رواية اسيرة الصاوي الفصل التاسع والعشرون 29 - بقلم سجدة جمال

افكركم وقفنا البارت اللي فات لما أبطالنا كتبوا الكتاب. في صباح يوم جديد تستيقظ سيدرا بانزعاج بسبب الفون بيرن. سيدرا بنوم وضيق: ألو يا تاليا الكلب، أنتِ ما تعرفيش إن دا ميعاد نومي؟ بترني ليه ها؟ سليم بضحك: دا أنا. سيدرا بنوم: اممم، وأنت مين بقى إن شاء الله؟ كدا أقفل بكرامتك بدل ما أمشيك من غيرها. سليم بصوت عالي: سيدراااا!

سيدرا بنوم أكتر: يوووه، حتى وأنا نايمة بحلم بالأهبل الطويل اللي زي النخلة دا، ما تقفل يا عم أنت الله! سليم بضحك مكتوم ثم كمل بعصبية: بت أنتِ اتلمي، في حد يقول لجوزه كدا؟ بس الصبر أما تبقي في بيتي نبقى نقفل الحساب قديم وجديد. سيدرا بفزع: إيه يا باااا، في إيه؟ وبعدين أنت بترن ليه دلوقتي؟ سليم: حبيت أسمع صوتك قبل ما أنام يا حرمي المصون. سيدرا بقرف: أعععععع إيه المحن دا يا بااا! أنا مليش في جو العشق المفقوع دا.

سليم بضيق: وربي أنتِ ما بتفهمي، بت فصيلة أبو شكلك. سيدرا: تمام، مش أنا بت فصيلة، اقفل بقى يا با عايزة أنام، الفرح بكرة، كتك الهم. سليم: ماشي يا شبر ونص، بايو. سيدرا بمقاطعة: تصبح على جنة. سليم بعشق: وأنتِ من أهلي. سيدرا: اقفل اقفل، أنا غلطانة إني اتكلمت، اقفل. وما استنتش يرد وقفلت. سليم بصدمة: بقى أنا سليم الصاوي شبر ونص زي دي تقفل في وشي؟ بعد ساعتين جت تاليا وحنان بتاعت الميك آب. تاليا: خالتو سيدرا فين؟

الأم بقهر: نايمة يا بنتي. تاليا بصدمة: نايمة إيه يا خالتو؟ أنتِ بتهزري؟ الأم: لا والله مش بهزر، وأدخل أصحّيها تقولي خمسة وهطلع وما تصحاش، آخر ما زهقت ماروحتش تاني، خشي أنتِ صاحيها بقى. تاليا: تمام. ودخلت جوا. تاليا: يا سوسوووو قومي يلا. سيدرا: 😴😴😴 تاليا بخبث: ما تقومي براحتك بقى. وطلعت برا راحت عند هناء. تاليا: خالتو عندك تلج؟ هناء باستغراب: إيه يا حبيبتي ليه؟ تاليا: عشان أصحي القتيلة اللي جوا دي.

هناء بضحك: هتلاقي القالب في الفريزر. تاليا: أشطا. ودخلت خدت وجات تاني لسيدرا. حنان: تفتكري هتقوم بردو؟ تاليا: اصبري وشوفي. وحطت التلج في ضهر سيدرا. سيدرا بفزع: هاااااح إيه داااا؟ أنتِ حطاه إيه هاااح يححححح! حنان وتاليا بضحك: أحسن عشان عمالين نصحي فيكي من الصبح وأنتِ غيبوبة ولا كأنك هنا. سيدرا بغضب: ماشي يا تاليا الزفت أنتِ! تاليا بعدم كلام لكلامها: يلا يا عسل زي الشاطرة كدا قومي خدي دش حلو وتعاليلنا.

سيدرا بتفكير: صح يا عيال جبتوا سيا هي كمان عشان تتمكيج؟ تاليا: أنتِ لطخ، وهي هتيجي هنا ليه يا مهزأة هانم؟ أنتِ المفروض أخوكي هو يروح يجيبها من بيت أهلها. سيدرا: أوووف طيب نسيت. (فرح مراد مع علي وسليم) نسيبكم بقى من دول ونروح للشباب. عند الشباب: مراد: ها يا شباب هنعمل إيه الأول؟ سليم: أكيد يعني هناخد دش. علي بمقاطعة: والحلاق هيجي هنا عشان ما فيش وقت نروح صح؟ سليم بغيظ: أه وبعدين نلبس وبس كدا. مراد وعلي: أشطا.

