رواية استقرار اجباري الفصل الأربعون 40 - بقلم رودي عبد الحميد

بعد مرور سنة. زعق داغر وقال: مش معقول كده، مش كل مناسبة تأخرينا ده مبقاش أسلوب. خرجت من الحمام وبصت عليه من فوق لتحت وقربت وقالت: إيه القمر ده، حتة سُكرة يا ناس. اتعلقت في رقبته وبـ*ـاست خده وقالت: مالك احلويت كده ليه ها؟ نسي داغر إن فيه فرح وإنه كان مزعقها وابتسم ابتسامة عريضة وقال: بجد شكلي حلو. ضحكت ريناد وقالت: قمر والله قمر طول عمرك كده. حط إيده

على بطنها المنتفخة وقال: قومي بس بالسلامة وأنا وحياتك عندي ما هرحمك. جابت منديل ومسحت خده من الروج وقالت: طب يلا يا قلب ريناد. حطت إيديها في دراعه ونزلوا سوا، بصت حواليها وقالت: أومال فين ماما؟ فتح باب الفيلا وقال: راحت مع مرات عمي، خلصي عشان صاحبتك وصاحبي هينفـ*ـضونا لو مروحناش بدري. حطت إيديها على ضهرها وكشرت وشها بـ*ـوجع. داغر إيديه على بطنها وقال: فيه إيه نروح المستشفى وبلاها الفرح.

ابتسمت وقالت: لأ يا حبيبي ده وجع وراح لحاله. با*ـس إيديها وقال: متأكدة؟ هزت راسها وقالت: آه طبعاً. طلعوا من الفيلا وركبوا العربية وراحوا القاعة. دخلوا القاعة وقربت ريناد وسلمت على ملك وقالت: ألف مليون مبروك يا نور عيني. حضـ*ـنتها ملك وقالت: الله يبارك فيكي يا حبيبتي عقبال النونو يارب. ضحكت ريناد وقالت: إن شاء الله يا حبيبتي. غمز داغر لـ*ـعلاء وقال: لقيت نصك التاني، اخفي من حياتي بقى.

لوي علاء بوزه وقال: أهون عليك تكون حياتك من غير علاء يعني. حضـ*ـنه داغر وقال: ده انت أخويا يالا، هو أنا أقدر برضو، يلا ألف مبروك يا حبيبي. حضـ*ـنه علاء وقال: الله يبارك فيك يا توأمي. قرب أمير من داغر وقال وهو بيشد الجاكيت بتاعه: داغر، داغر، داغر، داغر، داغر. سحب داغر الجاكيت من إيديه وزعق وقال: إييييييه! رمش أمير بعينيه كذا مرة وقال: عايز أتجوز. له داغر من فوق لتحت وقال: ما تغور تتجوز، هو أنا المأذون؟

غمز أمير وقال: لأ انت اللي هتمشيلي الحوار ده. رد داغر بملل وقال: عينك على مين من الفرح؟ حك أمير راسه وقال: لأ ده من فرح فارس وتمارة بصراحة. استغرب داغر وقال: مين دي؟ أمير على بنت معينة وقال: هي دي. بص داغر مكان ما بيشاور وقال وهو متفاجئ: إسراء!! ابتسم أمير وقال: الله اسمها إسراء، شوف أنا من إمتي شايفها وليل نهار بفكر فيها ومش شايلها من بالي، ولسه اللي عارف اسمها دلوقتي. ضحك داغر وقال: وهي بصت لك!

عدل أمير هدومه بغرور وقال: طبعاً، دي ضحكتلي وأنا من ساعتها واقع والله. هز داغر راسه وقال: حاضر هظبطلك معاد مع فارس. أكد أمير كلامه: بالظبط كده وهتيجي معايا. شوح داغر بإيديه وقال: فيه إيه؟ هو كل ما حد هيخطب ياخدني أنا الوالي عنه؟ خبط أمير كتف داغر وهو بيضحك وقال: معلش بقى يا معلم، انت الكبير والعاقل اللي فينا. ضحك داغر وخبط كف على كف وقال: الصبر يارب.

كانت أغنية البخت شغالة، قرب أمير من إسراء اللي كانت واقفة بتسقف وقال وهو حاطط إيده على قلبه: والله ووقعت بفكر فيك، كتير بالي عليك مشغول. ابتسمت إسراء وبصت في الأرض بخجل. على ترابيزة معينة في الفرح. كانت زهرة قاعدة جنب مامتها ومبتسمة وهي بصالهم. قرب محمد وقعد جنبها وقال بإبتسامة: مساء الخير. ودت وشها الناحية التانية وقالت: أستغفر الله العظيم. قرب منها وقال: مش كفاية بعد كده؟

