عثمان بزعل: انتي هتوافقي تمشي معاهم؟ هتسيبي عثمان حبيبك لسا مشبعش منك.
نياط اتخبت في حصن مروى نطفت بدلال: لا همشي معاهم ولا هطلع معاك على فوق. هفضل مع خالتي مروى، هنام جنبها في أوضتها.
مروان ورضوان مرة واحدة: موافقين.
عثمان ومصطفى مرة واحدة: احنا مش موافقين.
عثمان حط ايده على خده: وأنا بقول ليه بقالها كم يوم مش طيقاني ولا طايقة تبصي في وشي. وكل شوية تخانقني على أسباب تافهة، طلع كله من الحمل.
مروى ضحكت: أنا موافقة، ثلاثة ضد اثنين. خلاص بنوتي الحلوة هتنام جنبي. خد ابنك في حضنك يا مصطفى، نام وانت وهو في أوضته.
مصطفى بيمثل التعب: أنا مالي يا بنتي، ذنبي إيه؟ دانا راجل طيب، الشيب معبي راسه. عضامي بتوجعه، مبيعـرفش يرتاح غير في سرير أوضته.
نياط صعب عليها: خلاص خد معاك عثمان ينام في أوضتك، وأنا هاخد خالتي مروى تنام معايا.
مروان ورضوان وقفو ضحك على الموقف، لما لقوا تلفوناتهم بترن. ردوا واضطروا يقولهم عن تعب نياط، باستثناء موضوع الحمل اللي مصرة تعملهم مفاجأة. بعد خطوبة بكرة، في ظرف نص ساعة كانوا قاعدين جنبها.
سلطان حاضنها، مكشر: قلبي كان حاسس، في حاجة غلط. وثقت فيك، بس إزاي قدرت تكذب عليا؟ تقلي إنها كويسة وطلعت السوق مع الست مروى.
نياط بدلع: متزعلش. أنا طلبت منه ميقولكش. بكرة خطوبتك ومش هسمح تلغيها بسببي. انت مهتم بالتفاصيل دي ليه؟ المهم إني كويسة، صح؟
عمران قلقان عليها: انت كويسة بجد ولا بتحاولي تخبي تعبك عننا؟ طب هو مقلش إزاي؟ مروان، متصلتش بيا لما أخدتوها على المشفى؟
مروان اتوتر: احم. كنتوا مشغولين، ومكناش عايزين نقلقكم. الحمد لله هي كويسة.
زين بغيظ: هو إيه اللي مشغولين؟ فاكر في حاجة أهم عندنا منها؟ انشغالاتنا ولا حاجة مقابل نكون جنبها في تعبها. يا سيدي يولع الشغل.
رضوان بلع ريقه: حصل خير، بس ممكن تهدوا شوية.
يزن اتعصب: بلا أهدوا بلا زفت. نرفزتوني.
نياط سبلت عيونها، شدت يزن من ايده ناحيتها، وحطت راسها على صدره: ممكن تهدى؟ أنا كويسة، متخافش. فك تكشيرتك دي عشان خاطرك.
يزن باس ظهر ايدها: الحمد لله، شايفك قدامي بخير.
زبد بيزق يزن: وسع كده، دوري.
مراد بيزق زيد: لا، دوري.
عمران بحنية: سيبك من المجانين دول. هو الدكتور قال إيه؟ هو إيه اللي حصل بالضبط عشان تضطروا تاخدوها على المشفى، ومتحاولوش تخبوا.
عثمان اتنهد بثقل: حرارتها طلعت بالليل، عطينالها دوا. حالتها متحسنتش. جبنا دكتور. أخدت دوا غير برضه متحسنتش. وضعها معجبنيش، وأخدتها على المشفى.
سلطان: يا روحي، كنتي تعبانة أوي. أنا بقول أكلم الحاج سالم نأجل خطوبة بكرة لبعدين. مش هينفع نعمل حاجة وانت تعبانة. أنا واثق مش هيعترضوا.
نياط نفخت خدودها: كده هزعل منك. أنا مجهزة كل حاجة لبكرة عشان خطوبتك انت وهاجر. انتوا قلقانين زيادة عن اللزوم، صدقني أنا كويسة.
بالحاح منها، الخطوبة تمت في اليوم اللي بعده. وهما قاعدين في الحفلة، نياط مقعدينها في كرسي ومش سايبينها تتحرك من مكانها. مروى قاعدة جنبها مراقباها.
