خرجت هند وهي خايفة جدا تلاقي كريم هناك.
بقت ماشية لحد ما وصلت للعنوان وملقتش بار ولا حاجة.
فجأة جات عربية سودا كدا خطفتها فيها ومشيت.
عماد: ها... فكرت.
آسر: (ساكت)
كريمة: رد يبني. متزعلش البت عشان أبوها بس.
آسر قام سابهم وطلع لشقة سارة.
وقف شوية قدام الباب وهو بيفكر هيعمل إيه.
فجأة سمع صوتها وهي بتتكلم في التليفون.
سارة: يا بابا متتعصبش عليا. أيوه أنا غلطت مع سامي وبعدها هو هرب. دراعك اليمين وعارفة إنك عملت كل ده عشان تجوزني آسر. منها الصفقة تمشي، ومنها ابني يتكتب باسم حد. بس خلاص هو مش عاوز يقرب لي. حاضر يا بابا. أول ما يطلع، أنا واقفة قدام الباب أهو عشان لو سمعت صوته وهو طالع أقفل على طول. متقلقش مش هيسمع حاجة. هحاول. سلام.
كان واقف آسر حاسس إن وقع عليه لوح زجاج. متجمد مكانه مش عارف يعمل إيه.
نزل بسرعة حس إنه مش طايق حتى يسمع صوتها.
راح لشقة عشق.
عشق: مالك يا حبيبي؟ عمي كان عاوزك في إيه؟
آسر: (بتوهان) مش عارف.
عشق: آسر! مالك؟
آسر: ماليش يا عشق. بفكر بس في حاجة.
عشق: حاجة إيه؟
آسر: حاجة لو أثبتها، هتخلصي من سارة طول عمرك.
عشق بفضول وفرحة: بجد؟ إزاي؟
آسر راح حضنها: هقولك يا حبيبتي. بس مش دلوقتي.
كريم كان مع أصحابه في فرح فعلاً وجاله تليفون.
كريم: الو... مين؟
صوت: اسمع يا كريم. حبيبة القلب هند معانا. وانت هتنفذ كل اللي هيتقالك.
كريم وقف بخضة: انت مين وعاوز إيه؟
صوت: أنا... مش عارف صوتي.
كريم: آه... أكيد انت هيثم الكل*ب.
هيثم: برافو عليك. اسمع بقى. هتجيب الورق اللي انت ماسكه عليا وتيجي حالا. فاهم؟
كريم: عارف لو قربت منها... ه...
هيثم: متقلقش. هي هتبقى بخير لو مبلغتش البوليس وجيت لوحدك جبت الورق. فاهم.
قفل معاه واتصل كريم بآسر.
آسر: الو.
كريم: إيه يا آسر.
آسر: أيوه يا كريم.
كريم: الحق يا آسر. اختك اتخطفت.
آسر اتنفض برعب: بتقول إيه؟ مين اللي خطفها؟
كريم: مش وقته. هبعتلك مكان نتقابل فيه. ماشي؟
آسر بتوتر: طيب. جايلك حالا.
وقفل.
عشق: إيه اللي حصل؟ هند مالها؟
آسر: متقلقيش يا حبيبتي. هنجيبها وتيجي. أهم حاجة بس متقوليش لحد أي حاجة.
عشق: حاضر.
في شقة كريمة.
كريمة: هي البت هند فين؟
عماد: تلاقيها دخلت تنام. سيبك منها. المهم تفتكري ابنك هيعمل اللي قلتله عليه؟
كريمة: آه طبعاً. أنا راقبته لقيتو طالع لحد سارة. أكيد هيعمل كدا.
خرج آسر وصل لحد كريم. نزل من العربية مسكه من ياقة قميصه.
آسر بحدة: أختي فين يااض.
كريم: أهدي. أختك اتخطفت.
آسر: مين خطفها؟ وعاوز إيه؟
كريم: هقولك فالطريق. تعالي.
قامت كريمة دورت في البيت كله على هند ملقيتهاش.
طلعت عند عشق.
كريمة بخوف: يعني هند مجتش هنا؟
عشق بتوتر: بصراحة يا خالتي. هقولك بس ونبي اهدى.
كريمة خافت أوي: قولى. حصلها إيه؟
عشق حكتلها اللي حصل. وبقت كريمة هتموت من الرعب والخوف على بنتها.
آسر: أنا بلغت البوليس وزمانه جاي.
كريم: تمام. وأنا هحاول أجيبها قبل ما البوليس يجي عشان لو فيه ضرب نار أو كدا.
آسر: ماشي يا كريم. أنا المفروض أنا اللي أدخل. بس عشان هو قالك تعالي لوحدك.
كريم بعدها سابه ونزل.
دخلهم.
حصلت شوية مناوشات وفي الآخر أنقذوا هند.
كريمة جريت على بنتها حضنتها أوي والباقيين فرحوا جدا لرجوع هند بالسلامة.
وكريم طلب إيد هند من أخوها آسر ووافق.
عدي يومين وكان طالع آسر لسارة.
آسر بابتسامة: عاملة إيه؟
سارة: أنت بتضحك أهو. كويسة.
آسر: أنا... قررت إننا نكون متجوزين بجد.
سارة بفرحة شديدة: بجد؟ قول والله.
آسر ضحك: بجد بقولك. بس لازم نعمل حاجة الأول.
سارة الفرحة كانت عامياها: إيه؟
آسر: ادخلي يا دكتورة.
دخلت دكتورة كدا.
سارة: مين دي؟
آسر: دي بس هتعمل لنا شوية فحوصات. أنا عملت فاضل إنت.
سارة: ودا ليه؟
آسر: كل العرسان بقوا يعملوا كدا. عشان نشوف البيبي هيكون فيه مشاكل ولا إيه. ولو فيه حاجة نعالجها.
اتوترت أوي سارة و...
الدكتورة: اتفضلي يا مدام سارة.
آسر: هدخل معاكم. منا جوزها بقى عاد.
سارة: أنا... مش هعمل حاجة.
آسر: ليه؟
الدكتورة قربت منها. وكانت سارة في دنيا تانية مش عارفة حتى تزقها.
الدكتورة: المدام حامل يا أستاذ.
آسر: اتفضلي إنتي يا دكتورة.
مشيت الدكتورة.
آسر: ألف مبروك. ابن سامي وسارة. تصدقي الاسمين لايقين على بعض.
سارة بتوتر شديد: آسر أنا...
آسر: إنتي طالق بالتلاتة. يلا برا.
عدت الأيام وعشق جابت مجموع طب.
وكريمة بقت تعاملها كويس وكل حاجة بقت كويسة.
وجه يوم فرح كريم وهند.
كريم: قولتلك إن هتغير واتغيرت.
هند: كنت عارفة يا حبيبي والله.
كريم: بحبك.
هند: وأنا كمان بحبك.
وحضنته أوي.
عشق: تفتكر هنجيب ولد ولا بنت؟
آسر: مش هتفرق يا حبيبتي. المهم إنه منك.
عشق: هحبك أكتر من كدا إيه؟ أنا بحبك أوي يا آسر.
ابتسم آسر.
عشق بغضب طفولي: إيه دا؟ مفيش حتى وأنا كمان.
آسر بحنية وحب: يعني أنا وقفت قدامهم كلهم واتجوزتك وإنتي لسه صغننة كده؟ ولعب في خدودها برقة. وكمان واقف حاضنك وعاوز أدخلك جوه ضلوعي. وهاكون مبحبكيش؟ أنا بعشقك يا عشق.