رواية اسر وسارة الفصل الثاني عشر 12 - بقلم همسة امل

آسر بهدوء: أنا بحب سارة. ضحك حاتم بشدة، غضب آسر وقام من مكانه ليرحل. أمسك حاتم يده. حاتم: اقعد بس يا هولاكو، مالك. آسر بنرفزة: ما أنا بقولك بتنيل بحبها وانت بتضحك. حاتم بهدوء: طب ما أنا عارف. آسر بستغراب: عارف.

حاتم: أيوه عارف، لأنك عمرك ما حبيت غير سارة. سارة كانت حب الطفولة والمراهقة وفضلت تحبها حتى وانت مع نفين. نفين كانت مجرد انبهار بالمظهر والأسلوب وأنها في سنك، لأنك متنساش إنك لما دخلت الجامعة سارة كانت في الإعدادية يعني طفلة، وأنت كنت محتاج اللي تهتم بيك وتقولك كلام حلو. يعني باختصار حبك لنفين كان حب احتياج. صمت آسر ولم يرد. حاتم: في إيه تاني؟ المفروض تكون فرحان لأنك بتحبها وهي كمان بتحبك. هيييييح بقى.

آسر بسخرية: أهو كله من قرك الفقر. سارة مش طايقني ونفسها تولع فيا يا وش النحس. حاتم ضاحكا: ليه عملت إيه في البت؟ آسر: بت! لم تبتك متقولش عليها بت. حاتم: اخلص يا عم هولاكو وقول في إيه. آسر حكاله كل اللي حصل واللي قاله لسارة قبل ما يرجعوا، وحكاله على معاملة سارة ليه. حاتم بغضب: تصدق إنك حيوان ومعندكش ده، وسارة معاها حق لو ولعت فيك. إنت إزاي تقولها كده؟ آسر بغضب هو الآخر: في إيه يا حاتم؟ ليه كل ده؟ أنا غلطان إني حكيتلك.

حاتم بسخرية: أيوه فعلاً، أنا غلطان إني بقولك كده، المفروض أقولك برافو يا آسر، أنت صح. آسر بضيق: أنا عارف يا حاتم إنّي غلطان ومكنش المفروض أقولها كده أبداً، بس أنا كنت متنرفز وجت فيها. هتساعدني ولا لأ؟ حاتم: ماشي يا آسر، هساعدك. دلوقتي لازم تخلي سارة تثق فيك وترجع تتكلم معاك، وبلاش كلامك الدبش ده. وعاملها بحنية، ومش أنا اللي هقولك تعاملها إزاي، أنت عارف سارة أكتر مني. ابتسم آسر بخبث: أنا عرفت هعمل إيه.

حاتم بقلق مصطنع: أنا مش مرتحلك يا هولاكو، هتعمل إيه؟ آسر بابتسامة: لا متشغلش بالك. ثم قال وهو يقوم من مكانه ليرحل: يالا بقي سلام. حاتم بصوت أنثوي: آه يا واطي، عاوز ترميني بعد ما خدت غرضك مني؟ طيب اللي في بطني أعمل فيه إيه؟ آسر ضاحكا: يالا يا صايعة من هنا. ورحل وهو يضحك. أما عند سارة، فظلت تلعب مع ياسين وتضحك، حتى رن هاتفها، فاستأذنت وذهبت لترد. تالا بصوت عالي: أهلاً بالواطية اللي مش بتسأل.

سارة ضاحكة: براحة يا بنتي ودني، والله كنت هرن عليكي علشان عايزة أشوفك. تالا: امتى وفين؟ سارة: بعد ساعة في الكافيه بتاعنا. تالا: أوك، سلام. سارة: سلام. ذهبت سارة إلى مرفت لتستأذنها. سارة: ماما أنا خارجة أشوف تالا. مرفت: استأذنتي من آسر يا حبيبتي؟ سارة بتوتر: هااا، آه، آه. مرفت: طيب روحي يا حبيبتي. ذهبت سارة لتبدل ملابسها، ثم تقابل تالا في كافيه. احتضنت تالا وسارة بعضهما بقوة. تالا: وحشتيني خالص. سارة: وانتِ كمان.

تالا: مالك يا بت؟ فيكي إيه؟ شكلك مش طبيعي. سارة ضاحكة: ديما قفشاني كده. تالا: متتهربيش، في إيه؟ محدش هيفهمك زيي. دمعت عيون سارة في هذه اللحظة. تالا بقلق: في إيه يا سارة؟ سارة: ...................