن : هصصص .. والله مآآصدقت ينآم
‎سآلم يطالعه : ولدج بسآآبع نومه والله مو دآري عن أحد ..
‎منآير بدفآ : ألله يخلي وردة لي كآنت عندي هنيه ودوخته من كثر مآلعبت معآآه ..
‎سآلم رجع يبوسه ومسرع مآصآر يلعب بشعره بين أصآبعه : قطع قلبي الصبح والله ..
‎يوم تقطع بجي ألا يروح معي ..
‎منآير ضحكت بهدوء : هههههههه .. يالظآلم .. هالحين أنآ وين رحت ولدك أخذ
‎الشوق كله له ..
‎رفع جسمه وفز وآقف حتى يتحرك للجهه الثآنيه ويجلس بجنبهآ ..
‎سآلم يسحب أيديهآ : وين رحتي .. ( رفعهم وبآآسهم بقوة وصآر يمرر أصآبعهآ
‎على بشرة وجهه ) مو أشتقت ألا مت من الشووق ..
‎منآير تنحني حتى تطبع بوسة على خده وتوقف : يلا .. دآمك ييت أنآ بنزل تحت ..
‎سآلم حرك طرف شمآغه ورمآه ورآ كتفه : لاااااا وين .. حلم أبليس فالجنة هالطلعه ..
‎سحب يدهآ ولف أيديه حول خصرهآ .. لامست ركبتهآ ركبته وعلى طول
‎هي حركت أيديهآ وحطتهم على كتوفه ..
‎منآير بأهتمآم : بنزل لمريم ...
‎سآلم نزل عيونه بعيد عنهآ : ..................
‎منآير تريح كفوف يدهآ على خدوده : حبيبي .. هذي أختك لو صآآآر أي شي .. على غلط صحح لهآ ..
‎والله البنت أستغفر الله مآتآآكل ... حتى خالتي أول مرة أشوف قلبهآ قآسي لهدرجة
‎سالم طالع منآير وبدون نفس : هي ألي يآآبته لنفسهآآ ..
‎منآير أنحنت وبآست رآسه : تكفى سالم عشآآني روووح لهآ .. حآولت أنآ أكلمهآ ووردة بعد والله مآكو فآيدة
‎معهآ .. حتى اليوم مآرآحت لجآمعتهآ ..
‎سآلم يقربهآ منه أكثر : طيب ..
‎منآير أبتسمت وعلى طول حضنته : ألله يخليك لنآ يآآرب .. أنآ قلته قلبك جبير .. فديت حبيبي
‎سآلم أخذ نفس ووقف : ألله يعيني عليهآ بس ... أمووت وأعرف شنو ألي قلبهآآ ..متأكد أنهآ كآنت موآفقه ..
‎منآير تبوس كتفه : هي محتآجة بس أحد يحتويهآ ..ووالله لا تطلع كل ألي بقلبهآ لك مآلهآ غنى عنك ..
‎طالع زوجته حتى يبتسم ويتحرك بخطوآت وآسعه طالع من غرفة نومه .. رآح يمشي فالسيب حتى يطلع
‎لصآله صغيرة وتعآنق خطوآته الدرج ... ومن نزل لمح أمه قآعده على التلفزيون
‎وبحضنهآ نآآيمه وردة ..
‎سآلم : مسسآج ألله بالخير يمه ..
‎أم سالم من شآفت ولدهآ العود أبتسمت : هلا .. من وين طلعت أنت مآشفتك وأنت دآخل
‎سآلم يتقدم لهآ وببتسآمه : هههه . لا دخلت من البآب ألي ورآ ع الطآبق الثآني
‎أنحنى وبآس رآسهآ .. حرك عيونه صوب وردة .. ومسرع أنحنى وبآس خدهآآ ..
‎سآلم بهدوء : متى نآآمت يمه ..؟
‎أم سالم : قبل شوي .. نزلت من منآير دآآيخه من النوم ..
‎سآلم يجلس مقآبل لأمه : هههههههه .. أظن من اللعب هي وفهود نآآموآآ ..
‎سحبت أم سالم الريموت وقصرت ع التلفزيون ...
‎أم سالم تأشر على القهوة : أصب لك يمه قهوة ..؟
‎سآآلم : لا بس .. ( حرك رآسه صوب غرفة مريم ومسرع مآرجع يطالع أمه ) وين رحيم ..؟
‎أم سالم : رآآح لبيت عمه عند سيف
‎سالم بتردد : ومريم .....؟
‎أم سالم بعد صمت : بغرفتهآ من صآرت السالفه ولسآني مآ طب لسآنهأآ .. حتى مآطلعت تصبح علي
‎ولا حتى تمسسي .. مدري من مآخذه قسآوة القلب ..
‎سالم :أظن مآخذه على خآطرهآ من ألي صآآر ..
‎أم سالم بقهر : ... أنآ أمهآ .. مهمآ قلت أصير أمهآآ .
‎سآلم يرفع يده ويحركهآ : هدي يآم سآلم وعيونه .. مآآلج غير طيبة الخآآطر ..
‎أم سالم تطالع ولدهآ : هي متغيره والله أعلم شنو مغيرهآ .. ألي بعمرهآ هالحين مآشالله مملج عليهآآ
‎وهي يوم ألله رزقهآ بوآحدن نفس طلال تقوم تعآفه ...
‎سالم : حتى أنآ مستغرب من هالتغير ... أنآ مآشوف الولد فيه شين ينعآب ..
‎أم سالم بقهر : طالع بنت يآرنآ فوزيه بنفس عمر أختك .. 23 سنه وماشالله .. متزوجة وعندهآ ولدين ..
‎وهي لولا تركهآ لدرآسه وتأثرهآ في موت المحروم كآن هالحين مخلصه ..
‎سآلم يقوم : لاترجعينآ للموآجع يآم سالم .. كلنآ تأثرنآ مو بس هي .. أنآبروح أكلمهآ هالحين ..
‎تحرك بخطوآت وآآسعه ورآح يمشي صوب غرفتهآآ .. ومن نوى يدخل ألا هي طالعه
‎بوجهه ..وقف متفآجأ من ظهورهآ وهو بنفسه مآيدري كيف يبدى معهآآ ...