بقالي سنة بحاول معاكي ومش هبطل يا زهرة لحد ما ترجعلي، أرجوكي كفاية بعد وكفاية الوقت اللي ضيعناه واحنا مش مع بعض، خلينا نرجع وننسي اللي فات بقى. طبطبت أمها عليها وقالت لها: اديله فرصة وادّي لقلبك ونفسك فرصة، الواد تعب من كتر المحاولات وباين عليه ده بقى بهتان يا بنتي. رد محمد بتعب وقال: أه والله يا حماتي قولي لها لإن تعبت بجد مش مجرد كلام وخلاص. بصت له بسخرية وقالت: مفكرتش ليه في كل ده واحنا بنبعد عن بعض؟

مسك إيديها وبـ*ـاسها وقال: خلاص وحياة محمد عندك كفاية، تعبنا كتير وكفاية لحد كده وحياة العشرة اللي ما بينا. ضحكت ضحكة خفيفة وقالت: سيبني أفكر. اتعصب وقال: لأ بقى تفكير إيه حرام عليكي أنا استويت، ولعلمك مش هيكون فيه خطوبة هو جواز على طول كفاية دلع لحد كده. نغزتها أسماء في جنبها وقالت: كفاية بقى يا بت وارجعي، تعبتي الواد وتعبتينا معاكي. ضحكت وقالت: خلاص، هنرجع. قام محمد وقف وزغرط وقال: أخيراً.

ضحكوا عليه وقالت أسماء: للدرجادي؟ قعد تاني وقال: ده أنا استويت بجد يعني. بعد ساعات متتالية. خلص الفرح وسلموا على ملك وعلاء وكانوا ماشيين في الزفة وفجأة ريناد حطت إيديها على بطنها وقالت وهي بتتوجع: داغر أنا شكلي هولد. بص لها داغر بصدمة وقال: تولدي إيه يا ريناد إحنا في الزفة. صرخت بالصـ*ـوت وقالت: ملعـ*ـون الزفة بقولك بولد. توتر داغر وقال: أعمل إيه مش فاهم. فضلت تصرخ

وهي بتخبطه في دراعه وقالت: وديني المستشفى أنا بمـ*ـوت. طلع من وسط الزفة وحوّل بالعربية. استغربت تمارة وقالت: هو داغر رايح فين، ده بعد عن الزفة. رد فارس وقال: عادي يا حبيبتي تلقيه واخد مراته وهيخرجها شوية. قلقت تمارة وقالت: تؤ مش حاسة، رن وشوف ريناد كويسة ولا لأ علشان كانت بتتوجع من ضهرها واحنا في الفرح. مسك الفون وهو سايق وطلع رقم داغر ورن. كان داغر سايق بسرعة وفونه رن. بص على الفون لقاه فارس بص لـ*ـريناد

وقال: أقولهم إنك هتولدي ولا إيه؟ ردت ريناد وهي بتصرخ وقالت: قول ولا متقولش المهم أروح المستشفى، هي بعدت ليه؟ زعق داغر وقال: الطريق زحمة، أبو*ـس إيدك كفاية توتر. رمى الفون على التابلوه وكمل سواقة وهو عمال يزمر بعصبية. في عربية فارس. قفل فارس الفون وقال: مردش، أكيد مش فاضيين. قلقت تمارة وقالت: مش مرتاحة. مسك فارس إيديها وبـ*ـاسها وقال: لما نخلص الزفة هرن عليهم تاني ونشوف ماشي؟ هزت راسها وقالت: ربنا يستر. في عربية داغر.

وقف داغر قدام المستشفى وريناد مش مبطلة صـ*ـراخ، فتح الباب لها وشالها ودخل بيها المستشفى وهو بيجري وهي مش مبطلة صـ*ـراخ. قربوا عليه ترولي وحطوا ريناد عليه ودخلت أوضة العمليات وهي مبطلتش صـ*ـراخ. وقف داغر برا ومن كتر صـ*ـراخها وخوفه وقلقه عليها قعد على الأرض ومن التوتر عيونه دمعت. فونه رن تاني، طلعوا لقاه أمير، فتح وقال بتعب: إيه يا أمير.

رد أمير وقال: فينك يبني بدور عليك، فارس قالي إنك مشيت من أول الزفة كده، فيه حاجة ولا إيه؟ رد عليه داغر وهو باصص على باب الأوضة وقال: من غير توتر كده ودوشة علشان مش عايز دوشة، ريناد بتولد، فتحسس اللي حواليك علشان علاء وكمان ميتعملش ليلة هنا في المستشفى وأنا مش ناقص. بعد أمير عنهم شوية وقال: طب اهدا طب، انت في أنهي مستشفى وهاجي لوحدي. غمض داغر عينيه بتعب وقال: في ******

