رواية اسيرة الصاوي الفصل التاسع 9 - بقلم سجدة جمال

وقفنا المرة اللي فاتت لما سليم وعلي راحوا لسيدرا وتاليا. سيدرا: يلا يا بت نطلع نجري بسرعة. تاليا: يلا اجري يا مجدي. سيدرا وتاليا دخلتا مدخل العمارة، لقيا سليم وعلي عينيهما بتطلع نار. سيدرا: أعوذ بالله من الشيطان الرجيم، انصرف انصرف. تاليا: إحيه يا أبو سوسو إحيه. سليم أخذ سيدرا، وعلي أخذ تاليا على جنب. سليم بغضب: أنا مش قولت مفيش بناطيل تتلبس تاني ها؟ قولت ولا لأ؟

سيدرا: قولت بس أنت مالكش حكم عليا، ألبس اللي أنا عايزاه. سليم بغضب أكبر: أقسم بالله دا آخر تحذير ليكي، لو بس لو لمحت بنطلون تاني هنزعل، أشطا؟ سيدرا بعند: هلبس وهتشوف، وبعدين ما تزعل ولا تروح في ستين داهية أنا مالي. سليم بصوت حاد: لمي لسانك دا يا شبر ونص، وقسم عظمًا نفسي أشوفك ببنطلون تاني. سيدرا بعند أكبر: هتشوف يا خرتيت البحر أنت. سليم: سيدراااا اتلمي وخلي الليلة تعدي على خير. نروح بقى عند علي وتاليا.

علي: إيه اللي أنتِ لابساه دا؟ تاليا: نعم؟ بتقول إيه؟ أنت أهبل؟ أنت مالكش دعوة بيا. علي بغيرة وغضب: لا ليا ونص، وبكرة تشوفي بس، قسمًا عظمًا نفسي أشوفك لابسة البتاع دا تاني. تاليا: هلبس أنت مالك؟ علي بحدة: ما تخلينيش أحلف إنك مش هتشوفي الشارع تاني. تاليا: ههه بالله ضحكت، يا أقعد في حتة نشفي اجري. ويأتي الليل وسيدرا وتاليا سهرانين في البلكونة مع بعض، ويرموا على الناس قشر لب.

سيدرا: الأهبل ابن الهبلة بيقولي نفسي أشوفك ببنطلون تاني. تاليا: والحلوف التاني قالي كدا، هما هيعملوا ظباط علينا ولا إيه؟ سيدرا بردح: نعااام يا روح أمك، مين دا اللي يعمل ظابط علينا؟ توتؤ، على نفسهم. تاليا: إيه الله يخربيتك! بلاعة اتفتحت! أنا بتكلم عادي. ودا كله سليم وعلي في البلكونة اللي جنبهم وسامعين كل حاجة. علي: الشبر ونص بتاعتك دي مشكلة، الله يحرق لسانها يا أخي. سليم بغيرة: مالكش دعوة، خليك في تاليا. علي: إيه تا؟

إيه تا؟ أنت بتغير؟ سليم: نتلم يا علي ها؟ سيدرا: بت بقولك تعالي نرمي على أي حد ماشي بلونة ماية. تاليا: إحيه يلا. سيدرا: تعالي نملي الأول وبعدين نرمي على الناس. راحوا وجاوا. سيدرا: أنت يلا يا ابن سعدية. الواد: إيه يا أبلة سيدرا؟ سيدرا: عندك سكر؟ الواد: آه. سيدرا: ربنا يشفيك. الواد: ههه رخمة. سيدرا: أنا رخمة؟ طب استحمل بقى، هووب البالونة على الواد. الواد بعياط: أهئ أهئ، والله لأقول لماما. سيدرا: روح قولها أنا هخاف؟

دا كله وسليم وعلي وتاليا ميتين من الضحك. تاليا: الله يخربيتك! الواد ما عملكيش حاجة. سيدرا: أهو كدا وخلاص. سليم: هو دايماً كده، الشبر ونص مشكلة العالم. سيدرا بخضة: بسم الله، أنت بتطلع إمتى؟ سليم: في كل وقت. سيدرا: نينينينين خفة. الست مامة الواد جت وبتنادي عليهم. الست: أنتِ يا بت يا سيدرا، اللي أنتِ عملتيه في الواد ده. سيدرا: دا مش أنا، دي تاليا. تاليا بصدمة: آه يا بنت الكلب وربنا ما أنا.

الست: آه كل واحدة تقول مش أنا، مين يا حبيبي اللي عمل فيك كده؟ الواد: سيدرا يا ماما. سيدرا: آه أنا عندك مانع بقى؟ الست: أومال بتقولي مش أنا ليه؟ سيدرا: بحب أرخم. الست: دا أنتِ بجحة بصحيح. سيدرا: يلا يا ست ترقينا. سيدرا جابت ببالونة كمان وهووب ورمتها عليهم بس بعيدة سيكا. الست: تصدقي إنك ما تربيتيش. تاليا: وربنا ما أنا (سيدرا كانت مستخبية) سيدرا بضحك: أحسن أحسن. تاليا: منك لله يا مفترية.

تاليا: يلا باي أروح بقى أنام هههخ. سيدرا: باي يلا تصبحي على جنة. تاليا: وأنتِ من أهلها. عند سليم قاعد على السرير بيفكر في الشبر ونص ويضحك. وعند سيدرا بتفتكر أما شتمته وجريت وقالت هولاكولا دا حسابه تقيل معايا. وتاليا وعلي نفس النظام.