رواية اسير قلبها الفصل الحادي عشر 11 - بقلم اية هاني

_حاسب يا فارس. = نزلي راسك يا ملك بسرعه. _حاضر حاضر. ونزلّت راسها وهو سرّع عربيته وضرب النار شغال من ورا. ملك قامت بصّت من الشباك بسرعه، لقته سامر. _انتي متخلفة يا ملك، انزلي تحت بسرعه. = دا سامر يا فارس، أنا هرن على الشرطه. _مترنيش على حد، هتصرف دلوقتي. ودخل يمين بعربيته وهما دخلوا شمال. = هما كده هيلفوا ويجوا بردوا. _هنكون مشينا شويه. ومشي بسرعه بعربيته لحد ما رجع البيت بسلام.

ملك وفارس دخلوا البيت ولقوا عبدالرحمن موجود. _وحشتيني يا بنت أخويا والله. ملك راحت له وحضنته. = وانت كمان يا عمي والله. _ها جهزتي حاجتك؟ ملك بتوتر: أصل يا عمي... أنا. فارس اتكلم: ملك مش هتمشي من البيت يا عمي. _ازاي ده، دي بنت أخويا يعني بنتي وهتعيش معايا، إنما انت لا تقرب لها ولا أي حاجة. = بس أنا قولت ملك مش هتمشي من البيت. _وأنا هاخدها معايا البيت.

= بس أنا مش هعيش معاك يا فارس، ولا هعيش معاك يا عمي، أنا هقعد لوحدي. عبدالرحمن: انتي اتجننتي، مفيش حاجة اسمها تقعدي لوحدك دي. _يا عمي حضرتك عندك ابن، ومينفعش إني أعيش في نفس البيت معاه. وانت يا فارس، لأنك متقربليش مش هينفع إني أعيش معاك بردوا. فيروز: انتي من يوم ما دخلتي البيت ده يا ملك، وأنا بعتبرك بنتي والله. _عارفة يا ماما والله، بس أنا كبرت وما بقاش ينفع أعيش في البيت معاكوا. رغد ببكاء: يعني هتمشي وتسبيني يا ملك.

ملك بحب وراحت حضنتها: إيه رأيك نعيش سوا، بلا ماما فيروز بلا بابا مراد. وضحكت. رغد بإبتسامة: موافقه. دار بين العيلة نقاش وخناق طويل لحد ما لقوا حل. فارس بهدوء: خلاص، ملك ورغد هيعيشوا في شقة تانية. مراد بتدخل: بس من الموجودين في العمارة جنب الفيلا بتاعتنا. _أكيد يا بابا. فيروز: طيب يلا علشان نتعشى يا جماعة. = عن إذنكم أنا بقى، ويا ملك يا بنتي لو احتاجتي أي حاجة تقوليلي. _حاضر، ربنا يخليك.

ومشي عبدالرحمن بعد ما فضلوا يعزموه على العشا بس مرضيش. _على ما إن بعدك عني صعب، بس هستحمل الأسبوع ده، وبعدها الكل هيعرف بجوازنا يا حبيبتي. = مش عارفة إنت إيه اللي في دماغك، بس واثقة إنك بتعمل حاجة مهمة وكويسة يا فارس. _ممكن أعمل حاجة ومتضايقيش؟ = مش عارفة هتضايق ولا لأ. _طيب نشوف هتضايقي ولا لأ بعدين. وقرب منها وباسها بسرعه. ملك بكسوف: فارس... انت... انت عملت إيه. فارس حط إيده على شعرها ورجع خصلات منه ورا ودانها بحب.

= معملتش حاجة عادي يا حبيبتي. ملك طبعًا متوترة ومكسوفة من قربه. = طيب... هو... هو ممكن يعني تبعد شوية. _أكتر من كده. = هو انت كده بعيد. _آه أوي. = طب ابعد بقى علشان ممكن حد يدخل علينا دلوقتي. _عادي، انتي مراتي. ملك فرحت بالكلمة دي أوي. _بس محدش يعرف يا فارس. _بكره يعرفوا، المهم عندي دلوقتي إنك بين إيديا ومعايا يا ملوكتي. = طب انت ليه خطبت شاهيناز يا فارس. _يا حبيبتي اصبري وهتعرفي كل حاجة.

= حاضر، سيبني بقى أذاكر شوية. _ماشي يا حبيبتي، ربنا معاكي، فيه أي حاجة واقفة قدامك. ملك بضحك: انت واقف قدامي، فلو سمحت اتكل على الله وسيبني أذاكر. _استظراف أكتر من كده أنا مش ناقص. = طيب غور بقى. _ماشي يا ملك، هغور دلوقتي وراجعلك بالليل. محادثة تليفون بين مجهولين هنعرفهم بعدين. _هكون عندك بكرة قدام ***. = تمام، هقفل دلوقتي أظبط كل حاجة. _تمام.