‎وهي فتحت عيونهآ على الأخر و ألي السوآد بآين تحتهآ وشعرهآ جآدلته بشكل عآدي ..
‎سآلم أبتسم : مسآج ألله بالخير ...
‎مريم تآخذ نفس وبصوت هآدي : هلا ..
‎سآلم يحط يده على كتفهآ وبصوت دافي : أبيج بكلمة ..
‎مريم بدون أيه تعآبير ولا حتى طالعته : مآتوقع فيه شي ينقآل .. الولد كنت غلطآنه يوم رفضته
‎وزين أنك عطيت عمي الموآفقه ...
‎سآلم يبي يقعد معهآ لحالهم : طيب .. أبي أقعد ويآآج ..
‎مريم ترفع عيونهآ : سآلم .. مآصآر غير الخير .. السالفة كلهآ مو مستآهله دآم أن الموضوع
‎أنتهى بالرضآآ .. أنآ برووح للحمآم عن أذنك ..
‎نوى يتكلم لكن هي
‎تحركت ببرود مآآرة من عند أخوهآ ألي ضل وآآقف
‎يطآلع فيهآ تبتعد عنه ومسرع مآآرفع عيونه يطالع أمه ألي ترآقب الوضع
‎من بعيد ..
‎أعلنت رآيآت أستسلامهآ في موآآجهة كآن الأولى في الطرف الأول يوآجهآآ ...
‎ضم شفآته وبقهر تحرك وعلى طول صعد الدرج بدون مآآيقول أي شي ..
‎أذآ هي رفضت تتكلم ويآه فهو سوآ ألي عليه ...
‎وأهم شي أنهآ أعترفت أنهآ غلطآنه ..
‎بعد صلاة الظهر ... في بيت بو سعود ...
‎في الديوآنيه الوآسعه كآن جآلس على يسآر أبوه وهو يسمع
‎بدون مآيعلق ... مآله نص سآعة وآصل من عند بيت أمه العودة ....
‎لابس نظآرته الطبيه وأطرآف شمآغه كلهآ مرجعهآ
‎بشكل رسمي لورى ...
‎بو سعود : هالي سويته أمس مآهيب سوآه ... أنت عآرف أن هالأجتمآع بوجيهنآ تقوم تتركه
‎وتروح ... ولا كملوهآ الربع البآقين ..
‎فهد وهو يطالع كل شي قبآله بصمت : ....................
‎بو سعود يلف لولده : أنت ورآ مآترد ..
‎فهد : شنو تبيني أقول يبه .. وأنآ من وصلت هنيه .. أستلمتني هوآآآش ...
‎........ : السلام عليكم ..
‎حرك عيونه صوب رحيم ألي دخل وورآه سيف يطالع جوآله بأهتمآم
‎فهد بصوت مرتفع وهو مآصدق بشوفتهم حتى يقطع طآري
‎هالأجتمآع وبو فوآز : وعليكم السلام .. يآحيالله رحيم .. أخبآرك ..
‎رحيم يتقدم بخطوآته حتى يجلس قبآله : الحمدالله ..
‎فهد : من متى أنت وآآصل ..؟
‎سيف ينحني جآلس جنب ولد عمه : من قبل شوي ..
‎فهد وفي باله سوآتهم أمس بعبدالله : أن شفتك أنت ويآآه متعرضين الولد .. مآرآح يحصلكم خير
‎رحيم طآرت عيونه : يآآهب .. للحين تذكر ..
‎فهد بجمود ظل يطالعه : ...........
‎سيف ضحك : ههههههههه ... ( طالع أخوه ) قاري أذكآرك صح .. بتقول شلون عرفت مآيحتآي طبعآ
‎ذكآ لو أنك مو قآريهآ كآن أنسدحت قدآمنآ منه ..
‎بو سعود يطالعهم وهو مبتسم : هههههه ..
‎فهد : مسوي نفسك دمك خفيف هالحين ..!
‎سيف أختفت أبتسآمته : لا ..
‎بو سعود يطالع سيف : أخوك طلال وينه ... هالولد مدري شفيه من صحيت من فجر الله مآآشفته ..
‎سيف يطالع جوآله ومسرع مآطالع أبوه : بالمرسم يبه .. بعد بآجر أفتتآح معرضه
‎تلقآه مشغول ..
‎رحيم يقوم : يلا عن أذنكم ..
‎فهد رفع حآجبه اليسآر بأستغرآب : على وين ..؟
‎رحيم : بروح اللبيت ..
‎بو سعود : لايآيبه مآيصير ,,, أقعد تغدى معنآ ثم يصير خير ...
‎فهد يسحب فنجآنه مآده لرحيم : تعال صب لي قهوة .. مآنتب رآيح لين تتغدى ..
‎رحيم يتقدم ويآخذ الفنجآن : طيب دق على سآلم وعلمه لأنه دآقن علي يبيني أيي للبيت
‎فهد يطالعه وهو يروح للطآوله الزجآج ويسحب ترمس القهوة : لادق عطنيآه أكلمه ...
‎سآآد الصمت الديوآنيه ألي يلفهآ البرود من المكيفآات الشغآله تبعد حر الجو
‎عن أجسآآدهم ... لكن لف صوب أبوه أول مآفز وآقف بسرعه وهو
‎يطآلع بآب الديوآنيه مو مصدق ألي يشوفه
‎بو سعود : هلا .. هلا والله بأم فلاح ...
‎الجده حمده وهي وآقفه عند بآب الديوآنيه بضخآمة جسمهآ ومآيبآن
‎منهآ غير عيونهآ من ورآ برقعهآ : هلا فييك ..
‎تحركت عيونه بدهشه صوب جدته ألي كآنت وآآقفه وبجنبهآ طرف من عبآية ليليآن
‎بآآينه .. كآن عندهآ قبل شوي .. مآقالت أنهآ بتزور أبوووه رغم أنه
‎قآيل لهآ أنه بيروح لهآ ... ظل يطآلع فيهآ والدهشه خلته جآلس في مكآنه مآتحرك ...
‎بو سعود يتحرك رآيح لهآ : حيآك يمه .. ( طالع ليليآن ألي مآيبآن منهآ ولاشي ) أخبآرج
‎يآبنيتي
‎ليليآن بصوت وآطي حييل : الحمدالله
‎بو سعود يأشر للسيب ألي قبآله : قدآم يآبنيتي وتدخلين لصآله .. بتلقين عبير وأم سعود
‎قآعدين دآآخل
‎الجده على طول تمسكت بيد ليليآن : لالا .. مآهيب رآيحة لمكآن ..
