رواية اسير قلبها الفصل الرابع عشر 14 - بقلم اية هاني

فارس وملك وصلوا البيت وأول ما دخلوا لقوا أمير. "إنت إيه اللي جايبك هنا؟ أمير بابتسامة وهو يبص لملك: "جاي أتقدم لملك." فارس نزل ضرب فيه: "لو لمحتك في طريقي تاني مش هسيبك عايش تاني، ملك دي تخصني أنا، تبقى مراتي فاهم؟

أمير بعصبية: "على العموم أنا عرفت كل حاجة من أهلك، أنا كنت جاي أعتذر لملك إني وقفتها في الطريق علشان عارف إن ده غلط، ولما قولتلهم إني بحبها قالولي إنك كتب كتابك عليها. أنا عمري ما كنت هتقدم دلوقتي لإني لسه في تالتة ثانوي، بس اتفقنا إننا نقولك كدا ونشوف ردة فعلك. بس يا ريت ما اتفقنا على حاجة." فارس هدي شوية: "بقى كدا بتتفقوا عليا؟ فيروز بضحك: "كنا حابين نشوف ردة فعلك." "وشوفتوا." "عن إذنكم أنا بقى."

"استنى دعوة مني ليك لفرحنا." "ألف مبروك يا جماعة، مستني أهو." ومشي. كان زعلان لأنه كان بيحب ملك جداً، بس عارف إن ده نصيب. فارس: "إنت إزاي تقرر إن فرحنا هيكون الأسبوع الجاي وإنت عارف إني بدرس لسه؟ ملك: "يا حبيبتي مش عايز حد يبصلك تاني، أخلص من أمير يجي مالك، أعمل إيه فيكي وبحلاوتك يعني؟ وكمان فرحنا مش الأسبوع الجاي، عشان فرح رغد، فرحنا هيبقى الأسبوع اللي بعده." "طب وبعدين؟

"جهزي نفسك يا روحي، هنروح النهاردة نشتري فستان الفرح." "والدروس بتاعتي يا فارس؟ "يا حبيبة فارس، بعد ما نتجوز هشرحلك كل اللي فاتك." "وعد؟ "وعد." "طب اخرج بقى عشان عايزة أنام شوية." "ما ننام سوا عادي." "اخرج برا يا فارس أحسن لك." "مش خارج بقى، هنام هنا معاكي." "طيب ماشي، هروح أجيب أي حاجة آكلها من برا وجاية." "ماشي يا حبيبتي." وخرجت راحت أوضته وقفلت الباب بالمفتاح وسابته هناك في أوضتها.

فارس فضل مستنيها، بس هي مجتش. خرج ينادي عليها وهي مش بترد. راح أوضته يشوفها فيها، لقى الباب مقفول بالمفتاح. "بقى كدا يا ملك؟ ماشي، والله هيطلع على عينك لما نتجوز، اصبري عليا." "المهم قدرت أفلت منك." "مش هتعرفي تاني." "أما نشوف. تصبحي على خير يا ابن مراد." "وإنتي من أهلي يا قلب ابن مراد." جه يوم فرح رغد، اللي كله كان زعلان عشانها هتسيب البيت. "هتفضلوا تعيطوا كدا يعني؟ طب اهو." وقعدت جمبهم: "مش متجوزة."

آدم بضحك: "قومي يختي، قال مش متجوزة." "هما بيعيطوا." فارس حب يلطف الجو: "أنا بعيط عشان زعلان على آدم إنه هيتجوزك يا هبلة، ربنا يكون في عونك يا آدم." رغد: "يا ابن اللذين! طب والله لأتجوز وأروح أعيش مع حبيبي." "أيوا كدا، عين العقل يا حبيبتي، بتفهمي. يلا عشان الساعة بقت 1." "يلا يا قرة عيني. يلا يا ملك." "جاية أهو، اسبقونا انتوا وفارس هيجيبني." "ماشي يا سكر انتي." ومشيت هي وآدم. "إيه يا بت يا رغد الجمدان ده؟

"يعني في الأول مكنتش جامدة يا آدم ولا إيه؟ "لا يا عيون آدم، انتي كنتي جامدة، بس النهارده أجمد بكتير. ربنا يحميكي من عيون الناس يارب." "خطاف القلوب إنت أوي." "يبت يا جزمة، انتي قلبك كان هينط من مكانه يوم ما شفتيني." "ما إنت صراحة كنت قمر أوي. أنت يعني قلبك مكنش هينط يومها؟ "لا صراحة، هو نط وجه ليكي، وجيت بعدها بتاني يوم أطلب قلبي." "كان يوم جميل يا حبيبي والله." "والنهاردة بقى أجمل يا أجمل بنوتة اتخلقت في الكوكب ده."

