رواية اسير الحب الفصل الرابع 4 - بقلم نورهان

وفجأة عز سمع صوت ضرب نار. كله جرى على غرفته. عز: فين ريناد؟ انت ماسك المسدس ليه؟ وإيه صوت ضرب النار ده؟ أسر بيبص على البلكونة وساكت، مش قادر يتكلم. عز جرى على البلكونة وشاف ريناد واقعة على الأرض. نزل بسرعة وأخد ريناد على المستشفى. الدكتور: فيه نزيف جامد ومحتاجة عملية دلوقتي. عز: اعملها العملية فوراً. في القصر. أسر لنفسه: أنا ظلمتها، أنا ليه عملت كده؟

لولا إنها جرت قبل خروج الرصاصة من المسدس كانت ماتت دلوقتي، ويمكن تموت من الوقعة. أنا غبي، هي هتكذب ليه؟ أكيد ده اللي حصل معاها. عز: فين هريدي؟ يعني مجاش قصري؟ الحرس: قلبنا عليه البلد كلها، مش موجود. عز: إزاي يعني؟ أخد الفلوس وهرب؟ أنا عايزه من تحت الأرض. الحرس: أمرك. آمنة: البنت دي تعبت كتير، وباين عليها غلبانة. ربنا يشفيها. وفجأة الفون بيرن. آمنة: نعم يا أسر بيه. أسر: ريناد عاملة إيه؟ آمنة: في العمليات.

أسر بخوف: عمليات؟ هي تعبانة لدرجة دي؟ آمنة: آه، الدكتور قال حالتها صعبة. أسر قفل وكسر الفون. أنا ليه عملت فيها كده؟ أنا شكلي حبتها؟ لا لا، أسر بيه مستحيل يحب تاني. خبط إيده في الحيطة جامد، وبصوت مرعب: لااااااااا! أسر مش هيفتح قلبه لحد. في المستشفى. ريناد بتفوق من البنج: هو أنا لسه عايشة؟ آمنة: حمد الله على سلامتك يا بنتي. ريناد ببكاء: أنا مموتش ليه؟ أنا مش عايزة أعيش. آمنة: متقوليش كده يا بنتي، بعد الشر عليكي.

ريناد: معلش سيبني لوحدي دلوقتي. عز دخل. عز: حمد الله على السلامة. الحمد لله إننا اطمنا عليكي. هنروح القصر وهبعتلك حرس لو عاوزة أي حاجة لحد ما الدكتور يكتبلك على خروج. ريناد: شكراً. في القصر. أسر بلهفة: ريناد عاملة إيه؟ هي مش معاكم ليه؟ عز: مالك ملهوف عليها كده؟ ولا كأنك انت اللي كنت هتموتها. أسر بستغرب من قلبه: ها؟ لا، بس بطمن عادي. عز: ابعتلها حد لحد ما تخرج من المستشفى. أسر: أنا هروح أشوفها.

عز: تمام، شوف السوق وروح. في المستشفى. أسر بيفتح باب غرفة ريناد، مش موجودة على السرير. نزل بسرعة. أسر: فين مدام ريناد؟ مش في الغرفة ليه؟ الممرضة: إحنا آسفين يا فندم، دخلنا لقينا الغرفة فاضية. أسر: إزاي دا حصل؟ وفجأة فون أسر بيرن. أسر: ألو. مجهول: مراتك معايا، ولو مش هتنفذ اللي هقولك عليه هموتها. وهيكون شكلك وحش أوي لما كل الناس تتكلم على أسر بيه مراته اتخطفت، وماتت وهو مش قادر يعمل إيه. وتخسر اسمك اللي هو رأس مالك.