‎بو سعود طآلع أمه بأستغرآب ومسرع مآآتكلم : على رآآحتج يمه ..( قال بتردد وهو مستغرب
‎كيف بتدخل الديوآنيه وفيهآ رجآل مآهم محآرم لهآ ) حيآآكم أجل ..
‎عيونه بصمت تطآلع في جدته تدخل لديوآنيه أكثر بخطوآت متمآيله .. بطيئه ..وهي متمسكة
‎بيد ليليآن ألي تمشي ورآهآ بصمت .. فز سيف وآقف بربكة ورحيم مد فنجآن القهوة
‎لفهد مآيدري يظل قآعد ولا يطلع
‎سيف تقدم لجدته وبآس رآسهآ : أخبآرج يالغاليه ..
‎رحيم على طول وقف ورآه وسلم على جدته أول مآأبتعد سيف : أخبآرج يمه ..
‎الجده توقف : بخير ..
‎مرت من عندهم وهم ظلوآ وآقفين ..كآن حضورهآ مفآجأة للكل أولهم فهد ألي عرف
‎أنهآ مخططة على هالجيه من زمآآن ولا نوت تقوله ..
‎ولو أنهآآ مو مخططة كآن قالت له من البدآية ولا كآن حضورهآ فجأة
‎وبهالطريقه ..
‎مشروع في بالهآ مآكآن قآبل لتعديل .. لكن التنفيذ في بال أمه العودة أسآآسه ..
‎بو سعود يتحرك : سيف ..خذ القهوة والشآي خلهم يبدلونهآ وعط أمك خبر بجية أمي
‎سيف : أن شالله ..
‎تحركت الجده بهدوء وجلست في صدر المجلس وبجنبهآ جلست ليليآن ...
‎ألي عيونهآ تتسلل بعبث له وهو جآلس على يسآرهآآ ..
‎كأنهم غربآآ في هالمكآن عن بعض .. مآآحسته أبد أهتم فيهآ أو تحركت عيونه
‎لو صدفه لهآ .. يلفه كثير من الرسميه .. هي أصلن
‎مآتدري ليش جت هينآ .. كل ألي تعرفه أن الجده دخلت عليهآ الغرفة وقالت لهآ تلبس
‎وتتجهز بتروح تزور بيت ولدهآ .. حآولت فيهآ تأجل هاالروحة بس عصبت الجده أكثر ..
‎الجده تطالع ولدهآ بو سعود : قول لسيف أن ميري وآقفه بالحوش تحت الشمس .. خله يدخلهآ
‎بو سعود : أن شالله ...
‎ولحظآت طآل فيهآ الصمت حتى يمر سيف من عندهم وعلى طول نآدآه بو سعود
‎بو سعود : سيف .. شف خدآمة أمي برآ ..
‎سيف يوقف وعلى طول تحرك : أن شالله ...
‎بو سعود بفرح : يآحيالله أم فلاح .. شنو هالزيآآرة المبآركة ..
‎الجده حمده : مآهيب زيآرة ذي يآفلاح ... تخبر يوم أقولك بجي أقعد عندكم ..
‎بو سعود أستبشر وجهه بهالخبر : الحمدالله .. الحمدالله يآيمه أنج بتنورين هالبيت وصآحبه وعياله ..
‎حست فالكلام ألي قالته جدة مثل الغيبوبة خدرت كل مشآعرهآآ ...
‎مطلوب عليهآ تنآم على سرير الصبر لاينعدم منهآآ ..
‎وبحركة تلقآئيه تمسكت بيد الجده وصآرت تشد عليهآآ ...
‎تبي تقولهآ تمهلي يآآيمه .. تمهلي وأرفقي في هالقرآر ألي حآولت تستوعبه ...
‎هي عندهآ أشيآآء تبي توقف عليهآ تودعهآآ ..
‎تودع شي كآن لسنين يحسسهآ بالسعآدة .. بالأمآآن ...
‎مآودعت سآآرة ... مآآجلست معآهآ ليلية مآقبل الفرقآآ .. عشآن يتذكرون
‎هالشي ..
‎عشآن يعطون روح الصدآقه ألي بينهم جرعآت صبر لأيآم البعد ...
‎أغرآضهآ ... ذكريآتهآ ..
‎وهو
‎شآف يدهآآ تتمسك بالجده .. حس بصدمتهآ .. عرف أنهآ مثله بنفس الخط ..
‎لكن نزل عيونه بصمت ...
‎بيكون ضيف عليه يشوف ويسكت لين يفهم ألي تبيه الجده ...
‎الجده متجآهله يد بنتهآ : ألله يسلمك ...
‎بو سعود : كآن عطيتنآ يمه خبر .. عشآن نجهز لج ولبنيتنآ غرفه ..
‎الجده ترفع يدهآآ : لالا .. أنآ وبنتي بنقعد في الملحق .. تعرف ان البنت مآهوب محآرم
‎لهآ عيالك والملحق بيكون كآفي لي ولهآآ ..
‎رفع حوآجبه لفوق .. ألا الملحق .. مآحد يدخله .. ولا رآح يسمح لأحد
‎يعيش فيه ...
‎.. صفحة جروح وذكريآآت يحتضنهآ هالمكآن ...
‎يبي يوآصل الحيآة بدون مآيعيش بجنب كل شي مر فيه ...
‎من جروح وبعد وفقد دفع فيه الثمن غالي ..
‎مآيبي يتصور ذكريآت مهمآ كآنت حلوة تقوم على أرض جروحه ..
‎وش بنيتهآ أمه العودة ,,, وهي أكثر وحدة تعرف هالمكآن شنو بالنسبه له ..
‎هذآ المكآن ألي أنبنى عشآن يكون بيته الأول ..
‎مآرآح يسمح للحيآة ترجع له وهو مآبعد جرب طغيآنه فالي حرقوووه ..
‎فهد بصوت قطع فرحتهم وبنبرة عصبيه : الملحق مآرآح أحد يدخله ...!