وخلص الفرح، وراحت رغد مع آدم، وابتدوا حياة جديدة مع بعض. ملك وفارس بيجهزوا لفرحهم هما كمان. "فارس، إنت متأكد إنك عايز تكمل معايا؟ "إنتي بتتكلمي كدا إزاي يعني؟ "يعني عشان أنا صغيرة عليك، لما حد يقولك مثلاً إني صغيرة عليك مش هتضايق؟ "بطلي الهبل بتاعك ده يا ملك وروحي يلا البسي ونشوف الفستان اللي مش هيجي ده، بقالنا أسبوع بندور على فستان حلو." "هنلاقيه النهاردة إن شاء الله." "طب البسي يلا." "فيها حاجة لو روحت كدا؟

"بالدريس ده؟ "أيوا، ماله؟ "اطلعي غيري يا ملك بدل ما أزعلك." "ليه بس؟ فيه إيه؟ الدريس يعني؟ "مش عاجبني." "أووف." وطلعت تغير ونزلت، وراحوا يشتروا الفستان. بعد عدة أيام، جه يوم فرحهم. "مكنتش أعرف إنك هتبقي جميلة كدا يا ملك." "بجد؟ بس أنا مش طايقاك." "يا أوزعة." "هسيب الفرح وأمشي." "تقدري." "مقدرش يا رخم، بس إنت طويل كدا ليه؟ هرقص معاك إزاي؟ "أشيلك يا روحي." "طب يلا، الكل مستنينا برا." "بحبك يا ملك."

"بموت فيك يا أجمل عمو في الدنيا." فارس افتكر يوم ما قالتله عمو: "ممكن توديني لماما؟ "هو أنا كنت كبير لدرجة تقوليلي عمو؟ "آه عشان كنت طويل أوي، ففكرتك عمو." "عبيطة." "بس بتحبني." وعدى الفرح بسلام وسعادة جداً. "وأخيراً اتقفل علينا باب وبقينا في أوضة واحدة ومش هتعرفي تفلتي مني." ملك بارتباك: "ما فيش أي مخرج." فارس بيقرب عليها وفك الحجاب بتاعها: "لا مفيش." ملك بتوتر أكتر: "طب هروح أجيب أكل عشان جعانة أوي."

فارس بضحك وغمز لها: "أجيبلك أنا يا روحي، خليكي عندك." وخرج يجيب لها أكل، وهي عمالة تفكر تعمل إيه. "أنا هعمل نفسي تعبانة وكدا مش هيقدر يجي جنبي. لا لا، ممكن يعرف إني بضحك عليه." "بس لقيتها خلاص." وجه فارس: "الأكل أهو يا حبيبتي، ادخلي غيري هدومك وأنا هغير هدومي ونصلي وناكل." "ماشي يا حبيبي." ودخلت الحمام وبدأت تنفذ خطتها، ووقعت علب الشامبو والمعطر وعملت نفسها وقعت. "آآآه، فارس الحقينيييي! فارس اتخض عليها جداً

وفتح الباب بسرعة: "مللك! "الحقني يا فارس، رجلي حساها اتكسرت." فارس شالها من الأرض ونيمها ع السرير. "استني، هتصل بالدكتور يا حبيبتي، متخافيش." ملك ببكاء: "لا لا، مالوش لازمة، شوية وهبقى كويسة." "بس لازم أي دهان أو أي حاجة يعني عشان رجلك." "إنت أكيد زعلان عشان أنا وقعت والنهاردة فرحنا صح؟ "لا يا روحي مش زعلان، الأيام جاية كتير، أهم حاجة إنتي تكوني بخير." "طيب ساعدني أغير الفستان بس عشان أعرف أنام."

فارس ساعدها تغير الفستان ولبست بيجامة وناموا هما الاتنين. جت الساعة 3، ملك قامت من جنب فارس وراحت ناحية الأكل: "دا أنا طلعت عبقرية وبعرف أمثل كمان." "هه، بسم الله، أما آكل بقى." "يعني كنتي بتضحكي عليا يا ملك؟ ملك بخضة: "يالهووي! هووف، جيت ورايا امتى؟ "من ساعة ما قلتي عبقرية." "أنا عبقرية!؟ "وبتتعرفي تمثلي كمان." "أنا يا ابني مين قالك كدااا! "تعالي وأنا أقولك."

وشالها من ع الكرسي وراحوا بقى لعالمهم الخاص. وبكدا تكون انتهت الرواية.