رواية اريدك لي الفصل الثالث 3 - بقلم الكاتبة شهيد

ابتسم عيسي بتشفٍ. رفيف قربت منه وقالت: "أنا أقدر أستقيل حالًا، بس حابة أشوف آخرك معايا." عيسي: "يعني مش خايفة؟ كشّرت وقالت: "وخايفة من إيه؟ عيسي: "من إنك تحبيني مثلًا." دست على رجله جامد من غير ما حد يلاحظ وقالت: "فوق لنفسك كده." لفت وبصت لكابتن أكرم وقالت: "هدربه." وقالت بهمس: "يبقى يوريني بقى في الحلبة." عيسي رفع أكمام قميصه بعد ما قلع الجاكت. رفيف: "جاهز؟ عيسي: "كلك نظر." رفيف بدأت تعلمه

شوية حركات لحد ما قالت: "يلا حاول تهاجمني." عيسي جه يقرب منها، بحركة سريعة منها وقعته على الأرض وقالت: "اتعلم إنك تبين لخصمك حركتك." وفجأة بحركة تانية سريعة لفت. وكانت هتمشي راح خطفها في رجله، فوقعت على الأرض. فقال بتشفٍ: "زي كده؟ قربت منه وهو لسه على الأرض وقالت بغضب زايد: "لأ مش زي كده، دي حركات غدر مبتجيش إلا من ناس غدارة." تعصّب منها، وهي جت تمشي مسك دراعها وشدها. اتخبطت في أرض الحلبة وقال:

"أنا لحد دلوقتي مستحمل الغلطة اللي بتقوليها ومستحمل طول لسانك." زقته وقالت بغضب: "اطلع بره، وياريت تشوفلك حد غيري يدربك." خرجت من الحلبة وهي بتحاول متعيطش. وهو عدّل قميصه وأخد جاكته وخرج. رفيف كانت خارجة من النادي وهي متضايقة، لكنها سمعت صوت وقفها. يامن: "رفيف." أخدت نفس وكشّرت ولفت وقالت: "خير؟ هو يوم كله مقرف، عايز إيه أنت كمان؟ قرب منها وقال: "تسامحيني." بصتله وابتسمت، وفجأة ضربته بالقلم وهو مصدوم.

وقالت: "تفتكر كرامتك تسمحلك إن أقولك سامحني بعد ما ضربتك، وتسامحني؟ وحتى لو ده حصل، لأنك بن آدم معندكش كرامة. ابعد عني، مش عايزة أشوف وشك. أنا مصدقت قدرت أخلص من مرضك اللي كان في قلبي." لفت تمشي. وهو طلع إبرة من جيبه وقرب منها بسرعة وحط إيده على بوقها والإبرة في رقبتها وقال: "مكنش بإيدي، غصب عني، وإنتي مدّيتنيش فرصة أبرر." رفيف زقته وبعدت عنه وهي دايخة ومش قادرة تقف. وقالت: "بكرهك يا يامن."

قرب منها يامن ومسكها قبل ما تقع وشالها. وفتح شنطة عربيته وحطها فيها وقفل. في بيت حور. مصطفي (والد حور ورفيف) : "البت دي نسيت نفسها، وأنا هربيها أول ما تيجي." هند (مامت حور ومرات أبو رفيف) : "خلاص يا حج، لمّا تيجي أعمل فيها اللي تعمله." جوه أوضة حور. حور كانت بتحاول تتصل برفيف، لقيت رقمها غير متاح. حور: "ربنا يستر." حور فجأة جت لها رسالة من حسام، فلقيت: "حابب أتكلم معاكي." حور: "وأنا كمان."

كل واحد فيهم بدأ يكتب، واتفاجئوا لما لقوا إنهم بعتوا نفس الرسالة. بس حسام فكر إنها بتحبه. "أنا بحب... كل واحد بدأ يكتب، وحسام مبسوط لحد ما جاتله رسالتها وهو رياكشن وشه اتغير. حور: "أنا بحب مستر عيسي." تفتكروا حسام هيقول إيه؟ ورفيف.