أحمد: أحبك إيه يا بنتي، دا إحنا زي الأخوات.
قمر بغضب: إيه؟ أنت بتهزر؟ أنا كنت مستنياك كل ده، وفي الآخر تقول إحنا أخوات؟
راحت مشيت وسابته وهي بتعيط.
جت نيفين لأحمد.
نيفين: قمر يا قمر! سألت أحمد: أنت مين وهي راحت فين؟
أحمد: أنا أحمد ابن عمها.
بصت نيفين لأحمد من فوق لتحت وقالت: ابن عمها.
راح ركب أحمد عربيته.
أحمد: عن إذنك.
وبعد ما مشي.
نيفين بنظرة إعجاب: هو ده ابن عمها.
وعند نعمة في البيت بتكلم حد في التليفون.
- بنتك محظوظة إن ابني وافق عليها.
نعمة: ربنا يتممها على خير، أنا بنتي برضه كان بيجيلها عرسان كتير بس بترفضهم، بس الحمد لله وافقت على واحد.
- هي قمر فين؟
نعمة: بره.
- هي في كليتها؟ ولا إيه؟ أه هي في أولى ولا تانية كلية؟
راحت توترت نعمة وعملت نفسها مش سامعة.
نعمة باصطناع: الووو، الخط بيقطع مش سامعة.
راحت قفلت الخط.
نعمة بقلق: الحمد لله إنها جت على كده.
وعند قمر، وصلت البيت وطلعت. وأول ما دخلت لاقت والدة صقر قاعدة مع نعمة في الصالون.
نعمة: أهو قمر جت، قمر تعالي الست منى عايزة تتكلم معاكي.
ودخلت نعمة المطبخ.
قمر بهمس: أوف.
وجت وقعدت جمبها بابتسامة زائفة.
منى: عاملة إيه يا حبيبتي؟
قمر: الحمد لله.
منى: أنتِ لسه راجعة من الجامعة ولا إيه؟
قمر: جامعة؟ أنا مش في جامعة.
منى بتعجب: مش في جامعة، يعني إيه؟
قمر بتوتر: قصدي كنت مع زميلتي، مروحتش الجامعة.
منى: آه، أنتِ في سنة كام؟
قمر بتوتر: أنا... أنا في تالتة كلية تجارة.
منى: ماشي يا حبيبتي.
وطلعت منى ورقة فيها شوية كلام وقعدت تقرأ فيه.
منى: معلش يا حبيبتي، ممكن تقرئيلي الكلمة دي عشان نظري ضعيف.
قمر بتوتر جامد: إيه؟ آه، آه طبعاً.
بصت في الورقة وهي إيدها بتترعش ومش عارفة تقرأ.
منى بخبث: إيه يا حبيبتي، الكلام مش واضح؟
قمر: ... لا لا بس... بس... أنا....
وحاولت تقرأ بس مش عارفة.
منى: بس إيه؟
قمر بتوتر: أنا مش عارفة.
راحت شدت الورقة منها وقامت.
منى: هو كان باين على شكلك.
قمر فضلت ساكتة ومش عارفة تتكلم.
راحت قامت وشالت حاجتها ومشيت، بس وقفتها نعمة قبل ما تمشي.
نعمة: فيه إيه ماشية بسرعة ليه كده؟
منى: ابقي ودي بنتك المدرسة يمكن تقرأ، أنا مش هجوز ابني بنت مش متعلمة.
نعمة اتصدمت وخرجت منى وقفلت الباب.
نعمة بغضب لقمر: أنتِ قولتلها إيه؟
قمر ساكتة ومش بتتكلم.
نعمة: آآآه، سادس مرة تطفشي عريس، أنتِ مش بتتعلمي؟
قمر بدموع: أنا مش فاهمة، مين الغلطان؟ القعدني في البيت وقال البنت آخرها الجواز، ولا أنا السبب؟
راحت دخلت جو الأوضة بتاعتها وقفلت الباب.
وفي اليوم اللي بعده الصبح، في قصر صقر وعائلته بيفطروا.
منى: صقر، أنا مجهزة لك عروسة أعرفها بنت واحدة صحبتي، هنروح بكرة عشان تقبلها.
صقر: نعم؟ وقمر راحت فين؟
منى: سيبك منها دي جهلة مش متعلمة، أنا عايزة أجوزك بنت....
وقطعها صقر.
صقر: أنا عارف إنها كده وأنا مش هروح معاكي أي حتة بكرة، أنا مش فاضي عندي اجتماع وكمان هروح أكتب كتابي على قمر بعد بكرة.
منى بصدمة: نعم؟ مش هيحصل، وعرفت ومتقوليش.
صقر قام من على الفطار.
صقر: ده آخر كلام عندي، أنا ماشي.
وخرج صقر من القصر.
منى: صقر... استنى، أنا مش عارفة هو إيه اللي عاجبه في البنت دي.
فجأة وهي قمر في الشارع ورجعة من مشوار هي ونيفين.
نيفين: مالك، إيه قالبة وشك من الصبح؟
قمر: مفيش.
جه مكالمة تليفون لنيفين واضطرت تمشي بسرعة. ورجعت قمر لوحدها والجو كان مغيم، فجأة بدأ يمطر. افتكرت زمان أم كانت بتجري وهي صغيرة من أحمد في الشارع والدنيا بتمطر.
أحمد: قمر تعالي جوه هيجيلك برد.
قمر: مش هدخل، أنا بحب ألعب في المطر.
أحمد: أنا أكبر منك بـ 8 سنين والمفروض تسمعي الكلام.
قمر: مش جايه، ولو شاطر امسكني.
أحمد: ماااشي.
راحت بدأت تدمع وقالت: ليه عملت كده يا أحمد؟ فجأة لاقت ضوء جنبها بينور جامد وصوت عربية نقل كبيرة. ماخدتش بالها منها وفجأة شنطة قمر اترمت.