رواية اسر وسارة الفصل الأول 1 - بقلم همسة امل

في إحدى أكبر قاعات الأفراح، يجلس آسر الجارحي، من أكبر رجال الأعمال، يدير مجموعة شركات الجارحي بعد مرض والده. وتجلس بجانبه ابنة عمه سارة الجارحي، ويبدو عليها السعادة. يمر الحفل سريعًا بين تهنئة المدعوين ورقص سلو، إلى أن انتهى العرس وصعد العروسان إلى الجناح الخاص بهما. فتح آسر الباب وأشار لها بالدخول. آسر: ممكن نتكلم شوية؟ سارة بخجل واضح: أكيد.

آسر: بصي يا سارة، بصراحة كده أنا ما كنتش عاوز أتجوّز ولا كنت بفكر في الزواج أصلاً. سارة بصدمة: إيه؟ آسر: هي دي الحقيقة. بابا أصر إني أتجوّزك وبسبب حالته الصحية ما قدرتش أرفض. ولحد دلوقتي أنا رافض فكرة الجواز. سارة بدموع: يعني انت مش بتحبني؟ آسر بسخرية: ما فيش حاجة اسمها حب، وأنا ما بحبش حد.

لم تتحمل سارة أكثر وركضت إلى غرفتها وظلت تبكي بحرقة، وتتذكر أول مرة رأت آسر عندما أحضرها عمها لتعيش معهم بعد وفاة والديها في حادث. فلاش باك. دخل عز الدين الفيلا وهو يحمل فتاة جميلة لم تتجاوز الرابعة من العمر. مرفت: مين دي يا عز؟ عز الدين بدموع: دي سارة بنت أخويا أحمد. مرفت بفرحة: إيه ده؟ هما أحمد ونور رجعوا من السفر؟ (نور تبقى أم سارة وصاحبة مرفت جداً) عز الدين بحزن ودموع: آه. مرفت بخوف: بس إيه؟

عز الدين بحسرة ودموع: عملوا حادثة وهما راجعين وتوفوا، ما بقاش غير سارة. مرفت بحزن وبكاء: إنا لله وإنا إليه راجعون. لا حول ولا قوة إلا بالله. (بحسرة) الله يرحمك يا نور، كنتي نعم الصديقة. وظلت تبكي بحرقة على صديقتها. عز الدين: كفاية يا مرفت، ادعيلها. إحنا دلوقتي لازم نربي سارة زي ما كانوا نفسهم يربوها. مرفت وهي تمسح دموعها: معاك حق. (ثم تنظر لسارة) تعالي يا حبيبتي، انتي من دلوقتي بنتي اللي كان نفسي فيها.

عز الدين بشبه ابتسامة: أيوه كده، لازم نكون أقوى. ثم أمسك بيد سارة وهو ينادي على آسر وياسين. آتى ياسين واقترب وهو ينظر لسارة. ياسين: مين دي؟ عز الدين: دي بنت عمك وهتعيش معانا هنا. ياسين بفرحة: بجد؟ ثم أمسك بيد سارة وهو يقول: ياسين: أنا ياسين. سارة: وأنا سلة. ضحك ياسين عليها. ياسين: أنا هروح أنادي آسر ييجي يشوفك. وذهب بسرعة. جاء آسر ونظر لها بغضب عندما وجد والدته تلعب معها، وهو يغار على والدته بشدة.