قفل أمير معاه وانسحب من وسطهم بهدوء وركب عربيته ومشي. فضل داغر رايح جاي قدام الأوضة وريناد مش مبطلة صـ*ـراخ وعمالة تنادي باسم داغر وتقول: إلحقني يا داغر، فين داغر. طلعت ممرضة من جوه وقفها داغر وقال: مراتي كويسة؟ ينفع أدخلها؟ ردت الممرضة بسرعة قبل ما تتحرك وقالت: ادعيلها تكون كويسة، بس معتقدش إنه هينفع، عن إذنك. اتحركت من قدامه وهو خبط إيديه جامد في الحيطة وعمال رايح جاي لحد ما جه أمير. قرب منه أمير وقال: طلعت؟

زعق داغر وقال: مطلعتش وبقولها هي كويسة تقولي ادعيلها. أمير وهو بيحاول يهديه: طب اهدا يا داغر ده طبيعي، دي ست وبتولد يعني أكيد فيه تعب. نفخ داغر بضيق وقال: عايز أدخلها وهي رافضه، مراتي عمالة تناديني والممرضة بتقولي أعتقد إنه مش هينفع. حط أمير إيديه على كتف داغر وقال: طب اهدا بس كده اهدا وهي إن شاء الله هتكون كويسة. قعد داغر على الأرض وحاطط راسه بين إيديه، بعدها ريناد بطلت صـ*ـراخ.

بص داغر على الأوضة وهو مازال قاعد على الأرض بس قام وقف وهو مصدوم لما سمع صوت بكاء طفل من جوه. ابتسم أمير وحضـ*ـنه وقال: مبروك يا بطل البيبي جه بالسلامة. ابتسم داغر وهو لسه مصدوم ومش مصدق. لقى ممرضة طالعة وهي شايلة بيبي على إيديها وبتقول: فين الأب؟ اتكلم داغر وهو متوتر: أ..أنا. قربت عليه وقالت له: اتفضل ربنا كرمك ببنوته، سمي الله وشيلها. بص داغر لـ*ـأمير بتوتر وكان خايف يشيلها. شاور

له أمير على البيبي وقال: شيلها يا داغر، شيل بنتك. رفع داغر إيديه وشالها وهو لسه متوتر. قربها منه وقلبه فضل يدق جامد وعيونه دمعت وهو مبسوط أوي. ابتسم أمير وقال: كبر في ودنها يلا. بص له داغر نظرة اللي هو أعمل كده؟ هز أمير راسه بتأكيد وقال: يلا. قرب داغر من ودنها وبدأ يكبر وبعدها بعد وبـ*ـاس راسها بوسة رقيقة جداً وقال: بقا موجود حتة مني ومنها. رفع داغر راسه وقال: خد امسك أنا عايز أشوف مراتي. أخدها

أمير منه بالراحة وقال: أرن عليهم طب؟ داغر وهو بيفتح الباب وقال: رن وعرفهم كدا كدا هي ولدت خلاص. دخل جوه لقي الدكتور وممرضة، بص له الدكتور وقال: مين حضرتك وإزاي تدخل كده؟ رد داغر بهدوء وقال: عايز أطمن على مراتي بعد إذنك. رد الدكتور وقال: تمام شوية وهننقلها أوضة تانية وتبقى تشوفها. سند داغر على الحيطة وقال: مش هستنى، أنا أعصابي سايبه وعايز أتطمن على مراتي. قربت الممرضة

من ودن الدكتور وقالت: سيبوه كان مش قاعد على بعضه وهو برا وأعتقد إنه مش هيصبر، ثم ده جوزها يا دكتور. بص له الدكتور شوية وبعدها قال: عن إذنكم. طلع هو والممرضة والأوضة فضيت على ريناد وداغر. قرب داغر من السرير اللي عليه ريناد وقال: ريناد. قرب كرسي وقعد وقال: حمدلله على سلامتك يا حبيبتي، أنا قلبي اتخلـ*ـع من مكانه من الخوف عليكي. فتحت عينيها بثقل وقالت: داغر. مسك داغر إيديها وقال: قلبي. بلعت ريقها وقالت: هي فين؟

ابتسم وقال: مع أمير برا. ابتسمت وقالت: هي حلوة؟ قرب با*ـس راسها وقال: طالعة لك، حلوة شبهك، بقيت عندي بنتين مش بنت واحدة. رفعت إيديها وحطتها على وشه وقالت: ربنا يخليك لينا. با*ـس إيديها اللي على وشه وقال: ومحرمنيش منك أبداً، أنا كنت همـ*ـوت من الخوف عليكي، الحمدلله إنك كويسة. ابتسمت وقالت: أنا كويسة يا حبيبتي طول ما انت معايا، بس ماما فين، هما عرفوا؟

رفع كتفه وقال: أكيد أمير قالهم دلوقتي وزمانهم جايين، المهم هنسمي بنوتتنا إيه؟ بصت في عيونه وقالت: حبيبة. با*ـس إيديها وقال: حبيبة داغر الدويري. قرب وبـ*ـاسها وقال: بحبك ♡. ردت ريناد بحب واضح وقالت: وأنا بموت فيك ♡.