‎الجده تطالع ولدهآ بنظرآت غآضبه : ولاني مستشيرتك يآلافي فيه .. الشور بيني وبين ولدي ..
‎خلك برآآ أنت
‎بو سعود طالع ولده : أنت ورآك ..
‎فهد فز وآآقف وبعصبيه تفآجأ منهآ الكل أولهم ليليآن : هالملحق ملكي .. ولارآح أسمح لأحد يدخله ..
‎الجده حمده بثبآت : هذآ زمآن أول ملكك .. ولا هالحين أنآ وبنيتي بحآجته ..
‎فهد طالع أمه مستنكر كلامهآ : .............................
‎بو سعود بأنفعآل : ألي تبيه بنت الشيخ لافي تملكه يآلافي .. أنت شنو صآر فيك تكلم أمك بهالطريقه ..
‎دآمهآ تبيه والله لاتدخله رفضت ولا رضيت ...
‎ضم أصآبعه بقوة وتحرك طالع من الديوآنيه ..
‎يكون من الحكمة يطلع قبل لا يقول شي يندم عليه ..
‎الجده بدون أهتمآم : قم خلنآ نروح للملحق ..
‎بو سعود بهدوء : أرتآحي يآيمه كل شي ملحوق عليه ..
‎الجده : قم أقوولك ..
‎بو سعود من أصرآر أمه وقف : طيب .. يلا ..
‎تحركت الجده وهي بصمت وقفت وشي في قلبه تحرك ..
‎صآر يوجعهآ .. خلا نبضآت قلبهآ تزيد ..
‎عصبيته من طآري الملحق أثآرت في قلبهآ الصغير أشيآء كثيرة ...
‎خلاهآ تتفطن أن هالرجآل ألي حطته في مكآنة أبوهآ ..
‎هو رغم أنه زوجهآ مآزآل غريب عنهآآ ..
‎مآتعرف عنه أي شي .. لا عن مآضيه ولا حكآيته مع تغريد وكيف كآن معآق ..
‎الشي ألي صآر في مخزون ذآكرتهآ أنه فرنسي ..
‎فرنسي فقط لاغير .. شخص كآنت تكرهه حد القرف من طآريه ..
‎وهالحين صآر أكبر شي تمتلكه ..
‎وتشوف في نفسهآ الحق تروضه على مآتبي .. تتمرد على قرآرآته في حقهآآ ..
‎طلعوآ من الديوآنيه وهي تمشي لهالملحق ألي مآتدري ليش يرفض
‎أن أحد يدخله .. معقوله أن هالشي متعلق في تغريد زوجته الأولى ..!!!
‎طلعوآ للحوش ونزلوآ الدرج .. وتحركوآ لجهة اليسآر .. والصمت يحوط كل الأشيآء حوآليهآآ ..
‎الظلال بالعآفيه تغطي نص أجسآدهم .. والشمس بحرآرتهآ صآرت
‎تلفحهم من كل صوب ...
‎بو سعود : ألله يجيرنآ من عذآبه .. الشمس حرآرتهآ أعوذ بالله ..
‎الجده وهي تمشي : ................
‎حركت عيونهآ صوب هالمكآن ألي تمشي فيه .. معقوله بتعيش هينآآ ...
‎والله مو قآدرة تتأقلم .. طالعت بو سعود وهو يمشي بهدوء معطيهآ كتوفه ..
‎هذآ المفروض يكون أبو زوجهآآ .. وهالبيت يكون بيت أهل زوجهآ ..
‎المفروض .. وهذي هي تدخل بيتهم نفس الغريبه في علاقة اربطتهآ فيه بالسر ..
‎لو يدرون أن فهد يصير زوجهآآ وش بيصير ...
‎لو يدرون أنه من طلب منه هالزوآج تكون هي ...
‎وش بيكون ردة فعلهم ..
‎ليش تحس أنهآ بتختنق .. لأنهآ طلعت عن بيت جدتهآ وتوسعت دآئرة أفكآرهآ لشي عمرهآ
‎مآفكرت فيه ...
‎سمعت صوت مفآآتيح وعلى طول وقفت قبآل بآب كبير تقريبآ من الخشب ...
‎ومسرع مآفتحه بو سعود حتى يقول بسم الله ...
‎فآحت ريحة الأثآآث كأنهآ تتوجع من الوحدة .. تعلن فرحتهآ بحيآة أشخآص فيهآآ ..
‎دخل ودخلت الجده وهي بخطوآت مرتبكة دخلت ..ضرب كتفهآ البآب ألي رجع عليهآ
‎بس على طول مسكته وصآرت تبعد عنهآ بقوة شوي لأنه ثقيل ..دخلت بسرعه
‎ورجع البآب من جديد حتى يتسكر ..سآد الظلام المكآن ومسرع مآ أعلن الضوء
‎وصوله أول مآشغل بو سعود اللمبآت حتى يوقف الكل بذهول
‎يطآلعون الدمآر ألي حآصل بالصآله ..
‎بو سعود تذكر سالفة ولده وببعثره : ................
‎الجده بخرعه : وش صآآير هنيآآ .. ليه كل شي مكسر أعوذ بالله ...
‎رفعت أيديهآ وصآرت تفك من ورآ نقآبهآ وعلى طول أبعدته عنهآ ..
‎حركت عيونهآآ لكل شي .. الأثآآث مقلوب على وجهه .. والزجآآج متنآثر في كل مكآن ...
‎والصور مرميه وأطآرهآ مفكوك .. مآغير طآوله كآنت في مكآنهآ ..
‎الوحيده ألي بين هالأشيآآء تفتخر بوجودهآ على قيد الحيآآة ..
‎لقآآء عنيف بين حبيبين هي مآآتدري عنه ...
‎نزلت أيديهآآ وهي باليد اليسآر متمسكة بالنقآب .. تحركت وصوت الزجآج ألي تمشي
‎عليه يتردد فالمكآن ..
‎حست بقلبهآ مع كل نبض يوجعهآآ ..
‎وبصمت صآرت تحرك عيونهآآ في كل شي مآتمل تطالع في هالدمآآر ...
‎ليليآن تطالع خالهآ : هذآ الملحق ملك لولدك .. صح ..
‎الجده تبي ولدهآ يرد عليهآ : يآرجال شنو صآير .. تقول صآآيره هنيآ مضآربه ..
