رواية اسر وسارة الفصل السادس 6 - بقلم همسة امل

في هذا الوقت، دق باب غرفة سارة، فأغلقت مع صديقتها وذهبت لتفتح. سارة ببرود: نعم. آسر: تعالي افطري علشان هنروح نسلم عليهم ونمشي علشان الطيارة. سارة بنفس البرود: أولاً أنا ماليش نفس، مش عاوزة آكل. ثانياً مين قالك إني هسافر معاك؟ آسر بعصبية خفيفة: أولاً إنتي لازم تاكلي لأنك مأكلتيش من امبارح. ثانياً هتسافري غصب عنك لأني معنديش استعداد للتحقيق اللي هيتفتح لو مسافرناش. سارة بغيظ: مش هاكل ومش هسافر. آسر بحزم ونبرة لا تقبل النقاش: قدامي يا سارة. لم تتحرك سارة، وظلت تنظر له ببرود. آسر بجدية وصوت عالي: يااا... فزعت سارة من صوته ومظهره الجاد، وتحركت من أمامه بسرعة وخوف. ابتسم آسر على خوفها منه، وتحرك وراها، وجلسوا يتناولون الإفطار، ولكن سارة لم تتناول شيئاً، وظلت تعبث في الطعام.