رواية اسير قلبها الفصل التاسع 9 - بقلم اكسج ين

نزلت ملك العربية وهي داخلة القاعة خبطت في حد. "آسفة جداً." عبدالرحمن بابتسامة: "ولا يهمك يا قمر." ملك وطت تجيب المحفظة اللي وقعت منه وشافت صورة لها وهي صغيرة. "انت تعرف البنت دي؟ عبدالرحمن بحزن واضح عليه: "دي ملك بنت أخويا، من يوم وفاة جدتها اللي هي تبقا أمي واحنا مش لاقيينها." ملك واقفة تسمع الكلام وبتعيط وأخيراً لقت عمها. "انتي بتعيطي ليه؟ ملك حضنته: "أنا ملك يا عمي." عبدالرحمن مبقاش مصدق: "ملك بنت أخويا!!

"ايوا يا عمي." عبدالرحمن ضمها له أكتر وفضل يعيط: "يا حبيبتي يا بنتي وحشتيني يا ملك، والله وحشتيني يا بنت أخويا والله." "وانت كمان يا عمي والله." جه من وراهم هند مامت شاهيناز. "إيه ده ملك!؟ انتي تعرفي عبدالرحمن منين وحاضنين بعض كدا ليه؟ عبدالرحمن خرج ملك من حضنه: "دي ملك يا هند، بنت أخوكي." "إيه!! انت بتقول إيه؟! "دي ملك يا هند بنت أخوكي." هند عيطت وحضنتها وملك اتصدمت أكتر يعني شاهيناز تبقا بنت عمتها.

شاهيناز وفارس باصين للي بيحصل وعلامات الاستغراب على وشوشهم. "عايز أفهم اللي بيحصل." عبدالرحمن بابتسامة فرحة: "اكيد مستغربين دلوقتي من اللي شفتوه." "جداً، فيه إيه يا ملك؟ "أخيراً يا فارس لقيت عيلتي." فارس اتصدم معقولة عبدالرحمن يبقا عمها وفكر شوية. "يعني عمي عبدالرحمن أصلاً أخو طنط هند، يعني طنط هند تبقا عمة ملك وشاهيناز ومالك يقربوا لملك؟ "بالظبط كدا." "إيه ده دا أنا اتصدمت بجد."

وبعد شوية لقى سامر جاي ودا جاي يكمل صدمتهم. أول ما ملك شافته: "فارس خد بالك من سامر، أنا خايفة يأذيك." عبدالرحمن واقف مستغرب هما يعرفوه منين: "انتوا عارفين سامر منين؟ ملك بإندفاع: "دا إنسان وقح جداً يا عمي، تخيل خطفني علشان يهدد فارس بيا علشان يخلي فارس يوافق إنه يهرب مخدرات." عبدالرحمن واقف ونفسه الأرض تنشق وتبلعه مكسوف من اللي ابنه عمله: "سامر يبقا ابني يا ملك، يعني يبقا ابن عمك." ملك وفارس هيتجننوا: "إيه."

"ازيكوا يا جماعة." "أيه ده أبو الفوارس هنا؟ أه صح انت العريس أنا نسيت." "سلم على بنت عمك يا سامر." سامر بإستغراب وبيتلفت حواليه: "هي فين يا بابا." "قدامك أهي ملك بنت عمك يا سامر." سامر اتصدم. "أنا عارف إنك مصدوم، أصلاً النهاردة يبقا يوم الصدمة." سامر بعد عنهم مصدوم أكتر إنه خطف بنت عمه وعمل فيها كدا. عدا الفرح بسلام بس ملك الفرح مكنش بيعدي عليها بسلام نهائي. "يلا يا ملك اركبي."

عبدالرحمن بفرحة: "تركب فين يا جدع انت عايز تاخدها مني." فارس اتضايق: "مين اللي بياخدها من التاني؟ حضرتك عايز تاخدها وهي مفروض إنها عايشة معايا أصلاً." "هي كانت عايشة معاك علشان مكنتش تعرف فين أهلها، إنما دلوقتي بقا ليها أهل." فارس: "بس أنا اتعودت على وجودها معايا في البيت يا عمي." "هتعيش معايا بعد كدا." "لا هتعيش معايا أنا." "هسيبها لك النهاردة تحضر هدومها وكل حاجة ليها، وهاجي آخدها بكرة."

فارس مستحيل يخلي ملك تبعد عنه بس هز راسه بالموافقة علشان يفضي الموضوع. "ملك." "نعم يا فارس." "إيه ده انتي بتعيطي يا ملك." ".... "طيب فيه إيه." "مفيش يا فارس، أنا بس فرحانة إني لقيت أهلي." "أه بمناسبة الموضوع دا هتقعدي معايا يا ملك ولا هتعيشي عند عمك." ملك بصتله وخلص البارت.