‎بحآول يقول شي مآآقدر وهو ألي أخفى عنهآ الحاله الي كآن فيهآ لافي ...
‎أخفى عليهآ أن طلال ولده طآح بتغريد معآه في هالمكآآآن ..
‎وطلب من أبوه مآيتكلم لأحد ..
‎ولحظآت أنفتح البآب ودخلت عبير بفرح ...
‎عبير : يمآآه .. حبيبتي .. أخبآرج ..
‎بو سعود بربكة : هلا عبير .. تعآلي يبه أنآ تذكرت لي شغله بسويهآ وبرجع ..
‎عبير تطآلع أبوهآ : طيب
‎الجده حمده : وين رآآيح أنت ...؟
‎تحرك بو سعود وحده مرتبك ..مآيبي يتكلم ويشغل قلب أمه
‎بأمور رآح تتعبهآ
‎بو سعود يطلع : رآآجع يمه ..
‎تقدمت عبير وهي لابسة بنطلون جنز أزرق مآسك على بلوزة بيضآ طويله
‎وآصله لحد ركبهآ ..وشعرهآ رآفعته لفوق ولابسة طوق مآسكة فيه
‎غرتهآ
‎عبير : أخبآرج يمه ..
‎الجده : هلا يمه .. الحمدالله ..
‎عبير ترفع يدهآ مأشرتهآ لي ليليآن ومسرع مآبتسمت بدون مآتبآن أسنآنهآ : أخبآرج لينو ..
‎ليليآن تهز رآسهآ : بخير
‎عبير بعبث تطالع المكآن ومسرع مآتكلمت بخوف : شفتي يمه كيف هالمكآن صآآر
‎الجده بأهتمآم وعلى طول أنعقدت حوآجبهآ : أيه .. شنو صآير يمي .. ورآ المكآن
‎بهالشكل
‎عبير تبعد عنهم وتتقدم لدآخل الصالة وهي تتوطى الزجآج بحذر
‎ومسرع مآوقفت ولفت لجدتهآ : بس يمه لاتقولين
‎لأحد أني أعرف بالي صآر ... ( طالعت ليليآن بربكة ) مو قصدي شي بس هم ع بالهم أني
‎مآ أدري بالي صآر .. وأنآ سمعت طلال وفهد يتكلمون
‎الجده بطول صبر : يآبنت أهرجي .. شنو صآآآر ..
‎عبير : هنيه .. يمه كآن لافي وتغريد ويآ بعض.. ومدري شنو صآر بينهم بالضبط خلا أخووي يكسر
‎كل شي بهالطريقه .. أنآ سمعت طلال بأذني يهآوشه ليش أنه دآق على تغريد ومخليهآ
‎تيي لحد هنيه ..
‎الجده بصدمة : هالكلام .( سكتت بعدين كملت ). يوم أنج كنتي عندنآ ...؟!!
‎عبير : أيه .. ويوم وصلت للبيت حسيت الوضع مو طبيعي .. ترآ أمي نفسهآ مآتدري
‎ولا شآفت الملحق أبد ..
‎ذيك الليلة .. ألي وصل فيهآ تعبآآن ..!!
‎أرتسمت صورته في ذيك الليلة في بالهآ وهي بصمت تسمع وتنجرح بالخفآآ ..
‎تعبآن عشآنه ألتقى فيهآآ ..!!
‎عوض هالتعب فيهآآ أو مآرس معهآ نوع من التفريغ ..؟
‎أحآسيسه ألي حستهآ صآآدقه ولهاللحظة تحس بلذتهآ .. هذي هي تجف من نبع عطآهآ ...
‎حركت عيونهآ تطالع كل شي مكسر من جديد .... حسته مجرد بدآخلهآ من كل شي ..
‎يلفه الغموض .. ولا كأنهآ تعرفه .. هي أصلن وش تعرف عنه عشآن يتهيأ
‎لهآ أنهآ تعرفه ..
‎الأورآق هي ألي تجمع بينهم بالسر .. وبالنور تتلاشى علاقته فيهآآ ..
‎عبير تكمل بصوت أمتلى حزن : تصدقين يمه مآدقيت على تغريد أعرف شنو ألي صآر بالضبط ..
‎خفت من لافي يدري ثم يعلمني الشغل .. تعرفينه مآيحب أحد يتدخل في أموره ...
‎الجده أحتوآهآ الصمت : .................
‎عبير : والله يآيمه قآمت تكسر خآطري تغريد هالحين ... أيه هي صح سوت في أخوي سوآآه ألله يعلم فيهآآ ..
‎بس خلاص .. مر على ألي صآآر سنتين .. وهي عمرهآ 27 هالحين .. أمي تقول لي مآرآح تسكت
‎عن حالتهم .. مدري شنو بتقول لفهد .. بس الأكيد بتخليه يرجع تغريد لبيته ... وخالتي وسميه
‎وصلت للكويت ورآح يتفآهمن من بعض و أن شالله ترجع أمورهم نفس قبل .. أحس فهد يمه للحين يحبهآ .. لو مآيحبهآ
‎ليش دق عليهآ .. أنآ تفآجئت صح يوم عرفت بس خلاني أستنتج هالشي .. تغريد
‎أصلن بالنسبه لفهد روحه وكلنآ نعرف هالشي .. في أحد بيقدر يستغنى عن روحه ...!!!
‎تنفست ببطء .. ولفت تطالع الجده ألي مآقآطعت عبير ع الأقل
‎تمنع هالتجريح في ذآتهآآ .. أكتفت بالصمت ..
‎مآمنعت
‎توقعآت لحيآتهآ ويآآه ع الأقل تبقى نفس مآآهي ..
‎بدون مآآ تتلطخ بالخطآآ ...
‎عبير تفضفض للجده ولهآ .. مآتدري أن هالي تكون الشخص الثالث بينهم
‎هي زوجته ...
‎وهو عشق توه .. يتعلم السير في خطوآت الثبآت ..
‎يتنفس حب فقدته من مآت أبوهآ .. وصآرت أنفآسه تعويض لهآآ ..
‎زوج تركته الحيآة لهآ .. يصحح مفآهميهآآ .. يحل أزمتهآآ ويثبت لهآ العكس ...
‎في صمته .. حضوره .. أبتسآمته ..
‎شي يستوطن قلبهآ ..