مراد: طب أنا هدخل أخد دش الأول. علي: لا أنا الأول. مراد: والله ما يحصل، أنت بتولد في الحمام، أنا مش بغيب. سليم بمقاطعة: ولا أنت ولا هو. ودخل وقفل باب الحمام. مراد بضيق: تعرف إنك بارد. علي: هتتلم ولا أجي أزنقك علقة؟ مراد: بس يا بابا بس يا عسل، اتكلم على قدك. سليم من جوا: طب اتلم أنت بقى عشان ما أخلكش تتكلم أنت على قدك. علي بضحك: يعني كسفك. سليم: واتلم يا بقاف أنت كمان. مراد بضحك: هههههه بقاف هموت.

علي: طب اسكت عشان ما أضربكش. سليم: أنا مش عايز أحلف في الحمام، هطلع أرزعكم وأدخل تاني فاتلموا. علي ومراد ببرطمة: بااارد. سليم: هااااا؟ علي ومراد بخوف: خلاص يا كبير. تسريع الأحداث: في المساء كان الجميع في حالة بهجة وفرحة. وعلي وسليم راحوا أخدوا العرسان وراحوا مع مراد عشان يجيب سيا ويروحوا على القاعة. بعد دقايق في القاعة: في كوشة سليم وسيدرا. سليم بغيرة واضحة: أنتِ ليه ما ورتينيش الفستان قبل ما تلبسيه؟

عاجبك شكلك دا يعني؟ سيدرا بمشاكسة: ماله ما هو جميل أهو، وبعدين أوريك إزاي يعني؟ وتبقى مفاجأة إزاي بردو؟ سليم بغيرة: ماهو مفتوح شوية من عند الرقبة، وياريت الطرحة كانت مدارية شوية، لا وحضرتك مبينة شعرك، الحساب في البيت. سيدرا: طب اسكت أنت بقى. في كوشة علي وتاليا. علي: إيه القمر دا يا خواتي؟ وربنا أنا مش عارف مستحمل الكل يشوفك إزاي بس! تاليا بكسوف: شكرًا. علي بضيق: نعم يا أختي شكرًا إيه؟

قوليلي بحبك لاما هابوسك قدامهم عادي. تاليا بكسوف: بحبك يا علوة. علي بعشق: وأنا بموت فيكي، ما تجيبي بوسة هالحين. تاليا ووشها اكتسى باللون الأحمر: علي بطل قلة أدب. علي بغمزة: أشطا يا حبيبي، ساعات وتبقى في شقتي. عند كوشة مراد وسيا. مراد: زي البدر المنور يا خواتي، قمر يا ناس، بقى أنا متجوز الجمال دا؟ سيا بكسوف وعشق: تعرف إني بدأت أعجب بيك وحبيتك على طول. مراد: أنا أتحب أساسًا، والبنات بتجري ورايا قد كدا 🤏🏻😂.

سيا بغيرة: مراد! مراد بحب: عقله وروحه، بحبك يا بنوتي. سيا: وأنا كمان. وها هي إلا ساعات وكل عريس خد عروسته وراحوا على الفندق اللي هيقضوا شهر العسل فيه. في أوضة علي وتاليا. علي: ها يا روحي يلا غيري وتعالي عشان نصلي ونبقى ناكل. تاليا بتوتر: حـ حاضر. علي: بقولك إيه، أنتِ مش ناوية تقلعي الإسدال؟ تاليا: علي بطل قلة أدب. علي بقرب: حاضر هابطل. وقرب أكتر. (يلا يا بت من ليها هش هش منها 😂) في أوضة مراد وسيا نفس علي وتاليا.

تعالوا نروح للمصيبة بتاعتنا. سليم بخبث: وها قد حان تخليص الحساب. سيدرا: ها سـ سليم هو الحمام منين؟ سليم: هو دا وقته؟ سيدرا: أه وقته. سليم: الحمام على إيدك اليمين. سيدرا دخلت وقعدت نص ساعة جوا. سليم بيخبط: ها يا ماما أنتِ هتباتي جوا؟ سيدرا بضيق: طالعة، يكش تطلع روحك. سليم: لسانك يا جميل عشان الحساب بيتقل. سيدرا طلعت ومثلت النعسان: هااا، أهو الحمام، خش براحتك، وسع بقى عايزة أنام.

وسابته ونامت على طول أو بمعنى أصح بتمثل النوم. سليم بصدمة: أحيه يا أبو سوسو أحيه! نقيتوا فيها يا واد الـ... سليم بخبث أما شاف عينها بترمش: مسيرك يا ملوخية تيجي تحت المخرطة، بكرة نبقى نشوف الحساب. سيدرا في نفسها: ههه دا عند أمك. تيتيا.