رواية اصدقاء للأبد الفصل العاشر 10 - بقلم هنا حسين

مسك ايده وقال بغضب: غلط لما فكرت تغلط مع حد تبعي. سامي: انت مصدق كلامها دي كدابة. معتز: اهدوا يا جماعة كل ده على شان حتت بنت. سامي: ما أكيد مروقة عليه. ماجد اتعصب من كلامه ومسكه ضربه بكل غل وغضب. اتلموا عليه الناس وبعدوهم عن بعض. ماجد بغضب: مافيش بنا شغل من بعد النهارده. وخد حورية ومشيو. ركبو العربية وحورية عمالة تعيط. ماجد بعصبية: ما تسكتي بقى. حورية بخنقة: نزلني أنا همشي لوحدي. ماجد سايق ومردش عليها. حورية بصراخ:

بقولك نزلني انت مابتسمعش. وقف ماجد العربية وقال بغضب: صوتك ميعلاش عليا فاهمة. بعدين مش همك الصفقة اللي بملايين اللي خسرتها بسببك. حورية بانفعال: بسببي ولا بسبب الناس الشمال اللي بتشتغل معاهم. ماجد مسك نفسه بالعافية على شان ميضربهاش وسكتوا. اللي من صوت بكاء حورية بص عليها لقيها بتعيط وحاطة ايدها مكان القرصة. صعبت عليه وجاب منديل وقرب من وشها وبدأ بمسح دموعها وقال بهدوء: أهدي خلاص متعيطيش.

حورية سرحت في عيونه العسلي وهو سرح في عيونها الرمادي. قرب من شفايفها وقبلها برقة ورومانسية. هي غمضت عيونها واتجاوبت معاه. حست بإيده بتنزل على رجليها. فاقت على نفسها وزقته. حورية بغضب: انت ليه بتستغل ضعفي. ماجد ببرود: ده بيعجبني. حورية بانفعال: متعملش معايا كده تاني. ماجد: على أساس ماكنش عاجبك. حورية ندمت على ضعفها له وقالت بحزن: كنت حافظت عليها. ماجد: لو ما حفظتش عليكي ما كنتش دافعت عنك ولا إيه. حورية بضيق:

روحني عاوزة أروح. ماجد: نتعشى الأول وبعدين أروحك. حورية: لا شكراً مش عاوزة. ماجد: وأنا مش بخيرك. وقام بالعربية وذهب إلى مطعم. ملاك بزهق: مش كفاية كده شغل أنا تعبت وعاوزة أروح. آدم: حاضر أخلص الملف ده ونمشي. ملاك: أوف الشغل متعب أوي انت ماتعبتش. آدم اتنهد: أنا أصلاً مش ورايا حاجة غير الشغل واتعودت عليهم. ملاك صعب عليها وقالت: هو انت مالكش حد. آدم: لا ماليش غير ماجد وقرايبي من بعيد بس محدش يعرفني غير في المصلحة. ملاك:

إيه نسيتني أنا مش إحنا أصحاب. آدم بضحك: ده شرف ليا إن القمر يبقى صاحبي. ملاك بكسوف: طب مش نمشي. آدم: يلا أنا عازمك على العشا. ملاك: لا ماينفعش روحني لو سمحت. آدم: ملاك ممكن تفكيها شوية أنا مش هعملك حاجة. أنت أمانة معايا ومش إحنا أصحاب يلا بينا. بقت ملاك: خلاص ماشي بس متأخرنيش. جمع آدم أشياءه وركبوا العربية وذهبوا إلى المطعم. ماجد: ممكن تفردي وشك. حورية: انت شايفه متني. ماجد: يارب صبرني. انت بتقولي شكل للبيع. حورية:

مالكش دعوة بيا. مش جبتنا نتعشى اطلب العشا عاوزة أروح. ماجد: أنا مش هطلب غير لما تضحكي. خلي نفسي تتفتح أحسن ما انت مبوزة كده. حورية: عاوزني أضحك وأنا خسرتك ملايين. ماجد: فداكي يا ستي. ممكن اطلب منك طلب. حورية: امم يعني انت مش المدير اللي تأمر وكل كلامك أوامر. ماجد بضحك: هههه لا يا ستي أنا برا الشركة مش مديرك. حورية: ههه طب كويس إنك بتعرف تضحك كنت فاكرة إنك مش زين. ماجد بابتسامة:

بلاش تغيري الموضوع. طبعاً بعرف أضحك وأعمل كل حاجة. ها اطلب. حورية: اتفضل. ماجد: إيه رأيك ندي بعض هدنة يعني نبطل نشاكل بعض. حورية: أنا ما عنديش مانع. وبعدين أنا مش بشاكل أنت اللي بتتشاكل. ماجد بصدمة: أنا ولا انت اللي ما حدش بيعرف يتكلم معاكي. حورية: يسلام. انت ملاك نازل من السما. ما انت دايماً تغلط فيا. ماجد: ما أنت اللي بتعصبيني. حورية: ليه إن شاء الله عملت إيه. ماجد: خلاص بقى. إحنا لسه بنتكلم في الهدنة. حورية:

خلاص تمام. دخل آدم وملاك المطعم. ملاك: آدم مش دي حورية ومستر ماجد. آدم ما كان ما تبص وقالها: أيوه هما. وذهبوا ناحيتهم. آدم: إيه الصدفة دي. ماجد: انتوا هنا بتعملوا إيه. آدم: جين نتعشى. ملاك: حور وحشتني أوي. حورية: هههه ما أنا لسه سايباكي من شوية. لحقت أوحشكم. ملاك: طبعاً. ماجد: اقعدوا خلينا نطلب الأكل. قعدوا البنات وهما مبسوطين إنهم شافوا بعض. وبدأوا بالأكل باست متاع وانبساط. بعد العشا أخدوا البنات يوصلوهم البيت.

نزلو وشكروهم ومشيو. ذهبوا لغرفتهم كي يناموا وكل واحدة بترسم حلم من خيالها. وكذالك الشباب. آدم بيفكر إزاي يفتح ملاك في موضوع الزواج. ماجد بيفكر في الهدنة وإنه غلط فيها ولا لأ.