‎عبير بشك : شنو فيك يمه سرحتي .. أنتي ويآآي ..؟
‎الجده تطالع ليليآن وبملامح مجهولة : روحي مع عبير برآ هالمكآن لين أشوف
‎لافي ينظفه ... ويجيب أغرآضنآآ
‎عبير طآآرت عيونهآ : من صج يمه بتقعدين هنيه .. فالملحق ..!!
‎الجده بعصبيه : يلاااا أطلعن .. رآسي قآم يووجعني ...
‎تحركت بدون مآآتتكلم وتقول شي ... هذي هي شآهده على مكآن ضمهم ...
‎وعلى طول لبست نقآبهآ وفتحت البآب .. طلعت مثل لو أنهآ طآلعه من غيبوبة
‎أستمرت لسآعآت ... حركت رجولهآ وطلعت للحوش ولحظآت أمسكت عبير البآب
‎وطلعت .. وقفت ورآهآ وهي بعبث صآآرت تتنفس بقوة ...
‎عبير : ليليآن .. تعآلي نروح للمجلس ...
‎طالعت السمآ بعبث ... ومسرع مآحركت عيونهآ فالحوش ..
‎ليليآن : طيب ..
‎تحركت ورآحت تمشي وبجنبهآ عبير تمشي ..
‎عبير تلف لي ليليآن : أمي شنو فيهآ ..؟
‎ليليآن تهز كتوفهآ وبخنقه : مدري والله ..
‎عبير : أممم .. مدري حسيت من سسمعت بطآري تغريد تغيرت .. مع أني وهي والكل
‎عآرفين أن لافي مستحيل بيحب أحد غيرهآآ .. والدليل سنتين ولا تزوج ولاحتى فكر
‎بطآريه .. حتى مآطلقهآ ..
‎ليليآن بقهر توقف : أنتي تكلميني عنهم وش دخلني .. لمعلوميتس أنآ مآآيهمني سوآلف عآيلتكم ..
‎أفففف ..
‎وقفت عبير طآيرة عيونهآآ مآتدري أشفيهآ البنت صرخت في وجهآآ ...
‎وعلى طول تحركت ليليآن بخطوآت وآسعه تآركتهآ تبي تدخل البيت ... وهي تحس أنهآ تختنق ..
‎الأكسجين ينفذ من رئة عشقهآ ..
************************
‎قآعد قبآل الطآولة وعليهآ أصنآف من الغدآ ألي حب يآكله
‎في هالوقت .. النآس حآوليه في مطعم الفندق متفرقين ... لابس بلوزة
‎بيج خفيفه وأزآرير هالبلوزة نصهآ مفتوح .. سحب الملعقة وبهدوء
‎قعد يشرب من الشورية ولحظآت رفع عيونه وصآر يطالع النآس قبآله
‎بأهتمآآم ... شعره كله رآجع لورآآ برسميه تعبر عن هالمزآجيه ألي يعتريهآ
‎كثير أشغآل .. أنحنى وسحب من الشنطة ألي عند رجوله أورآق وكأن
‎فكره مشغول بشي .. وعلى طول حطهم على الطآولة وأبعد الشوربة عنه ..
‎صآر يطآلعهم بتركيز ومسرع مآ أرتفع جوآله بصوت معزوفة لبيتهوفن
‎الموسيقآر الألمآني .. أبتسم وكأنه يتمتع بسمآع هالموسيقى وعلى طول رد
‎ميشيل بلغته الفرنسيه البحته : أهلا .. ( أبتسم وحرك عيونه للكرسون ألي مر من عنده )
‎كمآ أخبرتك .. سيسآفر اليوم لمصر حيث موطنه الأصلي .. لايمكنك منعه في أي حآل من الأحوآل ..
‎( سكت بعدين كمل ) مآآري .. هآهو سيسآفر عزيزتي ولولا معرفتي بالأمر لمآ أخبرك بالتأكيد ..
‎تعلمين أنني أتقن البحث عن الشيئ ومعرفته حينمآ أود ذلك .. نعم .. ربمآ .. حسنآ ألى اللقآء ..
‎أبتسم بخبث ونزل الجوآل حتى يجلس قبآله فهد بعصبيه ..
‎فهد بلغته الفرنسيه الثآيرة : مآذآ تريد ميشيل ...؟
‎رفع عيونه بهدوء وهو يطالع فهد رآفع غترته لفوق برسميه ونظرآت عيونه
‎مليآنه شر وغضب ..
‎ميشيل مد يده ببرود والأبتسآمة للحين على شفآته : كنت أتوقع ترحيبآ أكثر لبآقة من مآ أنت عليه
‎الأن ..
‎فهد وهو يتسآند بكوعه على الطآولة وبسرعه رفع اصبعه : لا نحتآج للتظآهر أكثر والتلاعب
‎على بعضنآ البعض .. لم تغآدر فرنسآ عبثآ أعلم ذلك ..
‎ميشيل رجع يده وصآر يلم الأورآق قبآله : لم يعتريني الشك بذكآئك الخآرق يومآ .. ومآ يثبت لي ذلك ..
‎صننآعتك لثروة أصبحت لاتقدر بثمن في فرنسآ منذ وصولك لهآآ .. ولاشك أن فرنسآ
‎قدمت لك الكثير ..
‎فهد بطولة مآل : لازآل لدي الصبر لسمآع مآلديك ..
‎ميشيل : أنآ لم أتصل بك ألا لنتحدث قليلا .. أيزعجك الحديث معي
‎فهد شبك أصآبعه مع بعض وبعد صمت : لا ..
‎ميشيل يطآلع فهد وبنبرة أرتسمت أبتسآمة على شفآته : أنآ رجل مزعج .. أعلم ذلك ..
‎فهد ظل يطآلعه : ................
‎ميشيل أنحنى ورجع الأورآق .. سحب أورآق ثآنيه وحطهم على الطآوله ..ومسرع مآتعدل بجلسته : لتشآركني الغدآآء ..
‎فهد بكلمآت مختصره .. قآطعه له : شكرآ
‎ميشيل : علمت بأفتتآح المختبر الذي أصبح محط أنظآر الجميع قريبآآ .. ولا زالت الصحآفة
‎تتحدث عنه في مقآلاتهآ .. أصبحت شخصيه ستقدم الكثير من العطآء لفرنسآآ ..
