رواية اسير الحب الفصل السابع 7 - بقلم نورهان

آمنه: سمعت أن الشركه ولعت. ريناد: ربنا يستر. ريناد: ممكن أسألك ع حاجة؟ آمنه: اتفضلي يا بنتي. ريناد: إيه السر اللي خلى أسر تعبان نفسياً؟ آمنه بتبلع ريقها بخوف: لو أسر بيه أو عز باشا عرفوا إني قلتلك، هنموت أنا وإنتي. لازم الكلام ده مش تقولي لحد حتى نفسك. ريناد: أكيد، قولي في إيه؟ أنا قلقت.

آمنه: أسر بيه كان بيحب مدام ندي أوي قبل الجواز كمان، ولما اتجوزها كان فرحان أوي. كانت هي ست البيت وكل كلمة تقولها تتنفذ في الحال. وجه وقت حملها. ريناد: ها، كملي ساكتة ليه؟ آمنه: وفي يوم... ندى: ألو ي حبيبي، كلو تمام هنا. أه، أسر صدق إني حامل منه. أسر واقف قدام باب الأوضة بفستان سهرة لندي، واقف مصدوم وهو بيسمع. أسر دخل ومسكه من شعرها. أسر: ابن مين اللي في بطنك ي رخ*يصة؟ وأخد الفون.

أسر بصوت مرعب: إنت مين وليه عملت كده؟ مجهول: مراتك أصلاً اتجوزتك عشان فلوسك وبس، وهي على علاقة بيا. وأنا مش في مصر دلوقتي، رايح نفسك ومش تدور عليا. وقفل. أسر طلع مسدسه. ندى ببكاء: بتعمل إيه ي أسر؟ لا لا، أوعى تصدقه. أسر بعصيبة: كفاية تمثيل بقى، أنا هشرب من دمك. ندى بانهيار: أنا آسفة، هعيش خدامة تحت رجلك بس متقتلنيش ي أسر، أبوس إيدك. أسر رفع المسدس وقتلها. ريناد مش قادرة تستوعب إنها عايشة مع قاتل.

ريناد بخوف: وأهلها فين؟ آمنه: أهلها ناس واطية، أخدوا فلوس ومشوا. وأسر قالهم معرفش بنتكم فين، واداهم فلوس تمن سكوتهم. ريناد: يعني أسر ممكن يقتلني؟ أنا بجد كرهته وعايزة أمشي من هنا. آمنه: متجيبيش سيرة الموضوع ده تاني نهائي، مش ناقصين. وفجأة أسر وعز وصلوا. أسر كان شكله مدايق جداً، طلع على أوضته بسرعة. عز: اطلعي ورا جوزك وديله علاجه المهدئ بتاعه. ريناد بخوف: حاضر. فتحت الباب. أسر كان بيكسر كل حاجة في الأوضة.

ريناد بخوف: ممكن تهدأ؟ أسر مسكها من شعرها: أنا مش مجنون، فاهمة؟ ريناد ببكاء: أكيد. أسر بص لعنيها البريئة وبسرعة ساب شعرها. أسر بنبرة حنان: أنا تعبان أوي ي ريناد. ريناد: كله هيعدي، بس قول يارب. أسر نام على السرير. أسر: قربي ي ريناد. ريناد بخوف: قعدت جنبه على السرير. أسر: ممكن أنام في حضنك عشان أحس بالأمان. ريناد هزت رأسها آه. واخد أسر ونام زي الطفل. عند الزيات. الزيات: جهزت كل حاجة.

الحرس: أه، كلو تمام زي ما حضرتك أمرت. الزيات ب انتقام: المرة دي هزعله جداً. في القصر. صباح يوم جديد على أبطالنا. ريناد قامت براحة من جنب أسر. ونزلت تحضر الفطار لأسر. آمنه: بتعملي إيه ي هانم؟ قوليلي اللي عايزاه وأنا أعمله. ريناد: لا، أنا حابة أعمل الفطار النهاردة لأسر بإيدي. وقطعهم صوت الجرس. وهنا كانت الصدمة لريناد. هنعرف مين هيغير حياة أبطالنا، بس في بارت جديد.