رواية اسير قلبها الفصل الحادي عشر 11 - بقلم اكسج ين

عارفة أنا هعمل إيه يا ملك. هتعمل إيه؟ هنتجوز. نتجوز! دا اللي هو إزاي؟ فارس قعد ع الكرسي بهدوء. زي الناس. يعني إيه يا فارس؟ إنت فاهم إنت بتقول إيه؟ إيه؟ هو أنا قولت حاجة غلط؟ قولتلك هنتجوز. وشاهيناز؟ مش هتعرف. مش هتعرف إيه؟ إننا اتجوزنا. يعني إيه مش هتعرف؟ يعني الكل هيعرف إلا هي. لأ، ما هو محدش هيعرف. إزاي يعني؟ دا جواز في السر دا يعني ولا إيه؟ بالظبط كده يا ملوكتي. ملك اتضايقت جداً من فارس وكلامه.

ومين قالك إني هوافق اتجوزك أصلاً؟ ما أنا مش باخد رأيك، أنا هنفذ على طول حتى لو إنتي مش موافقة. فارس هو إنت اتهبلت في مخك ولا فيه إيه بالظبط؟ إزاي تبقى خاطب وتروح تتجوز واحدة تانية؟ إنت بتحب مين بالظبط؟ فارس قرب ناحيتها وبص في عيونها جامد. بحبك إنتي يا ملك. ملك فرحت جداً وأخيراً اعترف. بجد يا فارس؟ بجد يا عيون يا فارس. ها، موافقة تتجوزيني؟ قدام الكل، إنما في السر لأ. لأ يا ملك، جوازنا هيبقا في السر.

ولما إنت بتحبني ليه نتجوز في السر وليه خطبت شاهيناز؟ مش شغلك يا ملك، بعدين هتعرفي إن اللي أنا بعمله صح. وأنا مش هتجوز في السر يا فارس. أما نشوف. فارس مراد. أيوا يا فندم. قدامك أسبوع بالكتير والمهمة تكون انتهت. حاضر يا فندم. وقفل معاه الخط. ياترى مهمة إيه اللي عايز يخلصها دي؟ ملك ملك ملك. إيه يا فارس؟ فيه إيه؟ تعالي معايا بسرعة. فين يا فارس؟ فيه إيه؟ تعالي بس. لبست ملك ومشيت معاه. بعد شوية وصلوا في بيت وطلعوا العمارة.

إيه دا يا فارس؟ ادخلي بس وهتعرفي كل حاجة. دخلت ملك الشقة ولقيت المأذون قاعد واتنين من صحابه قاعدين. أنا قولتلك مش هتجوزك يا فارس إلا قدام الكل، صح ولا لا؟ صح، بس دا قرارك إنتي مش قراري أنا. أنا قراري بنفذه على طول. وأنا مش هتجوزك. بعد شوية قعدها وكتب كتابه عليها مع منعها له بعدم كتب الكتاب، بس لا حياة لمن تنادي واللي في دماغه بينفذه. مبروك عليا إنتي يا ست البنات. اللي عملته هتندم عليه، خلي بالك.

مش أنا اللي بندم على قرار خدته يا روح قلبي. يلا بينا بقى نخرج نتفسح بمناسبة كتب كتابنا. عارف يا فارس لو طولت أولع فيك دلوقتي مش هستنى لحظة. فارس بإبتسامة. عارفة يا قلب فارس لو طولت أبوسك دلوقتي مش هستنى ثانية والله. فامشي وإنتي ساكتة علشان معملهاش. مشيوا مع بعض في الشوارع. تاكلي إيه يا ست البنات؟ مش هاكل. عارفك بتحبي البيتزا وطلب بيتزا لهم. على فكرة قولتلك مش هاكل. مبتعرفيش تقاومي الأكل أصلاً.

فارس إنت ليه اتجوزتني في السر؟ إنت لو بتحبني كنت اتجوزتني قدام الكل يا فارس، صح ولا لا؟ والله هتفهمي كله بعدين. مش عارفة أفهمك يا فارس. كلي كلي، بكرة تفهمي. وقعدوا كلوا مع بعض وقضوا يوم جميل وركبوا العربية علشان يرجعوا البيت. فارس. عيونه. أنا حاسة إن فيه حاجة هتحصل ليك، أنا خايفة أوي. متخافيش يا حبيبتي، أنا معاكي أهو. وبعدها سمع صوت ضرب نار.