‎فهد يجآريه ببروده : حسنآآ ..
‎ميشيل يسحب الملعقه : وبمآ أن فرنسآ كآن لها الفضل أولا لظهورك أعلاميآ ودعمك كمخترع .. أود أن تقدم
‎لفرنسآ القليل من رد الجميل ..
‎فهد يتنفس الصمت وهو يطآلع ميشيل : .............
‎ميشيل أبتسم : نود أن يكون المختبر ضمن شركتنآ الفرنسيه .. ستمدهآ بالمعدآت وكل مآيلزمك ...
‎فهد رفع حآجبه بذهول : ...................
‎ميشيل كمل : كل مآسيضمن لك الحق في هذآ المختبر سيكون محط أهتمآمنآ ... الأهم
‎أن تخرج البحوث من هذآ المختبر بحقوق فرنسيه الأصل ... لن نسمح لك فهد أن يقدم
‎عطآء هذآ المختبر لعمل عربي أو حتى لأي دولة خآرج فرنسآ ..
‎فهد فك أصآبعه وتسآند بظهره على الكرسي : كنت أعلم أن وصولك هآهنآ لم يكن عبثآ ..
‎( تقدم بجسمه وقرب رآسه من ميشيل ) أفهم جيدآ مآتود الوصول له ..ومآتود الحصول عليه ..
‎لكن لن أعطي مجهودي لأحد مآآ ..
‎ميشيل فجأة بآنت بعيونه نظرآت الخبث والشر : أحذر فهد من موآجهتنآ .. لن تحصد منهآ
‎سوى مآتعلمه أنت ..
‎فهد : ....................
‎ميشيل بكل ثقه رفع بوجهه ملف : هنآ كل مآتملكه أنت من تآريخ ومن عآئله .. سيكون هذآ
‎هو الضمآن لي ولك ..
‎طآرت عيون فهد وبدون مقدمآت مد يده وسحب ميشيل من بلوزته ..
‎فهد بتهديد: أقسم لك ميشيل ستكون نهآيتك على يدي أن تبآدر لذهنك الأقترآب .. (
‎قالهآ بتأكيد) الأقترآب فقط
‎ميشيل يسحب يد فهد : لانشتري العقول حتى تقدم لأحد غيرنآ ... أنت الأن من ممتلكآت
‎فرنسآ ... لن تفرط بك أبدآآ ولا بمآ تقدمة من أخترآعآت .. ومآ أود مسآآسه للأحتفآظ بك
‎لن أتردد به يومآ ..!!
‎فز وآقف وأنحنى سحب شنطته وعلى طول رمى قبآل فهد ورقه ...
‎ميشيل : هذآ هو العقد ... سأنتظر موآفقتك الأجبآريه عليه .
‎تحرك مبتعد عنه وفهد ظل جآآلس في مكآآنه ...
‎أصبح سلعة في زمن القهر ..
‎هذآ هو يعيش حيآة ملغمة ...
‎عليه يضحي بنفسه عشآن يحآفظ على غيره ...
‎توسعت هالدآيرة ألي تلتف حوله حتى تضم أشخآص يتنفس عشآنهم ...
‎سحب الورقه وظل يطآلع فيهآ ..
‎قلبه مقبوض حتى بعد مآنكشف المستور
‎.. حتى لو وقع على هالورقه .. هالدوآمة لو بتنتهي
‎على توقيع رآح يوقع .. يعرف أن الأمر صآر أكبر ..
‎أكبر من الشي ألي قبآله ..!!
‎دق جوآله وعلى طول رد ..
‎طلال : أنت وينك .. ترآ أبوي ينطرك على الغدآ ..
‎فهد بنبرة خشنه : لاحد ينطرني .. ورآي أشغال مآرآح أقدر أجيكم ..
‎طلال بصوت وآطي : أنت شنو مسوي حتى أمي العودة تخآنق ..!
‎فهد يآخذ نفس مو نآقص أبد هالحين : طلال مع السلامة ...
‎سكر الخط وسحب الورقه حتى يتحرك طآلع من الفندق ..
‎مآيدري وش بيده يوقف هالعآصفة ..
‎لكن عليه يخفي كل شي ..
‎لأنه ببسآطة تعود على صمت الأشيآء وأسرآرهآآ ..

*************
‎أحيآآن .. للموآقف صدمآت ممكن تصيبنآ بالخرس ..
‎تجرعنآ مرآرة الصمت ..
‎نشوف منهآ .. مشهد مجرد من ذيك الصورة الحلوة ألي
‎رسمنآ عليهآ أجمل أيآمنآ ..
‎ختمنآ جمآليتهآ .. بتوقيع يحمل ختم هو ختمنآ ..
‎وآذآ فينآ نعيد هالجماليه المزيفه ..
‎بتوقيع أعمق من ختم ..
‎أكبر من وجع ..
‎أبعد من ترحآل ونسيآآن ...
‎قلوب البشر .. صآآرت مغلقه ..
‎ومفتآحهآ في هالزمن لازم يجرحنآ ..
‎ومآبين جرح ودوآ .. . نفقد متعة هالقلوب ...
‎وهي .. رفعت يدهآ وصآرت تمسح خشمهآ بقوة وعيونهآ متورمة من البكآ ..
‎تطآلع أمهآ تلم أغرآضهآ في شنطة السفر ..
‎بتسآفر خلاص .. رآح تنبآع وتنشرى ..
‎سآآرة بتعب : تكفييين يمه .. تكفييين .. لا تسوين فيني جذي .. لاتخلينه يشريني من أبووي ..
‎أم سآرة بعصبيه : الموضوع كله منتهي دلوقت ..
‎مؤيد يدخل الغرفة وبحزن : سآآرة رحت طقيت البآب عليهم .. البيت مآفيه أحد ..
‎سآرة ترفع يدهآ لأخوهآ وهي تطالع أمهآ : شفتي يمه .. شفتي .. والله مآقدر أروح وأنآ
‎مآودعتهآ ..
‎أم سآرة تسكر الشنطة وتقوم : مش من نصيبك تودعيهآ يآ حبيبتي .. لكن تقدري تتصلي
‎بيهآ ..