نياط بزهق: خالتي مروى. سيبيني أقوم أفرفش مع البنات. مش هينفع كده، دي خطوبة أخويا.
مروى بتعدلها على شعرها: أنا عارفاها خطوبة أخوكي. ممكن تفرحي له وانت قاعدة. أصل عرفاكي هتفضلي تتنططي من مكان للتاني، وكده غلط عليكي.
نياط نفخت خدودها: يا ربي على الملل.
مراد قعد جنبها: مال نياط قلب مراد زعلانة؟ من لما لبسوا الدبل وباركتيلهم، وانت قاعدة مبتتحركيش. غيرة على سلطان من هاجر؟
نياط مش واخده بالها من كلامه، مركزة على الطبق اللي في إيد هاجر. شاورت عليه: حلو، إيه اللي في إيدها ده؟ جبلي منه طبق، شكله طيب.
مراد: بس ده عليه لوز، وانت مش بتحبيه.
مروى ضحكت: قوم هاتلها طبق يا ابني، وبلاش أسئلة كتير. يلا بسرعة.
مراد مستغرب: حاضر يا طنط.
جاب لها طبق مليان، ولسه هتاكل منه، رجعته لمراد من تاني. وهي باصة على الطبق اللي في إيد هاجر، مبيفارقش بالها. عايزة الطبق اللي في إيدها، مش واحد غيره.
مراد بياكل من الطبق اللي رجعتهوله: كنت واثق طبعاً مش هتحبيه. عمرك ما حبيتي الحلا ده. بعد كل السنين دي هتحبيه فجأة؟
نياط دمعت عيونها: انت أكلتلي طبق الحلا بتاعي.
مراد برق: انت اديتيني الطبق.
نياط بتعيط: خالتي مروى، أكلي الطبق بتاعي.
مروى بتمسح دموعها: معلش، اهدي يا بنتي، خلاص. قوم يا ابني هاتلها صحن غيره.
عثمان جا عليهم. بعد ما حس في حاجة غريبة. مشي ناحية نياط، لقاها بتعيط. اتخض. حط ايده على بطنها بلهفة: نياط مالك موجوعة؟
مروى ضحكت: متخافش، هي كويسة. بتعيط على صحن حلو. خدها كده على الحمام، غسلها وشها. مكياجها ساح. لبين ما مراد يجيب الحلو.
عثمان بمجرد ما أخد نياط يغسل وشها، كل اخواتها لاحظوا غيابها ولحقوها على الحمام. بعد ما اضطرت مروى تدلهم على مكانها، وعلى باب الحمام واقفين مستنينها.
عمران أول ما طلعت، حاوط خدودها بين كفوفه: يا روحي، انت كويسة؟
زيد: بص عيونها، كانت بتعيط.
زين: تقريباً غيرانة على سلطان من خطيبته. انت عارف هي بتحبنا نهتم بيها وندلعها. غلطنا وانشغلنا عنها.
هاجر حضنت نياط: قلبي على العسل الصغير اللي بيغار مني. آسفة، أخدت سلطان منك شوية، بس هو بيحبك وهيفضل يحبك ديما، حتى بوجودي في حياته. دلوقتي زيادة عن حب سلطان، في حب هاجر. اعتبريني أختك الكبيرة.
سلطان بيبوس راسها: معاها حق. حبي ليكي عمره ما هيقل. انتي بنتي، أول بنت ليا.
عثمان: سكتها بالعافية وخلتها تعيط من تاني.
مراد اللي لسا جاي من شوية شايل طبق الحلا، ضحك: كانت بتعيط عشان طبق الحلا، مش بسبب الغيرة زي ما انتوا فاكرين. أهو كلي يا روحي.
سلطان برفع حاجب: عيطت عشان طبق حلا؟
يزن: بس هي مبتحبش النوع اللي عليه لوز.
مراد هز كتفه: قلت كده برضه.
نياط بصت لهاجر، سبلت عيونها: دلوقتي انت بقيتي أختي الكبيرة، ممكن تديني طبق الحلو بتاعك؟
هاجر استغربت: بتاعي؟ أنا معنديش مشكلة، بس مراد أهو جابلك طبق مليان، وممكن أجيبلك تاني لو عايزة.
نياط ممرت لسانها على شفايفها بطفولية: لا، أنا عايزة الطبق اللي كان في إيدك.
عمران ضحك وعلى أساس بينكت: لتكوني حامل؟
عثمان بتلقائية من غير تفكير: ما هي فعلاً حامل.