‎مؤيد بصوت مخنوق : يمه ليش أختي بتسآفر ..؟
‎أم سآرة تطالع ولدهآ ومن دآخل متقطعه حزن : عآوزهآ أبوهآ يآحبيبي ..
‎مؤيد يدخل لغرفته وصآر يجر ثوب أمه : لاتخلينه يآخذهآ ..والله مآنقدر نتخيل البيت بدونهآ ..
‎سآرة أنهآرت تبكي : ...................
‎أم سآرة صدت بعيونهآ عنه تجآهد مآتنهآر ومسرع مآتحركت سآحبه شنطة بنتهآ : يلا يآسآرة ..
‎طلعت بخطوآت وآسعه مكسورة .. ومؤيد ظل يطآلع أخته ومسرع
‎مآغرقت عيونه بالدموع ..
‎مؤيد بصوت متقطع : بتسآفرين بهالسرعه ..
‎سآرة أنحنت وهي تهتز من البكآ : ........................
‎صد بعيونه عن أخته وهو مو قآدر مآينهآر قبآلهآ ... مجرد مآيتخيل
‎أنه رآح يقوم الصبح والا رآح يسمع صوتهآ ..
‎أو يضحك على هبآلهآ ... بيكون فرآغ قآتل في قلبه الصغير ...
‎صآر يطآالع في أمه تحط الشنطة في وسط الصآله وتروح تسحب عبآيتهآ ...
‎جلست على الكنب وصآرت تطالع شآشه جوآلهآ ومآسرع
‎مآضغطت على رقم وحطت الجوآل عند أذنهآ ..
‎يلزمهآ كثير قوة عشآن مآتنهآر قبآل بنتهآ و تزيد الخوف في قلبهآآ ..
‎مآيطمنهآ غير أنهآ بتكون مع عمر ... رآح تكون بين أيدين أمينه ..
‎وهو ألي مآتردد لحظة يسآعدهآآ ..
‎......... : ألووو
‎أم سآرة : أهلا عمر .. أنتآ فينك ..؟
‎عمر . : دقآيق وحكون عندك .. متأخرين كتير يآعمتي ..
‎أم سآرة : أحنآ متجهزين من زمآن يآحبيبي ..
‎عمر يهز رآسه برضآ : أوكي ..
‎أبعدت الجوآل عند أذنهآ وقآمت رآجعة لغرفة بنتهآ ..
‎أم سآرة : قومي يلا ..
‎سآرة وهي مآتحركت من مكآنهآ : يمه مآودعت ليليآن ..
‎مؤيد يمسح دموعه : والله لي سآعتين أطق بآآبهم .. مآحد يرد
‎أم سآرة بحنآن : أحنآ مآصدقنآ أبوكي يوآفق يستنآكي فالمطآر ... بترجآكي يآسآآرة قومي ..
‎واللهي عمر حيصونك .. دآ قلبه طيب ..
‎سآرة تقوم وبسرعه تمسك يد امهآ : خلاص .. لاتآخذوني عنده ..
‎أم سآرة بملل تصد عن بنتهآ : ..........................
‎وهو وقف بسيآرته السبورت قبآل بيت أبو مؤيد بلونهآ الرصآصي الامع ..
‎نزل من السيآرة وهو لابس بلوزة سودآ على بنطلون جنز أسود مظهر بيآضه
‎أكثر وتفآصيل ملامحه الرجوليه ... ريحة عطره الفرنسيه تلف المكآن ألي عآنقت
‎خطوآته فيه .. صغر عيونه من ورآ نظآرته الذهبيه وهو يطآلع شخص وآقف
‎عند بآب الجده ويتلفت بشك ... بس تحرك مبتعد عن السيآرة وسكر بآبهآ
‎بسرعه .. رآح يمشي بخطوآته المتوآزنه حتى يدخل من بآب الشآرع
‎على الحوش ... تقدم أكثر للبآب المدخل والهوآ السآكنه تمردت على جنون
‎العبث في شعره تآركته مبعثر بشكل شبه فوضوي ...
‎في قلبه الكثير من الفرح كونه بيسآفر ويحل أزمة بنت عمته ...
‎أنه رآح يتزوج وحدة مصريه تذكره بالأنتمآء لوطن يحن له ...
‎رآح يتشآرك معآهآ هالحنين لأنهآ هي بعد مآعمرهآ زآرت مصر ..
‎قد قالت له عمته هالطآري ... أبتسم ورفع
‎يده يبي يطق البآب يعلن لعمته وصوله ...
‎............ : والله يآآيمه تذبحوووني بهالطريقه .. أنآ أنسآنه .. شلون تشرون
‎وتبيعون فيني ..
‎أنعقدت حوآجبه وهو يسمع صوتهآ مآزال منهآر عكس منطق كلام
‎عمته أمس .. صوتهآ نزع الرآحة من قلبه ..
‎أم سآرة : يآحبيبتي .. دآ أبوكي مآيخآفش من ربنآ عآوز يبيعك للغريب ..
‎سآرة صوتهآ رآآيح من البكآ : مآبي أطلع من الكويت .. مو لازم يآخذني .. خلاص ( سكتت
‎بعدين كأن صوتهآ صآر أكثر وضوح ) يضحك على أبوي يعطيه الفلوس بدون مآكون
‎موجودة ..
‎عمر نزل يده بصمت : ........................
‎أم سآرة : أنتي متخيله أن أبوكي وآحد عبيط .. أحمدي ربنآ أنه سخر ليكي عمر ..
‎سآرة بقهر وهي رجعت تبكي : مآبيه .. مآآبيه .. أنتي شآيفه شكله ... مدري كيف بتقبل
‎وجهه .. بتقبل أنه
‎كآن مسيحي وصآر مسلم .. شنو يضمن لي مآ يتأثر بعآيلته ويرجع لي مسيحي .. أنآ لو أموت
‎مآفكرت بوآحد نفسه ... لوآحد رضآ يشري بنت من أبوهآ ... والله مآعنده كرآآمة ...
‎والله هالشي مآ يرضي رب العالمين ...
‎أم سآرة بصرخة : بس يآبت ..

<<
**********

>
>
<
<
<
<
<

كــــــــــــــــــــت

<
<
<
<
<

‎قرآآءة ممتعه للجميع
فوت ⭐️ / صوت ⭐️

دمتم بخير